Ka Hoku o ka Pakipika, Volume I, Number 7, 7 November 1861 — Hoku o ka Pakipika. [ARTICLE+ILLUSTRATION]

Hoku o ka Pakipika.

HE MELE No ka Hoku o ka Pakipika oiai ua hiki mai he malihini no kakou kupono hoi ke mele ai.

E nana mai o a o, i ka Hoku no kakou, He Hoku aha? E hai mai, He Hoku hoomaikai anei? He Hoku hinuhinu a lilelile no, No ua keiki kupa Hawaii, Ke pii ae la ua Hoku la, Heaha la kona ano? Nui anei kona maikai? Malu maamaa anei? Ua poha kona lama hao, Ma keia mau Mokupuni a pau, He kuhikuhi kaulana oe, No kela poe i hala aku nei, Ia lakou e hookele ana, I na peleleu nui kuahewahewa, Nohea maoli no ke kau mai, Iluna lilo o na ao, — Ua hookauhua ia oe ma Honolulu, I ke kaona nui o Kakuihewa, Ua hanau ia oe i o Kaaona, Ka malama like me Malalei, Kela laau ona a ka la, Nolaila no ka nohenohea, O Naholoholo apo Keleawe, Ua hanau ia oe i milimili, I hanau kama na ka Ahahui, I lei hoonani no ia poe, No na keiki papa o ka aina, Ia makou i ike ae ai, I ka Hoku manuahi mua, Pihoihoi kahi manao, I ka nui o ka olioli, Auhea oukou e na makamaka? Na kaikuaana na pokii, O kela puu panoa wela i ka la, A kakou i ike like ai, Ia kula wela nopu i ka la, He piina ikiiki Puuopelu, O ka wai aku hoi ia o ka Wao-e, E luana ai o ka makemake, Na wahi bola ai kuene iki, Me kahi ia kailiili nuku, I kuea ia i ka paakai, Ua lohe ae nei hoi au, Aole oukou i lawe ia ia.nei, I ka Hoku nui kau aheahe, Ke kahea mai la Huiei ia oukou Keiki o Fatuhiva, Wewe mai la Huiei ia oukou Ua tihe mai te maama, O Fetuao, Futuawatea,” O ka Hoku nui hoi keia, I maalo ae i Beterehema, Pihoihoi na Magoi, Kela poe kilokilo kaulana, Na lakou i hoolaha ae, Ka hanau o ka Meeia, I alii no ka lehulehu, Okalakala kunahihi, Ka io o Herode, Ka mea ia ia ka lei alii, Ninau malu aku la i na Magoi, Mahea la ia e hanau ai? Ma kela Beterehema, Pela ka mea i wanana ia,— Ua ike makou ma ka Hikina, He Hoku nui kupaianaha, Nolaila makou e hele nei, E ike kino i ka malihini, Me kahi makana iki i loaa ia makou, I mea e hoike ai, Ke aloha i ka malihini,-— E na enemi o nei pepa! O oukou anei ka hoa like? Me kela Herode hoi, Ana e manao ana, E kinai i ka milimili, Hanau kama a ke Akua, 1 hoike ia ma ka Hoku,— E na keiki kupa o ka aina, Mai Hawaii a Niihau, E aloha oukou i ka malihini, Ka hiapo hoi ia a ka Ahahui, O ka Hoku Pakipika, E haawi ae i kahi makana, Me ke aloha kuonoono, He mau ia wahi aloha, No ka Hoku Pakikik.— Na Kupahawaii.