Ka Hoku o ka Pakipika, Volume I, Number 52, 18 September 1862 — Kanikau aloha no Luka Maioholani. [ARTICLE]

Kanikau aloha no Luka Maioholani.

- Kuu wahine mai ke kula loa e Kalae, Mai ka ihu e ka lio la e Puukapele, Kuu wahine mai ka wai awili kai la e Moomomi, Mai ka lipoa aala la e Manawaanu, Kuu wahine mai ke one loa la e Kaawaloa, Mai ka piina ikiiki la e Moohelaia, Kuu wahine mai ka ai pa Kaiaulu la e Keonelele, Mai ka ihona la o Lupepohaku, Aloha ia wahi a maua e pili ai me kuu wahine, Na KIAIMAKANI. Kuu wahine mai ka uka anu la e Waiahualele, Mai ke kai hawanawana la e Kapalaoa, Kuu wahine mai ka malu o ka ohai o ke ala Pupuakiha, Mai ke one lele la e Keonehanau, Kuu wahine mai ke awa ku moku la e Kauakini, Mai ke kaha loa la e Papohaku, Kuu wahine mai ka wai la e Punakohelea, Mai ka piina ikiiki la e Puukaae, Kuu wahine mai ke kaha loa la e Kaunala, Mai ka la welawela la e Kamakaipo, Kuu wahine mai ka lae o Kalaau, Mai ka makani anu la e Halepohaku, Kuu wahine mai ke one loa la e Ahuakalai, Na KAHANANUI. Mai ka makani la he kumu maomao e Haleolono, Kuu wahine mai ka ihu e ka waa e Waieli, I hikauhi i kaumanamana ke aloha, Kuu wahine mai ka malu la e ke kou e Waiakane, Mai ka ipumakani la a Laamaomao, Kuu wahine mai ke kai ne leo lea la e Punakou, Mai ka ia ka i ka wawae la e Hilia, Kuu wahine mai ka moae ku la e Iloli, Mai ka wai la e Palailiahi, Kuu wahine mai ka lai a ka manu, Elua lai, he lai okoa ke kaao, He lai okoa ke Kiowea, Kuu wahine mai ka ia nuu pu me ka lepo, Mai ka ia moe malie la i ka alu wawae, Kuu wahine mai ka ia ai lau la o Keii, Mai ka ia hoala po la e Palaau, Kuu wahine mai ka ia nunu weuweu la e ka aina, Mai ka makani koo laau la e Molokai, Kuu wahine mai ka pali hauliuli la e Koolau, Na MAKILO. Mai ka io kahea mai ia i ka pali, ! Kuu wahine mai ka malu la e ke kuawa e Kaiolohia, Mai ka luna aloha la e Kaana, Kuu wahine mai na lehua la e Kukalia, Mai ka piina ikiiki la e Mokulau, Kuu wahine aloha mai ka luna la e Maunaloa, Mai ka malu o ke kukui la e Kakaako, Haa mai mapu ke Akua i ke aloha, Kuu wahine mai na ale hulilua la e ka moana, Mai ke kai loa la e Kaieiewaho, Kuu wahine mai ka lae oni la e Leahi, Mai ka ihu o ka moku la e Mamala, Kuu wahine mai ka pele kuilua la e Honolulu, Mai ke kula loa la e Kahua, Kuu wahine ma ka malu o ka niu o Waikiki, Na KAHAULOA. Kuu kaikaina mai ka malu o ka niu o Waialae, Mai ke one loa la e Kealia, Mai ka wai luupoo la e Kanalua, Kuu kaikaina mai ka pohu hau la e Kaliu, Aloha ino no kuu pokii, Kuu hoa mai ka piina ikiiki, Mai ke kula pili la e Hawaii loa, Kuu hoa mai ka malu hale lauki ouka, Kuu hoa mai ka malu kukui o Palahalaha, Aloha ia uka a kaua i noho ai, Kuu kaikaina mai ka ohu o na pali, Kuu kaikaina mai ka leo o ka manu o uka, Mai ka leo o ke kahuli hone i ke ahiahi, Ahi kuu haupo aole ke hoa,

Pupuu mehana ole i ko aloha, Hookahi no kapa e mehana nei, O ke aloha pau ole i na makahiki elua, Na KAHOLOLIO. Aloha kuu wahine, kuu hoa pili o kaua, O ke anu o ke koekoe, Aole au i manao e wehe mai ana oe i ka pili, 1 ka la eiwa o Iulai, ua hele aku o oe, Me ka pomaikai a me ka lanakila, He u he aloha nou no e Luka Maioholani Na'u na KIAIMAKANI.