Kuokoa Home Rula, Volume VII, Number 2, 8 January 1909 — He Moolelo o ALAMIRA Ka Ui Hapa Paniolo o Sepania. [ARTICLE]

He Moolelo o ALAMIRA Ka Ui Hapa Paniolo o Sepania.

MOKUNA XVI Ka IMIIO Nl'l MA TjADANA—Kuu HOAPIM, AOHE AB .NEI - TiIUI.IV NA MOMKAŪA AI'PONI—KE KAUA MOA.VA KAMAHAō HOOMA.UIA. Ua hooholo no lakou e hookuu aku no lakou 1 ke aupuni ehanaana ikanahaaā makona ano he kiai lahui, a e lawe nohoi lakou ma ko lakou aoao i na hana e loaa ai i ko lakou mau lioaloha i kaili malu ia mai waena aku 0 lakou. Elike me keia mau manao i hooholo ia e ua mau hoaloha nei o Walaka rha, pela no lakou i hooko aku ai me ka' hakalia ole. Ua loaa iho la ko Kauna Elemia moku, a pela nohoi ko Kaleroe, ame kekahi poe keiki Pelekane e ae. O na hoaloha pili ponoi loa hoi ia Alamira, elike me Lede Venetura, ke kanaka hapa Inia, ame na lima hana okoa ae i komo iloko o ka poai o na kauwa o ko Lede Alamira poe paahana, he moku okoa no ko lakou. A o keia poe moku apau ua hoolako wale ia no me na kanaka.i makaukau i ka lawelawe ana i na mea kaua, a ua lako nohoi i na pu nunui ame na pu liilii ona paikini hou loa iloko oia mau la. Ua loaa mai nohoi mai ke Kuhina Moana mai o Pelekane i ua poe moku nei na palapala laikini ae e lilo ia mau moku i mau "auwaa" kaua kuikawa, no ka holo ana ma na wahi apau a lakou i makemake ai ma ke alahele huli 1 ke Kauna Walaka ame kana wahine. Ua kuku'i aku la ka lohe no keia nalowale ana o Walaka ame Alamira a hoea i ke aupuni o Sepania, no ka nalowale ana o kekahi ona "lede" makaainana hanohano a kaulana loa o Sepania. Aole hof o keia wale no, aka, o na hoaloha Farani o Lede Alamira o lakou kekahi i hoouna mai elua mau moku kaua kuikawa malalo ponoi oko lakou mau lilo iho a ma ke apono ana hoi ake Kuhma Kaua Mpana o Farani i u"a mau nwku la. Ke ike nei kaua e ka makamāka heluhelu, i ke ala like mai o nā hoaloha o Alamira a pela nohoi me na hoaloha o kana kane, a haawi mailai na kokua ana ma ka imi ana i ko laua wahi e loaa ai. Aia paha !aua maluna oka moana hohonu e loaa ai; a i ole, ma ka aina paa no paha, ma kahi hoi au eka makamaka heluhelu e olelo iho ai, o ka naele ia o Alakai." E hookuu kaua e ka makamaka heluhelu, ike kamailio ana no na huakai a na mokukaua aupuni 6 Enelani, e hele huli ala ma ka moana no kahi e loaa ai ka moku a mau moku paha e lawe malu ana i ke Kauna Pelekane Walaka o Sutawoleda ame wahine, a e hookuu pu ana hoi kaua eka makamaka i ka nana ana i na "auwaa" kuikawa e au hele ana ike kai ma keia misiona hookahi no, a e huli ae ka kaua nana ana ma ke ano,pakahi a huiia paha elike me ka mea e hiki ana i ka mea kakau ke hoonohonoho pono a lilo i mea moākaka maikai ma ka heluhelu ana. Ua ike oe e kuu makamaka heluhelu, i ka lilo ana o Alamira ma ka lima o Koromaka, ma ka po mahope iho o kona mare ia ana me ke'kupainaha ame ke kamahao loa ma ke kahua hakoko. Ake hoomanao poina ole nei no hoi oe,e kuu hoa uhai aholo o keia moolelo i ka lilo ana o Kauna Walaka ma ka lima o kekahi pohai okoa ae i ko ka pohaj nana i Tawe aloha ole aku ia Alamira. Ma ka wa i paa ai o Alamira ma na lima o Koromaka, a iaia hoi e lawe ana i ua Ui hapa Sepania nei no kahi ana i makemake ai e hoopaa iho ia Alamira apau pono kana hana i makemake ai e lawelawe ma ia po, oia ka manawa 0 ka leo o ua Alamira nei i kahea mai ai i kana kane: "Ekuualohae! Eia au ke haalele nei ia ce. Aohe no a'u makana e ae e haawi aku ai ia oe, aka, o kela wa}ii honi mua no a hope loa nohoi a kaua i ike iho nei ia kaua iho i keia po. Aole hoi oia wale no na mapuna olelo Vralohia a kaua 1 loHe ai ia Alamira e kahea mai ana i kana aioha, aka, ua lohe pu kaua iaia i hea ae ai i ka mahina hiki kakahiaka oia wanaao. "E ka mahina aloha o keia wanaao, a i ike aku oe 1 kuu ipo, ka hoomalielie o kuu puuwai, e hoopa iho kou mau kukuna i kona mau papalina, a e hai iho oe iaia: Eia kana Alamira iloko o na lima o ke kanaka puuwai eleele —ka powa hoi ona pae mauna o Irelani." A a J e kuu makamaka heluhelu, aohe a kaua Alamira ipa na kaialu o Enelani nei, aia ka kaua Alamin» ke laweia la e kekahi ona moku o Koromaka, oia hoi ka moku nona ka inoa o lago. A o Walaka hoi, ka ipo aloha a Alamira, aia oia ke laweia la eka moku Bocacio, e hookeleia ana e ke aliiwahine oke kai, oia hoi o Siela. He mau alahele okoa ko keia mau moku e nee nei ma ke kowa kai o Dova. Ke holo nei ko Koromaka moku ma ke kukulu hema, a 6 ko Siela moku hoi ke hoopii la oia i ka akau. Oka mea maopopo loa, eia o Koromaka Mahone i kapaia i kahi wa, o Koromaka Morana, e hoi ana oia me kana mau pio elua oia o Alamira ame ka Nubia Pablo, no pali hookui o Irelani, ka home noho kuahiwi hoi o ua keiki alii powa nei o ka aahu kila omaomao,

A ma ia ano hookahi nohoi, aia o Siela ke hiu la ia Walaka, ka oiwi i hiamoe ole ai kona po no kona horfie ma kekahi mokupuni ma-ke komohana ae o Norewai ame Suedena. Ma keia wahi, e kuu makamaka heluhelu, e huli ae kaua a nana ia Alāmira maluna o ka moku lago, a pela hoi me ka nunui Nubia, a e hoomoe malie kaua i ke kamailio ana no Walaka, elawe ia la a IUo e ke kaikamahine Siela no ka aina hau oki o ka Akau. Ma ka wa i lawe ia aku ai o Alamira a kau maluna o ka moku lago e Koromaka Mahone, ua hoihoi ia aku la oia ilalo ma ke keena "kabina M o luna oka moku. He keena keia i hoonaniia me na mea nani like ole 0 kela ame keia ano. E anapa ana na pohaku daimana ke gula, ka momi ame na pohaku makamae e ae maluna o na pahu pale ame na wahi apau oloko oua "kabina" nei, a he ui mai hoi tau! O na nani apau a ka manao e uilani aeai, ua hoakoakoaia ae ia a muu mokaki iloko o keia keena, a ua manao loa nohoi ua keikialii powa nei, o na mea keia e hoohihia ia ai ko Alamira noonoo a haawi ae oia i na maliu hooluolu ana iaia. Aka, mai ke sekona mua loa i kaili ia mai ai oia mai ka pili ana ma ka aoao o Walaka, ka mea ana i alnha a i me kona puuwai apau, ame kona uhane hoi apau; i hiolo makawalu ai na waimaka ma kona mau papalina me ka hoomaha ole. A iuia e noho nei iwaena o keia mau nani apau o ke keena "kabina" o ka moku "Iago" o Koromaka, heaha la ia mau mea i kona noonoo, oiai, o ka nani a ke daimana ame ke gula, aole loa ■ ia mau mea i helu ia e ke aloha kakia iwi iloko ona no Walaka. Oiai o Alamira e noho ana ma keia wahi o ka moku 1 hoikeia ae la, aia hoi o Pablo, ka Nubia,. maloko o kekahi keena pouli kahi i hoOpaaia ai, ka nunui hoi nona na aoao apau i pale ia me na pale hāo manoanoa. Elike me ka hoopaa ia ana o kekahi tiga omokoko maloko o kekahi pa hao paa loa, pela iho la ka Nubia Pablo. Aka, oial ua Nubia nei e noho ana ma keia keena powli, ua pane ae la ia: "Muratina ! E ke alii powa ino o Irelani! Eka lima eleele i kaili a i aihue mai nei i kuu kaku wahine, ia oe i hoopaa ai ia'u ma keia wahi; ua manao oe o ka paa ia; aka, o ka hemo nae ia." Aole i pau