Ke Kiai, Volume I, Number 5, 18 September 1902 — NA MOHO REPUBALIKA O MAUI. [ARTICLE]

NA MOHO REPUBALIKA O MAUI.

Senatoa: Dickey; na Lunamakaainana, Joel Nakaleka o Molokai, S. Keliinoi o Wailuku, Pilipo Pali o Lahaina, S. E. Kalama o Ilamakuapoko, L. von Tempsky o Makawao ame W. P. Haia a Hana. Ua hala aku la ke keiki Alii Kuhio no ka houikaika Balota ma Hilo, a hiki aku i Mahukona, Kohala, Hamakua a ma na Kona ame Kau, maluna o ke Claudine i ke kakahiaka Poakolu nei. Ua malamaia he halawai nui e ka aoao Republika ma ka Hale Keaka Opiuma ma ka po Poakahi nei. Nui ke ohohia ia e ka poe i hiki ae. Ua haiolelo ae ke keiki Alii Kuhio, a na Toomas Fitch ka haiolelo nui o ia ahiahi. Ma ke ahiahi Poalua nei ua hele aku na lala o ka Ahahui Imi Pono Karistiano Kane, ame na lala o ka Ahahui wahine i ka auau ma Waikiki, malalo o ka malamalama hopipi o ka mahina. Ea, e akahele mai hoi oukou. Aohe no hoi e pono ka oukou auau la i ke ao i ka wa ike ia aku e ke kanaka. "kau po o Kaneahua a hui kalo i ka na wao." Ma ka hoike helu o ka poe i make iloko o ka mahina o Augate i hala iloko o ke kulanakauhale nei, he 71. He 30 o keia huina he poe Hawaii. O keia heluna make iwaena ou e Hawaii, he heluna make ia i oi aku i ko na lahui e ae, a he heluna make ia e hiki ai e kohoia aku kou manawa e o ai keia moa Hawaii maluna ou. E manaolia o na bebe ka hapanui o keia poe make. Ma ka helu kanaka o ka makahiki i hala, he 39,306 wale no. O ka nui o na paa male i bertaia i ka mahina i hala, he 32, a o na hanau he 53.