Ke Kumu Hawaii, Volume I, Number 1, 12 November 1834 — MAKE. [ARTICLE]

MAKE.

Mei. 23. Meri Rogesa, [Mrs. Mary. Rogers] ka wahine a ke kumu paipalapala, hookahi makahiki mahope iho o kona mare ana. Ua hele mai ia i keia aina e kokua mamuli o ka olelo a ke Akua, ua ao i na haumana, ma Honolulu, ma Waimea, ma Kaawaloa, ame Lahaina. Ua hele aku kona uhane i na mea nana i haawi mai. Ua hoolea aku no ia i ke Akua me kona hanu make. I mai la ia:— " Ke maule nei ko'u kino a me ko'u naau! Aka, o ke Akua ka ikaika o ko'u naau, a me ko'u kuleana mau loa. E pule aku oukou i ke Akua. E hoolea aku hoi i kona inoa hoano." lulai 6. Kahuhipa [Mr. Stephen Shepard] ka paipalapala, 34 kona mau makahiki. Ua make ia me ka hilinai, a me ka hauoli ia lesu, a hiki ika hopena. Ua maopopo ka ikaika o kona manaoio iloko o ka nawaliwali a lanakila ia. Malaila i maopopo ai i ko Hawaii nei, kekahi pono o ka lesu olelo maikai. Manao kana wahinekanemake e hoi ma Amerika me ka laua mau keiki ekolu. lulai 14. loane Wahinehumemalo [Johx Tuhane] he kahuna kalai i aoia ma Amerika, a i bapatisoia malaila. Ua manao ia o ka make ana o lesu nona, oia kona mea e pomaikai ai. Ua hiolo ka hale lepo hou o Kapiu, i ka ua nui, a pa ma kahale pili kahiko o Kaomi, a hina ia maluna o na kanaka, e hiamoe ana, ua kane, na wahine, me na haole, ua eha kekahi poe, ua make koke kahi kanaka, o Kaawa, he mea paahao. Ua unuhiia kahi wahine, hanu hookahi no ia, a make. O Kalaniwahine kona inoa. Eia ka pono, e noho mau kakou me ka makaukau. Anedovera, (Mas.) Eben. Pota, [Rev. Ebenezer Porter D. D.] ke kahuna pule, a he kumu nana i ao i na haumana e lilo ana i kahuna pule, a i misionari. Me he makua aloha la ia no kekahi poe misionari ma Hawaii nei ? ua make ia, Aperila 8,1834, o kona mau makahiki he 62. He nawaliwali mamua, a loohia i ka fiva ehaaha, [Rheumatic fever] oia kona mea i make ai, He nui kona hooikaika ana me ka pue e lilo koke ko ke ao nei i ka Mesia. "E hoomanao i ke kanaka hoopooo, o ka hope o ua kanaka la, he ponomaikai ia."

@ Ua make or Mrs. S@ fetson ka wahine a Kapena Ioane Stetson, ke 'lii o ka Moku Enterprise, 29 kona mau makahiki Akahi no e lohe ke kane ma Honolulu nei. I mai la ke kane. O ka Haku ko'u kokua, oia ko'u ikaika, i ko'u kanikau ana i ka make o kuu hoaaloha hiwahiwa loa. ua manao wau o ka hahau mai ana ia o kuu Makua lokomaikai ma ka lani. Ina aole ia i manao he pono, aole ia i ae mai i kona make ana. O ko'u makemake e haawi ia'u iho a me ka'u mau keiki uuku, a me ka'u mea a pau, iloko o kona lima. Wiliama Wereta, ke kakaolelo nui [Hon. W. Wirt] ao Amerika Huipuia. Ua make ia. Ua kaulana kona akamai, a ua mahaloia kona pololei.