Ke Kumu Hawaii, Volume I, Number 5, 7 January 1835 — Page 35

1835. KUMU HAWAII. 35.

HELU 9.
KA EPISETOLE A PAULO I KO ROMA.
MOKUNA 2: 11-24.
Ianuari, 5-19.

                11 (No ka mea, aole ke Akua i manao mai ma ko ka helehelena.
                12 No ka mea, o na mea kanawai ole a pau i hana hewa, e make kanawai ole lakou;a o na mea a pau i hana hewa malalo o ke kanawai, e hoahewaia lakou ma ke kanawai.
                13 No ka mea aole ka poe lohe wale no i ke kanawai ka pono imua o ke Akua; aka, o ka poe e malama i ke kanawai e hooponoia'na.
                14 No ia hoi, o ka poe kanaka e, ka poe kanawai ole, ina ma ko lakou manao maoli i hana'i lakou i na mea maloko o ke kanawai, o keia poe kanawai ole, he kanawai lakou no lakou iho;
                15 Ke hoike nei hoi lakou, ua kakauia ka pono a ke kanawai, ma ko lakou mau naau, a ua hooiaio ko lakou manao, e hoahewa lakou iho iho no)
                16 I ka la a ke Akua e hoopai ai i na mea huna a na kanaka, ma o Iesu Kristo la, e like me ka'u euanelio.
                17 lna ua kapaia'ku oe he ludaio, a ua hilinai iho oe ma ke kanawai, ua hoano i ke Akua.
                18 A ua ike oe i kona makemake, ua hoao hoi i na mea ano e, ua aoia oe ma ke kanawai;
                19 Ua manao iho oe, he alakai oe no na makapo, he malamalama hoi no ka poe iloko o ka pouli;
                20 He mea nana e ao i ka poe naaupo, he kumu hoi na na kamalii, ua loaa hoi ia oe ke ano o ka ike, a me ka oiaio iloko o ke kanawai.
                21 O oe ke ao aku ia hai, aole anei oe e no iho ia oe iho? O oe ke papa aku, Mai aihue, e aihue no anei oe?
                22 O oe ke olelo aku, Mai moe kolohe, e moe kolohe no anei oe? O oe ke hoopailua i na kii, e aihue no anei oe?
                23 O oe ke hoano aku i ke kanawai, e hoino anei oe i ke Akua ma ka haihai ana i ke kanawai?
                24 No ka mea, ua olelo ino ia'e ka inoa o ke Akua iwaena o na kanaka e, ma o oukou la, e like me ka mea i palapalaia.

KA HOOAKAKA ANA.

                11 Aole ewaewa ka ke Akua hooponopono ana a me kona hoopai ana, aole ke Akua i manao i ke kino o kanaka, a me ko lakou ili, a me ko lakou iwi, a me ko lakou aina, aka ma ka naau a ma ka hana ana.
                12 O ke kanawai ma keia pauku, o ka Palapala Hemolele ia. Mat. v. 18, Ioane vii. 47 Gal. iii. 10.
                No ka mea, o na kanaka i haiia ma ka hewa me ka ike ole i ka palapala hemolele, e hoahewaia lakou, a make i ko lakou hewa, aole ma ke kanawai i kakauia ma ka pepa ka hoahewaia. A o ka poe ike i ke kanawai, ka olelo a ke Akua i kakauia, a hana hewa me ka ike, e hoahewaia lakou ma ke kanawai a lakou i hehi ai.
                13 O ka poe i loaa ka olelo a ke Akua me ka malama ole i ke kauoha, aole lakou i pono imua o ke Akua, no ka pae ana o ka leo o ke kanawai ma ko lakou mau pepeiao, aka o ka poe i hana me ka oiaio ma ka mea a ke Akua i kauoha mai ai, o lakou ka poe e hoaponoia mai ana e ka Haku.
                14 O ua lahuikanaka i waiho wale ia ma ko lakou aoao maoli, aole i hoonaauaoia e ka palapala hemolele, a ina ma ko lakou manao iho i hana'i i na mea pono a ke kanawai i kauoha mai ai, he kanawai io ko lakou kanaka ana, he naau noonoo i ka pono a me ka hewa, oia ka lakou palapala.
                15 O na kanaka a pau a ke Akua i hana i he naau ko lakou e noonoo ana i ka hewa a me ka pono, a ina makemake lakou e ike i ka pono, alaila maopopo no ia ia lakou, no ka mea, ua kakau ke Akua i ke kanawai o ka pono maloko o ka naau o na kanaka a pau. Pela i hooiaio mai ai ko lakou manao. O ka naau, ina i kuko hewa, ua hooheua hoapono ia ia iho, a ua hoahewa kekahi naau i kekahi naau a ua hoapono no kekahi i kekahi.
                16 I ka la nui a ke Akua e hoakoakoa ai i na lahuikanaka a pau, a e hoopai ai i na hewa a pau i hana malu ia e kanaka, me ka hunaia, a me na kuko hewa a me na manao hewa a pau o kanaka, e like me ka euanelio, ka olelo maikai a Paulo i ao aku ai. Ia la nui o Iehova, e uku mai ai ke Akua i na kanaka mamuli o ka lakou hana ana; ia la no, e make ai ka poe hewa.
                Ina hoopiliia ka pauku 16, me ka pauku 12 paha, a i ole ia, me ka pauku 10, alaila maopopo ke ano.
                17 Manao ka poe Hebera, he inoa nani ko lakou, a makemake lakou e kapaia he Iudaio, he inoa e mahaloia. Ua manao na Iudaio, ma ka olelo a ke Akua hooioi, no ka lilo ana o Iehova i Akua no lakou.
                18 Ma kana olelo i ike ai lakou i ko ke Akua makemake, e hiki no i ka Iudaio ke hoomaopopo, a hookaawale iwaena o na mea ano e, ka pono me ka hewa, e hiki ia ia i kona manao ke hoao, me ka hoapono i ka mea pono loa.
                19 He manao hookano ko kekahi poe Iudaio, manao kekahi, oia ke alakai pono no ko na aina e, ka poe naaupo, a he malamalama hoi no ka poe i ike ole i ka olelo a ke Akua.
                20. He kumu nana e ao aku i ka poe naaupo a me na kamalii; ua loaa hoi i ka Iudaio ka mea e naauao maoli ai, a e akamai io ai, ma ke kanawai, a me ka ike io.
                21 Ina e hiki ia oe e ka Iudaio; ke ao aku ia hai, aole anei e hiki ke ao iho ia oe iho? no ke aha hoi e naaupo ai oe? lna manao oe he kumu na na kanaka e, he pono e hoonaauao io oe. Ina papa oe i ka aihue ana, ua ike oe he hewa ka aihue, no ke aha la e aihue oe?
                22 O kekahi poe kumu Iudaio, i hoike i ke kanawai, Mai moe kolohe, ua moe kolohe no lakou. A o kekahi poe i hoowahawaha i na akua kii, ua auwa ka ke Akua i ke Akua. Ua olelo Malaki ke kaula i na Iudaio, 'Ua aihue oukou i ka'u, ua kaili wale oukou i na mohai, a me ka umi o ka waiwai.' -- O ko lakou haawi ole ana ia Iehova i kana, ua like ia me ka aihue, ka hao hewa, ke kaili wale i na mea i laa.
                23 Ua mahalo ka Iudaio i ke kanawai, aka ua hehi no, ua pale aku, a malaila no i hoino a i hoowahawaha ka Lunakanawai nui nana ia i haawi mai. O na mea malama ole i ka olelo a ke Akua, oia ke malama ole i ke Akua.
                24 Na na Iudaio kekahi i hoino i ka inoa o ke Akua mawaena o ko na aina e, a ua haawi hoi lakou i kumu e kuamuamu ai i ke Akua. Ma ka palapala a Ezekiela ua olelo mai ke Akua peneia, "E hoano iho au i ko'u inoa nui, i ka mea i hoinoia'i iwaena o na kanaka e, i ka mea a oukou i hoino ai iwaena o lakou.'' O ka mea ia i palapalaia. Ez. xxxvi. 23.

HE MAU NINAU.

                11 Mahea la i nana mai ai ke Akua i ewaewa ole ai kona hoopai ana?
                12 O ke aha ke kanawai ole ana?
                A ina hana hewa ka poe kanawai ole, heaha ko lakou hope?
                O ke alia ka noho ana malalo o ke kanawai?
                A i hana hewa na kanaka me ka iko i ka olelo a ke Akua, heaha ko lakou hope?
                Mahea lakou e hoahewaia'i?
                13 O na mea lohe pepeiao i ke kanawai, ua pono anei lakou ilaila?
                Owai la ka poe e hoaponoia o ke Akua?
                14 Pehea la ka poo Helene a me na lahuikanaka ike ole i ka olelo a ke Akua? heaha ko lakou kanawai?
                15 Mahea la i kakauia'i ko lakou kanawai?
                Ina makemake na kanaka e hana pono