Ke Kumu Hawaii, Volume I, Number 12, 15 April 1835 — Page 91

1835.) KUMU HAWAII. 91

1235 kula; a o ka poe haumana he 55.000 o lakou a keu, he poe makua kahi, a he poe kamalii kahi.
19 Aole ikaika ka poe Kristiano ma na aina e ae e hoouna aku i ka poe kumu e ao aku i kanaka naaupo?
Ua ikaika no kekahi poe uuku ma kekahi mau aina ma Europa, a imi nui lakou i ka mea e pono ai ma keia hana.
20 Ina i pau pa i ka heluia ka poe misionari a pau i noho ma na aina naaupo, ehia lakou?
Ua manaoia 600, a o ka poe hai aku i ka olelo maikai ka nui.
21 Aole wahine a ka poe misionari?
He wahine no ka ka poe misionari, a he poe wahinekaneole kahi, a ua maluhia hoi na wahine o na aina naaupo ia lakou.
22 Heaha ka lakou oihana nui?
O ke ao ana i na wahine o na aina naaupo a me na kamalii hoi, a me ka hoike aku i ke ano o ka noho ana ma na aina naauao.
23 Ehia la kumu maoli?
Ma na wahi a pau i noho ai ka poe misionari, ua manaoia elima haneri o lakou, ke helu pu ia; na lakou e ao aku i ka poe naaupo.
24 Ehia kanaka e hele ana i ke kula i keia manawa e noho nei?
Hookahi haneri me kanalimakumamalima tausani a keu ma na wahi a pau i holo aku ai ka poe misionaii.

NO KA PULE MALAMA HOU. Helu 1.

                Auhea oukou, e na hoahanau o Hawaii nei. E hoolohe mai, a e hoakaka aku au ia oukou i kekahi mea i haina mai ia ia makou, ma ko makou aina, ma Amerika huipuia. He mea ia e akaka ai ka mana o ka pule pono.
                I ka wa mamua, aole i mahuahua nui kanaka o Amerika huipuia e like me neia manawa. Ma ka aoao hikina, ua kinikini lakou ma ke kau wahi. Ma ke komohana, he hapa kanaka; he nui ka aina kaawale; he ululaau ka nui malaila. Aia no ma ka aoao komohana a Nu Ioka, kekahi aina; e moe ana ia ma kapa o kahi moanawai nui. He aina maikai ia; a nolaila nui ka poe malihini i makemake malaila; no kahi e mai o Amerika kekahi poe; no Irelani mai kahi; no Beritania ma kahi; a noho akoakoa kau lakou ma ia wahi hookahi. Kua aku la lakou i ka ululaau; kukulu lakou i hale e noho ai, a hookaawale i aina e mahiai ai. Ma ke kino wale no ka lakou manao i hele ai ilaila; a noho wale no lakou, aole me ka pono, aole me ka hoomana aku i ke Akua. Aohe kanaka haipule o lakou a pau loa. He mau wahine no nae elua i lio no ke Akua, ma ko lakou aina i hele mai ai; a noho no laua me ka pule. O laua wale no na mea olaila i malama i ke Akua.
                Kaumaha loa ka naau o ua mau wahine la. Eha wale laua i ka noho pule ole a me ka uhauha a kanaka. O ka waiwai a me ka lealea ko lakou makemake. Ina halawai pu lakou, he halawai kamailio lapuwale, paani, hoomakeaka, ka lakou; ma ka hakaka paha kekahi poe, a me na hewa e. Pela na kanaka makua; a ua hoomahui no na kamalii a pau i ko lakou mau makua. Maloko o ka naaupo wale no lakou. Aole luakini no Iehova malaila; aohe halawai pule. Ua waiho wale ia ka olelo a ke Akua, a ua haumia hoi kona la hemolele ia lakou. Oia na mea i eha ai ua mau wahine haipule nei. O ka laua mau kane kekahi; noho no me ka paakiki o ka naau, a me ka pule ole, a me ka makau ole ia Iehova; like loa no me na kanaka a pau ma ia wahi.
                Kuka pinepine ua mau wahine haipule nei i na mea e auhee ai ka pouli o ia wahi. Noi pu aku la laua i ke Akua e kokua mai; no ka mea, he mau mea nawaliwali laua, mawaena konu o ua poe hewa nui la. Penei laua i ohumu ai; "E pule nui kaua no ka kaua mau kane, i huli koke mai." Aole laua i manao e pule, a oki wawe, aka, e pule hoomau, a loaa ko laua makemake, no ke Akua mai; a pela laua i hana io ai. Halawai pinepine iho la laua, a heluhelu pu aku la i ka ke Akua olelo. Malaila i hoihoi ai ko laua naau i ke noi aku ia ia; a ma kahi mehameha no hi i uwe ai laua imua o ke Akua.
                A hala kekahi manawa, hiki mai la ka Uhane o ke Akua i na kane a laua. Holo aku la kekahi wahine e hai aku i kona hoapule; loaa ia ia ma ke alanui; i aku la ia, "Ea, ua hiki mai ke Akua i kuu kane; ua piha ae la ia i ka makau; ua pau kona manao ma ke kino." Pane mai la kela - "O ka'u kane hoi kekahi. Aia, ke weliweli la i ka nui o kona hewa. Oia ka'u i holo mai nei, i hauoli pu kaua." Kukuli iho la laua, a hoomaikai aku la i ke Akua.
                Aole i liuliu a lilo na kane elua i mau mea haipule, a kuikahi iho la ko laua naau, me ko na wahine, i ka pule a me ke kaumaha i ka hewa o kanaka. Aole nae i pau malaila ka nininiia mai o ka Uhane. Kokoke haule nui mai ka Uhane ma ia wahi, me he ua kaapuni la, mai ka lani mai. Akahi no a manao ua poe kanaka la i ke ola ame ka make o ka uhane. Nui ka poe i huli mai no ka Haku. Hookumuia iho la ka ekalesia malaila. Ua kukuluia hoi ka hale pule; a ma ia hope mai, ua lanakila ka pono ma ia aina, a hiki loa i keia manawa e noho la lakou.
                E na hoahanau, mai manao kakou, he mea ano e ka huli ana mai o ua mau kane la elua, a me na kanaka e, ma ia wahi. Aole he mea ano e. Oia ka ke Akua i olelo mai ai ia kakou, ma ka Mataio vii. 7. "E noi a e haawiia mai na oukou." He oiaio ka ke Akua olelo. Ua makaukau oia i ka haawi mai, ke pono ka kakou noi ana'ku ia ia.
                No ka pule a kela mau keiki elua a ke Akua, ka huli nui ana o na kanaka malaila. Ua lilo laua i ka pule. Ua kuikahi paha ko laua makemake; ua like paha ko laua manao i na mea i noi ai; a ua ko mai ia laua ka olelo ma ka Mataio xviii. 9. "Ina elua o oukou e manao like pu ana, i ka honua