Ke Kumu Hawaii, Volume I, Number 14, 13 May 1835 — Page 110

l835.) KUMU HAWAII. l09

pule. Hooikaika aku la na mea haipule eono halawai pinepine noa pau ka halawai, koho aku lakou pakahi i kekahi o ua mau mea hewa la e kamailio aku ai ia ia, a e pule ai hoi nona i ke Akua. Pela i hana mau ai lakou. A hala kekahi mau kapu, elima o kela mau mea hewa ka i lilo i kanaka haipule.
                Ma ka aina o Kolumebia, ma Amerika, he halawai pule ua kahi mau hoahanau o ka ekalesia. Koho aku la lakou i kekahi poe mihi ole, he iwakalua, e pule pu no lakou. Aole i liuliu a pau ua poe mihi ole la i ka huli mai, a komo no i ka ekalesia, hookahi, elua pahu i komo ole. Pela no kekahi hana ana ma na wahi e kokoke ana malaila.
                E na hoahanau o Hawaii nei, ua paiia keia olelo, ma Amerika, i ka makahiki l832. Ua hoike nui mai la ke Akua i kona mana malaila ia mau makahiki, a pela i kekahi makahiki mahope mai. No ka pule a kanaka haipule, kona hoike nui ana i kona mana malaila. Ina makemake oukou i kona mana e hoakakaia mai pela maanei, pono oukou e hoohalike me ka lakou hana ana. Ina makemake oukou i ka ninini ana mai o ka Uhane, ma keia pae moku, pono oukou e hoohalike me ka manao o ko Sekotia, i ka pule ikaika,i ka pule hooki ole, i ka makemake oiaio. Ina ikaika ka kakou pule, i hiki ole ke oki aku, a ao ka po, ina ua ikea mai auanei ia mana iwaena o kakou: ua haalulu hoi ka poe hewa; ua lanakila ka pono.
                Ina he hoahanau hewa kou, ua kaumaha kou naau ia ia. no kona lilo loa ma ka lealea a me ka hewa a pau. Mai noho wale iho oe, me ka nahu, aole e olu na hoahanau la. E kono aku ia ia e hele i ka hale o ke Akua. Aole paha e ae mai ia. Aole paha e hiki ke alakai i kona kino imua o ke Akua; aka, e hiki ia oe ke kaikai i kona uhane imua o ke Akua. E hoohalike oe me ia poe opiopio haipule, ma Alebani. A i oiaio kou makemake i ola nona, ololo mai ke Akua e haawi mai no ia. "E noi, a e haawiia no oukou.'' Mat. vii. 7.
                He makua paha oe; - a ua ihuhio kolohe kau poe keiki. Ua eha loa kou naau ia lakou. A i pela, mai noho a nalu iho i kou poino ana, me ka i ana iho, penei—"Na'u ka nau, i ka pono ole o ka'u mau keiki." E hele e uwe aku i ke Akua, E hoohalike me na makua ma Piladelepia. E hoolilo i ka po no ka pule, a me ke ao kekahi. E pule manaka ole. Ua lokomaikai ke Akua i ka haawi mai. Mai i mai oe, "He keiki hoopunini loa ka'u, aole paa iki ia'u.'' A i pono kau pule, e hiki no i ke Akua ke kii aku ia ia, ma kona wahi i hele ai. He iwakalua mile i hele ai ka laua la kaikamahine; - he keiki hoopunini no. Aka, ua kii aku ke Akua ia ia. Ua kau ka makau ia ia, no ke Akua mai, a lilo koke no i mea naau hou. He nui loa no na makua ma Amerika i hauoli, i keia mau makahiki, i ka huli mai o ka lakou mau keiki ma ke ola - a nui no hoi na kamalii i lilo i poe haipule a komo hoi i ka ekalesia. Heaha ka mea i loaa ole ai kekahi keiki haipule ia kakou, ma keia pae moku a pau. No ke ao ole paha kahi hewa; aole nolaila wale no. No ka pule ole kahi hewa - no ka pule nawaliwali, no ka oiaio ole o ka makemake; no ke noi kanalua ana i ke Akua. E ili mai ko lakou make a me ko na kanaka makua hoi ia kakou, e na hoahanau. E ala kakou. D.B.

HE UI MISIONARI.
E nana i ka aoao 90.
HAKINA 10.
No ua wahi i noho ai ka poe misionari.

l. Ehia la wahi i noho ai ka poe misionari? 289.

No Aferika Komohana.

2 Mahea kahi i noho nui ai ka poe misionari ma Aferika Komohana?
Aia ma Siera Leone.
3 Ehia la poe i loaa ia lakou ka palapala ma ia wahi?
He umi a me kumamalua tausani a keu aku. Ua hookuuia kekahi o lakou no na moku hoopio aku, a ua hoounaia lakou malaila e na alii o Beritania.
4. Aole anei he wahi e ae ma kahakai Komohana o Aferika?
                He wahi no: na "ka poe panalaau negero ma Amerika huipuia,'' e hoomakaukau i wahi e noho ai no ka poe negero i hookuuia, aia ma ka hema o Siera Leone.
5. Heaha la ka mea e pono ai ma ia mau wahi la.
                Ua lana ka manao o ka poe pono e hookiia auanei ke kuai hookauwa ana o ka poe negero, a e komo loa hoi ka olelo a ke Akua iloko lilo o Aferika.
6. Heaha ka maikai i loaa io ai i keia mau makahiki i hala iho nei ma keia hana?
                O ka poe e noho koke ana me ka poe misionari, ua aoia lakou i kela ike i keia ike, ua huli io no kekahi o lakou i ka pono, a ua pau hoi kekahi aoao hewa, o ka poe e noho ana, a manao iki aku.
7. Nohea mai ka poe misionari e noho ana ma Aferika Komohana, a ehia hoi lakou? No Beritania ka nui o lakou, a pau pu hoi lakou he kanakolu.
8. Heaha ko lakou mea e hoohihia nui ai?
                O ke kuai hooluhi ana; i kahi manawa, ua wawahiia ko lakou wahi i noho ai ma ia mea; a o ka mai nui o kela aina oia kekahi, nui ka poe o lakou i make.

No Aferika Hema.

9. Ehia wahi i noho ai ka poe misionari ma Aferika Hema?

                Kanalima; mamua loa kekahi o lakou.
10. No na aina hea kela poe misionari?
No Beritania kekahi poe, no Moravia kekahi.
11 Ua hoolohe anei ka poe kamaaina i ka lakou?
                Ua nui na tausani o ka poe Hotenetote, a me na lahui e ae he nui loa ka i hoolohe aku i ka olelo maikai, a nui na haneri hoi i huli io ma ka pono. I keia manawa noho pu lakou ma na kulanakauhale e like me ko na aina naauao, ua mahiai lakou, ua hooahu lakou ia lakou