Ke Kumu Hawaii, Volume IV, Number 23, 10 April 1839 — Page 90
90 KUMU HAWAII. (APERILA,
ka mea, o ka oukou paha keia e olelo mau ai, a e hana mau ai, i kela la a i keia la; e kapa'na i kekahi kanaka a i ka wahine paha, he akua, he Pua, he Kapo, a he Keawe, he Hiu, Kahaea a mea make no kanaka ma ka olelo ana, pela ko'u lohe. A no keia mau mea, ua kapaia'ku kekahi he kahu, a he mea hoomanaia lakou nei e ka mea i uluhia. No keia mau mea la ea; ua hoakaka iho nei hoi au a me kekahi poe i hele pu ai a ike makou i ka wahahee, i mea e ike ai na mea he nui e manao ana he oiaio ia mau mea.
E ike hoi oukou i keia mau mea, he lapuwale, a he hana na ka wahahee.
Ua hoakaka no hoi au i ka wahahee o kekahi e like me keia, a ua ikea no hoi kona wahahee. I ka wa e kokoke mai ana o Boki ma e kuke mai, mai Beritania mai, hiki mai ma ko'u hale kekahi kanaka uluhia, olelo mai oia ia makou, o Lonoikaoualii, oia kona inoa mai Waikakalaua mai, olelo mai oia ia makou; Aole i make o Kamehamalu a me Liholiho, ke hoi ola mai nei no lakou, o makou pu no a Beritania a hoi mai nei, kapa mai oia he wahahee ka palapala hoike mai i ka make. No keia mea, hoopaapaa no wau me ka hoole aku i kana olelo mai, a kapa koke kau ia ia he wahahee, aole hai kona hoopaapaa mai, olelo aku ia ia, A hiki mai o Boki ma ilaila e ko ai na manao o kaua. Oia hoi kekahi mea i wahahee mai i ko kakou ike ana.
E ike hoi oukou i keia mea, he lapuwale, a he hana na ka wahahee.
Pela no hoi au i ike ai me kekahi poe i kekahi wahahee. I ka wa e mai ai kuu makuakane i ke kuni ikaika, oia paha na la o Boki i ku mai i Lahaina, imi aku la kekahi poe i na'kua kii me ka pule i ke kakahiaka a me ke ahiahi me na mohai, i ola no kona mai; ua loihi no ka lakou hana ana pela, he mau akua kane, a he mau aku wahine e like me ka hana mau a ko Hawaii nei mamua, pela no lakou i hana'i, i ko lakou hoolelo ana mai ia'u i ka imi ana i ola; noho oia i loaa mai no ka mea i maiia. Lohe au i keia, hoohuli koke mai la ia lakou a me ka mea i mai, i aku au ia lakou me ka ikaika. Ina aole oukou e huli mai ma ko'u Akua e hoomana pu ai kakou i keia la; e hoi koke ana wau ma Honolulu i keia la. Alaila haalele koke io la ka mea i mai, ia la no a me kana wahine, a me kekahi poe e ae no hoi.
E ike oukou i keia mea, he lapuwale, a he hana na ka uahahee.
A no ke koe no, aole i haalele paha kekahi poe i keia mau mea lapuwale, ke manao nei no hoi kekahi poe o makou e hana like paha me au nei i ka imi i na mea lapuwale, e hoopau i na mea a kekahi poe i hookaumaha aku ai i na kanaka.
E ka poe e ike ana, he wahahee keia mau mea, mai olelo hou aku he akua keia mau mea la. O oukou, e ka poe hookahuna lapaau kekahi, mai olelo he mau akua la; pono e oki ia olelo. i ka wahahee, aole o makou wale no.
IOANE Ii.
NO KA EMI ANA O NA KANAKA.
Eia ka pepa e akaka ai ka poe i make ma kekahi mau aina ma Waialua a Koolau i ka makahiki 1838.
Ka aina. Ua hanauia. Na keiki maka. Na kane opiopio make. Na wahine opiopio make. Na elemakule make. Na luwahine make. Pau loa make. Ka nui o na kanaka ma ia mau aina i ka makahiki 1835.
Mokuleia a me Mananui, 10 1 9 10 0 0 20 1,129
Paalaa 1 3 3 13 0 1 20 421
Kawailua 9 5 5 6 2 0 13 741
Waialee a me Pupukea, 6 9 342
Kahuku, 16 5 2 3 10 5 25 498
Laie a me 9 29 521
Malaekahana, 8 - - - - - 12 264
Kahana a me Kaaawa, 5 2 1 0 4 3 10 311
64 16 20 32 16 9 143 4,230
Ua emi na kanaka ma keia mau aina i ka makahiki hookahi 79 - a ma keia emi ana kela makahiki keia makahiki, aneane pau loa na kanaka i ka make i na makahiki 50.
E na hoalawehana a me na hoahanau e wiki kakou e hoopau i ke kumu o keia pio ana o Hawaii nei. Ina i huli ua keiki kane a me na kaikamahine ma ko Iesu aoao alaila e hoopauia ka moe kolohe.
E na'lii, ua ike au ma kekahi pepa i ka waiwai i haawiia e na'lii ma Nu Ioka i ka poe hanai enuhe kilika. He hana pono kela hana i kuu manao. Eia hoi kekahi manao o'u: Ina i hanai kekahi kane me kana wahine i ka laua mau keiki i elima i eono paha e hookuia ko laua kala o ke kino no ko laua malama pono ana i ka laua mau keiki ponoi elima. Ka laua malama ana i na keiki elima he mea ia e waiwai nui ai i keia aupuni.
Aloha oukou. Na EMEKONA.
NO NA AALOLO.
O ke poo ke kumu o ka manao, a me ka noonoo, a ua manaoia malaila kahi e noho ai ka uhane. O ka lolo ka mea maloko o ke poo, ua wahiia i na aa laulau elua. Ua hoikeia na manamana 9 o ka lolo ma ka olelo no ka iwi opeapea, a he manamana nui ma ka puka ai ka lolo a puni ke kino, he mea nui i ke aalolo ke hele pu me ke aalele, a me ke aakoko, ma kahi malu, mawaena o na io. Me he kaula keokeo la ke aalolo, aohe puka maloko, a o kana hana oia ka ike, a e halihali i ka ike i ka lolo. E like me ke kanaka lawaia e noho malie ana ma ka waa, a kuu ilalo i ke aho, pela no keia. Ina e lalau ka ia i ka makau ua ike koke ke kanaka, ua pii mai ka ike ia ia ma ke aho, a ina ua moku ke aho, ina ua ike ole ke kanaka i ka lalau ana o ka ia. Noho malie ka uhane ma ka lolo a hele na kaula aalolo he kinikini mai ka lolo aku i na wahi a pau o ka ili: ina e pa aku kekahi mea ma ka ili, ua ike koke ke kanaka, ua pii mai ka ike ma ke aalolo: a hiki mai i ka lolo, a ina ua moku ke aalolo, aole paha e ike ke kanaka ke hoopa aku kekahi mea ia ia, ua maeele.
Ua ike paha na kanaka a pau, i ka maeele o ka uha, ke noho kapakahi a liuliu. No ka pilikia o ke aalolo ka maeele, a ina i hikiiia i ke kaula, maeele no; no ka mea, aole e hiki i ka ike ke pii ma kahi pilikia. Oia ke ano o ka mai lolo; ua pilikia na aalolo; no ka pehu paha o kekahi manawa, a no ka liu hewa ana o ke koko i kekahi manawa, ka mea e pilikia ai.
Ua hoonohoia ka uhane maloko o ke kino i haku, e alii ana maluna. O ka lolo kona noho alii, a o na aalolo kona mau elele hoounauna, a i ole ia, o na aalele ka mau alanui kahi e hiki ai na elele ke holo. Eia wau ke palapala nei, e waiho ana ko'u lima hema ma ka papa, lele mai la ka nalo a aki ma kuu kuli, pii koke iho la ka ike ma na nalolo a hiki ma ke poo. Alaila manao iho la au e kipaku, holo koke aku la ka manao ma na naloio a hiki aku i na io, olelo aku la ia lakou e huki, hana koke iho la lakou, a lawe i ka lima ilalo i ke kuli, e kahili aku i na mea kolohe la. Meneia na hana a pau, holo mai ka ike a holo aku ma na nalele, aole nae i manao ke kanaka ma ia mea. Ma na maka mai ka nui o ka ike, nana aku ka maka a lawelawe na lala; pela no ka pepeiao. Kahea mai la paha kekahi ia oe, lohe ka pepeiao, manao koke iho la oe e hele ilaila, huki koke ka io alaea a me na io a pau, o ka hele no ia o na wawae. Pela ka honi ana, a me ka hoao ana o ka waha, he mau ike okoa