Ke Koo o Hawaii, Volume I, Number 3, 12 September 1883 — Page 3

KE KOO O HAWAII
1 Makahiki $2.00 I Mau ai ke Ea o ka Aina i ka Pono. 6 Malama $1.50
BUKE 1. HONOLULU, SEPATEMABA 12, 1883. HELU 3.

He Mele Inoa no ke "Koo o Hawaii."
TUNE—MARCHING ALONG.

1—E ke "Koo o Hawaii"
Lei nani o ke aupuni
Hiehie launa ole
Kou puka mua ana mai
Me ka Hae Hawaii Nani
Ma kou aoao mua
E welo ana i ka makani.
Cho.—Mai a Keawe
A ka welona i Lehua
Lehua lei ahihi
O ka luna i Lihau
E o i ko inoa
E KE KOO O HAWAII.
2—Ma kou aoao hope
O ke Mele Lahui
I haku noiau ia
E Liliu Lolokulani
A he hana nui kaulana
E haaheo ai Hawaii
Ho iho a ohuohu
E na kupa Hawaii.
Cho.—I ka hoolaha nupepa
Laulaha puni ka honua
I ike ia mai oe
Ua naauao ka
E o i ko inoa
E KE KOO O HAWAII.
3—E Hawaii o Keawe
E lawe a hookipa
E Maui hoi e Kama
I hoa kuilima pu
Molokai nui a Hina
Pupukahi ia mai
Lanai hoi a Pahulu
Heahea pono ia mai.
Cho.—Oahu o Kakuihewa
I hoa hooipoipo
Kauai me Niihau
Hanai ai ia mai
E o i ko inoa
E KE KOO O HAWAII.
4—Hana ia a ohuohu
Na nu hou kuwaho
Na hunahuna liilii
O ka aina hanau
Na moolelo nani
Ku i ka oiaio
Ka iini a ka puuwai
E lea ai ke kaunu.
Cho.—Kohu ole, kohu ole
Kohu ole oi ala la
Ali Hipa, Lauoho Gula
O ia auna hulu like
E o i ko inoa
E KE KOO O HAWAII.
RAIN PAUPILI.

MOOLELO O NA KAUA
A KE
DUKE O WELINETONA
KA MEA I KAPAIA E IA AU, KE
Duke Hao o Enelani!
HE
KANAKA POOKAPU I KE KOKO!
KE KAUA ANA O NA PUALI KAUA BERITANIA,—A ME KO ENELANI MAU PAPU POHAKU.
KE KAHUA KAUA MUA LOA.

                O na makahiki 1792 a me 1793, oia na makahiki a Enelani  i olelo ai,—na makahiki weliweli i maalo ae ai o na ao opua lani iloko o ka pouli hakumakuma  eleele o ke kaua, me he la e olelo okoa mai ana i na aupuni kaua o Europa,—"Ua hiki mai i ko oukou wa e enemi ai kekahi i kekahi, e hoomakaukau kaua kekahi i kekahi, a e hookahe koko hoi kekahi i