Ka Lanakila, Volume I, Number 13, 7 October 1909 — NUI NO KA IKE. [ARTICLE]

NUI NO KA IKE.

Maui News. —Ma ke Kelaudina o kela hebedoma aku nei no Maui i kau pu aku ai o Kauka Remona (Dr J. H. Raymond) a o kekahi hoi o na kauka e lawelawe nei ma ia oihana maloko o ke kulanakauhale o Honolulu. Mamuli o ka pihaku'i i na ohua ua haliiia he pela ma ka oneki oluna, a malaila ke kauka i moe ai. I waena po ua hoalaia oia e ka nakulu wawae o kekahi kuene, ka mea hoi i hiki hou maimahope iho me ke kupakako o ka moku no ka hoala ana iaia. Ua kii aku ke kupakako i ke kapena, a iho nui aku la no lalo o kahi a na ohua oneki e noho aqa. O ke kapena ka mea o lakou i hele aku no kahi o na ohua, a i kona hoi ana mai, ua hoike aku la oia i ke kauka aia he kanaka ua make, a e pono iaia e hele aku e nana heaha la ke kumu o ka make ana. Ua haalele koke iho la o kauka Remona i kahi ana e ku ana a hele aku la no kahi o na ohua oneki, a malaila i loaa aku ai he Poto Riko ua make, ua anu ke kino holookoa, aole pana, ua pau ka hanu, ua pili na maka, ua hemo mai ke alelo, a he hu'ahu'a me ke koko ma kona waha. Ua manao no na ohua ame na poe e ae malaila ua make ua Poto Riko la, a pela pu no ko ke kauka manao, aka, ma kahi o ka haawipio wale ana aku no i kahi manaolana iloko ona, ua hoao iho la oia ma ka hou ana me ke kui wailaau ma kekahi o n,a aa o ua mea make la. Iloko o umikumamalima minute ua laweia aku la ua Poto Riko la no luna, a i ke ku ana o ka moku ma Kahului, ua lele mai la oia no uka aina a hele aku la me ke kino ikaika elike me ka nui ohua iho, He wiau makahiki loihi i hala aenei, o keia kauk» J. Remona o na p«reiid«na o

o ka Papa Ola, a nana kekahi mau hoololi kupono e pili ana i ka noho ana o na ma'i ma ka Panalaau oka Ehaeha. O keia kekahi ona kaeaea ma ka lapaau ana, a he pookela ma ke kulana kaha kino. ❖ <• ♦>