Ka Lahui Hawaii, Volume I, Number 1, 1 January 1875 — Page 4
E NA MAKAMAKA OIAIO!
HE LEO IMUA O OUKOU.
E HOOPUKA IA AKU ANA KEIA Nupepa hou i kapaia kona kino mahope o ka inoa makamae a kamahao no hoi o ka Moana Pakipika, ka lei nani hanohano o keia paemoku o ka waena moana, oia
"Ka Lahui Hawaii!"
E pai ia ana ma kela me keia hebedoma, i ka hora 8 o na kakahiaka Poaha a pau, ma ka hale pai o Hanale M. Wini. E hoomaka ana kona puka ana imua o ka lehulehu i keia Poalima, Ianuari 1, 1875, a ma na Poaha e puka mau aku ai ma keia hope aku. He 53 ka huina o na pepa o keia makahiki.
E haawi makana ia'ku no i kela me keia mea e lawe ana i keia nupepa me ka uku mua ia o ka auhau he Alamenaka no ka M. H. 1875, i hoomakaukau ia no keia pepa. He oluolu a mama loa ka auhau o keia pepa, no ka mea, o ka loaa laulaha i na mea a pau ka mea i makemake ia, mai ke kiekie a ka haahaa, ka ilihune, a me ka waiwai, oiai no lakou kona leo.
Hookahi Makahiki..... $1.00
Hapalua Makahiki..... .50
E uku mua ia ka auhau o ka pepa, i loaa ai ka mea nana e hoolawa i na lilo o ke pai ana, a pela'ku, a e loaa mau aku no kona kino i na makamaka e hookipa ana iaia. E kakau mai i na manao, na nuhou, na hanau, male, make, &c., ia H. H. PALEKA, Honolulu.
Na Rula o ka Papa Hawaii.
NO KA MEA:—Ua maopopo lea he mea ia e pomaikai ai na Ekalesia, na Kahu a me na Ahahui Euanelio Mokupuni, a me ka Aha Luna Kahiko. Ina i hookauia kekahi mau Rula i kumu alakai i ka Papa Hawaii no ka haawi ana'ku i kokua no na Ekalesia ilihune. Eia malalo iho nei na Rula e alakai ana i ka Papa Hawaii i keia oihana ma keia hope aku.
RULA I. —O na noi a pau no ke kokua ana i na Ekalesia ilihune, na ka Ekalesia mai ke noi, aole na ke Kahu o ua Ekalesia 'la.
RULA II. —E hoaponoia ke noi e ka Ahahui Mokupuni ma kekahi halawai hapalua makahiki o ka Ahahui Mokupuni, aole ma ka halawai i kahea ia.
RULA III. —Mamua ae o ko ka Papa ae ana'ku e haawi aku i wahi kokua no kekahi Ekalesia, he mea pono i kela Ekalesia ke hoike i ka Papa Hawaii i ka nui o na Dala i kokua ai no na oihana Kristiano e ae.
RULA IV. —E hoike e mai hoi ka Ekalesia i ka hana mau ana o ke Kahu me lakou, a me na hana e ae i hanaia e kela Ekalesia iloko o na malama eono i hala ae mamua o ke noi.
Ua hooholo ia keia e ka Papa Hawaii ma ka la 1 o Dek., 1874.
Papa Hoike no ka Hebedoma Haipule,
Ianua ri, 1875.
SA BATI, Ian. 3—Na kumu e kono nei i ka poe manaoio e lokahi, a me na mea keakea ia lokahi ana.
POAKAHI, Ian. 4—Hoomaikai ana i ke Akua: No na pomaikai lahui a me na pomaikai pili kino o ko ka uhane me ko ke kino. Hai ana i ka hewa: Ka hewa o ka lahui kanaka me ko kakou mau hewa ponoi.
POALUA, Ian.5—Pule. No ka ekalesia Kristiano, i hoomahuahua ia ka manaoio, ka hemolele, ke aloha, me ka mana ; a i ninini nui ia mai ka Uhane Hemolele.
POAKOLU, Ian. 6—Pule no na ohana. Na home me na makua. Na kula. Na keiki e noho kaawale ana me na makua. Na keiki mai pilikia. Ka poe hoolohe ole.
POAHA, Ian. 7—Pule: No na lahui kanaka: i malu mawaena o kanaka, i maemae a i pono na lahuikanaka: i hoopauia ka ona, ka hoopunipuni, ka hoomanakii, me na mea oiaio ole a pau; i laha nui na palapala Kristiano.
POALIMA, Ian. 8—Pule: I lanakila ka Euanelio ma na aina o Europa: i hoohuli ia ko Iseraela i ka pono: i laha ka Euanelio ma na aina Mahomeda a ma na aina pegana, no na Kristiano i hoomaau ia.
POAONO, Ian. 9—Pule: No na hana o ka makahiki 1875. E ike i na hana o ke Akua. Ka hope maikai o na hana a ke Akua.
SA BATI, Ian. 10—Na haiao: Ke aupuni o Kristo, no na mea a pau ia, a he mau loa.
Ka Hebedoma Haipule.
O ka hebedoma mua ia o ka makahiki 1875. Ke manao nei na Ekalesia o keia Paeaina Hawaii nei e hoohui ae me na Ekalesia he lehulehu ma kela a me keia aina a puni ka honua nei ma ia hebedoma i hookaawale ia no ka haipule, a e noi aku i ke Akua Mana Loa e kokua mai mamuli o ka poe e aloha ana i kona Aupuni, a e hoopiha ae i ka honua me ka nani o ke Akua.
He oihana maikai keia, e na hoahanau o na Ekalesia Hawaii. Mai haalele aku kakou i na Halepule ma na la a pau o ka hebedoma mua o ka Makahiki Hou.
Ina he pilikia kekahi poe i ka hana ma ke ao, e hele ae no i ka Halawai Haipule o ka po ma ka Luakini o Kaumakapili, a i ole malaila, ma Kawaiahao.
"E hookokoke mai oukou ia'u, a e hookokoke aku au ia oukou," wahi a Iehova.
E nana i ka Episetole o Iakobo, 1:5—7.
Na Ekale sia.
O Re v. Kamelamela.—Aia ia ma Puna, Hawaii, i keia wa a kakou e noho nei. Malia paha e lilo auanei ia i kahu no ka Ekalesia o Kalapana, Puna, Hawaii.
Ua kohoia o Re v. M. Kuaea i Kahu no ka Ekalesia o Kaumakapili o Honolulu nei. Ua hookuu ia mai oia mai ka Ekalesia o Wainee, Lahaina, a ma keia hope aku e hoonoho ia oia e ka Aha Euanelio Oahu maluna o Kaumakapili. Pomaikai na hoa hanau o ka ekalesia haunaele.
Aia ma Waianae, Oahu, ke noho nei o Rev. W. P. Kaawa, aole nae i kohoia oia i Kahu no ia ekalesia.
Ua haalele o Rev. O. Nawahine o ka Ekalesia ma Kona Waena, Hawaii, a ua lilo oia i Kahu no ka Ekalesia ma Waihee, Maui.
Ua hoi aku o Rev. Puuloa i Lihue, me ka manao e lilo oia i Kahu no ka Ekalesia ma Lihue, Kauai.
Ua hoi aku o Keoni i Anahola, Kauai, a oia ka mea haiolelo no ka Ekalesia o Anahola, Kauai i keia wa a kakou e noho nei.
Ua hooponopono ia ka Halepule ma Koolau, Kauai, a ua pena hou ia. Nani ka luakini o Koolau, Kauai i keia wa, aole hio, a ino hoi ke nana aku e like me kona ano i na makahiki i hala ae.
Pehea la ka luakini hou ma Wailuku, Maui? Ua paa anei ia? Aole paha?
Ke kukulu ia nei he wahi luakini maikai, a kupono ma Kahuku, Oahu. Aole he ekalesia nele i ka halepule ole i keia wa. Ua lawa na ekalesia a pau malaila.
Hauoli ko Lihue poe i ka hiki ana mai o Puuloa. Ke holo nei no na hana a ka Haku, wahi a J. H. Mahoe, ke kahu o Koloa, Kauai.
Ua haalele aku o Rev. A. O. Polepe i ke Kulanui o Lahainaluna, a ua hoi aku i ke kulanakauhale o Hilo. A lilo i Kahu no ka Ekalesia Haole ma Hilo, Hawaii. Oia ko lakou Kahu i keia wa.
UA MAKEMAKEIA.—Heaha la ka mea i iiniia? He mau misionari no ka Paeaina o Nuuhiwa. Ke makemake nei ka Papa Hawaii i mau kanaka maikai, haipule io, a makaukau no ka oihana misionari. Ke ninau mai nei paha kekahi, "Aia mahea ke kihapai?" Haina—ma ka Paeaina o Nuuhiwa. Ina e aloha aku kekahi poe kanaka a wahine paha ia Iesu, a manao iho la e holo aku i ka aina e, a e lawelawe ma ko ke Akua kihapai. E hele mai kela me keia i ke Kakauleta o ka Papa Hawaii, a e kamailio pu me ia. Owai ka mea nana e hele aku i ka Paeaina o Nuuhiwa, a e kokua ae ia Kauwealoha ma, ma keia oihana maikai? Owai la—"Ua haawi wale ia mai, e haawi wale aku ia hai."
NA BUKE
I HOOLAHAIA E KA PAPA HAWAII
—ME KE—
KUMUKUAI O KELA ME KEIA.
BAIBALA HEMOLELE NUI ILI GULA NANI me na kuhikuhi ma na aoao ..... $12.00
Baibala Hemolele Nui ili eleele kaekae wai gula ..... 5.00
Baibala Hemolele uuku iki iho kae wai gula ..... 8.00
Baibala Hemolele pananaiki iho ili eleele ..... 4.00
Baibala Hemolele ili eleele ..... 2.00
Kauoha Hou ili gula nani me na kuhikuhi ..... 3.00
Kauoha Hou ili eleele kaekae wai gula ..... 1.00
Kauoha Hou ili eleele ..... .75
Kauoha Hou Hapa Haole ..... .75
Moolelo Ekalesia ..... .50
Haiao ili lahilahi ..... .10
Hele Malihini ana ..... .25
No ko ke Akua ano ..... .25
Hoike Palapala Hemolele ..... .25
Moolelo o Heneri Opukahaia ..... .15
Hoike Akua ..... .25
Wehewehehala ..... .25
Ninau Hoike ili manoanoa ..... .50
Ninau Hoike ili lahilahi ..... .20
Kumumua Kula Sabati ..... .20
Buke Lawe Lima ..... .10
He Buke no ka Pope ..... .15
Ui Kula Sabati Helu 3 ..... .25
Ui Kula Sabati Helu 4 ..... .15
Ui Kula Sabati Helu 5 ..... .25
Buke Euanelio o Ioane Hapahaole ..... .10
Buke Wehewehe Huaolelo Baibala, elua ano ..... 2.00
Buke Wehewehe Ano Mataio ..... 1.00
NA KAUOHA HOU PAKEKE.
Ili gula nani ..... 1.50
Ili eleele kaekae nani ..... .50
Ili eleele ..... .35
KAUOHA HOU PAKEKE ME NA HALELU.
Ili gula nani ..... 1.70
Ili eleele kaekae wai gula ..... .65
Ili eleele ..... .50
NA HALELU PAKEKE.
Ili Gula nani ..... .50
Ili eleele kaekae wai gula ..... .30
Ili eleele ..... .20
Ka Hae Hoonani (Buke Mele) ..... .25
NA BUKE MELE.
Himeni Hawaii ili nani ..... 1.75
Himeni Hawaii ..... 1.00
Kumu Leo Mele ili manoanoa ..... .10
Lira Kamalii ..... .25
Lira Hawaii 1848 ..... .25
Lira Hawaii 1855 ..... .25
Hae Hoonani ..... .25
Leo Hoomana ..... .20
EIA NA BUKE HAAWI WALE.
PALAPALA LIILII—
Helu 4—Makemake anei oe i ke o'a?
Helu 6—E hele i o Kristo la.
Helu 7—Ka hoi ana mai o ke Keiki Uhauha.
Helu 11—No ka hoohiki wahahee i ke Akua.
Helu 16—Ka Eehia ana o ka Ahaaina a ka Haku a me ka Bapetiso ana.
Helu 17—Mai hana ino i na holoholona.
Helu 18—No ka mahi ana, kuai ana, a me ka inu ana i ka Awa.
Ka Davida Malo Kumumanao.
Ka Moolelo o Batimea Puaaiki.
Aia ke keena kuai buke o ka Papa Hawaii ma ka huina o Alanui Betela me Alanui Kalepa, e kokoke ana i ka Hale Leta. J. F. POKUE.
Kakauleta o ka Papa Hooko o ka Ahahui Euanelio o ko Hawaii Pae Aina.
S. B. DOLE,
Loio! Loio!
UA MAKAUKAU OIA E LAWELAWE MA na mea i pili i kana oihana. Ke kakau ana i na Palapala Hoolilo, Moraki, a pela'ku a me ka Hooponopono ana i na hihia imua o na Aha Hookolokolo. Aia kona Keena Oihana ma ke kihi komohana o Alanui Papu me Alanui kalepa, maluna
H. E. McINTYRE,
(HALE POLAPOLA.)
AIA MA KONA HALE KUAI MEA AI, MA KA huina o Alanui Papu me Alanui Alii, mauka iho o ka Halekuai o Mi. Holo, NA MEA AI O KELA ANO KEIA ANO, na lako no ka Papaaina, a me na mea e ae, e like me AILA, AILA MAHU, a pela aku, no na kumukuai kupono.
E. O. HALL & SON,
(E. O. HOLO A ME KE KEIKI.)
NA MEA KUAI I NA MEA HAO, ME NA LAKO o na Paahana, na Lole, na Pena, Aila a me na Lako Kalepa. Halekuai ma na huina o Alanui Moi a me Papu.
NU HOU! NU HOU!!
He mau lole maikai ma na moku hou mai. NA PALULE HULUHULU, PALULE KALAKOA, o na ano hou, Palule keokeo, Lolewawae, Palemai, Papale, a pela aku. Na Lole no na Wahine, Alapia ulaula, me na Lole nani e ae. Ahina Pelekane, me na Kihei maikai. Me na Noho lio Pelekane maikai. Aia ma na hale kuai o
J. T. WATERHOUSE, (Halewai.)
Helu 10, a ma ka Uwapo.
M. T. DONNELL.
Mea Hana i na Lako Hale!
AIA MA KONA HALE HANA WAI HINUHINU na lako o kela ano keia ano no na hale noho, me na lako a pau no na hoolewa kupapau, no ka uku haahaa loa. HE MAKEPONO LOA no hoi ka uku no Kona Kaa Hoolewa Kupapau. E hele mai i ike maka ma ke Alanui Moi, mauka a ma nae iho o ka Hale Kupa o Lui.
NU HOU! NU HOU!
AIA MA KAHI O
DILLINGHAM & CO
NA MEA HAO
— OIA HOI—
NA OOPALAU A ME NA OO E AE!
Halo,
Kopala,
Kope, O,
Kaulahao- bipi,
Lei- bipi,
Ili Kauo Kaa,
Na Paahana Amara, &c.
Na Paahana Kamana
O kela a me keia ano.
Na Mea Lako Kumeka!
Ipu Kukui,
Ipu Kukui hele po,
Ipu Kukui manamana,
Aila Mahu,
Na Ipuhao o na ano a pau
me na Pa-palai.
Na PENA o kela me keia ano,
a me na Aila Pena,
Makau a me Aho-lawaia,
Upena a me na
Aho Upena.
E Kuai ia ana keia mau mea a pau me ka
MAKEPONO LOA!
P. DALTON.
Mea Hana Noho Lio!
—ME NA—
ILI KAUO KAA MAIKAI LOA!
MA KA HELU 93, ALANUI ALII HONOLULU.
AI MA KONA HALE NA ILI MAIKAI O KELA me keia ano, Ili Bipi keiki Farani, Amerika me Pelekane; na Ili Hipa Melemele; na Ili Hana Kamaa no Kikane a me Kaleponi; na Ili Keehi no na Noho Lio, na ami a me na mea e ae. E hele mai a e ike.
LEWERS & DICKSON,
(O LUI MA.)
AIA MA KO LAKOU PA KUAI PAPA NA Lako Kukulu Hale o kela me keia ano,
No ke Kumukuai Oluolu.
PAI KII ANO HOU!
UA MAKAUKAU KA MEA NONA KA inoa malalo, ma Kona Hale Pai Kii.
MA MONIKAHAAE, HONOLULU, e pai i na ano kii a pau. Me ka maikai loa, mai ke kii liilii loa e kupono ai i ke kaula wati a me ka lei a-i, a ina kii nui ku hale, no ka uku haahaa loa.
H. L. CHASE.—(Keiki.)
FREIL & LAINE,
(PERILA A ME LEIKONA.)
NA MEA KUAI I NA LAKO AI O KELA ANO keia ano, me na mea ulu, a me ka Ai Hoomomona Lio. Halekuai malalo o ka Hale Mu, Alanui Papu, Honolulu.
E. H. BOYD,
(AILUENE.)
AIA MA KONA HALEKUAI BIPI MA Monikahaae na Io Bipi Momona, no ke kumukuai makepono, a me na mea e ae i ku i ka makemake o ka poe e imi ana i na mea ai maikai.
THOS. G. THRUM,
(KALAMA.)
HALE KUAI BUKE & NUPEPA. MA ALANUI KALEPA, E PILI ANA ME KAHI o Kini hana wati. Malaila e loaa ai na BUKE KANANA o kela ano keia ano, na BUKE HOOMANAO a me ke Kanana Kanawai, Kanana loloa, Kanana Kakau Leta, Kanana Liilii, a me na WAHI LETA, na INIKA o kela a me keia ano, na Penikala, na Buke Kii, a pela aku.
WILDER & Co.,
(O WAILA MA.)
LAKO KUKULU HALE!
AIA MA KA HALEKUAI KAHIKO O KIMO PElekane e loaa ai na—Papa Hole, he keokeo a he ulaula Papa Kalakala, he keokeo a he ulaula—Papa Kahiia, he koekoe a he ulaula—Na Laau (auka) o na ano a pau mai ke nui a ka liilii, he keokeo a he ulaula—Papa Manoanoa mai 1¼ iniha a hiki i ka 3 iniha, he keokeo a he ulaula—Papa Kepa, Aaaho kakia pili—Aaho liilii mea hamo puna, mea makaupena, a he molina—Pili keokeo—Pili Ulaula—Papa Lahilahi ½ iniha—Aila Pena—Waihoomaloo—Pena Keokeo, Omaomao, Eleele, Olenalena, Ulaula, Ahinahina, Uliuli, &c—Na Laka, Ami, Lou, Kaomi a mea e ae o ia ano—Pani puka he nui na ano—Puka Aniani he nui na ano—Olepelepe, &c—He Paakai Hawaii—Ili Hooluuia—Wahie—Kaula Kepau nunui a liilii, a he mau lako no na Moku. Eia kekahi mea hai aku i ka Lahui, he mau Moku ko'u e holo nei ma na awa o keia mau Pae Aina, a e loaa ana no ka pomaikai i ka poe kuai me a'u, ma ka laweia o na mea a lakou i kuai ai me ka uku haahaa loa—He makepono no hoi na lako kukulu hale i keia wa.
KIMO PELEKANE.