Ka Lahui Hawaii, Volume I, Number 27, 1 July 1875 — Page 4
Na Ekalesia o Kawaiahao a me Kaumakapili.
Halawai kakahiaka, la Sabati .... hora 10½
Halawai po ..... hora 7½
Halawai Apana auina la ..... hora 3½
Kula Sabati ..... hora 9½
Moolelo o ka Halawai Umikumamalua o ka Ahahui Euanelio o ko Hawaii Pae Aina.
HONOLULU, Iune 8, 1875.
Poalua, hora 10 A. M., halawai ka Ahahui Euaneli o ko Hawaii Pae Aina, ma ke keena halawai o Kawaiahao, i ka hora 10 A. M., e like me ka hoopanee ana i kela kau.
O ka Lunahoomalu mua ma ka noho, a me na kakauolelo mua. Pule ka Lunahoomalu.
Eia na Lala i hiki mai:
NO HAWAII HIKINA.
Ekale sia. Kahu.
Hilo, Rev. T. Coan,
Onomea,
Hakalau, Rev. S. Kukahekahe,
Laupahoehoe,
Kalapana, Rev. S. Kamelamela.
Kapaliuka,
Opihikao,
Puula.
NA ELELE.—S. W. Kaikuahine a me G. W. Moo.
NO HAWAII KOMOHANA.
Ekale sia. Kahu.
Waiohinu,
Helani, Rev. J. Waiamau,
Kailua,
Kekaha, Rev. G.B. Kaonohimaka,
Pukaana,
Kealakekua, Rev. S. W. Papaula,
Konawaena, S. W. Makaike, Haiolelo,
Kapalilua, Waiau, Haiolelo.
NA ELELE.—Mr. Waiau a me Mr. Hoomainoino.
NO HAWAII AKAU.
Ekale sia. Kahu.
Hamakua Hikina,
" Kom.
" Waena
Waimea,
Kohala Akau, Rev. E. Bond,
" Hema Rev. S. Aiwohi,
" Kom., Rev. S. C. Luhiau.
NA ELELE.—Mr. Kanealai a me Mr. Mahiolewa.
NO MAUI.
Ekale sia. Kahu.
Keanae, Rev. S. Kamakahiki,
Hana, Rev. E. Helekunihi,
Kipahulu,
Kaupo, Rev. D. Puhi,
Honuaula, Rev. L. Kaiwi,
Waikapu, Rev. J. M. Kealoha,
Wailuku,
Waihee,
Honokohau,
Kaanapali,
Lahaina, Rev. A. Pali,
Lahainaluna, Rev. S. E. Bihopa.
Olowalu,
Lanai,
NO MOLOKAI.
Ekale sia. Kahu.
Kaluaaha,
Halawa, Rev. S. Paolo,
Siloama,
Pelekunu & Wailau, Rev. N. Pali.
Huelo.
ELELE.— S. E. Kahu.
NO OAHU.
Ekale sia. Kahu.
Kawaiahao, Rev. H. H. Paleka,
Kaumakapili, Rev. M. Kuaea,
Kalihi & Moanalua, Rev. S. Paaluhi,
Ewa,
Waianae, Rev. P. W. Kaawa,
Waialua, Rev. J. N. Paikuli,
Kahuku, Rev. J. Kekahuna,
Hauula,
Kahana, Rev. D. Kekiokalani.
Waikane,
Kaneohe Rev. J. Manuela.
Waimanalo, Rev. S. Waiwaiole,
Wailupe.
NA ELELE.—M r. Kawai, M. Maluai, a me Iosia Meemano.
NO KAUAI.
Ekale sia. Kahu.
Waioli,
Anahola. G. M. Keone, Haiolelo.
Lihue, Rev. G. Puuloa,
Koloa, Rev. J. H. Mahoe,
Waimea.
NA ELELE.—G. B. Meheula, H. Kahele a me H. W. Kaluahi.
NA LALA MAU.
Rev. J. F. Pogue, Rev. B. W. Paleka, Rev. W. P. Alexander, Rev. L. Kamika, Rev. A. O. Forbes, Rev. D. Baluina, D. Dole a me E. O. Holo.
Ma ka balota ana, ua koho ia o Rev. J. Waiamau i Lunahoomalu, a o Rev. S. E. Bihopa i Kakauolelo haole, a o Rev. G. Puuloa i Kakauolelo Hawaii.
Koho ka Lunahoomalu i na Komite mau.
1. Komite Imihana—Rev. A. O. Forbes, Rev. M. Kuaea, Rev. E. Helekunihi.
2. Komite no na halawai haipule—Rev. L. Kamika, Rev. J. Manuela, Rev. S. Waiwaiole.
3. Komite hoike makahiki o ka Aha—Rev. T. Coana, Rev. A. Pali, Rev. J. H. Mahoe.
4. Komi te no ka Papahelu o na Ekalesia—Rev. E. Bond, Rev. S. W. Papaula, Rev. S. Aiwohi.
5. Komi te Pai moolelo—Rev. B. W. Paleka, Rev. M. Kuaea, Rev. J. F. Pogue.
A no ka hana ole a ka Aha ia manawa. Ua haipule ka aha no ka manawa.
Hoike hapa mai ke Komite Imikumuhana i na Kumuhana
(1) Hapalua hora haipule i ka hoomaka ana o ka halawai i kela la keia la.
(2) Hoike Kihapai o na Aha Mokupuni.
(3) Hoike makahiki o na Aha Mokupuni.
(4) Hoike Papahelu o na Ekale sia.
(5) Ka hoike makahiki o ke Kakauleta a me ka Puuku o ka Papa Hawaii.
(6) Ke koho ana i ka Puuku, i ke Kakauleta a me na panihakahaka o ka Papa Hawaii.
(7) Pehea la e launa nui mai ai ka Uhane Hemolele me na Ekalesia o Hawaii nei?
(8) No ke Kula kahuna.
(9) No ka nupepa "Ka Lahui Hawaii."
(10) No na Kula Kaikamahine.
(11) Ka heluhelu haawina a na makua.
(12) No na Mi siona ma Nuuhiwa.
(13) No na Oihana Kuloko.
(14) No na kokua o ko kakou mau Ekalesia.
Hapaiia ke Kumuhana 2. "Na hoike kihapai o na Aha Mokupuni."
E hoomaka ana ma Kauai, na Rev. J. H. Mahoe i heluhelu mai no na kihapai o ka Mokupuni o Kauai.
Na Rev. S. Waiwaiole i heluhelu mai no na kihapai o ka Mokupuni o Oahu.
Na Rev. M. Kuaea i hoike waha mai no ke kihapai o Ewa.
Rev. T. Coana i heluhelu mai no na kihapai o Hawaii Hikina.
Ma ke noi, ua hoomaha keia Aha, a halawai hou i ka hora 1½ P. M. Pule o Rev. A. Pali.
Halawai hou ka Aha i ka hora 1½ e like me ka hoopanee ana. Pule o Rev. S. Kukahekahe.
Na ke Kakauolelo Hawaii i heluhelu mai i ka hoike kihapai o Hawaii Komohana, a me ka hoike makahiki no ke Kulahanai o Hilo.
Na Rev. E. Bond i heluhelu mai no ka hoike o ke Kula Kaikamahine o ka Mokupuni o Hawaii.
Heluhelu mai ke Kakauolelo haole i ka palapala a na kumu o ke Kula Kaikamahine o Kawaiahao. E noi mai ana i keia Aha, e hele aku e nana i ka hoike oia kula.
Ma ke noi ua hooholoia, e hele no ka poe e makemake ana e nana i ka hoike oia kula, a o ka poe e hele ole ana e malama no lakou i ka hana o ka Aha.
Hapaiia ke Kumuhana 3. "Hoike Makahiki o na Aha Mokupuni."
E hoomaka ana ma Hawaii Akau. Na Rev. S. Aiwohi i heluhelu mai no ka Ahahui Euanelio o Hawaii Akau.
Na Rev. J. Waiamau i heluhelu mai no ka Ahahui Euanelio o Hawaii Komohana.
Na Rev. G. Puuloa i heluhelu mai no ka Ahahui Ekalesia o Kauai.
Hapaiia ke Kumuhana 4. "Hoike Papahelu o na Ekale sia."
Hoopanee ia ka Aha apopo hora 9 A. M. Pule ka Lunahoomalu.
LA HANA 2—Kawaiahao, Iune 9, hora 9 A. M. Halawai ka Aha e like me ka hoopanee ana.
O ka Lunahoomalu ma ka noho, malama ia ka hapalua hora haipule. Kahea ia na inoa o na Lala o ka Aha.
Heluheluia na moolelo elua, aponoia me na hooponopono.
Na Rev. S. E. Bihopa i heluhelu mai no na kihapai o na Mokupuni o Maui.
Ma ke noi a Rev. A. O. Polepe, ua ae ia oia e hoike mai i na hana o ka Ekalesia haole ma Hilo.
Na Rev. J. N. Paikuli i heluhelu mai no ka hoike makahiki o ka Ahahui Euanelio o ka Mokupuni o Oahu.
Ma ke noi ua hoomaha ka Aha, a halawai hou i ha hora 2 P. M. Pule o Rev. S. W. Papaula.
Halawai hou ka Aha i ka hora 2 e like me ka hoopanee ana.
Na Rev. R. W. Paleka i heluhelu mai i ka hoike makahiki o ke Kula kahuna.
Ma ke noi ua hoopaneeia ke Kumuhana 5 a me ke Kumuhana 6; oia ka hana mua mahope iho o ka heluheluia ana o na moolelo elua.
Hapaiia ke Kumuhana 7. "Pehea la auanei e launa nui mai ai ka Uhane Hemolele me na Ekalesia o Hawaii nei?"
Kamailio nui ka Aha no keia Kumuhana, a hoopaneeia a ka la apopo hora 9 A. M. Pule o Rev. J. Manuela.
LA HANA 3—Kawaiahao, Iune 10, hora 9 A. M. Halawai ka Aha e like me ka hoopanee ana.
O ka Lunahoomalu ma ka noho, malama ia ka hapalua hora haipule. Kahea ia na inoa o na Lala o ka Aha.
Heluheluia ka moolelo elua aponoia.
Hapaiia ke Kumuhana 5. "Ka hoike makahiki o ke Kakauleta a me ka Puuku o ka Papa Hawaii."
Na Rev. J. F. Pogue, ke Kakauleta o ka Papa Hawaii i heluhelu mai i ka Palapala Hoike no ka Makahiki Umikumamalua o ka Ahahui Euanelio Hawaii." Ma ke noi, ua haawiia keia hoike ma ka lima o ke Komite, a hoike mai i ka Aha.
Rev. M. Kuaea,
Rev, J. H. Mahoe. Komite.
Na Hon. E. O. Hall, ka Puuku o ka Papa Hawaii i heluhelu mai i kana hoike makahiki. Ma ke noi, ua haawiia keia hoike ma ka lima o ke Komite, a haawi mai i ka Aha i ka hoike.
Rev. J. N. Paikuli,
Rev. G. Puuloa. Komite.
Hapaiia ke Kumuhana 6. "Ke koho ana i ka Puuku, ke Kakauleta a me na panihakahaka o ka Papa Akahi O ka Papa Hawaii e puka ana."
Ma ka balota ana, ua kohoia o Rev. J. F. Pogue i Kakauleta no ka Papa Hawaii, a pela no hoi ka Hon. E. O. Hall. Ua koho ia oia i Puuku no ka Papa Hawaii ma ka balota ana, a ma ia ano hookahi no. Ua kohoia o Rev. J. Manuela ke pani ma kahi o G. W. Pilipo.
Ma ke noi a Rev. W. P. Ale xander, ua aeia na hoa o keia Aha e noho mai i ka hoike o ke Kula kahuna i ka Poakahi, la 14 o Iune nei.
Na ke Kakauolelo haole i heluhelu mai i ka Palapala a ka Papa Misionari o na wahine o Honolulu nei e poloai mai ana i na hoa o keia Aha, e hele aku ma Kaukeano i ka hora 7 P. M. o ka Poalua, la 15.
Hoike mai ke Komite o na halawai haipule, i ka manawa e malamaia'i ka Ahaaina a ka Haku no keia Aha, ma Kawaiahao, hora 3½ o ke Sabati.
Ma ke noi, ua hoopanee ka Aha a apopo hora 9. Pule o Rev. W. P. Alekanedero.
LA HANA 4—Kawaiahao, Iune 11, hora 9 A. M. Halawai ka Aha e like me ka hoopanee ana.
O ka Lunahoomalu ma ka noho, malama ia ka hapalua hora haipule, a hoonui hou i ½ hora hou, ua like me hookahi hora ka loihi o ka manawa haipule. Kahea ia na inoa o na Lala o ka Aha.
Heluheluia na moolelo elua, aponoia ka moolelo Hawaii aponoia, ka moolelo haole me na hooponopono. Ma ke noi, ua kohoia o P. Kanoa i hoa kuka no keia Aha.
Hoike mai ke Komite o na Papahelu o na Ekalesia, penei:
O ke kamailio nui ana o ka Aha. Ua hooholoia e kapaeia na kolamu mua, a o ke koena ua hiki no, a e hoomaka ia i keia makahiki. Ma ke noi ua hookuuia ke Komite no keia hana, a ua kohoia o Rev. J. F. Pogue, Rev. B. W. Paleka a me Rev. M. Kuaea i Komite nana e hoomakaukau i na Papahelu o na Ekalesia i keia makahiki.
Hapaiia ke Kumuhana 8. "No ke Kula Kahunapule." Ma ke noi, ua hoopaneeia keia kumuhana a ka Poakahi. Oia ka hana mahope iho o ka pau ana o ka hoike o ke Kula Kahunapule.
Kumuhana 9. Ka nupepa "Ka Lahui Hawaii." Ua nui ke kamailio ana o ka Aha no keia kumuhana, a mahope, ua heluhelu mai o Rev. J. Waiamau he olelo hooholo.
Hooholoia ma ka manao o keia Aha, he nupepa maikai "Ka Lahui Hawaii." Nolaila, he mea pono i na lala a pau e hooikaika nui i ka hoolaha ana ia nupepa, aponoia.
Noi mai o Rev. J. Manuela e hookuu aku keia Aha iaia no kona pilikia. Hookuu ia. Ma ke noi, ua hoomaha ka Aha a halawai hou i ka hora 1 P. M. Pule o G. B. Meheula.
Halawai hou ka Aha i ka hora 1 e like me ka hoopanee ana. Pule o Rev. S. Kamelamela.
Hapaiia ka noonoo hou ana no ke koena o ke Kumuhana 7. Mahope iho o ke kamailio ana o na hoa o ka Aha. Ua heluhelu mai o Rev. G. Puuloa he olelo hooholo.
Hooholoia:—I ka manao ana o keia Aha he mea pono a pono loa i na Lala a pau o keia Aha e hookaawale ae i ka Poakolu, la 16 o Iune nei, i la e noi aku ai i ke Akua e ninini mai i kona Uhane Hemolele ma ka pule a me ka hookeai, aponoia me ka hoololi.
Hapai ka Aha i ke Kumuhana 14. Mahope o ke kamailio ia'na o keia Kumuhana, ua hoopanee ia a Poakahi. Ma ke noi, ua hoopanee ka Aha a Poakahi. Pule o Kanealai.
LA HANA 5—Kawaiahao, Iune 14, hora 1½ P. M. Halawai ka Aha e like me ka hoopanee ana.
O ka Lunahoomalu ma ka noho, malama ia ka hapalua hora haipule. Kahea ia na inoa o na Lala o ka Aha.
Heluheluia na moolelo elua aponoia, ka moolelo Hawaii aponoia, ka moolelo haole me na hooponopono.
Noi mai o H. Kahele e hookuu aku keia Aha iaia, ae ia.
Hapai houia ke Kumuhana 8. "No ke Kula Kahunapule." Mahope o ke kamailio ana o ka Aha, ua hooholoia keia. E waiho aku i ke koena o ka hoike o ke Kula Kahunapule ma o ke Komite la o ka Papa Hawaii, a na Komite e waiho aku i ka Papa Hawaii.
Hapaiia ke Kumuhana 14. "No na kokua o na Ekalesia."
Ua kamailio nuiia keia Kumuhana, a noi ia mai e hoopanee a ka la apopo haipai hou. Ma ke noi, ua hoopanee ka Aha a ka la apopo hora 9. Pule ka Lunahoomalu.
LA HANA 6—Kawaiahao, Iune 15, hora 9 A. M. Halawai ka Aha e like me ka hoopanee ana.
O ka Lunahoomalu ma ka noho, malama ia ka hapalua hora haipule. Kahea ia na inoa o na Lala o ka Aha.
Heluheluia na moolelo elua aponoia. Na ke Kakauolelo Hawaii i heluhelu mai i ka hoike o na kihapai o Hawaii Akau.
Ma ke noi a ka Lunahoomalu, e hoohui i ke Kumuhana 14 a me ke Kumuhana 13, i hookahi manawa e kamailio ai, ae ia. Ua nui ke kamailio ana o ka Aha no keia Kumuhana.
Ma ke noi ua hoopaneeia a ka Poakahi. Hoopanee ka Aha a ka la apopo hora 9.
LA HANA 7—Kawaiahao, Iune 16, ho ra 9 A. M. Halawai ka Aha e like me ka hoopanee ana. Malamaia kekahi hora haipule. Kaheaia na inoa o na Lala o ka Aha. Heluheluia ka moolelo Hawaii aponoia.
Hoopanee ka Aha a Poakahi, la 21, ho ra 9. Pule ka Lunahoomalu.
LA HANA 8—Kawaiahao, Iune 21, hora 9 A. M. Halawai ka Aha e like me ka hoopanee ana.
O ka Lunahoomalu ma ka noho malama ia ka hapalua hora haipule. Kahea ia na inoa o na Lala o ka Aha. Heluheluia na moolelo elua, aponoia me na hooponopono.
Ma ke noi, ua hookomoia ka manawa haipule i malama ia'i ka halawai hookeai i ka Poakolu, la 16. Na Rev. T. Coana i heluhelu mai i ka hoike makahiki o ka Ahahui Euanelio o ko Hawaii Pae Aina. Kuka ka Aka a hooholoia, e waiho i keia hoike ma ka lima o ka Papa Hawaii, a na lakou e hooponopono.
Ma ke noi, ua lawe ka Aha i ka hoike a ke Komite o ke Kula Kahunapule, a hoolohe, ma ka heluhelu ana o ke Komite.
Noi mai o Rev. J. F. Pogue, e hookuu aku ka Aha iaia, a e hele oia i kekahi hana e ae, ae ia.
Na Rev. J. H. Mahoe, i heluhelu mai i ka hoike makahiki a ke Kakauleta o ka Papa Hawaii. Aponoia ka hoike a ke Komite.
Hoike waha mai o Rev. J. N. Paikuli i ka hoike a ka Puuku o ka Papa Hawaii. Penei: "Aohe a maua hoike no keia, no ka mea, ua kopeia ma ka olelo haole wale no, a aole no hoi maua i makaukau i ka olelo haole." Aponoia ka hoike waha a ke Komite. Ma ke noi, ua waihoia ka hoike a ka Puuku o ka Papa Hawaii ma ka lima o ka Papa Hawaii e unuhi a pai.
Na ke Kakauolelo Hawaii i heluhelu mai no ka hoike helu o ka Ekalesia o Kaluaaha. A na Rev. S. Paulo i heluhelu mai no ka hoike helu o ka Ekalesia o Halawa.
Hapaiia ke koena o ke Kumuhana 13 & 14, mahope o ke kuka ana a ka Aha. Waiho mai ka Lunahoomalu he olelo hooholo, penei: Hooholoia 1. Ke paipai aku nei keia Aha i na Ekalesia o Hawaii nei, e haawi mai i kokua no ka Oihana Misiona Kuloko, a e hookaawale i mau kolamu ma ka papahelu no keia mea.
Hapaiia ke Kumuhana 12. "No ka Misiona ma Nuuhiwa." Waiho mai o Rev. B. W. Paleka he olelo hooholo.
Penei:—E hoomauia ka Misiona o Nuuhiwa; me ka hoouna aku o ka Papa Hawaii i mau Misionari hou. Hooholoia.
Ma ke noi, ua hoopanee ka Aha a ka Poalua mua o Iune, hora 10 P. M., A. D. 1876. Ma ke noi, ua heluheluia na moolelo elua. Aponoia. G. PUULOA, Kakauolelo.