Ka Lahui Hawaii, Volume II, Number 44, 26 October 1876 — Page 3

Ka Moolelo o ka Ahahui Euanelio o Hawaii Komohana.

LA HANA 1.—Poakolu, Sept. 13.
Halawai ka Ahahui Euanelio o Hawaii Komohana ma ka luakini Hoolepope ma Hauoli Kamanao, Kona Hema, Hawaii i ka la 13, 14, 15, o Sepatemaba o keia makahiki, hora 12, o ke awakea, ma ka barota ana ua koho ia o J. Waiamau i Luna Hoomalu, o S. W. Papaula i Kakauolelo.
Ekalesia   Kahu  Elele
Kekaha   Rev. G. P. Kaonohimaka  ———
Kailua Helani  J. Waiamau  Meemii
Konawaena   S. W. Makaike  Haiolelo Hoomainoino
Kealakekua   S. W. Papaula  ———
Pukaana   ———  P. Polea
Kapalilua   ———  Kanui
Waiohinu   ———  J. R. Hoolapa
Na Lala maoli, J. W. Waiau, J. F. Pogue.
Na Komite Imihana Kaonohimaka, Waiau, Meemii.
Hoike mai ke komite i na kumu manao imua o ka Aha: 1 hapalua hora haipule, 2 hoike kihapai, 3 heluhelu haawina, 4, na palapala hoopii, 5, ke ola kahu, 6, mahinahou, 7, na ekalesia kahu ole, 8, no ka ona, 9, na hale kahu, 10, hooponopono ekalesia, 11, ka wae ana a me ka hooponopono ana i na Luna ekalesia, 12, kahunapule kaahele, 13, he kaahole kihapai, 14, nupepa L. H. 15, kula kahunapule. Apono ia ka hoike a ke komite. Komite Haawina. Makaike, Kanui, Hiolopa.
Hapai ia ka Hoike Kihapai:
Na J. B. Hoolapa i hoike waha mai no ke kihapai o Waiohinu, Kau.
Na P. Polea i heluhelu mai no ke kihapai o Pukaana.
Na S. W. Papaula i heluhelu mai no ke kihapai o Kealakekua.
Na S. W. Makaike i heluhelu mai no ke kihapai o Konawaena.
Na J. Waiamau i heluhelu mai no ke kihapai o Kailua me Helani.
Na G. P. Kaonohimaka i heluhelu mai no ke kihapai o Kekaha.
Hapai ia ka heluhelu Haawina:
Na Makaike i heluhelu mai i kona Haawina. Heaha ko oukou manao no ka Mesia?
Hapai ia ka Palapala Hoopii:
Na ke Kakauolelo i heluhelu mai i ka Palapala Kahea ia J. W. Kauhane no Kapalilua i Kahu no lakou. Noi ia mai e hoihoi hou i ka ekalesia e hooponopono, ua aponoia.
Hapai ia ke kumumanao, Ke ola o na Kahu. A ua kamailio nui ka Aha, a ua ike ia aia ma Konawaena keia pilikia, a hooholo ia e hoihoi i keia pilikia i ka Ekalesia o Konawaena, na lakou no e hana i ko lakou aie me ke aloha, ua aponoia.
Noi ia mai e hoopanee keia Aha, a halawai hou ma ka la apopo, hora 9. Pule o J. B. Hoolapa.
LA HANA 2.—Poaha, Sept. 14.
Halawai hou ka Aha i ka hora i hoopanee ia. Lilo ka hapalua hora ma ka haipule. Kahea ia na inoa, heluhelu ia ka Moolelo a apono ia.
Na D. Kanui i heluhelu mai no ke kihapai o Kapalilua.
Hapai ia ke kumu manao, Ka hooponopono Ekalesia. A ua kamailio ka Aha me na manao ikaika, a heluhelu ia ka hoike a ke Komite Hoomaemae Ekalesia. I mea e maopopo ai, a ua lawe ka Aha a apono aku i ka hoike a ke Komite o ka Ahahui Euanelio, me ka hoololi ana, ua hiki no i ke Kahu ke hoopanee i ka Aha Ekalesia a halawai me kona mau Luna ma na wahi kaawale. Hapai ia ke kumumanao, Ka hoonoho ana a me ke koho ana i na Luna Ekalesia.
Noi ia mai e hoomaha ka Aha i hookahi hora. Aponoia. Pule ka Luna Hoomalu.
Hoi mai ka Aha i ka pua ana o ka hoomaha. Pule o Polea.
Hoomaka hou ka Aha i ke kamailio ana no ke koho ana i na Luna Ekalesia.
Noi ia mai e koho ia i Komite. Koho ia o G. P. Kaonohimaka, Waiau, Hoolapa. Aponoia.
Hapai ia ke kumu manao, Kahunapule Kaahele. Ua kamailio ka Aha, a noi ia mai e heluhelu ia kekahi palapala a na komite, oia o Alexandero, T. Coana, A. Pali, M. Kuaea, G. Puuloa. Na J. F. Pogue i heluhelu mai, a ua mahalo nui aku ka Aha.
O keia ka manawa no ka hoike Kula Sabati o Kapalilua nei, ua hiki i ka hora 2. Aponoia.
Noho ka Aha e nana i ka hoike kula Sabati hookahi hora me ka hapalua, pau ae la ia hana.
Hoomaka hou ka Aha i kana hana no ka imi ana i Kahunapule Kaahele, a ua hoike ia o J. Waiamau ka mea kupono. Aponoia.
Noi ia mai e hoopanee keia Aha a halawai ma ka la apopo, hora 9. Aponoia.
Noi mai o Hoomainoino e hookuu ia ia. Aponoia. Pule o Hoomainoino.
LA HANA 3.—Poalima, Sept. 15.
Halawai hou ka Aha i ka hora i hoopanee ia, ka Luna Hoomalu ma ka noho.
Lilo ka hapalua hora ma ka haipule. Kahea ia na inoa. Heluhelu ia ka moolelo a aponoia.
Hoike mai ke komite no ka wae ana i na Luna Ekalesia penei: He mea nui ka wae ana a me ka hoonoho ana i kekahi poe i mau Luna Ekalesia. Nolaila, he mea pono ke lawelawe akahele ia me ka noonoo nui ka hookaawale ana i kekahi mau haipule no ia oihana a maluna o ka ekalesia ke kulana nui no ka wae ana.
Nolaila, hooholoia 1. Ke paipai ikaika aku nei keia Aha i na Kahu a me na Ekalesia, e kiai me ka malama pono loa i na
haipule iloko o ke kihapai, i hiki ai ke wae pono ia ka mea kupono no ka oihana Luna.
A o keia koho ana kai manao ia ua kupono :  G. P. Kaonohimaka.
Komi te  G. W. Waiau.
Aponoia ka Hoike a ke Komite.
Hoike mai ke Komite Imi Haawina: O makou o na Komite Imi Haawina, ke hooholo iho nei makou, o na haawina mua i hana ole ia e na Kahu i keia Aha, e mau no ia i kela a me keia Kahu, a hiki i kahi e ku hou ai ka Aha. Alaila, e hoike mai lakou i ko lakou mau haawina.
A o S. W. Makaike, eia kona haawina: Ma Roma 5: 7. No keaha hoi e make ole ai kekahi kanaka no ke kanaka pono.
D. W. Kanui.
Komi te  S. W. Makaike.
J. B. Hoolapa.
Aponoia ka hoike a ke Komite.
Hapai ia ke kumu manao, No ka nupepa ka "LAHUI HAWAII." Eia ka mea i hooholoia: O na Olelo Hooholo a keia Aha o na halawai i hala e pili ana no keia nupepa, oia no na Olelo Hooholo a keia Aha e lawe ai a hana aku na kahu, na lala a pau. Apono ia.
Hapai ia ke kumu manao, Ke Kula Kahunapule. Ma ka manao o ka Aha e hana aku no elike me na olelo hooholo o na halawai i hala. Aponoia.
Hapai ia ke kumu manao, Na Ekalesia Kahuole. 3 mau Ekalesia Kahuole, 1 Pukaana, 2 Kapalilua, 3 Konawaena. I mau Komite e malama aku i keia mau Ekalesia. Na S. W. Papaula e malama aku ia Pukaana me Kapalilua, ma ka Ahaaina a ka Haku, a na J. Waiamau e malama aku ia Konawaena. Aponoia.
Hapai ia ke kumu manao, No ka Ona. A me ka manao o ka Aha, e hooikaika no e kinai na kahu a e hana aku elike me na olelo hooholo mua o na halawai ana o keia Aha. Aponoia.
Hapai ia ke kumu manao, Na hale Kahu. Ua paa ka hale Kahu ma Pukaana, he hale laau maikai, aole nae he kanaka maloko. Ma Kealakekua, aole hale Kahu, pela no o Konawaena, Kekaha, Kapalilua, Waiohinu. Eia ka mea i hooholoia : E noho no keia Aha, elike me na olelo o kela halawai mua ana. Aponoia.
Hoike mai ke komite he olelo hooholo no ke kaahele kihapai.
Hooholoia, ma ka noonoo ana o keia Aha, he mea e pumehana ai na haipule ma ka pono o ke Akua, ke launa pinepine na haipule me na luna ekalesia, ke kahu ekalesia. Nolaila, ke paipai ia aka nei na luna ekalesia, na kahu ekalesia, e komo aku iwaena o na ohana kristiano, e noho palaka ana ma ko lakou mau hale iho.
Komite—G. P. Kaonohimaka.
Aponoia ka hoike a ke komite.
Hapai ia ka olalo hooholo e pili ana i ke ola o na kahu mai Kekaha a Waiohinu : Olelo Hooholo : I ka nana ana, ua maopopo ka noho mau ana o na ekalesia ma na mea e pili ana i ke ola o ko lakou mau kahu. Oiai lakou e noho loihi ana me ka hoomanawanui i ke ao ana, ka hooikaika ana a me ka hoonaauao ana i na kihapai o Kristo.
Hooholoia 1.—E hoomanao na Ekale sia o ke kahu e kiai ana iwaena o oukou, he kauwa ia na ke Akua a o kona kuleana aia iloko o ke Aloha.
Hooholoia 2.—Ke paipai aloha aku nei ko oukou Aha i na ekalesia e hoopau ae i ko oukou noho mau ana ma na mea e pili ana i ke ola o ko oukou mau kahu, a e hoonee aku iluna i kupono iloko o ke aloha o Kristo. Aponoia.
Hapai ia ka noonoo ana no Makaike. Ua pau ae la kona noho haiolelo ana ma Konawaena, no na makahiki 2. A ma ka manao o keia aha e hoomau hou aku i kona noho haiolelo ana no na makahiki elua ma kahi e kahea ia ai oia. Aponoia.
Olelo Hooholo : Hooholoia aia a hoopanee keia Aha, e halawai keia Aha mamuli o ka lokomaikai o na hoahanau o Waiohinu, Kau, i noi mai ai ma ka Poakolu, Mar. 2, 1877, hora 10 o ke kakahiaka. Apono ia. E malama ia ka hebedoma haipule mua o Ianuari, 1877, a me ka Poaha hope o Feberuari i la pule no na Kula. Aponoia.
Olelo Hooholo : Hooholoia, ke mahalo aku nei keia Aha i ka ekalesia o Kapalilua no ka malama ana mai i na lala o keia Aha ma na mea o ke kino. Aponoia.
Noi ia mai e heluhelu ia ka Moolelo, a ua heluhelu ia a aponoia. Noi ia mai e hoouna i ka moolelo o keia Aha e pai ma ka nupepa ka "LAHUI HAWAII," aponoia.
Noi ia mai e hoopanee keia Aha, a halawai ma Waiohinu, Kauohao, Kau, i ka Poakolu, Mar. 2, 1877, hora 10 o ke kakahiaka. Aponoia. Manao paipai ka Lunahoomalu. Hookuu ia ma ka himeni 285. Pule ka Lunahoomalu.  S. W. PAPAULA.
Kakauolelo.
Napoopoo, S. Kona. Oct. 18, 1876.

He mau Ninau o ka Baibala.
A owai auanei ka mea hele mai ma
ke ala o ka mea Hana. Na mea pohihihi o ka wa i hala.

          1. Heaha ka puka pilikia i olelo ia e Mataio 7: 14? A heaha ke ala ololi i olelo ia malaila?
          2. A e hoike piha mai i ka nui o ka poe i hele malaila a me ko lakou mau inoa ponoi?
          3. Owai ka holoholona i hoike ia e Ioane, ma Hoikeana 13 : 18, a me ke kanaka i hiki aku ka heluna pakahi o kona mau inoa, i ka 666, a pehea ka helu ana?
          4. Heaha ka hewa make ole i olelo ia e Paulo, ma Ioane I mok. 5: 17.
          He ma-u ia, a na oukou e wehewehe mai. Me ke aloha.  G. W. KEALALIO.
Kapauhi, Oct. 23, 1876.

NA ANOAI.

          Ua hookohu ia o M r. John E. Barnard i Kakauolelo mua no ka Ahakiekie, mamuli o ke kauoha a na Lunakanawai o ka Ahakiekie.

          I keia ahiahi Poalua ae, hora 7½, e puka ae ana ka Puali Pualu Company B. Hawaiian Guards, no ka hookahakaha mua loa ana, ma Kulaokahua.

          E halawai ana ka Papa Hooko o ka Ahahui Kula Sabati o ka Paeaina Hawaii, i keia Poaono ae, la 28 o keia mahina, ma ka hora 2 auwina la, ma ka keena kuai buke o ka Papa Hawaii.

          He mau pule wale no koe, a e kuai hou ia ana he mau aina waiwai nui, no Mr. Everett, aia kekahi o keia mau aina i Maui a me Molokai ; nolaila, o ka wa kupono keia no ka poe makemake aina e makaala ai, ma ka nana ana iho i ka hoolaha a ka Luna Kudala Bartow.

          Ke hoomaemae hou ia nei ka uwapo ma ke alo iho o ka oihana wai me ka hale kui hao, ke kau hou ia nei i na kua nunui me ka hoolu-a hou ana i ka lepo, a e nani ana ia uwapo a na keiki hoe waapa e pili ai, o na holomua ana paha keia o ke Kuikahi Panailike.

          Ma ka po Sabati iho nei, ua nui loa na walaau a me na hookamumu ana o na kamalii ma ka aoao mauka o na papa noho o Kawaiahao, a ke minamina nei makou i ko lakou uhauha wale ana i ka hale o ke Akua, a ina e ike houia ia mau ano hana, alaila, e makaukau ana no na lima lalau no lakou.

          Ma ka po o ka la 20 o keia mahina, ma Kaneohe ae nei, pakele iho la ke ola o kekahi luahine mai poino, oiai oia e hiamoe ana, e ole oia e kahea i ka moopuna ; o ka wa nae ia a ka lima koko i oki iho ai i ka pepeiao a heo aku la me ka ike ole ia o kona ano ; ua manao wale ia he Pake, a i ole he kanaka keia kolohe ; pela ka hoike a ko makou makamaka J. Meemano.

          He noi aloha i ka nupepa LAHUI HAWAII o ka M. H. 1877, e oluolu mai oe e pai hou mai i kahi i koe o ka Moolelo o Iosepa Wilimota, ma kou helu mua o kela makahiki hou. O makou ua lawe nupepa LAHUI HAWAII o Koolaupoko, Oahu.
          [E na makamaka, o ko oukou makemake, a me ko ka lehulehu a pau i lawe i ke kino o keia pepa, ka makou e hooikaika nei a e hoolawa ma na moolelo maikai a me na mea heluhelu e ae, no ka M. H. 1877.  L. H.]

          Ua kaumaha makou i ka haiia ana mai o ka lono, no ka make ana o Mr. John Elekenio, kekahi o na Hawaii mikiala ma ka hana o keia au hou, a i kamaaina hoi a launa me makou a me ka lehulehu pu. Ua haalele mai oia i kana wahine, kona hoahanau a me ka luaui makua, ma ka Poalima, la 21 o keia mahina, mahope iho o ka mai ana no 10 la wale no, me ka fiva, a i ka Poaono ae, ua ukaliia 'ku la kona manele hope loa ia ana a kahi mau o ka poe make. He kanaka oia i ike ia no ka oluolu, a he hua maikai ma kona waha i na wa a pau, a oia ka Hawaii nona ka inoa "Kahiumiumi helu ekahi" ma ka noeau.

          Ke haiia mai nei ka lohe ia makou, ke kaheawai la ka inu panini ana ma Honuaula i Maui ; inu na kane a me na wahine, komo aku na kane i ka lole o na wahine a pela na wahine i ka lole o na kane, a kau maluna o na lio, a holo ma o a maanei e like me ko lakou makemake, aole he Sabati i keia poe, he la noa wale no ; a ke ninau nei hoi makou, auhea la ka o Kaiko ma, ke iho like ala no paha ilaila ? Ina pela, ke puhi nei ka " LAHUI HAWAII" i kana O-le. Uoki! mai hana hou, o hiki aku o mana Kanawai.

          Ma keia mau la aku nei, ua hooneleia ko kakou luawai i ka wai ole, a o kahi wai, mai ka auwaha nui mai no ia ; ina paha he mau pau ahi ko keia mau po iho nei, e hoonele ia ana ko kakou Oihana Kinaiahi i ka wai ole, aka, aole he mau ulia poino ahi i loaa ia kakou. O ke kumu paha o keia nele ana o kakou i ka wai ole, oia no ka noho mau ana mai o ka wela ikiiki a hoonele ia ko kakou mau kuahiwi me na ohu wai, a omo pu ia ae la na wai e lana ana ma  na kahawai a maloo. E malama i kahi wai no na pilikia kuloko a mai uhauha wale; eia ka wela la ke kiai paa mai nei ia kakou.

          Ma Kapalama-kai, Oct. 20, make o Kealoha k., ua loihi na la o kona kaa ana i ka mai a hala aku la ma kela aoao o ka make, ua haalele mai la ia'u a me ka maua makahiapo, e noho iloko o ka u a me ke kaumaha kumakena nona. O kona ohana ponoi, aole i ike i kona make ana, ua hele ma kahi e, a malia o ike iho kona ohana ma ka nupepa ka LAHUI HAWAII no kona make ana, hoi mai e ike ia'u i ka mea e ola ana. Ke mahalo nui nei au i ka Luna Hooponopono, ina ia e uleu ae i ka hoopuka ana ma ke akea, i ike mai ai kona mau hanauna. Nolaila, ma o na lani la ko'u puuhonua, a me ka hauoli nui o ko'u naau, i ka lawe ia ana'ku o ka uhane o ka'u kane, ka hoa pupuu anu, a noho ma ka poli o ka Mea nana kakou i hana. He elua makahiki a oi ae ko maua noho pu ana me ka oluolu, aole au i ike ua kue oia i ko maua noho ana, a na ka make i hookaawale i kekahi  o maua.
O wau no o HANA.

          E S. K. Kaleikini e, aole anei keia o ke kuailo ana o ko nane? Ae; oia no, ina pela, e hoouna mai oe i ka'u pahu ko paa, oiai, ke makaukau nei au e inu ti, o ke kopaa ole hoi ka hewa. Me ka mahalo.
D. M. KAIWI.
Maui, Oct. 26, 1876.

          Aia ma kou helu 39, o Sept. 21, i ike iho ai au, ua hoole mai o S. K. Kalaikini i ka haina a'u i hai aku ai ma kou helu 35, Augate 24, me kona i iho ua halahu mawaho o ka nane.
          Aole au i manao e pane aku ia oe ma ia mea, aka, e hoouna aku ana i ka haina pili pono i ka nane.
          Haina—E haalele loa ua keiki nei i ke ano uhauha a me ka puni lealea, a e hooiaio ia hoi kona manaoio ana pela, i kulike ai me ka olelo, "a ina e loaa ua mau kumuhana la a hooiaio ia, alaila, ua lilo no ua keiki la na waiwai a pau o kona makuakane, a i loaa ole na kumuhana, o kona neo no ia a palaki."
          Eia ko kumuhana :—"Aole no e hiki i ua keiki nei ke kii aku i ke ao, a i ka po paha, aole hoi me ke kapa ole, a kapa paha."
          A nolaila, ua kupono loa ka haina i ke kumuhana, no ka mea, aole no i kii maoli aku ke keiki, aka, ua haalele wale no oia i kona ano uhauha a me ka puni lealea, ka mea hoi a kona makuakane i hoowahawaha ai, a i ka pau ana o kona ano ino, eia wale no ka mea i koe, o ka haawiia mai o ka Palapala Kauoha e hooili ana i na waiwai a pau no ke keiki.
          E like hoi me keia.—Ua hoomakaukauia ke aupuni o ka lani no ka poe e haalele io ana i ko lakou mau hewa, i kulike ai hoi me ka makemake o ke Akua; pela o hoi keia a kaua e hoomaopopo iho ai, oiai, o ka manao maoli no o ka makuakane, ina aohe he ano uhauha a me ka puni lealea o kana keiki, alaila, aole e kala i au wale ka la i haawiia'i ka Palapala Kauoha no kana keiki, a no ka ike ana o kona makuakane i kona ano ino, nolaila, ua hana oia ma keia ano i mea e noonoo ai kana keiki a imi i ka makemake o kona makua ma ke kumuhana i haawiia iaia.
          Eia keia.—O ko wahi pane, "i nui ke aho, nokea i ka niele ia Wao, malia ua loaa iaia," ua halahu loa ia mawaho o ka noonoo maikai ana, a he hahai ana ia ou ma ke ala o "Waawaaikinaaupo" ma.
          A o ka haina hoi a ko io ponoi S. R. K. e noho ana ma Ever Home, Maui, aole no i aeae loa, aka, aole i wali pono i ke kuiia na umeke eleu, (na ninau) a ua kali iho nei au a hala ka iki, a ke hele nei i ka loa, aole no he wahi mea a lele mai o ka pua a Pikoiakaalala a me ka huna ahi Helena a ua keiki nei o na Hono o Piilani, i ike ai la hoi kakou i ka eha io o ka iniki. Welina i na hookele o ka LAHUI HAWAII.
WM. ROSEWELL.
We st Maui, Oct. 19, 1876.

OLELO HOOLAHA.

MAKEMAKEIA
Elua mau kanaka opio!

I ELUA MAU KEIKI MAIKAI, I HIKI AKU na makahiki i ka 15, no ke ao ana i ka Oihana Tela Humu Lole. O ka loihi o ka manawa no ka noho ao ana, eha makahiki. I mau keiki makaukau ma ka olelo haole. E ninau ia  WM. JOHNSON.
Tela Humu Lole, Alanui Kaahumanu.  40 3t 43

          O KA UKU WAI mai Iulai 1, 1876 aku a hiki i Ianuari 1877, (he uku mua wale no) eia ka manawa, nolaila, o ka poe he mau uku wai ko lakou aole i hookaa, e hele mai lakou ma kuu Hale hana e hooponopono ai, mamua ae o ka la 30 o Sepatemaba. O na wai aole i ukuia mahope o ia la, e okiia no me ka hookaulua ole.  H. S. HOWLAND,
773 4ts 776  Luna Wai.

C. H. DICKEY, (Kale Kika,)

LOIO!
A he Luna Kepa i apono ia e ke Aupuni no ka Apana o Makawao, Maui Hikina.
E HELE NUI mai ka poe a pau i loohia ia me na pilikia pili Kanawai o ka "Ua-ukiu" nei, a no ko oukou makamaka oiaio no e kokua a e hooikaika e hoopau i na pilikia ma na ano a pau o ke Kanawai.  17-1y

HE PAPA KUHIKUHI MANAWA HOLO
O KA
Mokuahi Hawaii
KILAUEA!
KAPENA MARCHANT!

Poaha, Nov. 2, hora 4 pm . . . . . No Nawiliwili a ku hou ma Honolulu i ke kakahiaka Poaono.
Poakahi, Nov. 6, hora 5 pm . . . . . No Hilo
Poakahi, Nov. 13, hora 5 pm . . . . . No Kona.
Poakahi, Nov. 20, hora 5 pm . . . . . No Hilo
Poakahi, Nov. 27, hora 5 pm . . . . . No Kona.
Poakahi, Dec. 4, hora 4 pm . . . . . Kaapuni ia Kauai, a ku hou ma Honolulu i ke kakahiaka Poalima.
Poakahi, Dec. 11, hora 5 pm . . . . . No Hilo
Poakahi, Dec. 18, hora 5 pm . . . . . No Kona
Poakahi, Dec. 25, hora 5 pm . . . . . No Hilo
Ma na holo ana a pau a Kilauea i Kona, e hiki loa ana oia i Honomalina, ma Kapalilua.
Aole kaapuni hou aia a hai hou ia'ku
Ma na huakai no Maui a me Hawaii, e haalele ai ke Kilauea i ka hora 5. A ma na huakai o Kauai, i ka hora 4 P M. Ma ka hoi ana mai, e haalele ai ke Kilauea ia Kawaihae hora 10 A M., Makena e like me ka mea i hoolaha waha ia, Maalaea a hiki i ka hora 7 a. m. E hoolahaia aku ina e hooliloia ka manawa holo.
Uku Eemoku mai Honolulu aku.
A hiki i Kaunakakai pela maluna mai . . . . . $5.00
" Lahaina, " " . . . . . 6.00
" Maalaea, " " . . . . . 7.00
" Makena, " " . . . . . 8.00
" Mahukona, " " . . . . . 10.00
" Kawaihae, " " . . . . . 10.00
" Kailua, " " . . . . . 10.00
" Kaawaloa, " " . . . . . 10.00
" Hilo, " " . . . . . 12.50
" Kau, " " . . . . . 18.50
Uku kaapuni ia Hawaii . . . . . 25.00
A hiki i na awa o Kauai . . . . . 5.00
Uku kaapuni ia Kauai, . . . . . 12.00
Uku ohua Hawaii oneki, . . . . . 2.00
Aole aie no na uku ohua.
Ma ka Hale Oihana e loaa'i na palapala.
Aole keena o hope e lilo, aia wale no a kaa mua mai ka uku moku. Aole e ili ka hewa no na paiki, ukana a puolo paha, ke ole e kakauia ka loaa ana mai.
E hookaa'ia ka uku ukana i ka wa e noiia aku ai.
SAMUEL G. WILDER (Waila,)
A gena.
Keena ma ka Hale Kuai Papa o Waila ma, kihi o Alanui Papu a me Moiwahine.  775 3m 746

CECIL BROWN,

Loio a he Kokua ma ke Kanawai
A HE AGENA NO KA HOOIAIO ANA I NA Palapala no ka mokupuni o Oahu.
Helu 8 Alanui Kaahumanu, Honolulu, H. P. A.

WIL DER & Co.,
(WAILA MA.)

AIA MA KE KIHI O
ALANUI PAPU me MOIWAHINE!
Ua hoolako mau ia me ke kuai ana aku i na
Papa me na lako Kukulu hale
O NA ANO A PAU.
NA PANI PUKA!
PUKAANIANI,
OLEPELEPE,
LAKA,
AMI-LIILII,
AMI-LOLOA
PENA o na ano a pau,
AILA PENA,
VANIKI, &c.
Na Balak Pena me Puna,
Na Pepa Hale me na Lipine Pepa.
Aniani, Paakai, &c.
O na mea a pau maluna ae e kuai makepono loa ia aku no ke DALA KUIKE  1-1y

E LOAA NO I KA POE E MAKEMAKE I NA
INIKA KAKAU,
PENI, PEPA,
WAHI-LE TA,
BUKE,
MA KAHI O
TARAMU.

Manae iho o Kini Hana Wa ti.
KAHI HOI E LOAA AI IA OUKOU
NA BUKE!
Oia hoi na nupepa i humuia, a e kuniia ka inoa mawaho o ka buke, a ka mea makemake ana, eia no ma kahi o
TARAMU.
KAHI E LOAA AI KO OUKOU MAU
Papa Kuni Inoa!
No ke kuni ana i na Lole,
Na INIKA a me na BALATI,
—NO KA—
$1.50 NO KE KUNI KELEAWE,
2.00 NO KE KUNI DALA.
EIA MALALO IHO NA OLELO KUHIKUHI.
NO KA LAWELAWE ANA I KA
Inika kohu mau a Thos. G. Thrum,
HE INIKA KEIA E HOAILONA AI NA LOLE KEOKEO.
[E kawili mua ia ka inika, alaila e hookulu iho hookahi kulu maluna o kahi apana aniani, e hooma-u pono ia ka peni hulu; hoomoe iho ka papa inoa maluna o ka lole i hoomaemae maikai ia; pena iho me ka wikiwiki a ike ia ke kohu ma kahi aoao; alaila iho ma ia aoao me ka alana lole i wela kupono, a i ole ia e hoopili aku i ke aniani uwahi o ke kukui mahu; alaila kaulai aku i ka la i mau hora. Ina e hooko pono ia keia mau rula, o ke kohu mau no ia o ka inika. O ka holoi mua ana o ka lole mahope o ke kau ana o ka Inika me ka wai wela me ke kopa, aole me ka wai koekoe. E holoi maikai ia ka papa inoa me ka peni hulu, a waiho aku.
Malaila no e uku ia ai na uku kiekie e like me ka nui oh na makahiki o na poo leta Hawaii o na ano a pau, mai kahiko mai a i keia manawa, o na poo i pau ko lakou waiwai ma na leta.  ( 1y)  TARAMU.

NA BUKE
I HOOLAHAIA E KA PAPA HAWAII
—ME KE—
KUMUKUAI O KELA ME KEIA.

BAIBALA HEMOLELE NUI ILI GULA NANI me na kuhikuhi ma na aoao.....$12 00
Baibala Hemolele Nui ili eleele kaekae waigula.... 5 00
Baibala Hemolele uuku iki iho kae wai gula..... 8 00
Baibala Hemolele pananaiki iho ili eleele..... 4 00
Baibala Hemolele ili eleele 2 00
Kauoha Hou ili gula nani me na kuhikuhi..... 3 00
Kauoha Hou ili eleele kaekae wai gula..... 1 00
Kauoha Hou ili eleele.....  75
Kauoha Hou Hapa Haole.....  75
Moolelo Ekalesia.....  50
Haiao ili lahilahi.....  10
Hele Malihini ana.....  25
No ko ke Akua ano.....  25
Hoike Palapala Hemolele.....  25
Moolelo o Heneri Opukahaia.....  15
Hoike Akua.....  25
Wehewehehala.....   25
Ninau Hoike ili manoanoa.....  50
Ninau Hoike ili lahilahi.....  20
Kumumua Kula Sabati.....  20
Buke Lawe Lima.....  10
He Buke no ka Pope.....  15
Ui Kula Sabati Helu 3.....  25
Ui Kula Sabati Helu 4.....  15
Ui Kula Sabati Helu 5.....  25
Buke Euanelio a Ioane Hapahaole.....  10
Buke Wehewehe Huaolelo Baibala, elua ano..... 2 00
Buke Wehewehe Ano Mataio..... 1 00
NA KAUOHA HOU PAKEKE.
Ili gula nani..... 1 50
Ili eleele kaekae nani.....  50
Ili eleele.....  35
KAUOHA HOU PAKEKE ME NA HALELU.
Ili gula nani..... 1 70
Ili eleele kaekae wai gula.....  65
Ili eleele.....  50
NA HALELU PAKEKE.
Ili Gula nani.....  50
Ili eleele kaekae wai gula.....  30
Ili eleele.....  20
Ka hae Hoonani (Buke Mele).....  25
NA BUKE MELE.
Himeni Hawaii ili nani..... 1 75
Himeni Hawaii..... 1 00
Kumu Leo Mele ili manoanoa.....  50
Kumu Leo Mele.....  10
Li ra Kamalii.....  25
Li ra Hawaii 1848.....  25
Li ra Hawaii 1855.....  25
Hae Hoonani.....  20
Leo Hoomana.....  25
EIA NA BUKE HAAWI WALE.
PALAPALA LIILII—
Helu 4—Makemake anei oe i ke ola?
Helu 6—E hele i o Kristo la.
Helu 7—Ka hoi ana mai o ke Keiki Uhauha.
Helu 11—No ka hoohiki wahahee i ke Akua.
Helu 16—Ka Eehia ana o ka Ahaaina a ka Haku a me ka Bapetizo ana.
Helu 17—Mai hana ino i na holoholona.
Helu 18—No ka mahi ana, kuai ana a me ka nu ana i ka Awa.
Ka Davida Malo Kumumanao.
Ka Moolelo o Batimea Puaaiki.
Aia ke keena kuai buke o ka Papa Hawaii ma ka huina o Alanui Betela me Alanui Kalepa, e kokoke ana i ka Hale Leta.  J. F. POKUE.
Kakaule ta o ka Papa Hooko o ka Ahahui Euanelio o ko Hawaii Pae Aina.