Ka Leo o ka Lahui, Volume II, Number 108, 15 January 1891 — Page 1
| This text was transcribed by: | Wendy Tokumine |
| This work is dedicated to: | Awaiaulu |
KA LEO O KA LAHUI.
"E Mau ke Ea o ka Aina i ka Pono."
Buke II. HONOLULU. IANUARI 15, 1891. Helu 108
He Moolelo Nanea.
No ke
Kamaliiwahine Laulie.
A i ole
HE NANEA KAMAHAO NO KA
HULU GULA O
KIBERIANA.
He Kaao kahiko no Helene.
MOKUNA V.
No akioea hoi ka lua o na keiki mahoe a ka nene kupua, mahope iho o kona naku hele ana iloko o ka ululaau me ke alualu ana mahope o kona hanau mua, ua kahea hele aku la oia i kona inoa me ka leo nui iloko o ka lae laau, aole nae o Iwita i pane ma ii ka hea a kona pokii, no ka mea ua ahai aku la ka pupuhi iaia me ke kaikamahine Lowina o ka lokowai pahaohao, ka ui hoi nona ke kino dia ulaula a kaua i ike mua ae nei.
No ka panai ole ia mai o kana hea ana, ua noho iho la oia ilalo meke kaumaha ma ke kumu o kekahi kumulaau me ke kakali malie ana nona, a hala ae la ka hora aole nae oia i hoi hou mai, nolaila ua uwe @ oia me ka ehaeha a hike wale i ko@ hikilele ana i ka halulu o ke kahi mea, a i kona nana ana aku aia hoi ike aku la oia i ke dia a kona kaikuaana i alualu loihi ai ma ia kakahiaka.
Kau aku la kona mau maka no ka hoea mai o kona hemo mua, he oia mau no nae ka nele, nolaila ua omau iho la oia i kana pua i ke kakaka a ukali aku la mahope o na dia hoowalewale la, a hike i ko laua hike ana aku ma kappa o ka lokowai a nalo aku la hoi ua maunu hoohihia la i ka manao iloko o ka nahele.
A ma kahi a Iwita in oho ai malaila no oia i hoomaha iho ai me ke kali ana no ka oili hou mai o ua dia la, a oloko hoi ona i ka mahalo i ka malino lana malie o ka wai o ka lokowai, a i ka hala ana ae o ke mau minute, ua kupikipikio ae la ka wai o ka lokowai, a ike pu aku la no hoi oia i ke ea ana ae o kekahi nohea mai ka wai ae a nana aue pa weo mai la iaia, a oiai he kanaka ui no o Akioca ua ahai pu ia aku la me ia e ua pakela ai ala a noho ana i ka hohonu o ke aupuu a Limaloa.
Kakali iho la o Kolana ma ia laua a hike wale i ke ahiahi ana aole nae laua i hoi hou aku, no ka mea aia laua elua ilalo kahi i hoeheno ai me na kaikamahine mahoe a ka moiwahine o ka lokowai pahaohao, nolaila ua hoomau hou aku la o Kolana ma i ka lakou huakai aumoana me ka haalele ana i Punana hoaloha e walea ana i ka wiiika pupue malie i ko laua mau kihei huluhulu moe kehau a pupuu anu hoi o Milolii.
Mahope iho o ka lakou auwana hele ana maluna o ka ili hualala o ka moana kai nui no kekahi mau la, ua koa @uku iho la ka lakou ai a pela no hei me ka wai, nolaila ua hooholo iho la lakou e pae aku i ka aina e halawai mua mai ana me lakou, no ka mea o ka hopena o ka lakou huakai aole i maopopo.
I ka hala ana ae o kekahi mau hora ua ike aku la lakou mamua pono o ka ihu o ko lakou halelana i ka poahi mai a kea o aina i ka lewa, a aole i liuliu mahope iho ua ike aku la lakou i ke kupu kelakela ae a na kuahiwi uhuli o ua aina la maluna ae o ka ilikai, ke kulanakauhale a pela aku.
O keia aina nui palahalaha a lakou e ike nei, oia ka aina piliwale o Keleva, a e noho aimoku ia ana hoi e kekahi moi o Omekkuea kona inoa ka mea hoi nana ka puni he hakaka mai kona wa niho ole mai a lena wale ke ku’i, a ua lilo hoi oia i mea maka’u nui ia e na tausani ka paka o ka aina o Keleva.
Na keia moi ka olelo kaulana mai ka wa mai o kona noho moi ana, o kona kanaka e eha ai. Oia ka na aikane aloha loa a hemo ole hoi in a kau a kau, nolaila ua nui ka poe i hakaka me ia, eia nae ua nui a lehulehu wale o lakou i lilo mauwale i mau moepuu na ka make mumuli o ka nui palena ole o kona ikaika, a pela oia i lilo a ii mea ma ka’u nui ia, a aole hoi he poe i aa hou aku e hakaka me ia.
No keia ike o ua moi ne ii ka nele, ua hoomaopopo iho la oia aohe he kanaka ikaika ma Keleya oia wale no, nolaila ua hoopuka aku la oia i kekahi olelo kuahaua, o na malihini a pau mai kekahi mau aina mai e pae aku ana i Kelewa. E hopu ia lakou a lawe aku imau ona no ka hakaka ana me ia, ina aole e kipaku hou ia lakou mai ka hehi ana aku i ka aina o Keleva.
I ko Kolana ma pae ana aku, ua hoike mai la na kamaaina ia lakou i ke kuahaua a ka moi Amekuca, oia ka ua opio ne ii ui ae a ii ka manao o kona mau hoa alo o na moana kai ehuehu, aia hoi ua pane llike mai la lakou, he mea makehewa ko kakou lele ana aku iuka, e hoomanawanui kakou, aole e pau koke keia ai a loaa hou aku kekahi aina ia kakou.
He poe u’a wale no kakou a pau, wahi a Kolana i kona mau hoa, a aole hoi he mea i ike aia io he aina mamua aku nei o kakou, no ka mea o ka makamua loa keia o ko kakou holo ana i ka moana, nolaila e lele kakou iuka o ka aina a kakou i ike ai me ko kakou mau maka ponoi, malia paha o ka hope loa keia o na aina e halawai mai ana me ka kou, alaila e pau ana kakou i ka polloi a me ka makewai.
Aole i pau.
He Moolelo
No
MORIWIANA.
KE KIU O NA MEA HUNA EKOLU—KA UI I HOOLILO I KE KUA O NA LIO I HOME NONA—O KE KANA KA OPIO I LILO I KOA KAULANA I NA IA O KALEMANA O BOHEMIANA.
A in a aole i lawa ko oukou mau puuwai me na kulu koko o ka hohe wale, alaila e hoomanaoiho keia a me keia pakahi o oukou ua makaukau o Moriviana e halawai ma ka ikaika o na mea kaua maluna o na wai a kea o ka moana, a i ole pana o na kula laula, a akea o ko oukou mau aupuni.
Nolaila i ka hoomaha ana o ka’u pane imua o ko oukou hanohano, e waiho koke ma ii ka oukou mau pane iloko o na la he 12 wale no mai keia la aku in a ua hewa a kue paha ke aupuni o Bohemia in a rula naauao o ka oihana kaua malale o na kumu i hoomaopopo ia penei:
1 O ke aupuni o Helene e olelo ia nei ua pakaha ia ola e ka mana o ke aupuni o Bohemia, aole anei ola ke aupuai makamua loa i hoao e kue, a uhaki i ke kuikahi maluhia o Europa holookoa ka mea a ke koa Morenedai i molia a ii kona ola e make maluna o ke kahue kaua no ua kuikahi ia?
2 Ina ua kue a uhaki mua keia aupuni hohe o Helene i ka ihiihi o kela kuikahi, alaila e nele anei ola me na kikohu eleele o kela mau huaolelo “kipi” a “wawahi maluhia” a ke aupuhi o Bohemia nei e haaheo ai ma ka olelo ana ae, he kipi ola, a he pakaha o ka @hoa wale?
3 Ina ua kipi ke auppuni o Helene, alaila, ua mele an i kona pookalaunu i ka eleele o kona lae he moi kipi oia a me ka pakaha?
4 O ke kipi ana o na aupuni hehe wale la o Helene a me kona pookalaunu, me kona haawi ole ana in a uwao a we na kokua ana no ka hanohano o kela kuikai main a lima pakaha mai o Rodine Huda, kekahi o kona mau makaainana, aole anei @ku kela aupuni i ke ahewa ia ma na degera kiekie loa k uhaki maluhia?
5 O ke kipi ana o kela moi a me kona auppuni, alaila e hoonele ia ana anei ke aupuni o Bohemia me kona kuleana ahewa a koi aku i kela aupuni, oiai he pio malalo o kona (Bohemia) mana?
6 O ka haule pio ana o ke aupani o Helene a me kona pookalaunu malalo o ka mana o ke aupuni o Bohemia, alaila, aole anei i loaa i ke aupuni o Bohemia ka mana piha malalo o ka ikaika o na mea kaua e ahewa aku i ua aupuni la a me kona pookalaunu me ka hoekelokolo ole ia malalo o na rula o ka oihana kaua?
Ea, e na mana kaua hoohe wale o Europa, ma ka hapa o ke aupuni o Bohemia, ke ku nei o Moriviana a kukala aku ua loaa ia Bohemia ke mana piha e ahewa a ii ua aupuni la a me kona moi malalo o na kumu ahewa koikoi loa e hike ole a ii ua aupuni la ke pale nona iho e lilke me kana i waiho mai a ii na koi ana o ka makau wale na ko oukou hanohano e hooholo.
Nolaila i ka waiho ana aku o keia mau pane na ko oukou hanohano e noonoo me ke akahele. Ke kukala aku nei o Moriviana ko Bohemia alihikaua, ua ahewa ia ke aupuni o Helene malalo o ka mana o kela huaolelo he kipi a me ka wawahi maluhia o Europa, a o ka li ia ana o ka moi Atenai me kona hookolokolo ole ia, ua lawa ia no ka hui kala ana in a hewa a kona aupuni i hana ai, e laa na hana pakaha wale a Rodine Huda kekahi o kona makaainana maluna o na poo kalaunu o kela a me keia aupini, kona kaili ana i ka mana o ua mau aupuni la malalo o kona li@a pakaha o ka hao wale, a me kona luku weliweli ana i ka poe a pau e haawi ana i ko lakou mau ikaika me ka puuwai o ke alone aina, a maluna o na mea a pau, ua hookane ia ke koko ma kela a me wahi o Europa.
Alaila e na mana aupuni o Europa, me keia mau hoikeike ana ae la, ke paa nei o Bohemia i ke aupuni o Helene he pio i ahewa ia no ke kipu, a o k ikaika a me ka oi o na mea kaua, oia wale no ke alahele e kaili ia aku ai ua aupuni la mailoko aku o na maiun o Bohemia.
Moriviana
Alihikaua o Bohemia.
O keia palapala ae la a ke koa opio, oia kana i hoouna aku ai ma ka lima o na eleele lehulehu me ke kauoha paa, e hooko ia ka hanohano o ka lawe kauoha me ka hakalia ole.
Nolaila e ka mea heluhelu; e like me ka leo kauoha a ua alihikaua opio la o Bohemia, pela na elele hooko kauoha pololei ana i haalele like iho ai maluna o na moku kialua liilii i hoomakaukau ia no nu ano hana oia ano, a hiu ae la ko lakou heleuna no na aupuni oike ole o Europa ke paku hopu o ka lakou huakai.
Aole i pau.
He Ohohia Nui,
O ka leo o ka Lahui aia iloko o ka lokahi
O ka hookuee ana oia kona enemi.
Eia ka poe i hookaa mai ma ka lima o na Luna:
Ian. 1 Princess Liliu Haim eipo 1
Mrs. C. L. Hiram 5
C. W. Ashford Merchant St. 5
Chas. Hopkins 1
Chas. Gulick 1
W. C. Achi 1
Wm. Kamana Kawaiahao 1
Jas. Quinn King St. 1
Wm. Rick Merchant Ss. 1
M. J. Wailele School St. 1
J. Kahiapo Leleo 1
Puakinamu Kakaako 1
J. W. Okuu Kawaiahao 1
Kaauwai Liliha St. 1
Wahinelili Kunawai 1
Ma o George Kanikau ka Luna eleu.
Ian, 1 Kaelele Kalihi 1
Kaui Kapalama 1
Lokalia Koiniu 1
Kakai Leleo 1
Kaluhimoku Honokaupu 1
H. Dolo Niupaipai 1
Kumukahi Waikiki 1
Elemakule Moihini 1
Kahue P@ 1
Kahailiopua Kamanjuwai 1
Kanakaole Waikiki 1
Keala Leleo 1
S. M. Mahoe Leleo 1
Meheula Auwaielimu 1
Ma o J. W. H. Keanu Ka Luna
Ina. 1 Meleholeko 1
Haalo’u 1
Kapika 1
Hakalaau 1
Kahoiwai Kaakopua 1
Wakinekona 1
Keumi 1
Kanealoha 1
Mano 1
Keoninaone 1
C. Spencer 1
P@ Kauluwela 1
Lahapa 1
Kani 1
Kenahupu Puukolo 1
Puakalehua Leleo 1
Pahano Ewa 1
Kahiwaloni Waikahalulu 1
Kemiki 1
Ane Pelekane 1
Mahi Kikihale 1
Kalehua Puukolo 1
Haleakala 1
Makalii Makeke 1
Kaalele Kamanuwai 1
Keaweiwi Koleaka 1
Makanoe Mana 1
Mio Kulaokahua 1
Palakiko 1
Kamoku Auwaiolimu 1
Kaneaiakala, Ka Luna El@
Hoolaha Hoopau Hui
Ma keia ke hoolahaia aku nei, o ka Hui o ka poe no lakou na inoa malalo iho, malalo o ka inoa Hui KA HUI MAIA HAWAII, ma keia ua hoopauna @muli o ka aelike ana o na lala a pau.
ENOCH JOHNSON
W.H. CUMMINGS
W.C. ACHI
D.K. BAKER
GEO. I. DESHA
J.W.H. WAHINEAUA
C. KAONOHI
ISAAC D. IAKEA
S.M. KAMAKAU
LAHAPA KEKAI
IOELA KAIANUI
FRANK ARCHER
J. PAAKAULA
J. KEAKAHIWA
J.W. BIPIKANE
S.M. KAAUKAI
JNO. E. BUSH
MRS. KAHAUNAELE
C.K. KAPPLE
J.M. BRIGHT
MRS. J. C. KAAUKAI
By W.C. ACHI his Atty
@ her@
Dec. 16, 1890 @