Ka Leo o ka Lahui, Volume II, Number 115, 26 January 1891 — Page 1

KA LEO O KA LAHUI.

"E Mau ke Ea o ka Aina i ka Pono."

 

Buke II.           Honolulu.        Ianuari 26, 1891.         Helu 115

 

HE MOOLELEO KAAO

--NO.—

LILIA ULAULA.

 

KA MEA NANA I HOONAUEUE I NA

PANI HAO HE 35 O KE AUPUN

WANEDELA I NOHO HAKU IA

HOI E KE KUPUA MASELANA.

 

     I ka pau ana o ka Bavaria nana ana i ka leta a kona hanau mua, ua pane mai la oia i ka elele hooko kauoha me ke kanalua ole penei:

     E hoi oe i o kou moku a e kali ia’u no ka la apopo; a ma ka hora 4 ponoi e haalele ai kakou i Helene nei, a holo aku no Arapia, wahi a ke keiki alii Bawaria i olelo aku ai i ka elele hooko kanoha a kona hanau mua.

            A i ka lohe ana o ka elele i na olelo a Bawaria. ua huli aku la oia hoi no ka moku e kali ana i ka hooko ia ana o ka makemake o kona haku e kii mai ia Bawaria e molia @ kona ola makamae imua o Bima opu lokoino ma ke aupuni o Arapia.

            I ka huli hoi ana aku o ka elele no luna o ka moku, ua noho iho la o Bawaria a hiki i ka wa i hoi mai ai no Ninewa ma; ua hoonanea iho la lakou, a ia lakou no e hoonanea ana, ua pane aku la o Bima imua o Ninewa ma i ka i ana aku penei:

            Ma ka hora 4 o ke ahiahi o ka la apopo e haalele ai wau ia oukou a holo aku ma ka moku no Arapia. oiai ua hiki mai nei ka leta a kuu kaikuaana e kauoha mai ana ia’u e holo aku wau e hooponopono i na waiwai o ka makuakane o maua i make; mai ka noho alii, a me na waiwai e ae e piii ana i ke aupuni; nolaila, e noho oukou me ka maikai a hiki i ko’u wa e hoi hou mai ai i ko kakou aupuni.

            I ka pau ana ae o ka lakou nanea ana, ua hoi aku la lakou e paina i ko lakou aina ahiahi; a i ka pau ana, ua noho iho la lakou hoonanea a hiki wale i na hora o ke aumoe, ua hoi aku la kela a me keia no ko lakou mau rumi pakahi, a n Ninewa nae ua hoi aku la oia me kona noonoo no ka huakai hele a kana aikane no Arapia, he pono paha aole paha.

            I kona komo ana aku 1 kona rumi, ua hele loa aku la oia a huki mai la i ka ume o kona pakaukau a lalau aku la i kana wahi pokaa ropi. ka mea hoi nana i alakai iaia mai ke kulana haahaa a ke kulana hanohano a ninau iho oia—

            Pehea la ka huakai a ke aikane a kakou no Arapia, e ukali ia ana anei oia me na pamaikai aole paha, nolaila e pono oe e hoike mai i ka mea oiaio; a hoomaka ae la oia e uu a nana iho la oia i na huaolelo i kahakaha ia maluna o kana wahi poomuku lopi; a penei na huaolelo 1 palapala ia.

            O ka huakai a ka haku o kaua e manao nei e holo i Arapia, he huakai no ka poino. aole no ka pomaikai, oiai ua enemi ke kaikuaana iaia me kona manao ua hoohaumia ia ka wahine e kona pokii, nolaila aole i maikai kana huakai hele, e aua aku iaia e noho aole e hele malalo o kela kauoha opu lokoino.

            I ka pau ana ae o ka Ninewa kilohi ana i na huaolelo i kahakaha ia maluna o kana wahi poomuku ropi, ua hoihoi aku la oia iaia ma kona wahi maa mau, a hoi aku la oia e moe; a na ka bele hoala kakahia i hoala ae i na mea a pau loa, a pela pu no hoi me Ninewa.

            Ma ko Ninewa ala ana ae, ua hele aku la ia e hoomaemae i kona mau maka. a kahiko iho la i kona mau pono kino, a i ka makaukau ana na kani koke mai la ka bele aina a ua hele aku la no hoi keia a noho iho maluna o kona wahi e no ho mau ai a laiau aku ia kela nookahi apana palaoa a paa ae la. a pane iho la i ka apana palaoa mamua o kona hookomo ana ikolo o kona waha i ka i ana iho—

            O oe e keia apana palaoa, ina oe e hui pu ia ana me ka i’o o na holoholona e holo ana ma ka aina a me ka i’o o na i’a a pau e holo ana maloko o ke kai e waiho mai la malona o kela pa. he mea oiaio o oe a me ia ke huipu ia, o olua ka mea nana e hooluolu aku i ka opu o ka mea i hele a huhu i ko olua komo ana aku iloko ona e hoonana ai a hiki i ka loaa ana iaia o ka noonoo maikai a me ka nanaina oluolu me ke akahai, a oia ka’u e noi aku nei i ko ke Akua oluolu e hookomo i ka noonoo maikai ia olua a na olua e lawe aku a waiho malie iloko o ka opu o ko kakou haku, ke keiki alii Bawaria i kona manawa e lalau mai ai ia elua a hookomo aku iloko ona, e paio olua no ka manao maikai aole no ke ino.

            Hooki iho la ua Ninewa nei i kana kamailio ana a waiho aku la i ka apana palaoa iluna o ke pa. a hopu hou aku la oia hookahi hua moa i hana ia a mo’a, paina iho la oia.

            I ka pau ana ae o ua huamoa nei, ua maona ae la keia; oiai na ke aloha i ke aikane i hoopiha mai i ko Ninewa opu, aole i li’uli’u iho komo mai ana o Bawaria me na mea a pau loa a noho iho la maluna o ko lakou mau noho a hoomaka iho la na mea a pau e paina a koe o Ninewa.

            I ka ike ana o Bawaria i ko Ninewa ai ole. ua pane mai la oia, heaha hoi kou mea e ai ole nei oiai he mau hora pokole koe a naio aku wau mai ko oukou mau maka aku, a o ko kakou ai hope ana no hoi keia, nolaila e lalau i ka mea ai a e paina kakou, wahi a Bawaria.

            Aole i pau.

 

He Moolelo

NO

MORIWIANA.

KE KI@ O NA MEA HUNA EKOLU—

KA UI I HOOLILO I KE KUA O NA

LIO I HOME NONA—O KE KANA

KA OPIO I LILO I KOA KAULANA

I NA I A O KALEMANA O BOHE

MIANA.

 

            A-ha! o Moreneda@ ka makuakane o ke koa kaulana o na la kuewa o kuu moi Kalemana?   Alaila, e kuu moi, owai hoi ka inoa o kona luaui makuahine?  wahi a ke ka@kamahine alii i ninau mai ai me ka awiwi.

            Aole ia o kona luaui makuakane e kuu Rowena. aka, o kona kupunakane ia, ke kavalia haaheo o Verona, wahi a ka moi Kalemana i pane aku ai:

            Alaila. owai ka makuakane o ke koa kaulana o ka la kamahao lua ole i loaa ia Europa nei? i ninau hou mai ai ke kaikamahine alii Rowena.

            O ke koa makamua @oa a Europa i aie ai i ke au o Rodine Huda, ka powa a me ka lima nui o ke kipi! a o ia koa o ka luani ia o ka alihikaua wiwo ole nei o Bohemia; wahi a Kalemana.

            Auwe! i hooh@ ae ai ke kaikama hine, o Sir. Morenedai, oia wale no ke koa hookahi a Europa i aie ai, no kana mau hana hoopakele i na aupuni lehulehu o Europa, mail@ko mai o na umiipaa ana a na maiuu pakaha o kela powa ino Rodine Huda.

            Ae e Rowena—o ua koa la, oia ka luaui o keia koa. opio. wahi a Kalemana.

            Ua paa pio hoi paha ua koa aumoana haaheo nei malalo o na maiuu pakaha o Rodine Huda ea?  oiai, ua lohe au, ua hopu pio ia oia ma na wai o Bohemia nei. e ka alihikaua Gilama o ko Rodine Huda mau mana kaua moana e hoolulu ana iloko o Bohemia, wahi a ke kai kamahine alii i ninau mai ai.

            Ae, e Rowena, ua paa pio io no oia e like me kau i lohe ai, aka @ kuu Rowena, mamuli o ka lokomai kai o ke Akua ma ka hoouna ana mai i elele i o’u nei, ua aa ae la au me ko’u ikaika a pau e haawi i na kokua ana ma na ano a pau hiki ai ia’u ke hoopakele i ke ola o na koa wiwo ole ala o ko’u aupuni a me Europa holookoa i aie ai, ina o ko’u ola ka uku panai no ka’u mau hana.

            E like me ka mana alii i loaa ia’u maluna o na palena a pau o Bohemia nei, mai ka aina a ka moana, nolaila, ua kaili ae la a@ i ka maluhia o ke kino o ke kanaka koa a na mana kipi o Rodine Huda; hopu powa ai, a hoomahuka aku la iaia no na ululaau o Behemia nei me ka nalo loa.

            Alaila e Rowena, na keia hoopakele ana a’u i ua koa aumoana nei, a me ko’u hoole ana aku i na koi a Rodine Huda e pili ana i ke kanaka koa, na ia mea i hoala mai @ inaina o ua kanaka kipi nei, a kue mai la ia Bohemia uuku nei iloko o kela mau makahiki loihi elua, ke kahua kaua hoi a kou kiekie i haawi mai ai i na kokua ana ma ko’u aoao, a hiki i ke sekona hope loa i kipaku ia aka ai o Kalemana mai ka noho alii haaheo aku o Bohemia a iluna o ka noho laau haahaa o ke kuewa.

            Ano e Rowena, ke hoomaopopo mai la no anei oe i ka’u mau olele, ke kuamoo a me ke alanui kahi a ke koa opio kaulana loa i ke au o Kalemana i hoea mai ai?

            A e kuu moi, ke hoomaopopo ala no au i na mea a pau, aka, aole nae oe i noike mai nei i kona luaui makuahine, a me ka inoa o ua lede Morenedai la, wahi a ke kaikama@.

            E kala mai ia’u no ia mea e kuu Rowena, wahi a ka moi Kalemana 1 alawiki aku ai ma ke kamailio aka. e Rowena, e lohe ana oe no ua lede la. a na kou noonoo e kaupaona nona a me kona l@oa.

            O ka luaui makuahine o ke koa opio, i hoomau aku ai ua moi la i ke kamailio ana, oia no ka opuu pua a ka haku kiaaina kiekie loa o Roma e noho ana iloko o ia mau @a o ke kaulana a me ka haaheo o ka inoa o Morenedai, ke koa kavalia hulu keokeo o Veoona, malalo hoi o ka malu o ka nohoalii o ka Kale I.

            A-ha! ke ole au e kuhihewa, o kela haku kiaaina no paha, ka mea nona ka inoa a’u lohe wale ai mai ko’u mau makua mai he Haku kia aina kaukaualii oia, e noho alii ana maluna o ka waiwai a me ka hanohano. wahi a Rowena.

            Ae e Rowena, wahi a ka moi Kalemana me ka hoomau hou ana aku, o na haku kiiaaina ala no ia a o ka inoa o kana hapuu kamakahi, o ka lede Rolinehama no ia, a o ka luaui makuahine o ke koa opio nei.

            Ua hohola ae ka ula ohelohelo maluna o na papalina o ke kan@a’liiwahine, i ka wa a ka moi i luai aku ai i kela mau huaolelo hope, a me ka inoa o ka lede Rolinehama, a no kekahi mau sekona o kona pane leo ole ole ana. haawi mai la oia i na nana pono ana maluna o ka moi me ka pane pu ana mai.

 

He Ohohia Nui,

 

O ka Leo o ka Lahui aia iloko o ka lokahi

O ka hookuee ana oia kona enemi.

Eia ka poe @ nookaa mai ma ka lima o na Luna:

Ian.  1            Princess Liliu Haimocipo        1

Mrs. C. I. Hiram                      5

                        C. W. Ashford Merchant St   5

                        Chas. Hopkins                         1

                        Chas. Gulick                           1

                        W. C. Achi                              1

                        Wm. Kamana Kawaiahao       1

                        Jas. Quinn King St.                 1

                        Wm. Rice Merchant Ss.          1

                        M. L. Wailele School St.         1

                        I. Kahiapo Leleo                     1

                        Puakinamu Kakaako               1

                        J. W. Okuu Kawaiahao           1

                        Kaauwai Liliha St.                  1

                        Wahinelili Kunawai                1

 

Ma o George Kanikau ka Luna eleu.

 

Ian. 1               Kaelele Kalihi                         1

                        Kaui Kapalama                       1

                        Lokalia Koiuiu                        1

                        Kakai Leleo                             1

                        Kalahimoku Honokaupu         1

                        H. Dolo Niupaipai                   1

                        Kumukahi Waikiki                  1

                        Elemakule Moih@i                 1

                        Kahue Puahia                          1

                        Kahailiopua Kamanuwai         1

                        Kanakaole Waikiki                  1

                        Keala Leleo                             1

                        S. M. Mahoe Leleo                 1

                        Meheula Auwaiolimu  1

Ma o J. W. H. Keauu Ka Luna

 

Ina. 1               Melehoieko                             1

                        Haalo’u                                   1

                        Kapika                                     1

                        Hakalaau                                 1

                        @

                        Keumi                                     1

                        Kanealoha                               1

                        Mano                                       1

                        Keoninaon@                           1

                        C. Spencer                               1

                        Piipii Kauluweia                      1

                        Lahapa                                                1

                        Kaui                                        1

                        Kenahepu Punkolo                  1

                        Puakalehua Leleo                    1

                        Pahano Ewa                            1

                        Kahiwalo@ Waikahalal@      1

                        Kemiki                                                1

                        Ane Pelekane                          1

                        Mahi Kikihale                         1

                        Kalehua Punkolo                     1

                        Haleakala                                1

                        Makalii Makeke                      1

                        Kaalele Kamanuwai                1

                        Keaweiwi Koleaka                  1

                        Makanoe Mana                       1

                        Mio Kulaoka@ua                    1

                        Palakiko                                  1

                        Kamoku Auwaiolim@            1

                        Kekinohou Apua                     1

                        C. K. Kapula Koiu@              1

                        W. Mikela Hauhaukoi             1

                        Kaipo Kikihale                        1

                        Op@ Haimoei@                     1

                        Wiliam Hoopii Kahehu@a      1

                          Kaneaiakala, Ka Luna Eleu.

 

Hoolaha Hoopau

Hui.

 

            Ma keia ke hoolahaia aku nei, o ka Hui o ka poe no lakoa na inoa maialo iho, maialo o ka inoa Hui KA HUI MAIA HAWAII, ma keia ua hoopauia mamuli o ka aelike ana o na lala a pau.

            ENOCH JOHNSON

            W. H. CUMMINGS

            W. C. ACHI

            D. K. BAKER

            GEO. L. DESHA

            J. W. H. WAHINEAUA

            C. KAONOHI

            ISAAC D. IAEA

            S. M. KAMAKAU

            LAHAPA KEKAI

            IOELA KAIANUI

            FRANK ARCHER

            J. PAAKAULA

            J. KEAKAIUWA

            J. W. BIPIKANE

            S. M. KAAUKAI

            JNO. F. BUSH

            MRS. KAHAUNAELE

            C. K. KAPULE

            J. M. BRIGHT

            MRS. J. C. KAAUKAI.

            By W. C. Archer @

            @

            Dec. 16, 189@