Ka Leo o ka Lahui, Volume II, Number 164, 3 April 1891 — Page 1

KA LEO O KA LAHUI.

"E Mau ke Ea o ka Aina i ka Pono."

 

Buke II.                 HONOLULU.  APERILA 3, 1891.                 HELU 164

 

HE NANEA PAHAOHAO

: NO :

 

TAUSANI

- A ME -

 

Saribano.

 

      Ka wiwo ole hoi o na wiwo ole - Ka Poai honua kunukuau ole - Ka mea hou nona na lima i ale ai ke ao holookoa.

 

      I ka lohe ana o kona makuakane i keia mau huaolelo, ua haule iho la oia mai luna iho o kona noho me he mea ala ua naha kona puuwai no ke aloha no kana mau keiki i poino.

      A oiai no hei ka moi e uwe haalipo ana, ua pane aku ua wahi Saribano ala penei:

      E kuu papa, alia ka uwe, ina oe e hoolohe ana i ka'u mea e olelo aku nei, e ike koke no oe i ka la puu o ke kikala o kela luahine ino ia'u, a e haawi no au inia nau e hili i kona kua me ka uwepa.

      Pane mai la kona makuakane : Pehea apanei kaua e hana ai i wahi e make ai kela luahine ino?

      Pane aku la ua wahi keiki ala, e kauoha aku oe i na kanaka kalai kii a pau e kalai mai i mau kii a like loa me ke kino o ke kanaka, a e hoopiha ia o loko o na kii me ke koko pipi.

      I ka lohe ana o ka makuakane i keia olelo a kana keiki, ua hooko koke aku la oia i na mea a pau me ka hakalia ole.

      He oiaio, ua kauoha ia na poe kalai kii a pau e hana koke i na kii i kela la, a e pau hoi na hemahema a pau mamua o ka napoo ana o ka la.

      Ua hooko koke ia keia kauoha, a ua hana na kanaka kalai kii a mamakaukau na mea a pau mamua o ka napoo ana e ka la.

      Ua maukaukau na kii he elima haneri, a ku ana imua o ka moi me ka hahai ia ana aku, ua pau na mea a pau e like me ka makemake o ke alii.

      Ui ae ia ua makuakane ala i kana keiki, a hoike aku la eia na kii ua makaukau.

      Pane aku la ka opio, i elima haneri kanaka e pii pu me ia no ka lawe ana aku i keia poe kii no kahi i makemake ia.

      Ua ae kona makuakane no keia noi a ke keiki, aka, me ke ano hopehope no nae, malia he hoopunipuni wale no na hana ua wahi keiki nei ana.

      Nana aku la no hoi ua wahi opio nei i na kii, manana i o manana ia nei i kau a mea o ka nunui momona, kulike me ka makemake o ka luahine ai kanaka.

      Hoike malu aku la hoi ua wahi keiki nei i kekahi kalai kii maikai, penei :

      E kalai hou ia hookahi wah kii uuku loa, e kulike ai hoi me ko'u nui, a he kii hoi e hiki ai ia'u ke kome iloko.

      Ua hana koke ia ua kii ala, a ua kulike me ka makemake o ke ke ki alii Saribano.

      I ka hora 10 o ua po ala, ua pii aku la na kanaka he elima haneri no ke kuahiwi no ka lawe ana hoi i na kii.

      I ka hora ekolu o ka wanaao, na hoea aku la lakou nei ma kahi a ke keiki i kuhikuhi ai, ia wa i pane aku ai ka opio i na kanaka :

      E waiho iho oukou i na kii, a e hei no ke kulanakauhale, a mai pee mai oukou a kali paha no'u, e pau lea auanei oukou i ka make.

      Ae, wahi a na kanaka, aka, aole nae lakou i hooko, ua hoi no lakou a ma kahi kokoke mai no, pee mai la no.

      I ka hala ana aku o na kanaka, ua komo ae la o Saribano iloko o ke kii i hoomakaukauia nona.

      Iaia nei no hoi a pee iho, ua kali aku la keia o ke ao ae, a i ke kani ana o ka hora eono, ua ike aku la keia i ka naueue mai o ke kumu laau nui e ku ana.

      Aole i liuliu iho, ua hina aku la ua kumulaau nei, a oili ae la ua luahine ala mai loko ae o ka mole o ke kumulaau, a ku ana iwaho.

      Oiai oia i puka ae ai, ua hoi hou ae la no ke kumulaau e like me ka mau mai kinohi mai.

      Ike aku la ua opio nei i keia mau mea kupanaha, a oia kana i pane iho ai : Kahihi, mana maoli no ka hoi keia luahine.

      I ka wa hoi a ua luahine ala i ike mai ai i ke kuku aku o keia poe kanaka, kani iho la kana aka, me ka i ana ae : Ua hooko pololei ka ua wahi keiki ala i ka'u olelo.

      I keia wa a ka luahine e namunamu nei iaia iho, pa-e ana kekahi leo : Auhea ka hale nani o makou au i kauoha ae nei?

      Ae, eia no me a'u, e hoomanawanui iki iho oukou, no oukou ia hale aole no hai, wahi a ka luahine i pane mai ai.

      E ka makamaka, o ka mea nana ka ninau, o ka kaua eueu no ia, a aia hoi oia mahope lea aku e na kanaka ole kahi i ku ai.

      I hakalia no a pau na olelo a ua luahine ala, o kona hoomaka aku la no ia i ka ai i ua poe kii ala e kuku mai ana imua ona me ka puapuahulu nui.

Aole i pau.

 

He Moolelo

No

MORIWIANA.

 

      KE KIU O NA MEA HUNA EKOLU - KA UI I HOOLILO I KE KUA O NA LIO I HOME NONA - O KE KANA KA OPIO I LILO I KOA KAULANA I NA I A O KALEMANA O BOHEMIANA.

 

      Alaila, e ka makamaka, me kela mau huaolelo a kahi elele, huli mai la oia maluna o ke koa opio a pane mai la:

      Ua hooko ia kau olelo, a heaha kau makemake i koe ia'u?

      Oiai oe he pio malalo o ko'u malu, e paa ana au ia oe no luna nei o ko'u moku, a hiki i ka wa e hoea mai ai o kou haku, a ina aole, alaila, e hele pu ana oe me a'u ma ka kahua hoolulu o kou haku, a ma ua kahua la e hookuu aku ai au ia oe he kanaka lanakila.

      Ano e kuu makamaka, eia kaua ke ike nei i kahi elele lawe kauoha a me kona moku, ua paa he pio ma lalo o ka mana o k ke koa Linehaina a o na minute no ka hoea ana mai o ke kanaka nona ka weli ia maluna o na ale ahiu o ka moana, oia wale o ka mea i koe a na noonoo o ua opio la e hia-a ana.

      Aka nae e kuu makamaka, o ia mau iini mui ana a ua koa opio nei, ua hoohoka ino loa ia mai la ia e na olelo wahahee a hoopunipuni a ka haku Kalare, oiai, aole loa ia i hoea aku maluna o na palena kahi a ua koa opio la e kali ana, a hiki wale i ka hala hope ana ae o na la elima.

      Ua hoolilo nui ua opio Linehama nei i na manawa o ka po a me ke ao no ke kiai ana i ka enemi, a i ka hala ana ae o kela mau la elima, luai ae la ia i keia mau olelo imua o kona kapena:

      E Lafaela, ua hoopunipuni mai kela powa wahahee ia'u, me kana mau olelo a puka ia'u, e hiki mai ana oia i na minute a'u i moeuhane mua ole ai.

      Ano, ua hala na elima, a o  ka eono keia o na la, nolaila, ma ke kakahiaka o ka la apopo e haalele iho ai kakou i kela kahua hoolulu, a hoopii aku no ka hale lua, kahi a kela powa e noho ai, a haawi aku iaia me kekahi o ka'u mau puupuu ikaika loa.

      He oiaio, o keia mau huaolelo a ka opio, ua hooko ia ma ke kakahiaka o ka ehiku o na la, ua haalele hope aku oia i ke kahua kahi a kona mau aumoku i hoolulu ai no kela mau la loihi, a hoopiipii aku la no na kapakai hema o Italia, ma lalo o na alakai ana a kahi elele powa.

      Ua kalae na paia lani, a o na kukuna alohilohi o ka la, he hoolele pau ala ia i kona malamalama oi kelakela nui wale maluna o ka ili hualala o ka moana akea.

      E pa maikai ana ka makani ma ka aoao o na aumoku, me na huna kai e kapipi ana i na papalina o ke ke koa Italia opio, iaia e ku ana ma ka palekai o kona moku me kana ohe nana e paa ana ma kona lima akau.

      O ka mau oka pa ana a ka makani me ka maikai, na ia mea i hoo hikiwawae aku ka holo e na aumoku imua, a ma ka hora 10 o ua kakahiaka la, ike ia aku la ke kuahiwi o Italia e oni mai ana i ka hokua ale me he manu la.

            "Aloha na hala

            O Naue i ke kai

            I ka oni mai

            Pili me Haena."

      Ma keia wahi i haawi hou ae ai na koa opio la i ke kanoha, no ka hoohuli ana ae i ka ihu o na aumoku mai ka hahai ana i na kapakai o Italia, a hoopii aka no kahi mokupuni o Cosika.

      Oiai na aumoku o ua koa opio la o Italia e hoopii ana no kahi moku puni o Cosika; aia hoi, ma ka hora 12 o ua la nei, halawai iho la lakou me na moku powa o 18 ka nui, a na ka leo kauoha o ka hopu opio ana i ke koa Italia, i kukala mua loa ae i ke kaua hookahe koko mawaena o ua koa opio la a me na powa o ka haku Kalare.

      Ua haawi ia na kukai olelo oolea loa ana me ka hahana mawaena o na aoao a elua, a i ka wa a ka leo kukala kaua i poha aku ai, aia hoi, ua haehae ia ae la ka hokua ahiu o na ale me ka leo hooho o na kanaka o na aoao a elua, e haawi ana i na kahoahoa no ka hanohano e ko lakou mau alakai.

      Ma ka aoao o nu powa, ua keha ae la lakou me a haaheo nui no ka inoa e ko lakou alii, ka haku Kalare Luciena o Rineda, a ma ka aoao hoi e ke koa opio, ua haawi aku oia i na olelo hoolana o ka wiwo ole imua o kona mau koa, a na ia mau olelo a ua koa opio la i hoouna loa aku i kona mau koa imua o ka enemi, a hamare aku la ia lakou me ka ikaika o ka lakou mau medala kila.

Aole i pau.

 

He Ohohia Nui,

 

O ka leo o ka Lahui aia iloko o ka lokahi

      O ka hookuee ana oia kona enemi.

      Eia ka poe i hookaa mai ma ka lima e na Luna:

Ian. 1   Princess Liliu Haimoeipo        1

            C. W. Ashford Merchant St     5

            Chas. Hopkins

            Chas. Gulick                            1

            W. C. Achi                              1

            Wm. Kamana Kawaiahao        1

            Jas. Quinn King St.                  1

            Wm. Rice Merchant Ss.           1

            M. L. Wailele School St.         1

            I. Kahiapo Leleo                     1

            Puakinamu Kakaako                1

            J. W. Okuu Kawaiahao            1

            Kaauwai Liliha St.            1

            Wahinelili Kunawai                 1

Ma o George Kanikau ka Luna elen.

 

Mar. 10 Mra. C. @. Hiram                  5

            Makanoe                                 1

            Mahi                                        1

            Hakalaau                                 1

            Kalehua Puukolo                     1

            Lahapa                                     1

            C. Spencer                               1

            Mio Kaulaokahua                    1

            Kahiwalani                              1

            Moku Pauahi                           1

            Lama Kikinale                         1

            Halekala Auwaiolumu             1

            Nakanealoha Pauoa                 1

            Polikopu Auwaiolimu             1

            Kapika Pauahi                         1

            Piipii Kauluwela                     1

                  Kaneaiakala, Ka Luna Eleu.

 

Mar. 1  A. S. Cleghorn                         1

            Kaulili                                     1

            Kaua                                        1

            Poni                                         1

            Kekula                                     1

            Hopoe                                      1

                        John Samoa ka Luna.

 

I ka Poe Lawe Nupepa.

      Ke poloai aku nei makou i ka poe heluhelu e lawe nei i ko kakou nupepa, makaala mai i ka hookaa ana i ka uku o ka Nupepa ma ka hebedoma, a e malam i na palapala hookaa mai na luna aku nona no inoa i hoike ia ma ke poo o keia Nupepa.  No ke paewaewa o ka hookaa ia ana o ke dala, a ne ka hoohiki loa ana mai i ke keepa nei, ua hooholo makou ma ka hebedoma ka hookaa, ia mania ai ka hookaa ana a ka mea e lawe ana, a i maopopo mau ahia makou, i kela a me keia hebedoma, ka poe i hookaa mai a me ka poe i hookaa ole mai, a ina ua hookaa me ka loaa aku o ka Palapala hookaa, he mea hoi e maopopo ai, ke uiu ae ka nele o ka mea heluhelu, ke okiia aku ka nupepa no ke kaa ole ma o  na una ae, alaila, no na luna ka hewa, aole no ka mea heluhelu, a ina aole io maoli no na luna ka hewa, alaila, e kala ia makou no ke oki ana aku i ka poe hookaa ole mai i ka lakou nupepa.

J. E. BUSH.