Ka Leo o ka Lahui, Volume II, Number 169, 10 April 1891 — Page 3

KA LEO O KA LAHUI.

"E Mau ke Ea o ka Aina i ka Pono."

 

 

He Moolelo

No

MORIWIANA

KE KIU O NA MEA HUNA EKOLU  KA UI I HOOLILO I KE KUA O NA LIO I HOME NONA – O KE KANA KA OPIO I LILO I KOA KAULANA I NA IA O KALEMANA O BOHEMIANA.

 

            Ano e kuu makamaka heluhelu ma keia wani i hiki mai ai kaua i ka hopena o kela huakai aumoana loihi a na koa kaulana o Italia, a o ka panina hoi o na kahua kaua a ke koa Moriviani i haaheo ai me ka hanohano o kona inoa, ke kiu o na mea huna ekolu, ka ui i hoolilo i ke kua o na lio i home nona, a o ke koa opio hoi i lilo i koa kaulana i na la o ka moi Kalemana o Bohemia.

           

            Ua hoea mai kaua i ka hopena o na hana a ua koa haaheo la o Europa, a o ka mea i pono ia no ka hoopiha ana i kona makalua o kana keiki no ia, ka pukuniahi aumo ana o Italia i kona mau la, a ma ka hoopokole ana ae no kaua e ka mea heluhelu, o na la o ke koa Moriviana, ua haaheo pu ia no ia e kana keiki koa a ka wiwo ole nui wale, a maluna o kana mau kahua ka ua a pau i olali ai, aole loa he hookahi o lakou i nele me na huaolelo o ka lanikila.

 

            A e like me kana i hai mua aku i kona luaui, e haawi ia i makana na kona mau koa, pela no oia i hoo ko ai, a no ka panina o kana mau hana hoohanohano maluna o kona mau koa, ua papahi aku oia ia lakou me ka inoa haaheo loa, ko Italia Aha Kaukanawai, a i ole ia, o ko Italia ikaika maluna o na wai o ka moanaa.

 

            Alaila, e hoomanao iho kaua e ka mea heluhelu, he manaopaa me ka oiaio, he hooko pololei hoi me ka hoopono ke kahua a me na hana a ke koa opio, a pukuniahi aumoana o Italia.

 

            He nui a lehulehu wale na kahua kaua haaheo a kaulana loa a ua koa opio la i haaheo ai me kona mau koa mahope iho o kona hopu pio ana ia Kalare Luciena, a iwaena o ia mau kahua kaua, he hookahi kahua kaua kaulana loa nana i hoikeike ae iaia imua o ko Europa holookoa, oia ke kahua kana o na Hugenota, Ke kahu kaua hoi a ua pukuniahi la i alakai aku ai i kona mau koa wieo ole imua o na pa@a pohaku paakiki o ka hale pakui kaua a ka poe Hugenota kipi i kukulu a hoomoana ai ma na kula papaa la o Suria a wawahi a hoolilo i ko lakou mana i mea ole, me ka ulupa pu ana iho ilalo i ko lakou mau kii hoomana oa ia au kahiko. 

 

            Ae e kuu makamaka na keia kahua kaua i pono aku i ua koa opio la oia ke koa makamua loa o ke keneturia eiwa i aa me ka puuwai wiwo ole e hoohiolo a wawahi ilalo o ka honua, i ka laha ana o kela mau hana o na hoomana akua kii wahahee a hoopunipuni loa o ke ao nei.

 

            Aka, o ia mau kahua kaua nae a pau, he mau kahua kaua i ai olelo ia e Elewuda, ka mea i kakau i kaia moolelo, he mau kahua ia i kupono ole ke lawe ia nai a hoomaikeike aku maloko o na papa konane o keia moolelo, oiai ua koa opio Linehama la a me kana mau hana kauiana, aole i kupono ma ka hoopuka ia ana ma keia moolelo koe wale iho no mae na mea e pili ana iaia a me kona luaui makuakane.

 

            Nolaila e ka mea heluhelu, i ko kaua hookuu ana aku i ua opio la me kana mau hana a ke koa nui wale e puana polole ae kaua, o ke koa opio Linehama, ke koa opiopio loa nana i hoonaueue ae ka mana o na hana kipi a kue maluhia o Europa, a ma kekahi olelo ia ana o Linehama, ke koa opio nana i hookomo ke anu maeele o ka maka’u a me ka hopohopo iloko o ka houpo o ka poe pakaha a me ka hao wale o ka powa e noho alii ana maluna o ka umauma lahalaha o Europa iloko o ia au i pouliuli wale na la.

 

            No ke koa Moriviana, e hoomanao hope ae kaua oia ke koa opio mua loa o ke keneturia eiwa nana i hoonaueue ka mana o Europa iloko o ka haalulu nui a i kula‘i a hoohiolo hoi i ko lakou mana e haule walawala pahu ilalo o ka honua.

 

            Nolaila, ma keia mau hoikeike ae la a maopopo ai ia kaua, ua like ka makua me kana keiki ma na ano a pau, alaila, i ko kaua hoomaha ana iho me na kuhinia o ka moolelo o Moriviana, e ae ia mai ko oukou mea kakau e haawi aku i na hoomaikai palena ole ana ma ka uhaiaholo ana me ka moolelo o Moriviana e pau nei; a ke kono pu aku nei me ko oukou mea kakau e lawe me ka pauaao ole i Ka Leo o ka Lahui me ka puuwai lokahi.

            Ano e kuu makamaka,

            Auhea wale ana oe e ka makamaka

            Ua pauaho mai kou makamaka

            I ka hoolauna makamaka ana

            E ike makamaka hope iho kaua

            A huli hoi aku ia i kahi makamaka.

                                    KA HOPENA.

 

           

            Kamakela, April 10, 1891.

 

 

Ka Buke Akeakamai.

..... A O .....

KE KI GULA

NO KEKAHI MAU MEA HUNA PO H@ I HULUA E KA NOE AU O KE KANAKA.

 

 

KAKAU mua ia e ka Mea Hanohano

DAVID KALAKAUA a me kekahi poe e ae he nui, a i Hoouluia, Hooponoponoia, a Hoomahuahua hou ia e Levi-i-Levi ole ia ka Akeakamai Hawaii o ke Kenetura 19.

Mahele o ka Buke.

MAHELE I.

ZODIALOGIA – Hoike Ouli ma na kaulana Mahina.

MAHELE II.

NAEBIALOGIA – Hoike Ouli no ka Ila o ke kanaka.

MAHELE III.

METRAGARATIMA-Ka hoike Ouli ma ka Hoonohonoho Huahelu ma ka Helu Kabala.

MAHELE IV.

ONEIROLOGI.

MAHELE V.

Ka Papa Konane Hoailona Pomaikai.

MAHELE VI.

Ka Arimatika Kamahao.

J.M. POEPOE.

Mar, 26, 1891. lm-d.

 

 

 

Hoolaha Hookapu.

            Ke hoike ia aku nei ka lohe i na ano kanaka a pau loa.  Ua hookapu loa maua i ko maua mau Apana Aina ekolu i kapaia o Kalaheo, Hahaleula a me Puuoihala, no lakou na eka 202 e waiho la ma ka Paa, Kailua, Koolaupoko, Oahu, I hoolimalima ia e maua mai ia Keleau (w) mai.  Nolaila, ke papa loa ia aku nei na holoholona o kela a me keia ano, aole e hookuu wale ia maluna o ua mau Apana Aina la, a o ka mea a mau mea paha e kue ana i keia, e hopu ia no e maua, a i ole ia, e ko maua mau hope paha, a e hooko ia e like me ke kuhikuhi a ke kanawai.  O na poe a pau e makemake ana e komo iloko o keia Hui, e pono lakou e hele mai e hui pu me Mrs. C.I. HIRAM, a i ole ia, me DAVID DAYTON, a i ole ia KUKA.

                                    Owau no me ka haahaa.

                                                MRS. C.I. HIRAM.

            Honolulu, Oahu, Oct. 8, 1890   3ms-d.

 

Olelo Hoolaha.

            Ua makaukau ka mea nona ka inoa malalo iho, e hana i na POHAKU PUNA ELEELE a me na pohaku e ae no na pa kupapau a me na kahua kukulu kia-hoomanao.  O ka poe makemake e waiho mai i ka lakou mau kauoha me Ioane Akina.                          

                                                J. BOWLER.

            Sept. 22, 1890. d—ly*

 

NO KA POE MAKAIKAI

MA KA

O.R. & L. Co.

MAKA I’A HAMAULEO O EWA.

            O KA POAONO KA LA KUPONO no ka hele ana, oiai e haalele ana ke kaa i kahi hoolulu ma Kuwili, Honolulu, i ka hora 1:45 P.M. o na Poaono a pau.

            No ka auhau aohe olelo ana, he hookahi wai o ka like mai ka liko a ka lae@e.

                        OIA HOI, HE – 50 keneta, hiki i Manana a hoi hou mai – 75 keneta, hiki i Honouliuli a hoi mai.

            O keia ka manawa pono e la’i ai ka holoholo hoohala manawa me ka hanu ana i na ea oluolu maikai, no elua wahi keneta waie no o ka mile.

                                    lm-d   Oct. 8, 1890.

 

Waiwai Haule.

            Ma ka la 23 o keia malama, ua haule ia kuu EKE ILI paalima, mawaena o ke Alanui Likelike a me Waikiki, he eke eleele.

            Aia i loko o keia eke, he wahi eke uuku kekahi, me na waiwai makamae, a pela pu me ke eke ili nui, aia  iloko o ua eke ia he mau holoku kekahi.

            o ke mea e loaa ai a hoihoi mai ia’u e lo@a no ka uku makana kupono mai a’u aku.  E loaa no au ma Haimoeipo.

                                    MRS. ALOALOUA.

                        Mar. 27, 1891  1w-d.

 

Keaka Hana Mana!

 

 

Nui ka ike, Nui ka Mana, Nui ka Eleu.

 

 

Ma keia ku ana mai nei o ka Moluahi Auseteralia i hoea mai ai he –

Elua Pake

            i na Hana Keaka Loea a Palamimo loa.  O kekahi o laua he Kaiki wale no o 13 makahiki a oia aku no ko laua oi.  I keia po Poaono iho a me ka po Poakahi ae laua e huai pau mai ai ma ka –

Hale Keaka Pake.

NA HANA MANA,

NA HANA PALAMIMO

NA HANA PALANEHE

NA HANA POOKELA.

            E hele nui mai.  He hapalua dala wale no ka uku komo, alaila, ike i ka Po Le’a o Halalii.  Main poina aia ma ka –

 

Hale Keaka Pake

2ts-d.                           ALANUI MOI.

 

 

HALE HANA WAI MOMONA

 

WAI ANIANI.

 

 

HARE MA NA ONA...................HELU 81, ALANUI MOI.

 

 

Ka poe wale no nana e hana nei ka WA I OOMAEMAE KOKO KAULANA, oia hoi ka

Saseparela

-           a me ka –

Wai-Hao.

 

 

Na Wai Momona Awapuhi, Saseparela, Lemi, Wai-pipii, Soda maoli, Sida Kamepena, &c.

 

 

Mutual 330 --- Telepona --- Bele 298

            E hooia ia ana ka maemae o na wai a pau.  E hooko ia no na kauoha a pau loa mai na Mokupuni mai a me ka ke kulanakauhale nei.

Mar. 18, 1891.   148 d – tf.

 

 

KUAI HOOPAU NUI.

 

Mai keia manawa aku a hiki i ko Makou hoonee ana aku iloko o ko makou

HALEKUAI HOU

Ma ke Alanui Papu, - (NA HALE BURUA.

E hoolilo aku ana Makou i ko Makou waiwai a pau o na ano Lole:

NA LOLE NANI, NA LOLE I HUMUIA, KAPU A ME PAPALE PAHU LOLE, a pela aku

 

No n aUku Hooemi Loa Nae.

 

Egan & Gunn.

ALANUI MOI kokoke i ke ALANUI PAPU.                      tf – d.

 

 

Hoolaha Hou!

 

B.F. EHLERS & CO., -- Painapa.

 

 

Ua loaa mai nei ia makou he mau waiwai hou loa, oia hoi

KAKIMIA, KINAMU, KEOKEO HALU’A, CHALLI, VIKOLIA KEOKEO

                                                A ME NA

Mikilima o na ano a pau, a me na paku puka aniani – kela a me keia ano, no na kumukuai haahaa loa.

                                                                        B.F.EHLERS & CO

Alanui Papu, Honolulu – 25 – dS@.