Ka Leo o ka Lahui, Volume II, Number 170, 13 April 1891 — Page 3

KA LEO O KA LAHUI.

"E Mau ke Ea o ka Aina i ka Pono."

 

HE NANEA PAHAOHAO

-:NO:-

TAUSANI

-A ME-

Saribano.

Ka wiwo ole hoi o na wiwo ole – Ka Poai honua kunukunu ole – Ka mea hoi nona na lima i aie ai ke ao holookoa.

 

I ka pau ana o ke kamailio ana a ua luahine ala, ua hele aku la oia ma ke ka’e o ka muliwai, he mamao iki aku no hoi ia wahi mai a ia nei aku.

I ua luahine ala i hala aku ai, ku ana no hoi keia malalo o kahi a ka luahine i pule ai, a pule aku la no hoi keia e like me ka ua luahine ala i pule ai.

O ka ia nei nae hoi: E kuu akua. makemake au e haawi mai oe ia’u i ka mana kupua a pau i mea e make ai na kupua ino a pau, a o ka’u makana hoi ia oe o kuu pu kaupoohiwi, ke hele mai nae oe imua o’u e noi mai ai; owau no o Saribano.

Pau ka ia nei pule ana, lohe aku la keia i ke kani kapalili o ka leo o kekahi o-le, a wawalo hele ae la kona leo ma-o a maanei o ka lewa.

 Ia wa, hoomanao ae la keia, aole he mea e ae ka mea nana keia o-le aka, o kela luahine no.

Ia wa, hele aku la keia a kokoke i ua luahine ala, pee iho la keia a nana aku la ina hana a ua luahine ala.

I ke kuu ana iho o ka leo o ka o le o ua luahine ala, me he makani puahiohio ala, aia hoi ku ana kekahi lio keokeo imua ona me kona mau pono ole maluna.

Ia wa, hookau aku la ua luahine ala i ka noho o ka lio, a me ke kaulawaha, a kau ae la oia a lele aku la maluna o ka muliwai.

He kupanaha maoli keia mea a’u e ike nei, wahi a ua Saribano ala iaia iho.

A liuliu iki, alaila hapai ae la ua wahi keiki ala i kana o-le a puhi ae la me ka ikaika loa.

Wawalo ae la ka leo o ua o-le ala ma o a maanei me he hekili ala, a i ke kuu ana iho o ka leo o ka o-le a ua wahi boy nei ku ana kekahi lio eleele, nana aku la keia i ua lio ala o ka lio no a ka luahine aikana  ka i kau ai mamua iho.

Kahaha, wahi a ua wahi keiki nei, he kokoke wale no ka hoi kahi a kela luahine i hele aku nei, akahi ke emoole o ka hoi ana mai nei o keia lio.

Kau aku la keia i ko ia nei noho a ke kaulawaha a kau aku la keia iaia no a noho pono iho, e lele, aku ana ua lio ala, nana aku no hoi oe, poina ka ike i kau a mea o ka lele.

He mau sekona wale no ku ana ua lio ala, aia no hoi ua wahi Saribano ala ke pupue ala i ka hulu a-i o ka lio, me kona manao no ke holo nei no ka lio, a puiwa ana keia i ka pane ana ae o kekahi leo: E lele iho paha e ke alii ilalo!

Kaakaa ae la ko ia nei mau maka, a pane ae la: O wau anei ke alii au e pane mai nei?

Owai la oe? wahi a ke kahu lio ninau ae ai.

O Saribano au ke kupua.

He kupua oe, ka, aole paha keia he wahi no ke kupua, o kahi iho la no keia o ka make la e make ai oe.

Make “be-hang,” wahi a ua Saribano ala, a hili aku la oia i kana uwepa, a he poha ana, lele liilii ana ua wahi kaulio ala i kahi e, aole i like ia kahi o kona pauku kino i waiho ai.

 

PAPA KUHIKUHI

O

KA HUI ALAHAO A ME

AINA O OAHU

E HOOMAKA ANA MA KA LA

25 O OKATOBA, 1890.

MANAWA HOLO:

                                             A.M.  A.M.  P.M.  P.M.

Haalele ia Honolulu        * 6:15   8:45   1:45   4:30t

Hoea ma Honolulu          * 7:15   9:49   2:49   5:28t

Haalele ia  “                     * 7:45  10:51  3:51   5:50t

Hoea i Honolulu               * 8:40  11:55  4:55  5:45t

·          Lapule wale no.

·          Poaono wale no.

·          Oct. 21, 1890                                                                                    tf-d

 

Ka Buke Akeakamai

AO

KE KI GULA   

NO KEKAHI MAU MEA HUNA PO

HIHIHI I HULIIA E KA NOE

AU O KE KANAKA.

Kakau mua ia e ka Mea Hanohano  DAVID KALAKAUA a me kekahi poe e ae he nui, a i Hoouluia, Houponoponoia , a Hoomahuahua, kou ia e Levi-i-Levi ole ia ka Akeakamai Hawaii o ke Keneturia 19.

Mahele o ka Buke.

MAHELE  I.

ZODIALOGIA – Hoike Ouli ma na kaulana Mahina.

MAHELE II.

NAEVIALOGIA – Hoike Ouli no ka Ila o ke kanaka.

MAHELE III

METRAGARATIMA – Ka hioke Ouli ma ka Hoonohonoho

Huahele ma ka Helu Kahala.

MAHELE IV.

ONEIROLOGI.

MAHELE V.

Ka Papa Konane Hoailona Pomaikai.

MAHELE VI.

Ka Arimatika Kamahao.

                       J.M. POEPOE.

 

H.P.K. Malulani.

HE LOIO a he hookapeke olelo ma ke Kanawai. E loaa no au mai ke kai hawanawana o Kawaihae e hoene ana me ipo la, a Hamakua au i ka la’i o Kukaiau  ma ke alo o na pali. E ohiia no hoi na aie me ke ku i ka eleu a me ka puahiohio.                                     Nov 8’90, d-ly.

 

OLELO HOOLAHA.

Ke hai ia aku nei ke lohe i na kanaka a pau,  o kela ano, keia ano, ua kapu na ko’a HEE o Koaiki a me Kaaiape iloko o kai Oneuli, aole e holo ka waa me ke kanaka a o i ka Hee, o ka mea kue i keia olelo hoolaha, a loaa ia’u e hoopii no au ma ke kanawai o ka aina.

M. KALEOIKAIKA.

Waikane, Maraki 31, 1891.    2 ts-d.

 

Hoolaha Hookapu.

Ke hoike ia aku nei ka lohe i na ano kanaka a pau loa. Ua hookapu loa maua i ko maua mau Apana Aina ekolu i kapaia o Kalaheo, Kahaleula a me Puuoihala, no lakou na eka 202 e waiho la ma ka Paa, Kailua, Koolaupoko, Oahu, i hoolimalima ia e maua mai ia Keleau (w) mai. Nolaila, ke papa loa ia aku nei na holoholona o kela a me keia ano, aole e hookuu wale ia maluna o ua mau Apana Aina la, a o ka mea a mau mea paha e kue ana i keia, e hopu ia no e maua, a i ole ia, e ko maua mau hope paha, a e hooko ia e like me ke kuhikuhi a ke kanawai. O na poe a pau e makemake ana e komo iloko o keia Hui, e pono lakou e hele mai e hui pu me Mrs. C.I. HIRAM, a i ole ia, me DAVID DAYTON, a i ole ia KUKA.

Owau no me ka haahaa.

MRS. C. I .HIRAM

Honolulu , Oahu, Oct. 8. 1890.  3ms-d.

 

Olelo Hoolaha.

Ua makaukau ka mea nona ka inoa malalo iho, e hana i na POHAKU PUNA ELEELE a me na pohaku e ae no na pa kupapau, a me na kahua kukulu kia-hoomanao. O ka poe makemake e waiho mai i ka lakou mau kauoha me Ioane Akina

J. BOWLER.

Sept. 22, ’90.  d-ly*

 

NA KA POE MAKAIKAI

MA KA

O.R. & L. Co.

MA KA I’A HAMAULEO O EWA.

O KA POAONO KA LA KUPONO no ka hele ana, oiai e haalele ana ke kaa i kahi hoolulu ma Kuwili, Honolulu, i la hora 1:45 P.M. o na Poaono a pau.

No ka auhau, aohe olelo ana, he hookahi wai o ka like, mai ka liko a ka laele.

    OLA HOI, HE – 50 keneta, hiki i Manana  a hoi hou mai – 75 keneta, hiki i Honouliuli a hoi mai.

O keia ka manawa pono e la’i ai ka holoholo hoohala manawa me ka hanu ana i na ea oluolu maikai, no elua wahi keneta wale no o ka mile.

1m-d     Oct. 8 1890

 

Waiwai Haule.

Ma ka la 23 o keia malama, ua haule ia kuu EKE ILI paalima, mawaena o ke Alanui Likelike a me Waikiki, he eke eleele.

Aia iloko o keia eke, he wahi eke uuku kekahi, me na waiwai makamae, a pela pu me ke eke Ili nui, aia iloko o ua eke ia he mau holoku kekahi.

O ka mea e loaa ai a hoihoi mai ia’u e loaa no ka uku makana kupono mai a’u aku. E loaa no au ma Haimoeipo.

MRS. ALOALOUA.

Mar. 27, 1891.      1 w-d.

 

Olelo Hoolaha.

Ke kauoha ia aku nei na kanaka a pau i aie ia C.I. HIRAM i make, e hookaa koke mai i ko lakou aie ia MRS. C.I. HIRAM, a i ole ia, ia D.DAYTON. O na poe a pau e hookaa ole mai ana a hala na la he 30 mai keia la aku, e hoopii ia no lakou e like me ke kanawai.

MRS. C.I. HIRAM.

Haimoeipo, Honolulu, Oct. 8, 1830.

3ms-d.

 

Keaka Hana Mana!

Nui ka ike, Nui ka Mana, Nui ka Eleu.

Ma keia ku ana mai nei o ka Mokuahi Auseteralia i hoea mai ai he –

Elua Pake

i na Hana Keaka Loea a Palamimo loa. O kekahi o laua he Keiki wale no o 13 makahiki a oia aku no ko laua oi. I keia po Poaono iho a me ka po Poakahi ae laua e huai pau mai ai ma ka –

Hale Keaka Pake.

NA HANA MANA,

  NA HANA PALAMIMO

    NA HANA PALANEHE

      NA HANA POOKELA.

         E hele nui mai. He hapalua dala wale no ka uku komo, alai la, ike i ka Po Le’a o Halalii. Mai poina aia ma ka –

Hale              Keaka                  Pake

2ts.d                                                                         ALANUI MOI.

 

HALE HANA WAI MOMONA

WAI ANIANI.

HARE MA NA ONA                                                                         HELU 81, ALANUI MOI

Ka poe wale no nana e hana nei ka WAI OOMAEMAE KOKO KAULANA, oia hoi ka

Saseparela

-           a me ka –

                                         Wai – Hao.

Na Wai Momona Awapuhi, Saseparela, Lemi, Wai-pipi, Soda maoli, Sida Kamepena, &c.

Mutual 330                       Telepona                    Bele 298

             E hooia ia ana ka maemae o na wai a pau. E hooko ia no na kauoha a pau loa mai na Mokupuni mai a me ko ke kulanakauhale nei.

               Mar. 15, 1891.     148 d –tf.

 

KUAI HOOPAU NUI.

Mai keia manawa aku a hiki i ko Makou hoonee ana aku iloko o ko makou

 

HALE KUAI HOU

Ma ke Alanui Papu, - (NA HELE BURUA.

E hoolilo aku ana Makou i ko Makou waiwai a pau o na ano Lole:

NA LOLE NANI,

     NO LOLE HUMUIA,

         KAPU A ME PAPALE

              PAHU LOLE, a pela aku

Uku Hooemi Loa Nae.

 

Egan & Gunn.

ALANUI MOI kokoke i ke ALANUI PAPU.                                                     tf-d.

 

Hoolaha Hou!

B.F. EHLERS &CO., -- Painapa.

Ua loaa mai nei ia makou he mau waiwai hou loa, oia hoi

 

    KAKIMIA,

                KINAMU,

                           KEOKEO HALU’A,

                                       CHALLI,

                                                    VIKOLIA KEOKEO

-           A ME NA –

Mikilima o na ano a pau, a me na paku puka aniani – kela a me keia ano, no ua kumukuai haahaa lou.

B.F. EHLERS & CO.

 

Alanui Papu. Honolulu. -25-d8m.