Ka Leo o ka Lahui, Volume II, Number 186, 5 May 1891 — Page 1

KA LEO O KA LAHUI.

"E Mau ke Ea o ka Aina i ka Pono."

Buke II            Honolulu, Mei 5, 1891            Helu 1@6

 

He Moolelo Nanea.

No ke

Kamaliiwahine Laulie.

Aiole

HE NANEA KAMAHAO NO KA HULU GULA O KIBERIANA.

He Kaao kahiko no Helene.

MOKUNA X.

            No ka mea ua manao oia he mau hana kolohe wale no keia a Opera ma e hamabaka nei iaia, a no ko lakou ala hoaa a ano kupilikii maoli i kana ike aku, nolaila ua olelo hou aku la oia ---

            Eia no au mamua o oukou, eia nae he keu ko oukou ike ole mai ia'u, wahi hou a ua opio nei.

            I keia mau huaolelo a ua opio nei, ua haha like ae la kela a me keia mamua ona me ka manao e loaa mai ua Kolana nei, a oiai la kou e hana ana pela ua lilo ia i mea na ua opio nei e akaaka ai.

            O ka mea naana e hana nei keia mau hana hoopahaohao oia no ka papale noma, ka mea i kapaia o ka papale pouli, a mahope o ko lakou hooponiuniu ia ana no kekahi mau minute, akahi no a komo ka noonoo iloko o Kolana no ua papale nei paha keia mea ano e, a i kona wehe io ana ae ka hana, he oiaio akahi no a ike mai la o Opera ma iaia.

            Mahope o ua opio nei hoopupuehu ana aku i na mea a pau imua e lakou ua pau ae la ko lakou pohihihi, a lilo aku la ua papale pouli nei mai ke poo o kekahi a kekahi, a i ka wa a ua papale nei iluna o ke poo o kekahi o lakou, e nalowale auanei oia mai ka ike ana aku a ka maka.

            Ua lilo i mea makaikai nui ia ua papale nei na lakou, a o kahi nae e nalowale ai a ike ole ia aku mahope iho o ko lakou lolelole ana, aohe he maopopo iki ia lakou, no ka mea ua huua aku o Alahe ia mea iloko o kona poho lima a iloko hoi o ka poli o Hera kana wahine.

            I ka pau ana o ka na keikialii mili ana i ua papale noi, ua hoihoi mai lakou i kona ona, a no ua opio nei hoi, e mili ana oia i ka paa-kamaa ia manawa a oiai no oia e hauhoa ana i kona mau wawae me na lipine hoopaa o ua mau kamaa la, kau aku la o Opera i ka pahale ooma iluna o kona poo.

            Mahope  iho o ka naku ana a ua opio nei a paa ua mau kamaa la, ua hoao aku ia oia e hele iluna i ka papahele o ka moku, a iaia nae i hana ai pe@a, aia hoi lilo aku la o@a iluna o ka lewa.

            Kaalo ae la malalo o kona mau kapuai na aina puni ole, na kai nui akea, na waoakua kanaka ole na kulanakauhale a me na ululaau, a oiai oia e lele ana i ka lewa, aole he maopopo iaia kana mea e hana ai ia manawa.

            Ua hoomau ia keia huakai auwana a na opio nei iloko o ka lelwa mai ke kakahiaka mai a hiki wale i ke ahiahi ana.

            E ake ana oia e ku ma kekahi wahi e hoomaha ai ina he hiki, eia nae e lele mau ana na kamaa aniapi imua me ka puahi nui, oiai ko laua mau wahi eheu manu Iiilii e upo'ipo'i mau ana i na mawa a pau, a e like me kona hoaa, pela no hoi o Opera ma e hoaa la nona, mahope iho o ka hoomaopopo ana aole ua opio nei me lakou.

            Ke ike la no ua opio nei i ko lakou wahi moku e kaapuni ana i kahi mokupuni o Morota, a oia ka na i hawanawana iho ai me ka naau luulua oiai na huaolelo hailiili e puhi ana ma kona waha---

            Apiki ma@lin@o ka po aku no koe, ahea ia pau ka'u huakai e heie nei, o ka'u hana mau iho la no paha ia e kaapuni ai i ka lewa nei?

            E kuhi ana au he mau kamaa pono keia, eia ka aole he mau kamaa ka keia no'u e make ai i ka lewa nei, ina au e make ana ehia mea aloha o kuu Laulie.

            Oiai na opio nei e nalu ana iloko ona no kona hopena, uhi mai la na eheu konouli o ka po maluna o ka honua, aia no nae ua opio nei a kana ke lele la no iloko o ka lewa me ka hoomaha ole, e paio ana hoi me na makani paio lua o ka lewa, a o kona mau sekona hope loa o ka ola ana ua kau aku ia mea imua o kona mau maka, oiai ka pololi a me ka makewai e hakaka ana iloko ona.

            O ke kumu o keia poino loa o Kolana oia no kona malihini i ka hoohana ana i ua kamaa lele la, nolaila, ua mau no kona lele ana me ka hoomaha ole, ina no e hiki ana i ka hopena o ke ao nei.

            Oi hoomanawanui aku ua opio nei i ka hana a ke kamaa aniani a hiki ole maoli, nolaila ua kulu iho la kona mau waimaka me ka ehaeha i ka lewa, a oiai @ia e uwe ana olelo ae la oia me ke kaniuhu o ka naau, mai oi loa aku keia make ana o'u i ka lewa nei, ke lawe olua ia'u a ma ka aoao o kuu mea i aloha ai aole ahai mai nei olua ia'u i ka le wa nei e hanai ai i ka makani.

            Nolaila ina he aloha koolua ia'u, mamua o ka lele loa ana o ko'u aho; e lawe olua ia'u a@ike i kuu aloha, i make aku ai au malalo o kona mau lima ponoi, a na kona mau waimaka auanei e holoi i kuu nui kino.

            I hakalia o a pau keia mau liua olelo a ua opio nei aia hoi me he imo ana la na ka maka a kaakaa ae, ku ana oia iloko o kekahi rumi nui a akea, nona na pohaku ko-ou ana i ike ole ai i na la mamua e kona ola ana.

            Oiai oia e ku ana me ka nalu ana nui ana iloko ona he moeuhane paha kana mea e ike nei, aia hoi ike aku la oia ma kekahi kuono o ua rumi la e noho ana kekahi wahine ua paa na wawae i ka hao.

 

He Moolelo

NO

KUALUNUIAOLA.

KE KEIKIKOA O KA MOKUPUNI O MANOKALANIPO--KA HI'APAIOLE O KE KOA I NA LA O KA NOHOALII ANA O OLA.  KE ALII O WAIMEA, KAUAI.

            I ko Pi hiki ana aku @[unreadable]wah@[unreadable]pauila o kaap@h@ o ka @[unreadable] ke alii, ua kani aku la kana oli e kau ana ia Kualunuiaola kona hoa

hanau, e helu papa ana i na wahi a laua i holoholo like ai i ko laua wa kamalii.

            I ka pau ana ae no hoi o kaua kau ana, ua panai mai la no hoi o Kualunuiaola penei:

             "O oe mai la ka ia e ka Waikoloa Hoahele o ke kiu kaoau wai o K@e Kuu hoa o ka uka nahele o Peapea Hoa kui-lima o ke one wali o Luhi Na kaua i noke a luhi ka nahele E komo--maloko mai ma kahi mehana."

            Oiai no o Kualunuiaola e kau ana i keia kau, ua eu mai la oia e kii i ka hoahanau e komo iloko me ke oli no i ka waha, a ma ka lalani hope loa, ua hai ae la laua iloko o na kipona e ke aloha kekahi i kekahi.

            A pau ka laua ike ana, ua komo like aku la laua iloko i kahi a ka makuakane a me na kahuna e noho mai ana mo ka piha paha'oha'o no ka lua ole o ko Pi mama, a e hoike mai ana hoi ia i ka oiaio o ka mea a na elele i ha'i mua aku ai, ina oia i'e kela kanaka a lakou i ike aku ai e okuu mai ana iluna o ka pali.

            Aka, no kaua iho e ka hoa uhaiaholo o keia moolelo kahiko o Hawaii nei, o ua keiki P@aia no ia a lakou i ike ai e noho ana i ka pa@i nolaila, ma keia wahi kaua e ike iho ai, ua like me ka makani puahiohio ka mama o na kanaka o ia ai@ a o ka@ma aia hololo na lio hooioa o keia au, ua like me ka ole ke lawe mai a hoohalikelike @@ku me @akou.

            A pau ka ike ana o Pi @@e Ola ka makuakane, ua makaukau kohooka-au olelo.

            Ma keia la a Pi i hiki aku ai imua o ke alii, aole ka makuakane i hoike koke mai i kona manao ia manawa, aka nae, ma kekahi mau la mahope mai, akahi no ka makuakane a i mai i ke keiki penei: 

            Ua ha'oha'o paha oe i ke kumu o kuu hoouna ana aku i na kanaka e kii ia oe?

            Ae, ua mahu'i iki no au mai a laua mai, aka, aohe nae au i manao io loa, aia no a lohe au mai ia oe mal, alaila pau ko'u pohihihi.

            Ae, i hoouna aku au i na kanaka e kii ia oe no ka hele ana mai e kokua ia'u i ka hana ana i ka auwai o Kikiaola kei, a oiai, ua hiki mai la oe e ke keiki, oia ka'u e ninau aku nei ia oe, pehea la, e pono ana paha aole paha?

            Heaha hoi ka mea e pono ole ai?  He hana ole ia paha ka mea e pono ole ai!

            Ua aa mai la no oe, e pono ananei ke auwai a k@ makuakane ke hana aku.

            Ahea hana?

            Aia i ka manawa au e ike ai he @@@e, no ka mea, ua makaukau ka pohaku e lawa ai no ka ha@a @@@@ a o ka mea wale no i koe o ka hahau ana.

            Ina pela ua pono aohe he olelo ana i koe.

            O ka kakou hana wale no i keia mau la aku, oia ke kakali ana a hiki i ka po o Kane, a ma ia po hookani no au e hana ai i ko auwai.

 

OLELO HOOLAHA.

            E noho ana ka Hui Aina o Kauai ma ka Poaha la 14 o Mei, no ka mahele ana i na dala e waiho nei ma ka lima o ka Puuku.    

CHAS WILCOX, Peresidena o ka Hui.     2ts=w.*

 

Olelo Hoolaha.

            O ka mea nona ka inoa malaio ae nei, ke papa a ke hookapa loa aku nei oia i na mea a pau loa, aole e hele a lawaia ma kuu Loko o  Apili a me ka m@iiwai, e waiho la ma Kalihi-kai; ua kapu no hoi me na holoholona, aole e hele wale maluna o ka aina, oiai na li@o mai ia Loko a me ka muliwai a me ka aina pu ia'u @@ ka hoolima ima, nai a Kale Laka mai, no na makahiki he umikumakahi i koe mai keia la aku.  A na hoonoho aku au ia S.K. Hookano, i Luna Nui, a nana no e malama, a hoopii i ka poe a pau e kue ana i keia Olelo Hoolaha.      

AH TIKA (Pake)   Ap@li, Kalihi-kai, Oahu, Apr 8 @[unreadable]

 

Hoolaha Hookapu.

            Ke hoike ia aku nei ka lohe i @a ano kanaka a pau loa.  Ua hookapu loa maua i ko maua mau Apana Aina ekolu i kapaia o Kalaheo, Kahaleula @ me Puuoihala, no lakou na eka 202 @ waiho la ma ka Paa, Kailua, Koolaupoko, Oahu, i hoolimalima ia e maua mai ia Koleau (w) mai.  Nolaila, ke paua loa ia aku nei na holoholona o kela a me keia ano, aole e hookuu wale ia maluna o ua mau Apana Aina la, a o ka mea a mau inea paha e kue ana i keia e hopu ia no @ mana, a i ole ia, o ko mana mauhope paha a e hooko  ia e like me ke kuhikuhi a keikanawai.  O na poe a pau e makemake ana e komo iloko okeia Hai, e pono lakou e hele mai e hui pu me Mrs. C.I. HIRAM, a i ole ia , me DAVID DAYTON,  a i @le ia KUKA.

Owau no me ka haahaa.  MRS. C.I. HIRAM                       Honolulu, Oahu, Oct. 8, 1890          3:us-d@

 

He Ohohia nui,

O ka Leo o ka Lahui aia iloko o ka lokah

O ka hookuee ana oia kona enemi.

Eia ka poe i hookaa mai ma ka lima o na Luna:

Apr 1   S@Duaida Leleo                                                        1

                        Hamaia Ulakoheo                                           1

                        Kaulualoha    "                                                          1

                        Daniel            "                                          1

                        Kaaumoana Honokaupu                                 1

                        Kimo Ailuene                                                  1

                                    Kahaleluhi ka Luna.

 

Apr 1   Mele Holesolo Peleula                                                            1

                        Haalou                                                             1

                        Puakalehua Leleo                                            1

                        Dole Niupaipai                                                1

                        Kaui Puukolo                                                  1

                        Lahapa    "                                                     1

                        Opunui    "                                                     1

                        Keopu Panoa                                                   1

                        Mana        "                                                  1

                        C Spencer "                                                     1

                        Ke@mi     "                                                   1

                        Haleakala Auwaiolimu                                    1

                        Kamoku         "                                               1

                        Polikapu          "                                               1

                        Palakiko          "                                               1

                        Keaweiwi Kaakopua                                       1

                        Kamiano          "                                               1

                        Kapika Kapauhi                                              1

                        Kahoiwai     "                                                            1

                        Hakalaau      "                                                           1

                        Lama            "                                                         1

                        Piipii Kauluwela                                              1

                        Ane Pelekane                                                  1

                        Jas Quini   "                                                   1

                        Kaelele Manuwai                                            1

                        Makanoe Mana                                               1

                        Wakinekona Kalaekao                                                1

                        Lama Kikihale                                                 1

                                    Kaneaiakala, Ka Luna Eleu.

 

Apr 14 Kaulili Koula                                                               1

                        Lokai Koumakapili                                         1

                        Kauna Koula                                                   1

                        Lilia Johnson Nunano                                     1

                        Puakinamu Kakaako                                       1

                        John William Kalihi                                        1

                        Kaui Palama                                                    1

                        Kana Kalia                                                      1

                        Kakai Leleo                                                     1

                        Kakalia   "                                                      1

                        Poni Kaumakapili                                            1

                        Okuu Kawaiahao                                            1

                        Ake Ainahou                                                   1

                        Auhea Kawaiahao                                           1

                                    John Samoa ka Luna.

 

Ka Buke Akeakamai. 

 AO

KE KI GULA

NO KEKAHI MAU MEA HUNA PO HIHIHI I HULIIA E KA NOE AU O KE KANAKA.

Kakau mua ia e ka Mea Hanahano DAVID KALAKAUA a me kekahi poe e ae he nui, a i Hoouluia, Hooponoponoia, a Hoomahuahua hou ia e Levi-i-Levi ole ia ka Akeakamai Hawaii o ke Keneturia 19.

Mahele o ka Buke.

MAHELE I.

ZODIALOGIA--Hoike Ouli ma na kaulana Mahina.

MAHELE II.

NAEVIALOGIA--Hoike Ouli no ka ila o ke kanaka.

MAHELE III.

METRAGARATIMA--Ka hoike Ouli ma ka Hoonohouo@ Linahelu ma ka Helu @abal@.

MAHELE IV.

ONEIROLOGI.

MAHELE V.

Ka Papa Kenane Hoailona Pomaikai.

MAHELE VI.

Ka Arimatika Kamahao,

                                                                                                                                                                                                                    J.M. POEPOE.

 

Waiwai Haule.

            Ma ka la 23 o keia malama, na haule ia kuia EKE ILI poalima, mawaena o ke Alanui Likelike a me Waikiki, @e eke eleele.

            Aia iloko o keia eke, he wahi oke @@ku kekahi, me na waiwai makamae, a pela pu me ko eke Ili @@i, aia iloko o na eke ia he mau holoku kekahi.

            O ka mea e loaa ai a hoihoi@@@ ia n@ @ @@@@@n@ ka uku makana kupono umi a@ @@@.  E loaa no an@@@ @ai@@@ipo.

MRS. ALOALOUA.  Mar. 27, 1891             1w-d.