Ka Leo o ka Lahui, Volume II, Number 193, 14 May 1891 — Page 1

KA LEO O KA LAHUI.

"E Mau ke Ea o ka Aina i ka Pono."

 

Buke II.  HONOLULU, MEI 14, 1891.  Helu 193

He Moolelo Nanea.

NO

De Atanani.

 

Ke Koa o ka Lio Olohe,

A I OLE

 

NAKIAIEKOLU

O FARANI

  Koe wale iho no na hailiili ana iloko ona ne kona haule iho he pio na ka pahikaua a kona hoa paio.

  Oiai kela mau noonoo e hoepoluluhi ana maluna o ua koa opio nei, aia hoi ala mai la iloko o kona mau hoomanao i na olelo ao a kona luaui i kahoahoa e mai ai iaia mamua o kona haalele ana aku i ko lakou home-Mai haawi i ka hanohano o kana pahikana malalo o kekahi mea e, aka i ka moi wale no; ke Cadinela a me Kapena Terevila.

  Mamuli o keia mau olelo ao a ke koa hapauea i ala mai la iloko o na hoomanao ana o ke koa opio, ua hoholo ae la na aa-koko o ua opie la me na manao o ka wiwo ole, a hooholo paa iho la ia me ka maka o kana pahikaua, e ku oia imua o ka puali kiai aahu eleele holookoa a hiki i kona haule pio ana, a i ole nele paha ia me ka pahikaua ole.

  O keia manao hope o ua koa opio la o ka lio olohe haawi ae la ia i na hil@ai ana no kona palekana maluna o @a papalina kila o kana pahikaua, a me na aa-huki pukonakona o kona mau lima.

  Aia ma kela wahi o Cames Deschans i olelo ia ae nei, e ku ana he wahi pupu hale aohe ona mau puka-aniani, a e hoopuni ia ana e kekahi kula oneanea, a @a na aoao a pau o ua pupu hale la @e he mea la he kahua ia @ malama mau ia ai o na hana lua.

  Ia Atanani i hoea aku ai, e ka hora 12 pon@i ia a aia o La Fere @ kali mai ana nona ma ua wahi pupu hale la a i ka wa a ua La Fere nei i ike mai ai ia Atanani, ku ae la oia iluna a hele mai la no ka halawai ana me kona hea paio.

  Ma ka aoao hoi e ke koa opi@, ua haawi mua aku la oia i ke aloha kunou poo, ma ka wehe ana ae i kona papale; alaila, haawi aku la ia i na nana pone ana ia La Fere.

  E ka Monasina; wahi a La Fere i pane mai ai, ua hoopaa aku au he elua o ko’u mau hoaloha ma ke ano o laua ko’u mau hope, aka nae o na mau hoaloha la ou aole laua i hoea mai nei, a oia ka’u e hopohopo la malia o haule hope loa laua mahope o ka manawa a kaua i ae like no ka hooko ana i ka kaua mau olelo.

  Ahe!  Ua loaa ka kou mau hope ea? alaila owau aohe o’u hope, a aole no hoi he wahi hoaloha iloko nei o Parisa, no ka mea, i nehinei iho la no ko’u hiki ana mai, aka e Monasina La Fere, he hookahi wale no o’u hoaleha oia no ko oukou kapena Terevila.

  Ua hanu kaumaha ae la ua La Fere nei mamuli o keia mau olelo a ke koa o ka @o olohe, alaila, pane mai la oia:

  Aole oe i kamaaina i kekahi mea e ae o Parisa nei mawaho ae o kapena Terevila?

  Aole e ka Monasina, aole loa, wa hi a Atanani.

  Ina pela, ke make oe ia’u, alaila e hopu ia mai paha auanei au no ko’u pepehi ana ia oe?

  Pane aku la o Atanani, mai manao oe no ia mea, ma ka hanohano o ka kaua maua olelo, ua hoopaa kaua e halawai me ka maka o ka pahikaua, ua ae mai kou hanohano e halawai me a’u, a pela hoi au me oe, nolaila ma ka hanohano o ka kaua mau olelo; ua aa au no ka make a me ke ola ma na ano kakapahi a pau au i makemake ai e ka Monasina.

  Alaila ua aa loa io no oe no ka make a me ke ola ea? wahi a La Fere.

  Ae e ka Monasina, i pane aku ai e Atanani me ke kunou pu ana aku o kona poo.

  Alaila, e Monasina Gasecona no ka hanohano o ka kaua hoohiki, ua aa au ia oe e halawai kaua me ka kaua mau pahi ma ke ano i lima hema ko’u, a i lima akau no hoi ko’u, wahi hou a ua La Fere nei i hoomau mai ai i ke kamailio ana, ua hiki ia’u ke huipa ia oe ma na ano a pau, a oiai aole paha oe i maamaalea loa ma ka oniu ana o ka makakila ma ka lima hema, nolaila, i lima akau @o kou a owau o kaua ma ka hema.

  Na keia mau olelo ano hoohenehene a La Fere, ua hoopiena ia ke kea opio o ka lio olohe; a oia ka ua koa opio la i pane aku ai:

  Ka!  Aole ka oe i lohe a’u i hoike mua aku nei, ua aa au no k@ ola a me ka make ma na ano a pau au i makemake ai.

  Ina ua lawa oe me ka lima hema alaila, ua lawa pu no au ma ia lima, a ina no kou ano hohe wale, alaila, o aho no kou haalele ana iho i keia wahi, ua kuhi au he poe wiwe ole na koa o ka pu@li kiai aahu eleele, eia ka he poe haanui lehelehe wale iho no.

  Ke hoino mai nei oe ia u e ke kanaka opio, a o kou hoino ana mai ia’u, o kou hoino ana no ia i ka inoa hanohano o ua kanaka la au i ike ole ai; ano e ke kanaka opio, ma ka hoike ana aku ia @e no’u nei, e lohe ko mau pepeiao, he inoa kou malalo iho o ko ka moi Lui XIII o Farani nei, wahi a La Fere i pane mai ae me na maka hulili o ka inaina.

  Ha ha ha--, i akaaka henehene ae ai ke k@a opio Atanani, Sang Dieu he mea kamahao keia o ka loaa ana i kekahi kanaka he inoa malalo iho o ko ka moi, oiai oia he koa kiai wale iho no, no ka puali kiai aahu eleele.

  Aole io oe e manaoio mai ana i ka’u, aka, he la @ o nae e hoea mai ana a e ike no oe o@a@ la wau, wau wahi a La Fere me ka huhu nui.

  Ma Foi!  Aole au e hoolohe aku ana i kau @ kena koa wahahee na ka hehena e apo mai i kau mau olelo, aka, no’u nei la, aole wahi a Atanani.

  Alaila e ka opio, ua makaukau au n@u i keia wa@aka no ko’u mau kokua a hope hoi aole o laua hoea iki mai nei, he ane paha aole no laua e hoea mai ana.

  Alaila, wahi a Atanani, ina aole laua e hoea mai ana heaha aku kau hana?

  E hookaulua iki no paha keia ha kaka ana a kaua no kekahi manawa, wahi a La Fere.

  Aha, e hookaulua ka ke kaua hakaka ana, alaila pehea ka leihi au i manao ai, alaila oe makaukau no ia wa, i ninau aku ai o Atanani.

  He elua a ekolu paha la mai keia la aku, wahi a La Fere i pane mai ai.

  Kahihi, aole no ka i ka’e mai ua mea o ke kali ana, popopo paha na manao koa iloko o kaua, aole anei oe e hoemi hou mai i hookahi a i ole elua paha ia, wahi a ke koa opio Atanaui.

  He hiki no ke makemake nae oe pela, aka e kali iki kaua no kuu mau hoaloha, a ke hoea ole mai @aua alaila o kau hoololi oia ka kaua e hana ai, wahi a La Fere.

Aole i pau.

Olelo Hoolaha.

  O ka mea nona ka inoa malalo ae nei, ke papa a ke hookapa loa aku nei oia i na mea a pau loa, aole e hele a lawaia ma kuu Loko o Apili a me ka muliwai, e waiho la ma Kalihi-kai; ua kapu no hoi me na holoholona, aole e hele wale maluna o ka aina, oi@i ua lilo mai ia Loko a me ka muliwai a me ka aina pu ia’u ma ka hoolima ‘ima, mai a Kale Loko mai, no ua makahiki he umikumak@hi i koe mai keia la aku.  A ua hoo@oho aku au ia @. K. Hookano, i Luna Nui, a nana no @ malama, a hoopii i ka poe a p@@ e ku@ ana i koia Olelo Hoolaha.

A H TIKA (Pake.)

Ap@li, Kalihi-kai, Oahu, Apr. 8.  1ts-d.

 

Na Hui Kinipopo.

Mei 16 Kamehameha vs Hawaii

“    23 Kamehameha vs Honolulu

“    30 Honolulu vs Hawaii

Iune  6 Kamehameha vs Hawaii

“    13 Kamehameha vs Honolulu

“    20 Hawaii vs Honolulu

“    27 Kamehameha vs Hawaii

Iulai  4 Kamehameha vs Honolulu

“    11 Honolulu vs Hawaii

“    18 Kamehameha vs Hawaii

“    25 Kamehameha vs Honolulu

Aug  1 Hawaii vs Honolulu

“     8 Kamehameha vs Hawaii

“    15 Kamehameha vs Honolulu

“    22 Honolulu vs Hawaii

“    29 Kamehameha vs Hawaii

 

OLELO HOOLAHA.

 

  Ua nalowale aku kuu Lio [w] hulupala lae kea loihi a he man wawae keokeo a pau kona eha, i kuni ole ia i ka hao, a e loaa no ka uku makane o $5.00.  E loaa no au ma kahi o T. C. Polikapa.

JNO H. POLIHALE.

Auwaiolimn, Honolulu, Apr. 30.   3ts-d.

 

HOOLAHA KAI KONOHIKI.

  Ke pa leo aku nei ke Konohiki o Waialae, i kona mau hoaloha a me na hoaaina o kona Aina, ua hoolimalima aku oia i ke kai i keia manawa, a ua hookapu iho oia i ka hee nona iho, a nolaila, ke poloai aku nei oia e ike a hoomaopopo i keia leo la.

Owau no.

3ms-d.   PAULO ISENBERG.

 

H. P. K. Malulani.

  HE LOIO a he hookapeke olelo ma ke Kanawai.  E loaa no au mai ke kai hawanawana o Kawaihae e hoene ana me ipo la, a Hamakua au i ka la’i o Kukaiau ma ke alo o na pa@.  E ohiia no hoi na aie me ke ku i ka eleu a me ka puahiohio.   

Nov 8 ’90, d-lv.

 

Papale! Papale!! Papale !!!

E loaa no maanei na PAPALE maikai o na ano a pau

Na Papale i Hoonaniia a Hoonani ola ia.

  I loaa ole ka lua ma keia Paeaina, a no na la hoomanao Kulaia, e loaa no ia oe ma na kumukuai haahaa.

  Ina oukou e kuai i na PAPLE ma ko makou halekuai nei, alaila e loaa no ia oe ke ka@like.

C. J. Fishel.

 

HE BUKE MOOLELO

:  NO  :

GABRIELA LENOA

:  KE  :

Ahikanana o ka Puali Kaveria.

  Mamuli o ke noi pinopino mai o na makamaka i ka moolelo o GABERIELA LENOA i hoopuka ia maloko o ka nupepa “Kuokoa,” ua oluolu i ka mea kakau Mr. P. Spencer (Kamaki) ke kuupau loa ana aku me ka holonui i ka moolelo piha o ua Kapena kaili wahine la o ka Puali Kaveria, e hoomaka ana mai ka helealii mai o Diava--Ka mare ana i ka wahine--Ka huakai i Berelina--Ke kana o Inia a m@ ka hiki hou ana i Ru@@a a la@na me kana huapala i hoopala i hookaawal@ia no hookahi makahiki a @i.

  O na hoohanohano a me ka hoinainau--e hookahe ia aku ana ka aila iluna o ka wai lana la’i malie o ke aloha kane me ke aloha wahine, me ke kii o ua ahi kanana nei iloko o kona @ahu kea piha o ka Puali Kaveria.

  He $1.00 no ka Buke, a o hoo@@a mai na kauoha i ka mea nona ka inoa malalo iho.  

S. K. PUA.

Pahu Leta Helu @.  ts-d.

 

Ka Hui Uwati Kaleponi.

  Na uwati gula o waho, hoopiha ia, me na mea hana o loko, o’ka hana uwati kaulana WALTHAM, no $30 o ka uwati hookahi, ma ka uku palua dala o ka pule hookahi.  E kipa ae io--

A. J. SCHREIBER –Agena

Alanui Hotele, malalo iho o ka Hotele Alonetona.

 

Olelo Hoolaha.

  Ua makaukau ka mea nona Oinoa malalo iho, e hana i na P@a HAKU PUNA ELEELE a me ka pohaku e ae no na pa kupapau, a me na kahua kukulu kia-hoomanae.  O ka poe makemake e waiho mai i ka lakou mau kauoha me Ioane Akina

J. BOWLER.

Sept. 22, ’90, d-lv*

 

NO KA POE MAKAIKAI

MA KA

O. R. & L. Co.

MA KA I’A HAMAULEO O EWA.

 

  O KA POAONO KA LA KUPONO no ka hele ana, oiai e haalele ana ke kaa i kahi hoolulu ma Kuwili, Honolulu, i ka hora 1:45 P.M. o na Poaono a pau.

  No ka auhau, aohe olelo ana, he hookahi wai o ka like, mai ka liko a ka laele.

  OIA HOI, HE – to keneta, hiki i Manana a hoi hou mai – 7@ keneta, hiki i Honouliuli a hoi mai.

  O keia ka manawa pono e la’i ai ka holoholo hoohala manawa me ka han@ ana i na ea oluelu maikai, no elua wahi keneta wale no o ka @ile.

1 @-d  Oct. 8 1890.

 

Hoolaha Hookapu.

  Ke hoike ia aku nei ka lohe i na ano kanaka a pau loa.  Ua hookapu loa maua i ko maua mau Apana Aina ekolu i kapaia o Kalaheo, Kahaleula a me Puuoihala, no lakou na eka 202 e waiho la ma ka Paa, Kailua, Koolaupoko, Oahu, i hoolimalima ia e maua mai ia Keleau (w) mai.  Nolaila, ke papa loa ia aku nei na holoholoua o keia a me keia ano, aole e hooku@ wale ia maluna o ua mau Apana Aina la, a o ka mea a mau mea paha e kue ana i keia, e hopu ia no e maua, a i ole ia, e ko maua mau hop@paha, a e hooko ia e like me ke kuhikuhi a ke kanawai.  O na poe a pau e makemake ana e komo iloko o keia Hui, @pono lakou e hele mai e hui p@ me Mrs. C. L. HIRAM, a i ole ia, me DAVID DAYTON, a i ole ia KUKA.

Owa@ no me ka haahaa

MRS. C. I. HIRAM.

Honolulu, Oahu, Oct. 8. 1890.   3@@-d.

 

Ka Buke Akeakamai.

AO

KE KI GULA

NO KEKAHI MAU MEA HUNA PO

HIHIHI I HULUA E KA NOE

AU O KE KANAKA.

 

KAKAU mua ia e ka M@a Hano@@@

DAVID KALAKAUA a me kekahi poe e ae he nui, a i Hoouluia, Hooponoponoia, a Hoomahuahua hou ia e Levi-i-Levi ole ia ka Akeaka--mai Hawaii o ke Keneturia @@

Mahele o ka Buke.

MAHELE I.

@OINALOGIA – Hoike Ouli ma na kaulana Mahina.

MAHELE II.

NAEVIALOGIA – Hoike Ouli no ka I@@ e ke kanaka.

MAHELE III.

NATRAGARATIMA – Ka hoike Ouli  maka Hoonehoneh Huahelu @a ka Helu Ka@@@@.

MAHELE IV.

ONEI@OLOGI.

MAHELE V.

Ka Papa Kona@@ Hoa@@na Pou@aikai.

MAHELE VI.

Ka Arim@@ka K@mah@a

J. M. POEPOE.