Ka Leo o ka Lahui, Volume II, Number 195, 18 May 1891 — Page 1

KA LEO O KA LAHUI.

"E Mau ke Ea o ka Aina i ka Pono."

Buke II.                       HONOLULU, MEI 18, 1891.                                                Helu 195

He Moolelo Nanea.    No De Atanani.

Ke Koa o ka Lio Olohe, A I OLE NAKIAIEKOLU O FARANI.

            Ae e na Monasina, ua ala mai na hoopaapaa a me na ninau ana mawaena o maua no na mea e pili ana i ka ipuka o Sana Augesetina; wahi a ua koa opio la.

            Alaila he wahi taata eueu maoli no keia, wahi a La Fore i namunamu iho ai.

            Ua hoomaha iho ka niniu ana o na pokake huila o na kakaolelo ana mawaena o na koa kiai ekolu, a haawi like mai la lakou i na nana pakahi ana maluna o ua koa opio la i pane aku ai.

            E na keonimana, mamuli o ko oukou akoakoa like ana mai i ka wa hoekahi, ua loaa ia’u he wahi manao e waiho aku ai na ko oukou noonoo ana e hooholo, oia hoi e nei aku ana au e kuikala mai ia’u mai loko mai o keia hoohiki a kakou i aelike ai e hooko ia ma ka maka o ka pahikaua.

            Ua hohola ae na hoomakue makanui ana maluna o na helehelena o ua poe koa kiai la no keia mau olelo a ke koa opio, a oia hou ka ua Atanani nei i pane aku ai:

            Aole paha oukou i hoomaopopo loa mai la no na kumu o ko’u nei ana aku kei i ko oukou huikala ana mai ia’u?  Aaila, e na keonimana, ma ka hoi ke pokole ana aku i na kumu, ua loaa ia’u ka hanohano e olelo ae, ua hiki ole ia’u ke hooko piha i ka hanohano o ka ka kou hoohiki, ka mua, oia no ka hiki ole ana ia’u ke uku aku i ko’u aie ia Velona, ina au e make e ana ia La Fere, a o ka lua, oia no ka nele ana o Hapale i ka hanohano o ko maua ana he aio a no aio me ka maka o ka maua pahikaua; ina wau e make ana ia La Fere, a i ole ia Velona, aka, e na keonimana, owai ae la hoi keia poe koa e hele mai nei.

            Ua hookikilele like ia ae ua mau koa kiai ia ekolu e kela mau olelo hope a ke koa opio, a aui like ae la lakou no kahi a ke koa opio i ike aku ai i na koa i ka hoea ana mai; aka no ua koa opio la o ka lio olohe, paha iho la ia i ke kuau o kana pahikawa, a huki ae la mailoko ae o kona wa-hi, a hooholo iho la ia i kona manao ina o ua poe koa ia he hoaloha lakou no keia mau koa kiai ekolu, a i hele mai e haawi i na kokua ana mahope o ko lakou mau hoaloha, alaila, ua makani@ oia a me kana pahikaua e ku aku imua o lakou, a aa aku me ka oi o ka pa hikana e paio me ua poe koa ia, i ole me na koa kiai no a pau o Farani, e like me kaua i aa aku ai i keia mau kanaka ekolu.

            Ua huli hou mai la ua mau koa kiai la ekolu mai ko lakou nana ana no na koa a Atanani i ike aku ai a pane mai la o La Fere, he mea hiki ole ia’u ke ae aku i kau nei o ke kanaka opio a no ka hanohano o ka kaua mau pahikaua, ua makaukau au no ka hooko ana i ka hanohano o ka kaua olelo aelike, a pela no hoi me maua i panai mai ai o Velona me Hapale.

            Ina pela ko oukou manao, alaila, na makaukau no hoi au, a ano ka manawa, a mai hoohala i na minute o ke kauoha.

            O keia mau olelo a ke koa opio Atanani, ua hookekena ia mai oia e hopuka aku pela mamuli o kona ike ana aku aia he elima mau koa e hele mai ana malalo o na hoomalu ana a kekahi o kakoui a oia kana i hooholo iho ai, e eha mua keia poe koa iaia mamua o ka hoea ana

mai o kela poe.

            Nolaila, i ka wa a ua koa opio la o ka lio olohe i hoopuka ae ai i kela mau olelo:  Makaukau, a mai hoohala i na minute, aia hoi, olokea ae la ka laua mau pahikaua iloko o ka lewa me ka eleu nui.

            Aka i ka wa a na papalina kila o ka laua mau pahikaua i O ae ai me ko laua mau leo mua loa o ka halawai ana, aia hoi ua hooho ae la o Velona me Hapale; e hoihoi i ka olua mau pahikaua iloko o ka wahi!  E hoihoi ia ka olua mau panikaua iloko o ka wa-hi!!  Eia ae na koa o ke Cadinela!  Eia ae na koa o ke Cadinela.

            Aka o ka hooko koke ia ana o kela leo hooho o na kekua o La Fere, ua hakalia loa ia, oiai, ua ike ia mai la ia e na koa o ke Cadinela a oia ka lakou i maki awiwi mai ai no kahi a lakou nei e ku ana.

            O keia mau koa a kaua i ike ae nei e ka mea heluhelu; eia no na koa a Atanani i ike mua ai, a e alakai ia ana lakou e Juseka kekahi o na olali a kaeaea hoi o ko ke Cadinela mau puali koa.

            Ho ha!  Wahi a ke alii koa Juseka me ka huli pu ana ae maluna o kona mau koa a haawi aku la he hoailona; alaila huli hou mai la oia maluna o na koa kiai o ka moi a pane mai la:  Ho ha!  E hakaka ana e na kiai e, alaila heaha na kumu o keia mau hana hoohaunaole?

            He Moolelo Kaao        No Na Hoahanau      LOAIKANAKA.

            o   HALEMANO.            

NA WELI O KE AU KAHIKO, MAI NA ‘LII A NA MAKAAINANA.

            Ma keia wahi kaua e ka na ea he luhelu o ike ai i ke kup@ianaha o ka hana a ua luaui makuakane o ua mau opio nei.

            Oiai oia o nana ana i ka laua mau keiki, a liuliu iki, kau aku la oia i keia mele kaulana o na ehu kai la:

            @ ala e ke kaomi o Waialua.

            He lua ole ka helu e @u pua o @@@

            Ke hookikii mai la ke ao opua

            Ke hoike mai la i na ao kalewa nuu

            Ke u nua ae la ka ihe a ka hoa paio

            E ku e----, kohia

            Kohia ke aho nui ke aho poko

            Ke okia mai la na ohi’a o Halemano

            He manomano ke aa e o’u haku

            O kulana ka hoi ia la

            Ku ka makaia.

 

            Pau ka ia nei kanaenae ana, hoi aku la keia a ka hale o mua, noho iho la keia iloko o ua hale nei, o kilo ana i na ouli o ka la, a iaia nei no e kilo ana, ike aku la keia i kekahi onehi eleele maluna ae o Kaala, a i ko ia nei ike ana i ua onohi nei, hapu ae la kei, a pane iho la oia i keia mau huaolelo iloko ona iho:  e poino ana paha o’u haku.

            Aka, me he moeuhane la ka ia nei ike ana i ua onohi la, ua nalo aku la ia.

            A ike hou aku la keia he wahi ao keokeo uuku, a hoomanao ae la keia, ua hala ka make, ua pau ke kaua, e hui ana ka aha i Waialoha.

            E na makamaka heluhelu o keia nanea, ua lilo loa aku nei kakou i ka hee pu’e wai, he mea ka hoi kou a ka nanea i ka ha’i o ka nalu o Moeaea, e iho ana i ka muku, kikepa hoi ka nalu o Mokupaoa, hoi i ka lala.

            A oia ka ka mea kakau i hoomanao ae ai, i kekahi hooheno o ua ehukai la:

            Nui makua ke kai o Mokupaoa

            Aahu mau no i kona kapa o ka nalu

            I kaikaina ka ale no ka makani

            I hoahanau ka ua no na pali

            I hale kipa ka hau no ka Aiea

            E ae kuu manao a i ola ke hoa.

            Nolaila, e hoi pono ae kakou e na makamaka, a kalole i ka muku, oiai ka puali kaua e nee nei imua, me ka lana o ka manao e loaa ana ka lanakila ia lakou, eia ke aunei e palahe ana ka palu o ua mau koa kei a kakoou.

            Me ka haupu mua ole ae o ua mau ole ae o ua mau koa nei a kakou, e kuu ana ka poloka i Waahila.

            Oiai ko laua nei puali i hookuene pono iho ai i ke kulana o Ainaike, me na nanaina o ke koa a me ka wiwo ole, e ake ana kela a me keia o lakou e hoohana i na i’o uala a nae na i’o huki o ko lakou mau lima, oiai, ua hele kela a ku ka puali.

            Iloko o keia wa a ke ao omanialu e haakokohi ana maluna o ua kahua nei o ka make loa, ia wa i lohe ia aku ai ke kani ana mai o ka pu, mai ka aoao mai o ko laua mau hoa paio, pau no ke kani ana a ka pu, ua ike ia aku la kekahi koa i ka oili ana mai mailoko mai o ka puali, a hele mai la kela me kona kulana koa, e kikepa ana kona kihei ula ma kona poohiwi, a e paa ana kana laau ihe ma kona lima, a o ka laau palau ma kona lima hema.

            O ka inoa o keia koa o Maeaea, oia kekahi o na ‘lii puuwai uahoa, a hoa paio hoi o ka kakou mau koa ia au pouliuli.

            I ua o Maeaea i kokoke mai ai imua o na koa a kakou, ua ike ia aku la ke kau ana iho o ka laau ihe maluna o ka laau palau, a he ke’a ka olelo o keia wa, a ua hoomau mai la oia i ka hele ana a hiki i ka hui ana he alo a he alo.

            Ia wa ninau aku la ka kakou mau koa, ea, ka hua i ka umauma la haina mai.

            Pane mai la o Maeaea, ma ke ano paha:

            He wela e he wela

            Ke poi mai nei ka wela i ka onohi

            Ke hoohahana nei i kuu piko

            Ke hoonakulu nei la i kuu ma-

            O ka manawa o ka inaina e ke hoa

            Hanau ka nalu nui, ka nalu iki

            He iki olelo o kahi alii

            O ke lii o ke kanaka

            Hui a na maka i Wainohio

            He hiaai, he aa

            Oia ka mohai o ka la

            Kaulia i ka lele

            Ua noa.

                                                            Aole i pau.

            Mai kunukunu mai oukou e na makamaka heluhelu no na moolelo i koe, no ka mea e hoopuka ia aku ana no.

                                                Ka Hui Uwati Kaleponi.

            Na uwati gula o waho, hoopiha ia, me na mea hapa o loko, o ka hana uwati kaulana WALTHAM,  no $30 o ka uwati hookahi, ma ka uku palua dala o ka pule hookahi.  E kipa aoao@--  A. J. SCHREIBER –Agena         Alanui Hotele, malulo iho o ka Hotele Alonetona.

                                                Olelo Hoolaha.

            Ua makaukau ka mea nona Oinoa malalo iho, e hana i na Pna HAKU PUNA ELEELE a me ka pohaku e ae no na pa kupapau, a me ua kahua kukulu kia-hoomanao.  O ka poe makemake e waiho mai i ka lakou mau kauoha me Ioane Akina

                                                            J. BOWLER       Sept. 22, ’90,  d---ly*

 

NO KA POE MAKAIKAI MA KA O. R. & L. Co.

MA KA I’A HAMAULEO O EWA.

            O KA POAONO KA LA KUPONO no ka hele ana, oiai e haalele ana ke kaa i kahi hoolula ma Kuwili, Honolulu, i ka hora 1:45 P. M., o na Poaono a pau.

            No ka auhau, aohe olelo ana, he hookahi wai o ka like, mai ka liko a ka laele.

            OLA HOI, HE ---50 keneta, hiki i Manaua a hoi hou mai – 75 keneta, hiki i Honouliuli a hoi mai.

            O keia ka manawa pono e la’i ai ka holoholo hoohala manawa me ka hana ana i na ea oluolu maikai, no elua wahi keneta wale no o ka m@le.

                                    1 m –d                Oct. 8, 1890.

                                                Hoolaha Hookapu.

            Ke hoike ia aku nei ka lohe i na ano kanaka a pau loa.  Ua hookapu loa maua i ko maua mau Apana Aina ekolu i kapaia o Kalaheo, Kahaleula a me Punoihala, no lakou na eka 202 e waiho la ma ka Paa, Kailua, Koolaupoko, Oahu, i hoolimalima ia e maua mai ia Keleau (w) mai.  Nolaila, ke papa loa ia aku nei na holoholona o kela a me keia ano, aole e hookuu wale ia maluna o ua mau Apana Aina la, a o ka mea a mau mea paha e kue ana i keia, e hopu ia no e maua, a i ole ia, e ko maua mau hope paha, a e hooko ia e like me ke kuhikuhi a ke kanawai.  O na poe a pau e makemake ana e komo iloko o keia Hui, e pono lakou e hele mai e hui pu me Mrs. C. I. HIRAM, a i ole ia, me DAVID DAYTON,  a i ole ia KUKA.

                                    Owau no me ka haahaa.

                                                MRS. C. I. HIRAM.

Honolulu, Oahu.    Oct. 8, 1890.                             3ms—d.

 

                        Ka Buke Akeakamai.        A O   KE KI GULA

NO KEKAHI MAU MEA HUNA PO HIHIHI I HULILA E KA NOE AU O KE KANAKA.

KAKAU mua ia e ka Mea Hanohano DAVID KALAKAUA a me kekahi poe e ae he nui, a i Hoouluia, Hooponoponoia, a Hoomahuahua hou ia e Levi-i-Levi ole ia ka Akeakamai Hawaii o ke Keneturia 19.

                                    Mahele o ka Buke.

                                    MAHELE I.

ZODIALOGIA –Hoike Oule ma na kaulana Mahina.

                                    MAHELE II.

NAEVIALOGIA –Hoike Ouli no ka lia o ke kanaka.

                                    MAHELE III.

METRAGARATIMA-Ka hoike Ouli ma ka Hoonohonoho Juahelu ma ka Helu Kahala.

                                    MAHELE IV.

                                    ONEIROLOGI.

                                    MAHELE V.

Ka Papa Konane Hoailona Pomaikai.

                                    MAHELE VI.

            Ka Arimatika Kamahao.

                                                J. M. POEPOE.