Ka Leo o ka Lahui, Volume II, Number 195, 18 May 1891 — Page 3

NU HOU KULOKO.

 

I na Luna Lawe Pepa o K a Leo o ka Lahui, ke ha'i ia'ku nei ka lohe ia oukou, ina he mau helu koe o ka la 3, 10, 20 o Aperila, a me ka la 5 o Mei nei, o ka nupepa K a Leo, ke kauoha ia aku nei e hoihoi mai ma ke keena nei.

Ma ke kauoha.

 

He haunaele kai ulu ae ma kahi o ke kaa poniuniu, makai o ke alanui Moi, ma ka po Poaono nei.

 

Apopo e puehu aku ai ka mokuahi "Zealandia," no kona uhaiholo ana e ike i ka ipuka gula o Kaleponi.

 

I ke kakahiaka nui o nehinei, i lawe ia ae ai kekahi wahi keiki uuku i Kalakaua Hale, no ka ma'i opulepule.

 

I ka hora 9:30 o ka po Poaono nei, hekau mai ai ma ka nuku o Mamala ka mokuahi kulanakauhale o Pekina.

 

O ka luaui makuakane o ko kakou Kuhina Nui, oia o John Parker, eia oia iloko o na kipona o ka ehaeha e noho mai nei ma ka home o kana keiki.

 

Makai ae nei o Healani Hale, ma kekahi o kona mau haka lewa, ua loaa iho la kekahi lei gula a me ekolu lima gula, i kekahi ka@a ka moku papa'i iloko o ke kai.

 

O ka paani kinipopo mawaena o Kamehameha a me Hawaii i ka auina la Poaono iho nei, ua kaa ka lanakila i ka inoa mua, i ka 17 puni kue i ka 7 wale no a kona hoa. Ua hiki no Pama!

 

Mea mai hoi la, ahea la ka hoi i mai hoi oe, aohe lewalewa iho, o ka ia nei hoi Kale Mahope, ahu ka epa o ka aha kuhina, aua kupono hoi ia lakou neia pa-ha a Pakaa:

"Ki-pu e, kipu e,

Hoolai e, hoolai e."

 

Ua makaukau ko kakou awa e eli hoi ia a hoakea hou ia ae hoi; oia ka pono, aole o ka popopulu i muliwaa. E alu mai oukou e na hookele o ke aupuni, a e hooholomua i na hana, o ko auanei na hooiloilo.

 

I ka hora 11:30 o ka Poaono aku nei, i olali aku ai ka mokuahi Waimanalo no ke kai malino a Ehu, a e noho ana oia ilaila iloko o elua pule, o kana hana, oia no kona hii hele ana aku i ka Moiwahine mai kekahi awa aku a i kekahi, e hiki ole ai i na mokuahi nunui ke ku.

 

I keia mau la aku e hoea ma ana, e hoomaka ia aku ai ka hana ana i ke alanui pali o Nuuanu, a nona iho keia hooheno ana i Waialoha:

"Ku ka lukau nana i ka puka makani,

Ike aku la na mea nani o ka aina

Ka uka o Nuuanu ke loheia mai la e ka ua."

 

He papa inoa ka i waihoia mai ia makou, nona ka huina he 18 ino, o keia poe, ua uku mai lakou ma ka pakahi ala, no ke ola o ka pepa o ka malama o Mei nei, aka, no ka oi ana aku mamua o ka hapalua o ka malama, nolaila, ma ke ano nui wale no makou e hoike aku nei, a ke haawi aku nei makou i na hoomaikai ana ia lakou a i ka luna eleu, Mr. Kaneaiakala.

 

I ke kakahiaka o ka la apopo e kapalulu mai ai ke kahili o na Kona, oiai, e eleu mai ana oia i kau na leta o na apana kuaaina no na makamaka o ka huikau o Kapalakiko. Pua ka uwahi.

 

KA HOOMANAO O IESU KARISTO.

 

I na makamaka a me na hoalauna a pau ma ko Hawaii Paeaina, aloha nui oukou:

Ua makaukau ka hale o keia Hoomana, no ka hoakoakoa ana e hoomana aku i ka Haku ke Akua, e like me kana kuhikuhi maloko o kana olelo Hemolele; a ke kono ia aku nei na mea a pau i makemake i ka pololei a me ka oiaio, o na hana e hana aku ai imua o ke Akua, oiai keia ola ana; e hele mai no maanei, ma na manawa i hai ia ma lalo iho nei. Aia ma Alanui Pa'ipalapala ka Halepule, e kokoke ana me ka pa o ka hale kula kaikamahine o Kawaiahao. Na manawa halawai; Poaono (Poalima ka helu hoololi) ma ka hora 7:30 A. M. La Sabati (Poaono o ka helu hoololi) hora 10:30 A.M. He wehewehe a me na ninau Baibala, hoomaopopo ana i na wanana, pule, himeni.

 

AUWANA A AIHUE IA PAHA.

 

Ua nalowale aku mai kahi o ke Kanikela Iapana, alanui Nuuanu kekahi lio ano hulupala hauliuli, he 9 makahiki, he 15 ana peahi lima ke kiekie, a he kiko keokeo ma waena o na maka, paa eha wawae a pau i ke kapuai hao. O kekahi mea hoihoi mai ana, a e hoike mai                                                                                                                                                                                                                                                                                                                                                                                                                                                                                                          ana i kahi i loaa ai, e uku ia no me ka maikai kupono, ma ka hele ana aku ma ke keena kanikela Iapana.                 Mei 18, d5ts.

 

I ka Poe Lawe Nupepa

 

Ke poloai aku nei makou i ka poe heluhelu e lawe nei i ko makou nupepa, makaala mai i ka hookaa ana i ka uku o ka Nupepa ma ka hebedoma, a e malama i na palapala hookaa mai na luna aku nona na inoa i hoike ia ma ke poo o keia Nupepa. No ke paewaewa o ka hookaa ia ana o ka dala, a me ka hoohiki loa ana mai i ke keena nei, ua hooholo makou ma ka hebedoma ka hookaa, i mama ai ka hookaa ana a ka mea e lawe ana, a i maopopo mau ai ia makou, i kela a me keia hebedoma, ka poe i hookaa mai a me ka poe i hookaa ole mai, a ina ua hookaa me ka loaa aku o ka Palapala hookaa, he mea hoi e maopopo ai, ke ulu ae ka nele o ka mea heluhelu, ke okiia aku ka nupepa no ke kaa ole ma o na luna ae, alaila, no na luna ka hewa, aole no ka mea heluhelu, a ina aole io maoli no na luna ka hewa, alaila, e kala ia makou no ke oki ana aku i ka poe hookaa ole mai i ka lakou nupepa.

J. E. BUSH.

 

Hale Kuai Wati Nui

HELU 1

No C. Ah Kau.

 

Ka oi o na mea Gula, na DAIMANA, na POHAKU MOMI makamae loa, na WATI GULA, na WATI DALA& C., na omau o kela a me keia ano, na lakou wehi GULA a me DAIMANA, na KOMOLIMA GULA a me DAIMANA, na WATI nunui ano hou loa o kela a me keia ano, na PUPANAPANA a me na lako e ae e pili ana.

E hoomanao e na makamaka, o keia AH KAU no ka mea nana i hana na WATI a me na lako GULA oi loa o keia Aupuni, a i kamaaina ma kona hale mua i noho ai ma Alanui Nuuanu Helu 37 mamua, a oiai ua hoolilo aku oia i kona kuleana malaila, ua wehe ae nei oia he hale hou ma Alanui Moi ma Waikiki iho o ke Keena o ka nupepa Elele, a oia no hoi ke Keena oihana mua o ka Hui Alahao Hawaii. E loaa no na mea a pau e pili ana i keia oihana me ka emi loa a e hana hou ia na wati u me na lakou gula me ka hikiwawe a me ke emi loa. E hoouna mai i na kauoha ma ka Pahu Leta Helu 268.

E naue nui mai, e ike no oukou iho. O na mea hou loa wale no i ike mua ole ia ma Hawaii nei.

C. Ah Kau.

 

Na Hui Kinipopo.

 

Mei 16 Kamehameha vs Hawaii

  "    23 Kamehameha vs Honolulu

  "    30 Honolulu vs Hawaii

Iune 6  Kamehameha vs Hawaii

  "    13 Kamehameha vs Honolulu

  "    20 Hawaii vs Honolulu

  "    27 Kamehameha vs Hawaii

Iulai 4  Kamehameha vs Honolulu

  "    11 Honolulu vs Hawaii

  "    18 Kamehameha vs Hawaii

  "    25 Kamehameha vs Honolulu

Aug 1  Hawaii vs Honolulu

  "    8 Kamehameha vs Hawaii

  "    15 Kamehameha vs Honolulu

  "    22 Honolulu vs Hawaii

  "    29 Kamehameha vs Hawaii

 

Papale! Papale!!

Papale!!!

 

E loaa no maanei na PAPALE maikai o na ano a pau

 

Na Papale i Hoonaniia a Hoonani ola ia.

 

I loaa ole ka lua ma keia Paeaina, a no na la hoomanao kulaia, e loaa no ia oe ma na kumukuai haahaa.

Ina oukou e kuai i ka PAPALE ma ko makou halekuai nei, alaila e loaa no ia oe ke kaulike.

C. J. Fishel.

 

Kauka Pake Akamai!

 

DR LEONG KANG TONG.

 

MAKAUKAU OIA E LAPAAU I NA MA'I A PAU O KELA A ME KEIA ANO, ME KA ELEU A ME KA HOLOMUA.

 

HE OLUOLU KA AUHAU.

 

 K eena oihana:— Aia ma ka aoao Ewa iho o ka halekuai Puaa, e ku nei ma ke kihi o na Alanui Kamika me Hotele.

HE PALAPALA HOOIA.

 

Honolulu, April 29, 1891.

 

Owau o Chn Sam Lan, no ke kulanakauhale o Honolulu, Mokupuni o Oahu Ko Haawaii Pae Aina. Ke hooia, a ke hooiaio aku nei au imua o ke akea, ua ike au a ua maopopo ia'u a ke haawi nei au i ko'u mahalo piha ia Kauka Leong Kang Tong e noho nei ma Alanui Hotele Honolulu, no ka mea, ua lapaau oia ia'u a ua ola au mamuli o kana mau lawelawe akahele ana, oiai o ko'u ma'i he akepau, a he popo hoi ma ka olelo kahiko. Ke noi aku nei au i ka poe a pau i loohia me kela ano ma'i, e hele ae iaia, a e loaa no ke ola. Ua loaa au i keia ma'i mai ko'u wa opio loa mai, a ua aneane he 4 makahiki o ka hoomailo ana a keia ma'i i ko'u kino, aka, ma keia wa ua loaa ia'u ke ola maikai loa. E hele ae e ka poe i luuluu a kaumaha.

Mei 12, 1891.                       1m.-d.

 

HE BUKE MOOLELO

NO

GABRIELA LENOA

KE

Ahikanana o ka Puali Kaveria

 

Mamuli o ke noi pinepine mai o na makamaka i ka moolelo o GABERIELA LENOA i hoopuka ia maloko o ka nupepa "Kuokoa," ua oluolu i ka mea kakau Mr. P. Spencer (Kamaki) ke kuupau loa ana aku me ka holonui i ka moolelo piha o ua Kapena kaili wahine la o ka Puali Kaveria, e hoomaka ana mai ka halealii mai o Diava—Ka mare ana i ka wahine—Ka huakai i Berelina—Ke kaua o Inia a me ka hiki hou ana i Rusia a launa me kana huapala i hoopala i hookaawaleia no hookahi makahiki a oi.

O na hoohanohano a me ka hoinainau—e hookahe ia aku ana ka aila iluna o ka wai lana la'i malie o ke aloha kane me ke aloha wahine, me ke kii o na ahi kanana nei iloko o kona aahu koa piha o ka Puali Kaveria.

He $1.00 no ka Buke, a e hoouna mai na kauoha i ka mea nona ka inoa ma lalo iho.                        S. K. Pula

Pahu Leta Helu 5.                                                                           tf-d.

 

Kuai no ka Manawa!

 

HE ELUA PULE WALE NO.

 

HE WAIWAI NUI!

HE WAIWAI NUI!

 

Na Kalakea, ... mamua 10 i-a no $1.00, i keia wa 16 he $1.00.

 "  Kawele ...        "       .25 ken. pakahi         "         3 no     .50.

 "  Vikolia ...           He .75 ken. no ka apana hookahi.

 "  Kakini wahine eleele  "       .40 ken. paa,         "              .25.

 

A HE LEHULEHU WALE AKU O NA MEA KUAI I HOOEMI IA KE KUMUKUAI I HAULE ILALO LOA, A NA OUKOU HOI IA E NA MAKAMAKA E WAE NO OUKOU IHO.

 

Iloko keia kuai ana a makou, e hoolilo aku na makou i ka makou mau waiwai no na kumukuai hoemi. E hoomaka aku ana keia kuai ana mai ka POAKAHI aku, ka la 4 a ka la 18 aku o MEI nei.

S. EHRLICH

Kihi o na alanui Papu me Hotele.                                       Mei 6, 2w d.

 

KUAI HOOPAU NUI.

 

Mai keia manawa aku a hiki i ko Makou hoonee ana aku iloko o ko makou

HALEKUAI HOU

Ma ke Alanui Papu, -(NA HALE BURUA.

E hoolilo aku ana Makou i ko Makou waiwai a pau o na ano Lole:

NA LOLE NANI,

NA LOLE I HUMUIA,

KAPU A ME PAPALE

PAHU LOLE, a pela aku

 

No na Uku Hooemi Loa Nae.

 

Egan & Gunn.

ALANUI MOI kokoke i ke ALANUI PAPU.         tf–d.

 

HOOLAHA HOU!

B. F. EHLERS & Co. —PAINAPA.

 

HELU 99, Alanui Papu.

 

IA OUKOU E NA MAKAMAKA A ME NA HOALOHA, OIAI HOI, UA

makaukau makou i ke kuai ana aku ia oukou i na lako lole wahine o na ano Staila a pau; o ia hoi—

Na Silika hou                                                  Na Sateen hou

Na Mikilima hou                                             Na Lihilihi hou

Na Lihilihi keokeo hou                                   Na Lihilhi kau lole hou

Na ano Mamalu hou loa                                  Na Paku Pukaaniani

Na lole hou o na wahine                                 Na lole o na keiki liilii.

Na lole o kela a me keia ano e loaa no ia oukou no na kumukuai haahaa loa.

E kipa mai e na makamaka, i hoopau ia ai ko oukou kanalua no ka makou kuai hoopoho aku ia oukou.

 

tf–Daily.                                                        B. F. EHLERS & Co.