Ka Leo o ka Lahui, Volume II, Number 200, 25 May 1891 — Page 3

KA LEO O KA LAHUI.

"E Mau ke Ea o ka Aina i ka Pono."

 

Mr. Panui ua hala.

            Ma ka hora 1 a oi o ka wanaao Poaono nei, ma kona home noho ma Kakaako ae nei, ua pauaho mai la i keia ola ana a niau malie aku la ma kela aoao o ka muliwai eleele o ka make o Mr. Panui, ma o ka hoomailo ana a ka ma'i La Grippe a me kekahi ano e ae maluna o kona oiwi kino kanikoo. Ua piha iaia na makahiki he 67 a oi ma keia ola ana, a ua haalele iho oia he wahine, he mau keiki, na moopuna a me ka nui ohana a me na hoaloha, e paiauma aku ana nona ma keia aoao. He hoahanau oia no ka ekalesia o Kawaiahao, a he makua hoo pono hoi a heahea. Ma ka auina la o nehinei i manele ia mai ai kona kino lepo ma ka ilina ma Kawaiahao. Aloha ino!

 

Ka Hoolaha Ulolohi o ka Papa Ola.

            Ua hiamee loa ia ka Papa Ola ilo ko o aneane elua mahina o ka noke ana a keia ma'i ahulau e pahola nei a e luku nei iwaena o kakou me ka make ana o kekahi poo i aneane na haneri na ola. a aia a pau he nui o kakou i ka make, alaila, akahi no a pueho ae nei a hoolaha mai nei i na hoohana ana e pili ana i ua mai nei.

            E like me ke ano o keia Papa Ola, pela kona ano hiamoe ma ka hoike koke ana ae i na mea e pale ia aku ka pahola ana o ka ma'i; he ulolohi he loloiahili, he kolopupu a he kohu poe luahine lemu kauma ha lakou nei ma ka hoao ana i ola no ka lahui; aka, ma ke kiola ana i ko ka lahui pono ponoi iloko o ka make nui ma Kalawao; he eleu loa lakou nei ma ia anohana, pupu hoo lei-loa, noho ana kakou i Kalaupapa.

            E nana i na apana kuaaina o ka kou ma na Koolau, nui ka ma'i e pahola la, aole nae he wahi kauka i hoouna ia aku e keia Papa Ola ia mau wahi a ka "Hawaii Holomua" e uoke nei i ka painuu i ka Papa Ola maikai.

 

NU HOU KULOKO.

            I na Luna Lawe Pepa o KA LEO O KA LAHUI, ke ha'i ia'ku nei ka lohe ia oukou, ina he mau helu koe o ka la 3, 10, 20 o Aperila, a me ka la 5 o Mei nei. o ka nupepa KA LEO, ke kauoha ia aku nei e hoihoi mai ma ke keena nei. Ma ke kauoha.

            Ua hoopanee ia ka hihia o E. Ke koa a ke kau o Novemaba, ma Waimea Hawaii.

            Owai ia oe e Makee Aina, o Mei 23. i oili mai ai ma ke "Kuokoa i hui ia." no kou pee aua, lilo kau mau olelo a pau i mea ole.

            Ma ke Kinau o ka Peaono nei i hoea hou mai ai o Mr. W. H. Daniels, a eia oia i ke kapitala nei i keia mau la, me ka maikai o kona oia kino.

            Mai kekahi mea kakau o makou mai Hilo mai, i hoike ia mai ai ia makou. i ka hana epa a ka Haku Hale i ke kikoo ana aku i ka hui, e uku nei iaia $200, a ma ia hana ana, ua hoole loa kekahi lala o ka hui oia o H. West, ma keia hana, he hoohilahila kela i ko Hilo poe aloha alii a me na mea a pau.

            Nui a lehulehu wale na leta i loaa mai ia makou, mai na mokupuni mai, no na mea hou like ole o na kua; aia a loaa he manawa kupono, hoolaha ia aku.

            Ua hoolaha ae nei ka Papa Ola i ka rula e pili ana i keia fiva La Grippe, aka, ua hala ka wa pono, oiai, ua nui loa ka poe i kaa aku ma kela aoao oha lua kupapau.

            Ua lohe mai makou, e waiho aku ana kekahi lala o ka Papa Ola, i kona noho hoa ana no ua Papa Ola, ina he oiaio ko makou lohe, alaila, he kumu nui aku la no ko ka haalele ana.

            Ua maka ewaewa is o Mrs Nawahi e na hoahanau Hikikoki, oiai, ua kue ia oia aole e komo'pu e hoohanohano i ka Moiwahine, ma ka hookipa ana iaia, aka, ua kue ia oia e Papai Opio.

            Ma ke ku ana mai o Kinau i ke kakahiaka Poaono nei, oiai oia e hoopili ae ana i ka uwapo, me ka huki ana o ke kake i ke kaula o mua, i pili pono ae, ua moku mai la ke kaula a pakele mai eka kekahi luina.

            O kau e J. H. Keahepuulena, i hoouna mai nei e hoolaha i kou ma nao, ua kanalua makou oiai, ua pee aku nei oe, a o ka manamana lima ia e ike ia aku nei, nolaila, ua waiho ia a hiki a kou hoike a maka ana mai.

            Ua loaa mai ia makou ka lono, ua hiki ae imua o ka Peresedena o ka Papa Ola kekahi keonimana mai Koolau mai, a waiho aku la iaia i na olelo oolea, no ka hoouna ole ia o kekahi kauka ma ia apana. aole nae i pane ia aku.

            Ma Ke kakahiaka Kapaki nei, pakele ka pou ihu o kau wahi kaata mai paluhe, oiai oia i lele aku ai mai luna aku o ke kaa hapaumi, a kulou poo aku la oia, ma ke alanui Moi keia kulai pau ana. ua ano sahio ua wahi taata nei.

            Ua lohe mai makou, ua hoolaha ae ka luna Dute Awa o Hilo, aole e ae ia kekahi ukana o na aina e haa lei ia ma kekahi awa e aku. ke ole oia e ike mua. Oia ka pono oiai eia iho no i ko alo e Mr. Crabbe ka huhu kahi i akiaki ai i ka opiuma, nolaila, e hooi aku i kou makaala.

            Ma ke kakahiaka nui o nehinei, ma ka hoina o na alanai Beritania a me Papu, ua puiwa ae la kekahi lio e huki ana i kekahikaa hoolima lima, o ka hookele o ua kaa ala he pake. a o ka hopena o ia mau hana a ka lio, ua poino ke kaa, moku ka ili, a o ke kalaiwa, aole i poino loa oia, aka, he wahi manuhe'u no nae kona.

            Mai kekahi mai o ko makou makamaka kakau o Puna paia ala i ka hala, i loaa mai ai ia makou kekahi pua hala hou, oia hoi, ma Koae Puna, Hawaii, ua hoea mai la no keia ao malamalama he pua hala hou no ua paia ala la, ma ka la 11 o Mei nei, mai ka puhaka mai o ka wahine a Mr. Sam'l Kaulupali. no ke au o ka Moiwahine Liliuokalani.

 

HE ANAINA HOOMANA MA ARIONA HALE.

            Ma na Lapule a pau, e hoomaka ana ke anaina haipule i ka hora 9 a hiki i ka hora 10:30 a.m., no na kanaka Hawaii a ma ke ahiahi hora 7:30 p.m. no na haole, a me ka poe e makemake ana e hele

Lunkahiko A. Haws.

 

OLELO HOOLAHA.

            E ike auanei na mea a pau, eia ma ka Pa Aupuni lio o Makiki kekahi mau lio; hookahilio kane, hao kuni [d] O F, akau, lae kea wawae keokeo 4; hookahi lio waihe, lae kea ulaula wawae keokeo hope hema kiko keokeo hope akau, hao ku ni JK. Ua komo mai keia mau lio i ka la 11 o Mei, makahiki 1891, a ina aole e kii mai ka poe nona keia poe lio alaila e kuai kudala ia aku no keia mau lio ma ka la 23 o Mei.

            J. Kalei, Mei 19, 3ts-d.            Luna Pa Aupuni.

 

AUWANA A AIHUE IA PAHA.

            Ua nalewale aku mai kahi o ke Kanikela Iapana, alanui Nuuanu, kekahi lio ano hulupala hauliuli, he 8 makahiki, he 15 ana peahi lima ke kiekie, a he kiko keokeo mawaena o na maka, paa eha wawae a pau i ke kapuai hao. O kekahi mea e hoihoi mai ana, a e hoike mai ana i kahi e loaa ai, e uku ia no me ka maikai kupono, ma ka hele ana aku ma ke keena kanikela Iapana. Mei 18, d5ts.

 

Kauka Pake Akamai!

DR. LEONG KANG TONG.

MAKAUKAU OIA E LAPAAU I NA MA'I PAU O KELA A ME KEIA ANO, ME KA ELEU A ME KA HOLUMUA.

 

HE OLUOLU KE AUHAU.

            Keena Oihana: Aia ma ka aoao me Ewa iho o ka halekuai puaa, e ku nei ma ke kihi o na Alanui Kamika me Hotele.

 

HE PALAPALA HOOIA.

Honolulu, April 29, 1891.

Owau o Chn Sam Lan, no ke kulanakauhale o Honolulu, Mokupuni o Oahu Ko Haawaii Pae Aina. Ke hooia, a ke hooiaio aku e au imua o ke akea, ua ike au a ua maopopo ia'u a ke haawi nei au i ko'u mahalo piha ia Kauka Leong Kang Tong e noho nei ma Alanui Hotele Honolulu, no ka mea, ua lapaau oia ia'u a ua ola au mamuli o kana mau lawelawe akahele ana, oiai o ko'u ma'i he akepau, a he popo koi a ka olelo kahiko. Ke noi aku nei au i ka poe a pau i loohia me kela ano ma'i, e hele ae iaia, a e loaa no ke ola. Ua loaa au i keia ma'i mai ko'u wa opio loa mai a ua aneane he 4 makahiki o ka hoomailo ana a keia ma'i i ko'u kino, aka, ma keia wa na loaa ia'u ke ola maikai loa. E hele ae e ka poe i luuluu a kaumaha.

Mei 12, 1891.              1m.-d.

 

Ka Buke Akeakamai.

A O

KE KI GULA

NO KEKAHI MAU MEA HUNA PO HIHIHI I HULIIA E KA NOE AU O KE KANAKA.

 

KAKAU mua ia e ka Mea Hanohano

            DAVID KALAUKAUA a me kekahi poe e ae he nui, a i Hoouluia, Hooponoponoia, a Hoomahuahua hou ia e Levi-i-Levi ole ia ka Akeakamai Hawaii o ke Keneturia 19.

 

Mahele o ka Buke.

MAHELE I.

ZODIALOGIA - Hoike Ouli ma na kaulana Mahina.

MAHELE II.

NAEVIALOGIA - Hoike Ouli no ka Ua o ke kanaka.

MAHELE III.

METRAGARATIMA - Ka Hoike Ouli ma ka Hoonohonoho Huahelo ua ka Helu Kahala.

MAHELE IV.

ONE@LOG@

MAHELE V.

Ka Papa Konane @ilona Pomaikai.

MAHELE VI.

Ka Arimatika Kamahao.

M POEPOE.

 

Kuai no ka Manawa

            HE ELUA PULE WALE NO.

HE WAIWAINUI!

HE WAIWAINUI!

Na Kalakoa,    .           .           .           mamua 10 i-a no $1.00, i keia wa 16 no $1.00.

" Kawele         .           .           .           .                       "    .25 ken. pakabi                "           3 no     .50

" Vikolia          .           .           .           .           He .75 keneta no ka apana hookahi.

" Kakini wahine eleele            .                       "           40 keneta paa,             "                            .25.

A HE LEHULEHU WALE AKU O NA MEA KUAI I HOOEMI IA KE KUMUKUAI A HAULE ILALO LOA, A NA OUKOU HOI IA E NA MAKAMAKA E WAE NO OUKOU IHO.

            Iloko keia kuai ana a makou, e hoolilo aku ana makou i ko makou mau waiwai no ne kumukuai hoemi. E hoomaka aku ama keia kuai ana mai ka POKAHI aku, ka la 4 a ka la 18 aku o MEI nei.

S. EHRLICH.

Kihi o na alanui Papu a me Hotele.                 Mei 6, 2w d.

 

KUAI HOOPAU NUI.

Mai keia manawa aku a hiki i ko Makou hoonee ana aku iloko o ko makou

HALEKUAI HOU

Ma ke Alanui Papu,-(NA HALE BURUA.

E hoolilo aku ana Makou i ko Makou waiwai a pau o na@ano Lole:

NA LOLE NANI,

NA LOLE I HUMUIA,

KAPU A ME PAPALE

PAHU LOLE, a pela aku

No na Uku Hooemi Loa Nae.

Egan & Gunn.

ALANUI MOI kokoke i ke ALANUI PAPU.                      tf-d.

 

HOOLAHA HOU

B. F. Ehlers & Co.,-PAINAPA

HELU 99, Alanui Papu.

            IA OUKOU E NA MAKAMAKA A ME NA HOALOHA, OIAI HOI, UA makaukau makou i ke kuai ana aku ia oukou i na lako lole wahine o na ano Sta@ la a pau ; oia hoi-

Na Silika hou                                                  Na Sateen hou

Na Mikilima hou                                             Na lihilihi hou

Na Lihilhii keokeo hou                                   Na Lihilihi kau lole hou

Na ano Mamalu hou loa                                  Na Paku Pukaaniani

Na lole hou a na wahine                                  Na lole o na keiki liilii.

            Na lole o kela a me keia ano e loaa no ia oukou no na kumukuai haahaa loa.

            E kipa mai e na makamaka, i hoopau ia ai ko oukou kanalua no ka makou kuai hoopoo aku ia oukou.

Owau me ka oiaio,

B. F. EHLERS & Co.

tf-Daily.

 

Papale! Paple!! Papale!!!

E Loaa no-Papale-maikai o na

maanei na-ano a pau

Na PAPALE i hoonani ia a hoonani ole ia.

I loaa ole ka lua ma keia Pae Aina, a no na la hoomanao Kulaia o loaa no ia oe ma na kumukuai haahaa.

I na oukou e kuai i nsa PAPALE oia ko makou halekuai nei, alaila, e loaa no ia oe ke kaulike.

Nolaila, e kipa mai io makou nei i hoopau ia ko oukou kuhihewa.

C. J. Fishel.

Mei 19, 1891. 1@6-tfd.