Ka Leo o ka Lahui, Volume II, Number 201, 26 May 1891 — Page 2

KA LEO O KA LAHUI.

"E Mau ke Ea o ka Aina i ka Pono."

 

MA KE KAUOHA.

            Ua hookohuia o Thos, C. Forsyth i keia la i Agena no ka lawe ana i na Hooia i na Palapala Aelike hana no ka Apana o Lahaina, Mokupuni o Maui.  C.N. SPENCER, Kuhina Kalaiaina.

Keena Kalaiaina, Mei 25, 1891.  3ts-d

 

            I kulike ai me ka Pauku 1, Mokuna XXXV o na kanawai o ke kau o 1888.  Ua hookaawale au i keia la i kekahi pa no ka hoopaa ana i na holoholona helehowa, ma Hookena, Kona Hema, Hawaii, ma kekahi apana aina e waiho kokoke la maluna koke aku o ka pa hale o Kaulunalo, o he aneane he 183 kapuai mai ke Alanui Aupuni ma Kealia, Kona Hema Hawaii.

            I kulike ai me ka Pauku 2 o ka Mokuna XXXV o na kanawai o ke kau o 1888 ua hookohu aku au i keia la ia Mr. W.N. Kapunawai, i Luna Pa Aupuni no ka Pa Aupuni ma Hookena, Kona Hema, Hawaii.  C.N. SPENCER, Kahina Kalaiaina.  Keena Kalaiaina.  Mei 25, 1891.  4ts-d

 

NA KOHO I SILAIA A PAA.

            E lawe ia no ma ke Keena o ka Oihana Kalaiaina a hiki i ka Poalua, la 30 o Iune, 1891,  no ka hoopau ana i ka hana o ke koena aku i koe o ke Alanui Luapele.

            Ua hiki no ke ike ia ke kii, ka moe ana, a me ka olelo hoakaka ana, ma ke Keena o ka Luna Nui o na Hana Aupuni, a ua hiki no hoi ke ike ia ke kope o ka olelo hoakaka ma ke noi ana aku ia Peter Lee ma ka Hale (Hookipa) Luapele a ia C.E. Richarson ma Hilo.

            Aole nae i hoopae ke Kuhina Kalaiaina e lawe aku i ke koho haahaa loa, a i kekahi koho e ae paha.

            E hoailona moakaka ia hoi na koho a pau “Koho no ka hoopau ana i ke Alanui Luapele,” a e ukali pu ia mai hoi me kekahi bona ma ka huina o $5000 me na hoopaa poho maikai a lawa pono no ka hana hooko pau pono ia o ka olele aelike.  C.N. SPENCER Kuhina Kalaiaaina.  Keena Kalaiaina, Mei 25, 1891.  3ts-d.

 

KA LEO O KA LAHUI.

JNO. E. BUSH

Lunahooponopono a me Puuku.

 

POALUA, MEI 26, 1891.

 

KA REPUBALIKA A ME HOOHUI AINA KUE I KA NOHO KUOKOA.

            He nui na olelo a ka “Hawaii Holomua” e ani nei imua o ka lahui, ma ke ano nihi, aole ma ke ano oiaio maoli, e pili ana i kekahi mau manao pepa i haku ia no KA LEO, ma ka olelo haole.  Ua maopopo ke ano o keia mau manao, i ka poe ike olelo haole, a ua maopopo no hoi he mau manao i hookupu ia mai ma ke ano kuokoa.

            Nolaila, i mea e ike maopopo ai na mea a pau i ko makou manao, i ka hana a ka nupepa e hana ai, a ma keia e ike ia ai aole i like ko makou manao me ko ka mea hoohoohui aina kuokoa, a me ko makou apono ana paha.

            O ka hana a ka papapa`i, oia no ka hoomalamalama ana i ka lehulehu; e ao ana ka nupepa ma na mea a pau, e loaa ole ana ke a`o ia ma na wahi e ae.  Aka, pehea la e hiki ai ke loaa keia malamalama i ka lehulehu ina e apo`ipo`i ana na wehewehe a me na paio kumu manao ana ma na mea a pau e pili ana i ka pono o ka lehulehu?  Aole e hiki ke hoomohala pono ia hoi na mea e pili ana i ko ke kanaka noho ana ina kakou e kapae i ke kamailio ana no ia mea, a ma ka hunahuna ana paha i ka mea hiki ole i ka manu okarika ke alo i ka pilikia ma ka huna ana i kona poo malalo o ka eheu; aka, he hookahi wale no alanui e hiki ai ke loaa ia kakou ke ola kupono o keia noho ana, oia hoi ke kuu ana i kela a me keia kanaka e hoike piha i kona manao maloko o na nupepa a maloko o ka Hale Ahaolelo paha; ina ua hewa ka manao, e make ana no ia i ka ahewa a ka lehulehu, aka ina e umiumi malu a alai ia paha ka manao kuokoa o ke kanaka, he mea ia e lilo ai i mea hopohopo ia; ina hoi ua pololei ka manao o ke kanaka, e lawe ia ana no ia manao o ke kanaka a e apono ia ana.

            Nolaila, o ke kamailio a kela a me keia kanaka i kona manao i ke akea e pili ana i ka mana nana e hoomalu iho ana oia, oia kekahi mea nui i kupono i kela a me keia kanaka a ae e kamailio,--he kuleana ko ke kanaka e kamailio me ke alai ole ia.  O keia mau mea hoi, ua pili ia i ko kakou kulana aupuni, a ua komo pu mai hoi na ninau a me na kamailio ana no ke kulana aupuni kahua Repubalika, Democarata, Hoohui Aina a pela aku, a ua nui no hoi na hoa ma kela a me keia aoao o na ninau, a o ke alanui hookahi wale no e hiki ai i ka lehulehu ke ike naauao i ke ano o keia mau mea e pili ana i kona pono, aia a kuka akea ia a aia hoi a kamailio ia ma na ano a pau.

            Aka, owai ka nea i makaukau e hoole mai i ka oiaio o na ino o na au kahiko a me ko keia manawa, i hoike a i helu ia mai e ka mea nona ka manao, e wehewehe ana i ka “Hoohui Aina” a e kakoo ana i kana i hoikeike mai ai.  Owai ka i hiki ke hoole mai i ke kupono maoli no o na hoomaemae a me na hooponopono i ike ia he pono e hana ia?  Ina o keia mau hoomaemae a hooponopono hou ana i loaa ai ka pono o ka lehulehu i oi aku mamua o keia e ikea nei, e loaa ana malalo o ke ano o ko kakou noho ana aupuni i keia wa, ua pono a he mea maikai no hoi; a ina hoi aole, alaila he mea maikai no e imi a e kaana ia keia mea, i ikea ai e loaa ana paha ma ka hoohui aina.

            Aole e loaa ana ka malamalama i ka lawe kapakahi ana o kekahi mea ma kekahi hua olelo, e like me ka “Hawaii Holomua.” a maluna o ka hoohui aina e loku kuleana ole ai ma ia wahi hookahi, me ka unuhi ole ae ona i ka makapeni a paio kumu iho, a hoole mai maluna o na mea e ikea nei e ili mau ana maluna o ka Lahui Hawaii, i ka hewa a me ka ole, i ke kumu a me ka ole e ikea nei, e ulu mai ai na kamailio ana no ke kulana aupuni Repubalika, Demokarata a me na kulana e ae paha e hoi ai ka pono a noho kaulike iho iluna o kakou, iloko o ko kakou one hanau.  No ka ike o ka mea nana i haku o Hoohui Aina, i ke kulana kolea o ke kamaaina a me ka lilo hoi o ke keehina paa i ka malihini, i oi aku mamua o kona i puka mai ai ka olelo, ina penei kakou e alai ia ai, e kapae ia ai a e hoole maoli ia ai mailoko o na kulana a pau o kakou aupuni, malalo o ka noho`ua.  Moi pelekoki, e ahe e hoololi kakou malalo o Amerika, i loaa ai ka noho ana kaulike me ke koho like me ke kau ole ia o ka auhau waiwai i kuleana koho e loaa ia kakou ka pouo a me ka leo e kaana no ko kakou noho ana.  Aole pela ma Amerika.  O keia na wehewehe ana a ka mea nana i kalai mai ka “Hoohui Aina” a o ke kumu no ka makapo e ka Moiwahine a hoole i kona lahui, a me ka makapaa hoi e na Kuhina a hookae hoi i na Hawaii.  Nolaila, aole no hoi i hewa loa, a ina e paio kumu ia ana keia kumuhana, e ike auanei kakou ia J.M. Poepoe e holo pu-a-a ana e hookala i ka makapeni ana iluna o ke ahua one, no ka nele i ke kahua e ku iho ai kona kulana ma ka paio kumu ana a me ke kahua oiaio, o ke aha la ke aupuni i kulike i ko ka lehulehu manao—o ke aupuni koho like anei o na mea a pau, o ke aupuni hoopunahele anei i na malihini a lima mana nui.

 

He Aupuni Pouli.

            Ia makou e kalai aku nei e ao ana i ke aupuni ma na alakai olelo i ke alanui e pakele a e mau ai ko kakou noho moi ana, eia nae, no ka pouli haalele loa o ka ike o keia poe hookele aupuni, a no ka nele maoli no paha i na onohi ike, ua lilo iho la ka olelo aloha, he mea huhu, ahewa ia, a ua lilo no hoi he mea hailiili ia ko makou, e ka poe no nona iho ka pomaikai nui a makou e hoao nei e hoopakele.  Aka wahi a ka olelo kahiko, o ka mea a na akua i manao ai e luku e hoohehena mua ia ana.  Pela iho la ke kulana o ko kakou aupuni.  Eia iho ke ahi, ke a ala i ka ipuka o ka hale, a ina he kuhikuhi puuone a he kaula oiaio kekahi o ke alo alii, kuu ia ae ka ike i ikea, a imi ia ke Kamapuaa i loaa ke kupua nana e hoopio ke ahi.  Eia iho la ke pahola hou ae la ke kupua ino hookahuli aupuni o ka 1887, a o ka wai nana i hooikaika hou ae la ua ino la, oia ka hoopilimeaai o ke alii i ua moonihoawa ala i ka poli ona, a he aneane koe e ala kekahi o na poo o ua moo-poohiku la e nahu i ke kahu e hele nenea la, me ka ike ole i ke kuko moe ole o ka upu hunakai e ake la e ale ia Hawaii.  Ehia mea aloha, o ka poe e ai nei i na @kawaiu o ke aupuni i ka hoi hou i ke ehu lepa a hookahi ke kaaaini pu ana.  Ua hiki no.

 

NA HANA EPA A KA L.K. HOOMALU O HILO, A ME KE KUHINA LOIO.

            Ma keia mea, e ike iho auanei ka lehulehu i nei mau olelo like ole elua; o ka mua, mai ka waha ponoi mai @ ua L.K. Hoomalu nei: a o ka lua, mai ka op@ aku a hoea ma ka manamanalima a kakauia ma ka pepa.  Pau ae@a ko ia nei epa@ eia hoi ko ke Khuna Loio.

            Ma ka la 8 o Mei, olelo mai la ua Kuhina Loio nei me ka oluolu ia E Kekoa.  “Apopo hora 9, hele mai oe mamua o ka Aha.”  Poaono la 9, hora 9 a.m. akoakoa na lehulehu, a o E. Kekoa kekahi.  Oiai ka Aha e noho ana, a e liuliu ana ka hope o ua Kuhina Loio nei no na hihia hewa; a wa, hele pololei mai la ke Kuhina Loio imua o E. Kekoa ma kona wahi e noho ana; a ku ae la oia iluna a halawai he alo a he alo me ke Kuhina Loio: a ua ke Kuhina Loio no ka pane @, penei:  “Ma ka Poakahi ae e hele mai ai oe; ia @, e huki ia ai kou hihia, a hoop@ wale ia.”  Me na helehelena oluolu loa oia i puana mai ai ia mau olelo, a ua lohe ia no e kekahi mau @ e noho pu ana, ia mau olelo.  @ ka hiki ana i ka Poakahi la @ heaha ka mea i hanaia?  Ua @ mai oia ia E Kekoa e ike oia i nupepa a pau e pili ana i kona hihia @ ua nana oia a kope mai la i na olelo hope a ka L.K. Hoomalu, e like me ia i hoikeia ae nai maluna @.  A po ia la 11, aole ke Khuna Loio hooko i kana olelo; a po ka Poalua, oia like no ke nele; Poakolu a poeleele, he neo ia; Poaha a puhi kukui, ke hele aku la i ka ole; Poalima a aumoe, okipau ka eepa; Poaono la 16, hoea ae ana imua o ka Aha, he Palapala Hoopii hoahewa ka ua Kuhina Loio nei i heluhelu ae ai, aole hoi he noi e unuhi i ka hihia e like me kana i olelo mua ai.  Alua anei alelo?

            Ea! he epa maopopo keia, wahi a`u e puana ae ai me ka hopo ole.  A o keia ano hana e ike mua ia nei iwaena o kekahi mau Luna oihana aupuni, he keu a ka pono ole a me ka apiki; Poakahi la 18 o Mei, loaa mai ke kope o ka Palapala Hoopii Hoahewa ma ka olelo Hawaii; i ka mea hoopii ia.  Ma ka hora 1 auina la, waiho aku oia he nei e hoopau i ka Palapal Hoopii Hoahewa, no ke kumu, “O keia hihia e paa nei ma ka papa hihia imua o keia Aha, aole ia i komo mai ma na alanui i kuhikuhi ia ma ke kanawai; oia hoi—

1.       Aole keia he hoopii hou imua o keia Aha

mai ka Aha Hoomalu mai o Hilo.

2.       Aole ka mea hoopii ia i lawe mai i ka

hoopii imua o keia Aha ma ka Banako ma na kumu ninau kanawai, e kuleana ai keia Aha e noho iho e noonoo no ia mau kumu ma ke kanawai.  (Oiai, eh Aha Banako ke noho ana ia wa, ua hookuu mua ia na jure Hawaii i ka Poalua la 12.)

3.       O ka mea nona ke kuleana e hookumu ai

i ka hoopii hou mai ka Aha Hoomalu mai ma na ano elua; he hoopii hoohalahala ma na kumju ma ke kanawai; a he hoohalahala hoi imua o ke jure; aole loa oia i hoopii hou ma kekahi oia mau ano elua; a ua kue i ka Rula 39 B.

4.       Aole no hoi ka palapala hoakaka i na

kumu ma ke kanawai i makemake e ninau i ka Banako.  Hoole mai la ka Aha, a hoonanea a hora 9 a.m., Poalua la 19, pane aku.  Ma ia la, pane ia ka Palapala Hoopi Hoahewa.  “Aole i hewa.  Waiho ia no ke kau i Nov. ma Waimea, Hawaii, i 1891.”

            O keia ka moolelo oia mea, a e ike ana ka lehulehu i ka manao o na hana i hanaia e na Luna Aupuni no E. Kekoa, ke kanaka aole i hana i ke karaima kiekie loa, a ku hoi i ka hoowahawaha ino loa ia mamua o na hewa karaima e ae a pau.

            He ekolu malama a oi, ka loihi o ka waiho ana o ka olelo hope a ka Aha Hoomalu o Hilo no keia hihia, a hoikeia mai na ka la 28 o Aperila 1891.  A ke nana iho oukou, aole i pili pono e like me na olelo o ka Rula 39 B., a me ke a`o hoi a ka Aha Kiekie ma ka Banako, ma ka hihia a ka Moi kue ia Lee Choy, kau o Apr. 1887, e olelo ana, “O ka Rula 39 B. o ka Aha Kiekie, e kauoha ana i na Lunakanawai Hoomalu—ma na hihia hoopii hou, e hoouna mai i palapala hookuu, me ka hoakaka ana, ina paha i ke jure ka hoopii hou ana; a i ole ia, imua paha o ka Banako ma na ninau kahawai; a ina pela, e hoakaka pono ia ua kmau ninau la.”  Oia ke ano o ka hele ana o keia hihia imua o ka Aha.  O ka pololei, e olelo ia iho, “imua o ke jure.”  Ina ua hiki pono ka hihia imua o na jure Hawaii.

Aka, manao paha lakou o hookuu ke jure, nolaila, hookapae i ke alanui hele pololei, a apau aku i ka hihia imua o ka Banako, me ke kue i na Rula.

            Ma keia mau hana, ua maopopo ka manao o keia mau Luna Aupuni, e hoopa`i ia o E. Kekoa e pono ai, aole ia e pono ke ola ma ke ao nei.  Na na hana i hai mai pela.  Kai no paha ka loihi o ka manawa, ua lilelile ka manao hope o ka Aha no kana olelo hope.  Aole ka.  Aloha no na hala o naue i ke kai, a me na ohia o Kupakoili, a me na lehua o Luluupali.  Aloha no hoi o Hanamaulu e alo nei i ke ehu a ke kai, a me ka wailiula o Ma-na e anapa mai la i ke alialia.

            Me ka Lunahooponopono ko`u welina a me na keiki oniu hua metala oia Hale Pa`i ka wainohia.  KANILEHUA.  Hilo, Hawaii, Mei 12, 1891.

 

NU HOU KULOKO.

            I Na Luna Lawe Pepa KA LEO O KA LAHUI, ke ha`i ia`ku nei ka lohe ia oukou, ina he mau helu koe o ka la 3, 10, 20 o Aperila, a me ka la 5 o Mei nei, o ka nupepa KA LEO, ke kauoha ia aku nei e hoihoi mai ma ke keena nei.  Ma ke kauoha.

            My sweek pakeko—mahea?

            I keia la, e kau aku ai ka Ilanauku mjaluna e ke Kinau no Maui.

            Ma ka la inehenei i puehu aku ai o Likelike me Mokolii no ka laua mau awa maa mau.

            Puakauwahi i ke keiki o ka aina kaili la, Mr. A.H. Kamilea oiai oia i hoolei mai ai elima lei mokihana no KA LEO.

            Ke hana rula ole mai nei o Honolulu ia Kamehameha, o ka elua iho la keia o ko ua Kamehameha nei lilo ana i pio na na ka`eae`a o ka Hui Honolulu.

            Ke kali nei makou o kou hoike mai e Holopee i ka haina e na ninau i waiho ia aku nau e pane pololei mai, no ka mea e pili ana i kela poe ili ulaula i kaiehu ia aku nei no Kalaupapa a me Kalawao, i ike ia hoi ke aloha.

            I keia la e olali aku ai i ka ohuku ale na kia loa malalo iho:  Kinau, no Hilo; Lehua, no ka wai kau mai o Keanae a me ka wai lele o Hiilawe; Kalaudine, no ke kai holu o Kahului; Mikahala, Waialeale, Pele, no Kauai o Mano Kalanipo.

            Ke haawi aku nei ka LEO i ka hoomaikai ia oe e M. Kealoha o Honuaula, Maui o Kama, a me Zebedaio o Kohala nui o Kohala iki o Kohala ua apaapaa, no ko olua eleu ana mai i na ala paa o Kaueleau, no ka kakou hiwahiwa, a wahaolelo kuokoa hoi o ka lahui Hawaii.

            Ma ke kakahiaka Poaono aku nei i hala, ua akena ae kekahi wahi sapou, aole e hiki i ka LEO ke paio me ka holomua.  Auhea oe, ua hiki i ka LEO ke paio me ia i na wa a pau no ka pono o ke aupuni a me ka lahui Hawaii.  Aohe kau e hopo ai keia makakila.

            E na hoaloha, a me na makamaka e Kauakukalahale nei, a me na kini mai Hawaii a Kauai, he hoike ia aku nei ka lohe ia oukou, a i makemake oukou e hoike ia ko oukou mau inoa iloko o ka kakou hiwahiwa, alaila e eleu mai i ka olokaa ana i ke pehu i ka la mea o ka malama a i ole ia, i ka pule @; aole i ka waena o ke malama alaila, e ike auanei oukou, e palele aku ana keahi i na pali, aohe kau lua ana iho ua eo Ia oukou.