Ka Leo o ka Lahui, Volume II, Number 220, 22 June 1891 — Page 1

KA LEO O KA LAHUI.

"E Mau ke Ea o ka Aina i ka Pono."

 

Buke II. HONOLULU, JUNE 22, 1891. HELU 220

 

He Moolelo

 

No ke

 

Kamaliiwahine Laulie.

 

Aiole

 

HE NANEA KAMAHAO NO KA HULU GULA O KIBERNIANA.

 

Ho Kaao kahiko no Helene.

 

MOKUNA XI.

 

 

 

Iaia e nalu ana pela iloko on a, aia hoi me he mea la he leo kana i lohe aku ai i ka pa-e ana iho mahope pono o kena mau puka pepeiao oenei:

 

Oia e kuu keiki, pololei; oiai ke lohe nei au mai ko'u luakupapa'u mai i ka leo uwe kumakena o na kanaka he nui, e uwe ana ka makua i ke keiki, a o ka wahine hoi i kana kane.

 

Hoi aku la oia a hiki imua o Lau lie, hoike aku la oia i na mea a pau e pili ana i ka poino i ili ibo maluna o ko laua mau makaainana e like  me kana i lohe mai ai mai na hooholo lio mai

 

A pau kana hahai ana i kana wahine, olelo aku la oia imua o kana aloha penei:

 

Ua manao wau e kuu mea aloha, e hoouna aku i na koa o kaua no ka hele ana aku e hoopakele i ko kaua mau makaainana mai ka make ahulau mai a kuu kaikoeke Bonede aloha ole, i wahi e pau ai ko lakou leo uwe o ka pilikia e ikuwa mai nei ma ia huli o ka aina.

 

O na koa wale no ke hele ana? wahi a Lauhe i ninau mai ai i kana kane me na helehelena umalu e aiii ana maluna ona.

 

Oia ko'u manao, oiai aole o'u ma kemake a pela no phaha me oe e hahao hou ia kaua iloko o ka pilikia e like me mamua e kuu wahine, a ua ike hoi oe a me a'u i ka hopena oia hele mua ana a'u mamua, nolaila au i manao ai o na koa wale no o kaua ka'u e hookuu ae, a e noho no kaua e kuu aloha.

 

He mau olelo makee wahine kau e kuu kane, aka nae e hoomanao oe e Kolana i na olelo hope loa a kou makuakane ia oe, a in a paha oe e noho ana no'u, aole annei e ala mai ko ka po inaina a nanahu mai ia oe e kuu aloha?

 

Owau, wahi hou no a Laulie, no nehinei iho la no au, a o ka luna mau olelo hoopaa no oehinei iho la no ia, o ka leo kauoha hope ka hoi a kou makuakane ia oe oiai oia ma ka moe o ka make, ke kauoha heokahi hoi mai ko oukou mau kupumai.

 

Ma keia wahi hooki iho la o Laulie i kana kamaiho ana me ka nana pono ana i kana kane, a o Kolana hoi kamailio mai la oia:

 

Nou no ka'u i hopohopo ai aka in a o kou manao ia o kuu hele, alaila aia a kakahiaka alaila au hele, no ka mea aohe au e pono ke hele i keia ahiahi, oiai ua hakina keia la.

 

Me keia mau kukai olelo ana mawaena o Kolana a me kana wahine, hoopaa iho la o Kolana i kona manao no ka hele ana ma kekahi la ae, me ka olelo ana aku imua o kana wahine penei:

 

E hele ana au i ke kakahiaka o ka la apopo, oiai ua uluhua oe i kuu noho aku a i lohe ae oe ua ma ke au mai uwe oe no'u.

 

Aole au i hoowahawaha ia oe e kuukane, oiai ua ike no oe o oe no ka'u mea aloha hookahi, aka i hoike aku nei au i kela mea nui ia oe, a aia no i kau mea e koho ai, in a no oe e olelo mai e no kaua, aohe a'u olelo ana aku, oiai he olu ia no'u.

 

Uhi mai la na eheu konouli o ka po maluna o na mea ola a pau o Ilecosa, a ma ka wanaao o ua po la, lohe ia aku la ka leo o kekahi kiwi bipi e uhene ana i ka pili o ke ao.

 

No kekahi mau minute pokole mahope iho o ka wawalo ana ae o ka leo o ua hano kiwi bipi nei, ike ia aku la he heluna nui o na kanaka koa i lako pono me na mea kaua e akoakoa ana ma ke alo iho o ka halealii iloko oia wa akahi no a lama mai ka malemalama o ke ao.

 

Ua kahiko ia lakou a pau me na kapa kila, a o ka hulali o ka lakou mau pahikaua. Damaseko a me ka maka o ka lakou mau laau ihe loloa, ua like lakou me na hoku o ka lani, oiai lakou e makaukau ana no ka haaleie ana @aku i ko lakou kulana kiai o ka po ma na papaline o ka lani.

 

Iloko o keia manawa a na koa e ku nei me ka makaukau, aia hoi ike ia aku la kekahi kanaka opio i ka iho ana mai ka halealii mai, a kamailio mai la i na koa penei:

 

I kauhoa ia aku nei oukou a pau e akoakea mai i keia wanaao, no ke kakoe hele ana e hoopakele i ko kakou mau hoakanaka mai na lima mai o Bonede kuu kaikoeke a o ko kakou lanakila, ke paulele nei au maluna o ko oukou ikaika a me ko oukou wiwo ole.

 

 

He Moolelo Nanea.

 

NO

 

De Atanani.

 

Ke Koa o ka Lio

 

Olohe.

 

A I OLE

 

NAKIAEKOLU O FARANI.

 

No ka mea. ma ka la iho la no inehinei. ua kii ia mai la oia e hopu a lawe ia no Basetile.

 

Auwe! aia kuu kane i Basetile, heaha la kana hala i hana ai? aloha ino! wahi a ka madame i hooho ae ai me ka leo mahe.

 

O na hala o kau kane i hopu ia ai, aole ia i maopopo ia'u, aka e like no paha me na ulia o ko ke kanaka mau la o ke ola ana, ka halawai pu ana me ka pomaikai a me ka poino, pela no keia.

 

Alaila, ua maopopo anei ia oe ke kumu nui i ili mai ai o keia poino maluna o ka'u kane? wahi a ka madame i pane mai ai.

 

Aole e ka madame, alea, o ko'u koho wale aku no, me hela no kela lono paha ana i lawe mai ai io'n nei! wahi a Atanani.

 

Heaha ia lono a kuu kane i lawe mai ai i ou la e ka Monasina? i ninau mai ai ka ledge.

 

Ua ha'i ia mai oia ua kaili ia oe e ka lima kakauha o kekahi kanaka puuwai eleele!

 

Aha! i hooho malie ae ai ua lede nei, ua ike anei oe no ua kanaka nei?

 

Ae e ka madame, he kanaka oia mawaena o ka kanaha a me ka elima, lauoho eleele, nanaina ilikou, a he linalina ma ku aoao hema o kona lae.

 

Pololei e ka Monasina pololei, o ua kanaka la ia, aka, owai la kona inoa? wahi a ua lede Bonacio la i ninau mai ai.

 

Aole ka oe i ike i kona inoa e ka madame?

 

Aole!

 

Alaila, ua like no kaua a like, ao ie no hoi au i ike i kona inoa.

 

A pehea la: maopopo ai i kou kane, ua kaili ia au e kela kanaka? wani a ka lede.

 

Pane aku la o Atanahi, ma o kekahi palapala ala a ua kanaka nei i kakau mai ai i kau kane, aka, o ka madame, pehea la oe i lanakila mai ai mai na lima kakuuha mai o kela lapuwale?

 

Ae e ka Monasiua, o ka'u haina koe ma ko'u aoao no kau ninau, aka, he mea hiki ole nae ia ia'u ke hoike aku ia oe i keia wa.

 

Alaila, aole oe i haawi mai i na hilinai ana maluna o'u ea?

 

Mamuli o keia ninau ana a kekoa opio, ua haawi mai la ka mada me Bonacio i ka nana pono ana ma luna o ka on a, a liuliu, oia kana i pane mai ai:

 

Ua hilinai au maluna ou me kuu naau a pau, aka, e pono ia kaua e haalele koke iho i keia wahi me ka hakalia ole.

 

Ae, 1 pane aku ai o Atanani, oiai,, aole e pono e lohe ia ka kaua mau olelo e kekahi poe okoa.

 

Aka, o ka mea pilikia wale no paha e ka Monasiua, o kahi kupono ole no kaua e kamailio ai!

 

Ina o kou makemake ia, alaila, ua loaa ia'u kahi kupono! wahi a Atanani.

 

Alaila, e haele kaua.

 

Me keia mau kukai olelo ana ma waena o ka madame a me ke koa opio, haalele iho la laua i ke keena o na hana weliweli i na !ekona aku i hala, a kamoe pololei aku la laua no kahi o La Fere.

 

Ia laua i hoea aku ai, ua haalele ihoo La Fere i kona keena he hapalua hora i hala a no ia mea, o ke koa opio a me ka madame wale no keia e noho nei.

 

Ua hoike mai ua lede la i ka moo lelo piha e pili ana iaia, a no ka ho pe loa o kana olelo pane mai la ua lede nei:

 

E ka Monasiua, na aa anei oe me kou naau a pau e komo iloko o ka pa alii a ha'i aku i ka lohe ia Lapola, ko ka moiwahine kanaka lawelawe, eia au ianei kahi i noho ai.

 

Pane aku la o Atanani, me kuu naau a pau, ua aa au e hehiku i ke kapu o ka halealii Louvre, in a he mea ia e ahewa ia ai au; ano o ka madame, e ha'i mai, heaha ka'u e hana aku ai nou.

 

Wahi a ka madame i pane mai ai, e hele no ka Louvre, a ma ka puka e ku pono ana i Pue de Echela, alaila, e ha'i aku i keia mau hua i ke koa kiai:

 

"Kaahele me Berusela."

 

HE ANAINA HOOMANA MA ARIONA HALE.

 

Ma na Lapule a pau, e hoomaka ana ke anaina haipule i ka bora 9 a hiki i ka hora 10:30 a.m. no na kanaka Hawaii, a ma ke ahiahi hora 7:30 p.m. no na haole, a me ka poe e makemake ana e hele.

 

Lunkahiko A. Haws.

 

Na Hui Kinipopo.

 

Iune 12 Kamehameha vs. Hono@@@@

" 20 Hawaii vs. Honolulu

" 27 Kamehameha vs. Hawaii

Iulai 4 Kamehameha vs. Honolulu

" 11 Konolulu vs. Hawaii

" 18 Kamehameha vs. Hawaii

" 25 Kamehemeha vs. Honolulu

Aug. 1 Hawaii vs. Honolulu

" 8 Kamehemeha vs. Hawaii

" 15 Kamehemeha vs. Honolulu

" 22 Honolulu vs. Hawaii

" 29 Kamehemeha vs. Hawaii

 

OLELO HOOLAHA.

 

Ua nalowale aku kuu Lio [w] hu@@@@@-la lae kea loihi a he mao wawae ke@@@@@ a pau kona eha, i kuni ole ia i ka h@@@@@ e loaa no ka uku makana o $5.00. E loaa no au ma kahi o T. C. Polikapa.

JNO H. POLIHALE.

Auwaiolimn, Honolulu, Apri. 30. @@@@

 

           

Olelo Hoolaha.

 

Ua makuakau ka mea nona @-inoa malalo iho, e hana i na P@@@ HAKU PUNA ELEELE A me ka pohaku e ae no na pa kupapau @ me na kahua kukulu kia-hoo@@@@@@ O ka poe makemake e waiho mai @ ka lakou mau kauoha me @@@@@ Akina

 

J. BOWLER

Sept. 22, '90, d–1 y *

 

H. P. K. MALULANI.

 

HE LOIO a he hookapeke ole @@@@@ ke Kanawai. E loaa no au mai ke @@@ hawanawana o Kawaihae e hoene @@@ me ipo ia a iiamakua au i ka la'i o Kaka@au ma ke alo o na pali. E ohia @@@ hoi na aie me ke ku i ka eleu a me @@ puahiohio

 

Nov 8 ' 90 d-@@

 

HOOLAHA KAI KONOHIKI

 

Ke pa leo aku nei ke Konohiki e @@@ alae, i kona mau hoaloha a me na ho@@@ ma o kona Aina, ua hoolimalima aka @@@ i ke kai i keia manawa, a ua hooka@@@ iho oia i ka hee no@a iho, a nola@@a, @@ poloai aku nei oia e ike a hoomaop@@@ @ keia leo la.  Owau no.

3 ms-d. PAULO ISENBERG.

 

HE KOKUAU

 

NO KA POE PILIKIA, @ HELE AKU I @@ KEENA O

 

R. W. WILIKOKE M. @@

 

HE KOKUA ma ko KANAWAE a no ka Hooponopono ana i na kuleana Aina a me na palena Ai@@. Ua makaukau oia o hana i na @@ lapaia Kanawai o na ano a pa@ @ ua lawa oia no ka hana ana imua @@ na Aha Hookolokolo a pau o ka a@puni, ma o kona hoa, kekahi @@@ Loe@ Kaulana o keia mau @a.

Keena Helu 15, Ala@@@

Kaahumanu. 195–d@@

 

Hoolaha Hookapu.

 

Ke hoike ia aku nei ka lohe ia @@ @@@ kanaka a pau loa. Ua hookai u loa @@ ua i ko maua mau Apana Aina @@ @@@ i kapaia o Kalahoo, Kahaleuia a @@@ Puuoihala, no lakou na eka @@@ @ wai@@ la ma ka Pau, Kailua Koolaupoke, Oahu, i hoolimalima ia e maua mai ia @@ leau (w) mai. Nolaila, ke paua l@@ @@ aku nei na holoholona o kela a me ka!! ano, aole e hook@@ wale ia maluna o @@ mau Apana Aina la, a o ka mea a @@@@ mea paha e kue ana i keia, e hupu ia @@ a maua, a i ole ia, o ko maua mau @@@@ pana, a o hooko ia e like me ko kuhi@@ hi a ke kanawai. O na poe a pau o @@@ komake ana e komo iloko o @@@ @@@@@ pono lakou e hele mai e hui pu @@ @@@.

C. I. HIram, A I OLE IA, @@ @@@@@ DAYTON, a i ele is KUKA.

Owau no me ka haahaa

MRS. C. I. HIRAM.

Honolulu, Oahu, Oct. 8, 1890 @@@@