Ka Leo o ka Lahui, Volume II, Number 239, 17 July 1891 — Page 4
| This text was transcribed by: | Lehualani Concepcion |
| This work is dedicated to: | Awaiaulu |
KA LEO O KA LAHUI.
"E Mau ke Ea o ka Aina i ka Pono."
KA LEO
John E Bush
Luna Hooponopono a me Puuku.
POALIMA, IULAI 17, 1891
He Moolelo No KAMAPUAA.
KE KEIKI PUAA A KAHIKIULA ME HINA – KA MOOPUNA PUAA
A KAMAUNUANIHO-KA HOA PAIO HOI O PELE, KA WAHINE O KA
LUA I KILAUEA, A HALA LOA AKU I NA KUPUNA O KUKULU O KAHIKI.
O oe ia e Haunuu, e haulani
E ;haalokuloku
Ka Mano e ka I’a nui
E ui, e Uilani
Ko inoa Puaa ia e o mai
Ia manawa, he uwe wale n ka haba a Kapo i ke aloha i ke kane ia kamapuaa, ma ko laua moe ana ma ia po aole i moe pono ia mai e Kapo, i oni wale ia mai no i o a ia nei a hiki i ke ao ana.
A ua ala mua ae la o ua puaa nei a kaua, a hoomakaukau iho la oia iaia iho, a ka’ua mai la o Kapo, ua po hoi keia la no’u no ka wahine.
I aku la o Kamapuaa, mai apa mai oe ia’u, o ko’u ike wale aku ka hoi i ke kino wailua o ko’u hanau mau, he ma-u hoi ia.
A i noho no hoi oe e ka wahine a i aloha i ke kane; alaila, huii ae no a loaa i ka moku o Oahu.
Ina hoi ha pela, alaila, ua pono kena manao e ke kane, na ka wwahine no hoi ke wahine e au aku i ke kai loa.
Ua haawi ae la na aloha hope loa mawaena o laua, a hele mai la ua kamapuaa ei ma na Koolau o Maui a hiki i Maliko, a ku ana keia mawaho o kekahi hale, ua hele a piha i na kanaka, e hula ana, ahaaina ana, e puhenehene ana, a e noa ana
Ua kahea mai la kamaaina, e komo maloko nei o ka hale, ua ae aku la keia.
Ui oe e kena kanaka, mahea mai nei oe?
Ma ke Koolau mai nei, wahi a Kama.
No Maui nei no oe? wahi hou a kamaaina.
Aohe no ka moku au o Ohau i Hawaii ae nei oi i ka makaikai, a ike aku la no hoi ia aina; a ua lawa ka makemake, a oia keia e huli hoi nei.
Auhea ka hoi kou waa?
Aoha o’u wa he kanaka kau waa wale iho no au, a pae ae nei ma Hana, a hele makaikai mai nei no hoi ma keia pali Koolau mai nei.
I mai la kekahi kanaka, he lohe wale no ko makou, ina ka e hiki kekahi kanaka makaikai i Hawaii, e like me kou kulana a makou e ike aku nei, hookahaia ia’u, a huli hoi mai la, no ke one hanau.
E nomo mai kakou e le’ale’a maloko nei, peia iki iho hoi a kuu iho ka nae, o keia hele ana mai nei o keia loa.
I mmmai la kekahi wahine ia ia nei, aole pela e like mmme ka lakou nei, e paina mamua a maona, a mahope aku ka lealea, i lealea aku hoi paka ia ua puipui ae o loko.
Ua eleu mai la ua wahine la ma ka hoomakaukau ana i mea ai na ia nei.
A i ka makaukau o na mea a pau ua noho iho la keia paina, aole i ai o Kamapuaa i ka puaa, no ka mea, o kona kino no ia, ua ai aku la no keia i ka ia maoli ua kapae ae la keia i kalaulau puaa ma kahi e.
Nana mai la ua kamaaina wahime nei iaia nei i ka ia nei paina ana a no ka ike o ua wahine nei i ka ai oe o kana malihini i a laulau puaa, i mai la oia:
H keu oe o ka naaupo, haalele ia iho la e oe ke one, hele wale aku la no oe iluna o ke aa, haalele ia iho ka e oe ke kipuka one kahi maikai e kuu ai o ka upena.
I aku la o Kamapuaa, ua hiki, ua nui ka hoi na ono au e ke alii wahine i unu mai nei imua o ke alo, e ai paha i koloaa a haalele.
Noho noho no keia paina, a kani ka ia nei muolo wai, o koi nei hoopau ae la no ia i kana paina ana, olelo mai la ua wahine nei:
E ai oe a maona.
Ua maona ae la no wau, o kaumaha auanei ke lealea aku me kamaaina, ke mihi ae la wau ia’u iho, imua ou e ke alii wahine, no kou lokomaikai lua ole, no ka’u mau mea ai maikai i ai iho nei, a heaha auanei la ka’u uku e uku aku ae, hookahi no paha uku o na iwi, a i ole ia o na maka kahi walewale.
Aohe ia he mea uku, he ai wale no ka hoi ia; ina ha pela, ke haawi aku nei au i ko’u mahalo kiekie ana ia oe.
Ka hai malule e wale aia no ua wahine ‘la, i ka ike mai ia Kamapuaa i ke kanaka maikai maoli no e manao kuhihewa ana paha e puni aku ana ua puaa nei iaia.
Ua hooluana aku la no o Kamapuaa me ka lakou lealea o ia manawa, a ua lawe ae no o Kamapuaa i ka hanohano oia wahi ma ke ahu wale ana o ka lakou mau I uunoa ia ia nei, aole e hiki i ka lakou noa ke nalo ia ia nei, no ka mea, he kino papalua ko ia nei¸ua haawi mai la lakou i ka mahalo kiekie loa ia ia nei.
Me ka au’a pu mai e noho me lakou, a na lakou e malama ia ia nei, ma na ano a pau o koi nei kino.
Ua manao lakou e loaa ana ia lakou ka waiwai nui, ma ka hele aku e pili waiwai ma ke ano noa, oia nei ka lakou i manao ai.
No ka hele ana e pili me ka poe e aa mai ana i ka lakou nei mono, ma ka noa ana, oia na manao e hoolala ala ia lakou i kela manawa a ua hoopuka okoa mai laou i ka manao imua oia nei.
Ua ae aku o Kamapuaa i ko lakou manao make ano palaina, aole lakou i ike, he i’a mai keia o ka naele, a ma ke ahiahi o ia la, ua hooaumoe iho la lakou nei ma ia po. Aole i pau.
I na Luna Lawe Pepa o KA LEO O KA LAHUi, ke ha’i ia’ku nei ka lohe ia oukou, ina he mau helu koe o ka la 3, 10,20 o Aperila, a me ka la, 5 o Mei nei, o ka nupepa KA LEO, ke kauoha ia aku nei e hoihoi mai ma ke keena nei. Ma ke kauoha
700 – KANINI – 700
Hainaka Silika
-o na-
LEDE !
Ma na kumukuai e hoomaka ana mai ka
$1.75
- A KE-
$3.50
o ke kakini hainaka hookahi
Aole keia waiwai kuai i ike ia ka maanei mamua e like aku me kona ano ka nani a me ka emi o ke kumukuai, kihi o na alanui Papu a me Moi, ma Ewa mai o ka Hui o Holo ma.
215 – d2ws
PAPA KUHIKUHI
O
KA HUI ALAHAO A ME AINA O OAHU
E HOOMAKA ANA MAKA LA
25 O OKATOBA, 1891.
A.M. A.M. P.M. P.M.
Haalele ia Honolulu *6:15 8:45 1:45 4:30
Hoea ma Honoulili *7:15 9:49 2:40 5:28
Haalele ia Honouliuli *7:45 10:51 3:51 5:50
Hoea i Honolulu *8:40 11:55 4:55 6:45
*Lapule wale no
= Poaeno wale no
Na Lole Komo o ke Kau Na LoLe Komo o ke Kau
NA LAKO HOU LOA a me NA ANO HOU LOA!
E weheia nei ma kahi o N.S. SACHS, 104 Alanui Papu Honolulu.
Na Ano Lihilihi o Kela a me Keia Ano.
HE KUAI MAKEPONO LOA KEIA
Ua wehe ae nei makou i na anno LIHILIHI a pa i loaa pololei mai ia makou, mai na Hale Hana mai Europa mai, a nolaila, ua hiki ia makou ke kuai aku –
NO NA KUMUKUAI HAAHAA I KO KEKAHI MAU WAHI E AE!
Ua maokaka ke ano o na lau o ka lole, a ua pomaikai oe ke ike mua, mamua o ke kuai ana ma kahi e aku.
NA HOLOKU LIHILIHI no $4.50 o ka lole i kuai ia no $6.50 a $7 mamua.
NA LOLE LIHILIHI NO KEIKI, e like ka laula me ko ka pelekoki mai ke 60 (keneta o ka i-a a pii aku)
HE NUI NA ANO O NA LOLE KEOKEO, KINAMU, LATINA.
KINAMU LOLE, maka hou, he 8 i-a no ka $1.00.
NA LOLE MAIKAI PAPAMU a kakau loloa. 20 a 25 keneta o ka i-a.
NA LOLE oi loa aku o ka maikai he 25 keneta wale no ko ka i-a.
NA LOLE KIKOKIKO a me LAU, (Swiss) he emi loa.
NA PAA LOLE LIHILIHI iloko o na pahu; KEOKEO a KALAKOA, e ku-
(ai emi loa ia aku ana.)
NA KAKINI ELEELE ADELINE.
Ina onkou e makemake i KAKINI ELEELE maikai, i KAKINI mae ole a kohu ole, e ninau no ke KANINI ELEELE ADELINE, ua hanaia keia KAKINI no makou no keia Makeke, a na hiki ia makou ke hooiaio aku i ko lakou maikai, ua lawa no na wahine, kaikamahine, a me na keiki.
-AIA MA-
Ka Halekuai Kaulana,
104, Alaui Papu. Iulai 14, 1891. dtf WEHI O NA LEDE.
PAPALE! PAPALE! PAPALE!!!
E Loaa no –Papale- maikai o na.
Maanei na ano a pau
Na PAPALE i hoonani ia a hoonani ole ia.
I loaa ole ka lua ma keia Pae Aina, a no na la hoomanao Kulaia, e loaa no ia oe ma na kumukuai haahaa.
Ina oukou e kuai i na PAPALE ma ko makou halekuai nei, alaila, e loaa no ia oe ke kaulike.
Nolaila, e kipa mai io makou nei i hoopauia ko oukou kuhihewa
C.J. Fishel.
Mei 19, 1891196-tf-d
HALEKUAI HOU
Ma ke Alanui Papu, - (NA HALE BURUA)
E hoolilo aku ana. Makou i ko Makou waiwai a pau o na ano Lole:
NA LOLE NANI,
NA LOLE I HUMUIA.
KUPA A ME PAPALE
PAHU LOLE, a pela aku
H O O L A H A H O U
B.F. Ehlers & Co – PAINAPA.
IA OUKOU E NA MAKAMAKA A ME NA HOALOHA, OIAI HOI, UA
makaukau makou i ke kuai ana kau ia oukou i na lako lole wahine o na ame Steila a pau; oia hoi-
Na Silika hou Na Sateen hou
Na Mikilima hou Na Lihilihi hou
Na Lihilihi keokeo hou Na Lihilihi kau lole hou
Na ano Mamlu hou loa Na Paku Pukaaniani
Na lole hou o na wahine Na lole o na keiki liilii
Na lole o kela a me keia ano e loaa no ia oukou no na kumukuai haahaa @@a.
E kipa mai e na makamaka, i hoopau ia ai ko oukou kanalua no ka makou kuai hoopoho aku ia oukou. Owau me ka oiaie,
B.F. EHLERS & CO.,