Ka Leo o ka Lahui, Volume II, Number 276, 9 September 1891 — Page 1
| This text was transcribed by: | Lyn Kuda |
| This work is dedicated to: | Awaiaulu |
KA LEO O KA LAHUI.
"E Mau ke Ea o ka Aina i ka Pono."
Buke II. HONOLULU. SEPATEMABA 9, 1891. Helu 276
---
He Moolelo
No
KAMAPUAA.
KA KEIKI PUAA A KAHIKIULA ME HINA--KA MOOPUNA PUAA A KAMAUNUANIHO--KA HOA PAIO HOI O PELE, KA WAHINE O KA LUA I KILAUEA, A HALA LOA AKU I NA KUPUNA O KUKULU O KAHIKI.
---
O oe ia e Haunuu, e Haulani
E Haalokuloku
Ka Mano e ka I'a nui
E ui, e Uilani
Ko inoa Puaa ia e o mai.
---
Olela mai la ka wahine a ua Limaloa nei; ua puni maua ia oe, no ko hiki ana mai me kela kanaka ui. O kau hana ka paha ia o ka imi i kanaka maikai, i loaa ko maua kino ia oe.
Ua pau ko maua puni ana ia oe, e ku oe a hele pela, mai ko maua wahi aku, aole oe e noho hou mai me maua, a ina oe e hoopaakiki mai, alaila, e kauoha koke aku no maua i na kanaka o ko maua kaikunane o Kaneiki, e kii mai e hopu pio ia oe, a me kou pepehi pu ia aku o na kanaka, e like me ka maua kauoha alii i ko makou mau kanaka.
Nolaila, ua pau ka pono o ua Limalea nei, a kulou iho la kona poo ilalo, me ka hilahila nui, a ua mihi iho la oia i kona haalele ana i kana aikane.
I mai la ua mau wahine nei; e hoomalu ana ko mana mmau kino, a hoi hou mai ka maua kane i aloha nui ai, a nou la ea, e hele oe pela.
Pane aku la o Limaloa i na mau wahine nei; aole oia e hoi ola mai ana a hui me olua, no ka mea, ua ike aku nei wau i kona pepehi ia e na moo, a ua make oia i keia wa, a hoi mai la wau e hoike aku ia olua na wahine.
Mamua o kona make loa ana, ua kauoha mai la oia ia'u, e hoi mai wau e malama ia olua, a owau auanei ka olua kane hookahi, aole hoi he kane e aku. Oia la i lohe olua e a'u mau wahine?
E hele oe pela, aole maua e puni aku i kau hoopunipuni mai, e kali no maua iaia no na la he nui, aole maua i ka awiwi, aka, aia maua i ka nanahe.
Nolaila, ua ku ae la o Limaloa a hoi aku la no ke kaha o Pokii, ma Waimea, me ka ukana nui ana e auamo ana, he hilahila.
Haalele ia aku la no e ua Lima loa nei o Kamapuaa, ka iwi paoa; no ka mea, o Makalei aku la no ia ana i haalele aku la, o ka laau ona ia e ka i'a, a kaua paha la e hoonaueue ae ai i na papa auwae o kaua e ka mea heluhelu--
"Aia ko ku i ke a'u la
I ka i'a lele o ka moana."
Ma keia wahi o ka kakou hoonanea, e haalele loa aku ana kakou ia Limaloa, e ako ana i kauhale a Kaliula.
E huli hou ae kakou a e nana aku ia Kamapuaa, pehea aku nei la ua Kamapuaa nei a kakou, ke hele kino kanaka la no paha; a i ole, ua hoeepa iho la no paha.
Ua pii aku la ua o Kamapuaa a kau iluna o Anaki, a iho aku la ma kela aoao o Honopuwaikanaka, pii hou aku la oia, a iho ma Honopuwaiakua, hele aku la keia a hiki ika pali o Kalalau, a ike aku la hoi o Kamapuaa i na elemu o na moo mawaho o ke ana; a ma keia wahi o oli aku ai o ua o Kamapuaa--
"A makani kiu wailenua
O lalo o Koaie
O Haialoha i ke kaha o Papiohuli
Lawe Limaloa i kona kapala lilo
I kauhale a ke Akua
He akua ka hoa
He kahaku iho la o Mana e--
O ke kaha o Waiolono
Ua lono no oe"
I ke kuu ana iho o ka ia nei oli ana, ua ike koke aku la no o ua o Kamapuaa i ka moo e olala ana i ka la; oli hou aku la no keia--
"Ohi ka lani kaukea
Pohi ka newanewa
Ho-a-ka olohe i ka malie
Lulu kona ia Kahikiula
Nohe ke akua i ka pali o Kalalau
Anu kilioe, o na wahine kapa ole."
Ia manawa huna na moo i na elemu o lakou, hoea mai la na poo; oli hou aku la no o ua o Kamapuaa no ke kolu o ka manawa--
"Ia Hooilo la, hakalea ka pali kai ino o Kalalau e--
Ino Kalalau
Ia Kilioe i ka pua
Aloha oe e Kilioe i ka pua."
Pane mai ia na moo; he aloha ka hoi ka noho pu ana, ka ai pu ana, ka moe pu ana, e ike ia ai la hoi nei mea he aloha.
E, auhea wale ana oe, e make aku ana oe ia makou, neaha no la kau o ka mahaoi ana mai nei i ko makou wahi.
I hakalia no a pau ka ia nei leo i lohe aku ai i ke kamaiho mau o ko ia nei hoomaka aku la no ia e lalau i na moo, e kahih[x] ae ana na moo i ko lakou mau huelo, a hilo ae la ka pali he pali ku'i.
Aole i pau.
---
He Moolelo Nanea.
NO
De Atanani.
---
KE Koa o ka Lio olohe,
--A I OLE--
NAKIAIEKOLU O FARANI.
---
Ahe! i pane mai ai ka madame Bonacio, akahi iho la no au a maopopo, aka, e monasiua Atanani o ka lio olohe, ma ka inoa o na lani, e hoopakele mai ia'u, a e poopakele pu ae hoi i ka moiwahine.
Me kuu naau a pau, ua aoopakele ia oe me ka moiwahine! wahi a Atanani.
Me keia mau kukhi olelo ana a ke koa opio o ka lio olohe, hookuu ae la na kilou ana a ka ipo i ka ipo ke aloha i ke aloha, a huli hoi aku la ka madame no ka halealii o kona moiwahine.
O ke koa opio Atanani hoi, haalele iho la ia i kona wahi keena no ka hale kakela o kapena Terevila me na kapuai mama.
A imua o ke alo o ua kapena la, hoike aku la oia i na mea a pau, a na ia mea i hoopuiwa aku i ua ka penna nei me ka hikilele nui, a me ka leo pihoihoi nui, oia kana i ninau mai ai:
E ke koa opio, heaha kau i kamailio mai la?
Wahi a Atanani i pane aku ai, o ke ola a me ka make o ka make, aia no ia malalo o ka'u mau hooko ana, ma o kekahi misiona malu ala a kona ihiihi i haawi mai ai na'u e hooko.
Ahe! he misiona malu ka kau ea? wahi a ke kapena i hoomaopopo hou mai ai.
Ae e kuu monasiua kapeua, a oiai o oe wale iho no ka'u i hilinai aku ai ma he ano, o oe ko'u hoaloha, nolaila an i kipa mai la i ou la no kau mau kokua ana mai ia'u ma keia mea.
Alaila, mai ka moiwahine mai anei ke kauoha ia oe e hele mai i o'u nei me kau misiona malu? wahi a kapena, aka. na ko'u manao maolii iho no ia, malia, o ae ole mai paha oe i ka'u mea e noi aku ai?
Alaila, ke kumakaia mai nei oe i ka laahia o ka hana i waiho ia mai ai nau e hooko?
Kumakaia! i hooho ae ai o Atanani, e monasiua kapena. aole loa au i kumakaia i hookahi lihi o ka'u hana ia oe.
He oiaio, ua hoike aku au ia oe i ka'u hana o ka misiona malu, a o na kokua ana mai ia oe mai, oia ka'u i makemake ai.
Alaila e kuu hoaloha opio, e malama i kau misiona malu me oe, a e ha'i mai, hoaha kau i makemake ai me kapena Terevila?
O ka'u i makemake ai no kau mau kokua ana mai, oia no kou noi ana aku ia kapena Desesarata o o ko'u puali no ka hookuu ana mai ia'u no kekahi mau po, wahi a Atanani.
No ka manawa hea kau i makemake ai e Atanani? wahi a kapena Terevila, me ka haka pono ana mai maluna o ke koa opio.
I keia po no!
Aha! i keia po no ka oe e haalele mai ai ia Parisa nei ea? wahi kapena Terevila.
Ae e ke kapena, malalo o ka hoo ko kauoha no ka hanohano o ka'u misiona malu.
Alaila e ke koa opio, e loaa anei ia'u ka hanohano o ka ninau ana aku i kou wahi e hele nei?
I Ladana e ke kapena! wahi a ka opio.
Alaila, he hoaloha no anei kekahi ou i kau wa e hiki aku ai ilaila? wahi a ke kapena.
Ae o ke kapena, ke ole nae au e kuia mai me na keakea ma ko ke Cadinela aoao, e hookaulua ia ai ka'u huakai.
O oe wale no anei ke hele ana no ka hanohano o kau misiona?
Ae e ke kapena, owau wale no ke hele ana.
Alaila, he kea opio wiwo ole oe ma ke aa ana e lawe i ke alahele o ke kipoka ia maluna o na palena aina o Farani nei, a ma kekahi oleio ana ae, ina o ke kahua keia o kau misiona, alaila, aole loa oe o kaa ana mawaho o na palena o Bondy.
No keaha hoi e ke kapena? wahi a ke koa opio.
No ke aha? Aole ka oe e hoomaopopo iho, e pepehi ia no oe e na koa kiu, a me na puali kuikawa o ke Cadinela.
Aole i pau.
---
E na Luna Lawe Pepa o ka Leo o ka Lahui, ke hai ia aku nei ka lohe ia oukou, ma he mau helu koe o ka la 3 o Augate nei, oia hoi ka Poakahi mua, alaila e pano e hoi hoi mai i kaiea keena.
---
He Mau Aina Kahua Hale, Halekuai a Mau Waiwai e ae.
Ua loaa mai ke kauoha ia'u e kuai kudala akea aku mai ko'u Keena Kudala, ma Alanui Moiwahine,
MA KA POAHA, AUGATE 13, HORA 12 AWAKEA.
I keia mau waiwai malalo ino:
Hale a me Aina--ma ka aoao Komohana o Alanui Hotele a me Kekaulike, e pili la me ka waiwai o Mrs Mary Foster, a nona hoi ka ili o 1425 kuaea kapuai, me ke alo. 33 kapuai ma Alanui Hotele a me 34 1/2 kapuai ma Alanui Kekaulike; a me kekahi apana aina e holo ana i hope mai ke alanui aku. E hoolimalima maluna o ka aina.
2. He Pa Aina--e kokoke la ma ke Komohana o Alanui Alakea a me Moiwa hine, he 3667 ka ili. Ua hoolimalima ia i ka Hui Hana Hao Union, no 15 ma kahiki mai Maraki 1, 1891, me ke kulea na hoolimalima no 15 hou aku makahi ki, ma ka uku kaokoa o $150 o ka maka hiki i ukuia ma ka hapaha. Na ka Hui Union e uku na lilo auhau aupuni a me auhau wai.
3. He Aina ma Pauoa--e waiho la ma ke Alanui Pauoa, kokoke i kahi o Keo Pu, 137,100 eka. he kahua hale a me ke kahi mau aina lo'i ko keia aina. He ku lana hoi e ike pono ia a ke kulanakauhale a me ka moana. Hoolimalimaia ia Tai Fook Co., (Yee Wo Chan, agena,) no $100 o ka makahiki, ma ka hapa ma kahiki e uku mua ai. He 6 1/2 makahiki i kee o ka hoolimalima e paa mai ka la 1 o Iulai, 1891. Kala kuike ko na kuai ana a pau.
E ike ia no na kii o na aina a e loaa no hoi na hoakaka ana ma ko'u Keena Kudala, ma Alanui Moiwahine.
JAS. F. MORGAN, Luna Kudala.
250-9tsd.
---
Kauka Pake Akamai!
DR. LEONG KANG TONG.
MAKAUKAU OIA E LAPAAU I NA MA'I A PAU O KELA A ME KEIA ANO, ME KA ELEU A ME KA HOLOMUA.
HE OLUOLU KA AUHAU.
Keena Oihana :--Aia ma ka aoao ma Ewa iho o ka halekuai Puaa, e ku nei ma ke kihi o na Alanui Kamika me Hotele.
HE PALAPALA HOOIA.
Honolulu, April 19, 1891.
Owau o Chn Sam Lan, no ke kulana kauhale o Honolulu, Mokupuni o Oahu Ko Haawaii Pae Aina. Ke hooia, a ku hooiaio aku nei au imua o ke akea, ua ike au a ua maopopo ia'u a ke haawi nei au i ko'u mahalo piha ia Kauka Leong Kang Tong e noho nei ma Alanui Hotele honolulu, no ka mea, na lapaau oia ia'u a na ole au mamuli o kana mau lawelawe akahele ana, oiai o ko'u ma'i he akepau. a he popo hoi ma ka olelo kahiko. Ke noi aku nei au i ka poe a pau i loohia me kela ano ma'i, e hele ae iaia, a e loaa no ke ola. Ua loaa au i keia ma'i mai ko'u wa opio loa mai, a na aneane he 4 makahiki o ka hoomailo ana a keia ma'i i ko'u kino, aka, ma keia wa na loaa ia'u ke ola maikai loa. E hele ae e ka poe i luuluu a kaumaha.
Mei 12, 1891. 1m.-d.
---
OLELO HOOLAHA.
E ike auanei na kanaka a pau, eia ma ka Pa Aupuni o Makiki nei kekahi mau lio. Lio k ulaula lokia, 1 wawae keokeo nope homa, hao kuni ano e, hapala ka hao maluna o ka uha hope ak, eha wawau paa i kapuai-hao, ekolu wawae eleele, kiko keokeo ma ka lae. Lio k ulaula kiko keokeo ma ka lae, hookahi wawae keokeo hope hema, elua wawae mua paa i kapuai hao, hao kuni ML hema hope. O ka mea a mau mea nona keia mau lio, e pono o kii koko mai, o hala na la he 15, e kuai kudala aku no au ke hiki aku i ka 5 o Sept. 1891, [x]h[xxx] hora 12, awakea Poaono.
D. Ka[xxx], [xxx] Pa [xxx]