Ka Leo o ka Lahui, Volume II, Number 408, 11 March 1892 — Page 3

KA LEO O KA LAHUI.

"E Mau ke Ea o ka Aina i ka Pono."

 

NA HOAKOAKOA ANA I NA MEA OIAIO O KEIA MANAWA.

MOKUNA I.

KE KII NUI O DANIELA. II.

            Eia me kakou i keia manawa e noho nei ma ka inoa, Farani mai ka Franks, Enelani mai ka Anglo Saxon, ka Potugala mai ka Suevi, ke Sepania mai ka Visigoths, a o ka Italia hoi mai ka Ostroths, o ka Huns a me ka Lombard ke mau nei no ma ia inoa mua no.

            Ua piha ke ano o ke kii o ka hiohio moeuhane a ka moi Nebukaneka.

            Eia no kakou ke noho nei iloko o na la o keia mau aupuni, a e kakali aku ana no ke kukulu ana o ke Aupuni o ke Akua, oia ka mea hope hookahi i koe o ka lalani o ka wanana.

MOKUNA II.

KA HIHIO MA DANIELA, 7.

            E hoomaopopo ia no ka olelo hoailona o loko o ka Baibala o ke ano io maoli o na huaolelo. O na olelo nane a pau o ka Baibala, ua hoakakaia mai no e na olelo io o ka Baibala. Eia maanei ke kai, ka makani a me na holoholona nui eha, a aole kekahi o lakou e hoomaopopoia e ke ano io maoli o na huaolelo "makani" a pela aku.

            Ke kai, ka muliwai a wai paha i lawe ia ma ke ano nane, o ke ano io maoli, he "lehulehu, puulu kanaka a lahuikanaka, a me na olelo." Hoik. 17: 15; Isaia 8 7. O ke ano o ka olelo "maka" he hookeke, paonioni a ke kaua. Ier. 25: 32, 33.

            O na holoholona e hoike ana i na aupuni eha e ala ae ana maluna o ka honua, mahope aku kekahi o kekahi. Dan. 7: 17:23. O ka eha o ka holoholona, oia no ka eha o ke aupuni. nolaila, ua maopopo o na holoholona e ae i oleloia he mau aupuni no ia, aka i kekahi manawa e like me keia e kapaia ana he mau Moi.

            O ka pili pono o ke ano o na kii, ma ko lakou hoomaikeike ana mai i na mea e pili ana i ka moolelo o ke kanaka, ua ike koke ia iho. Ma na wahi o ka honua nei i piha i ka poe naauao, oia no, mai mua loa mai, o Asia Komohana a me Europa, ua noho hookeke ana iwaena o na lahui.

            Mamuli oia mea, ua loaa mai ka hopena, he kaua hulihia maluna aku o na kaua, a he eha mau aupuni nui i ala ae a hina aku kekahi mahope aku o kekahi.

            Ua ike kakou mai ke kii nui ae o ka Mok. 2 o Daniela, he eha wale @na no mau aupuni nunui e noho mana ana i ka honua a pau, mai ko Daniela mau la a hiki aku i ka hopena o ka manawa. Ua kuhikuhi mai ka ha o na holoholona o keia hihio a Daniela Mok. 7, i ka mea hope loa hookahi o na aupuni o ka honua nei; no ka mea, ua haawiia aku oia i ka lapalapa a ke ahi, a o ke aupuni ua kaalo aku iloko o ka waihona o na haipule me kekahi kuleana mau loa.

            Nolaila o na holoholona eha o Daniela 7, oia no na aupuni eha i hoomaikeike ia mai e ke kii nui ma ka Mok. 2. O ka holoholona mua, he liona, e hoike ana i ko Babulona ano, mamua aku o ka Haku ka makahiki 688 a ka 538.

 

OLELO HOOLAHA.

            Ke papa loa aku nei au i na ano kanaka a pau e noho ana ma keia Paeaina, aole e hoaie mai i kuu wahine mare ia ANE PAHIA ma ko'u inoa, a ke papa pu ia aku nei no hoi, aole e malama iaia a o ka mea hoolohe ole i keia, alaila e hoopii ia ana lakou ma ke anawai, oiai ua haalele kumu ole mai oia ia'u.

            Owau no me ka oiaio.

            G H. PAHIA.

            Honolulu. Maraki 2, 1892. mar. 2tf.

 

HE ELIMA DALA MAKANA.

            Ua haule he Kahei Ai Kilika Eleele. E uku ia no ka mea e loaa ai i kona wa e hoihoi ai ia kahei ma ke Keena Kuai Buke Hui Hawaii. (Hawaiian News Co.) na nae o ka Hale Leta Kahiko.

            Honolulu. Mar. 4, 1892. mar. 4 1w.

 

Kuai Kudala

O NA

Lako Gula a me Uwati.

            Mamuli o ke kauoha o FAI KEE Ma, e kuai kudala no au ma ko lakou Halekuai Helu 37. Alanui Nuuanu, ma ka POAHA, Mar. 10, ma ka hora 10 A. M, i ka huina pau o ko lakou Waiwai Gula a me NA LAKO HOOLUU IA ME NA WAI DALA A ME GULA.

NA LAKO HALEKUAI.

            E kii mai ka poe no lakou na uwati e hooponoponoia nei, mamua ae o ke kuai ana. JAS. F. MORGAN.

            Luna Kudala.

            Mar.1 ti.

 

HE HOOLAHA I KE AKEA.

            E ike auanei na ano lahui a pau, e noho ana ma ke Aupuni Hawaii, mai na kane, wahine, a me na keiki; i loaa i na ma'i o kela a me keia ano e naue mai i ko'u Keena hana, a na'u e hoopau aku i na ehaeha a ka ma'i maluna o oukou e na makamaka, he hiki ia'u ke lapaau i na ano ma'i a pau, ma'i iloko o ka opu, hu'i ke kino, aki iloko o ka iwi, eha o ke poo, ma'i wahine a pela aku. Mai hoololohe aku e na hoa, hele mai hookahi, hele mai elua, hele mai no a pau loa; he oluolu ka auhau, ke hui me ia ma na kukai olelo ana; ua makaukau wau e pulama mai i na kono ana mai mai na Mokupuni mai, me ka eleu a me ka hikiwawe loa, he makamaka a he hoaloh maikai no oukou e na Hawaii.

            Owou iho no,

            DR. LEONG KENG PONG.

Helu 40, Huina o na alanui Kamika me Hotele. Honolulu. Oahu. Aug. 31. 1y

 

HOOLAHA HOU

E ALA, E ALA.

B. F. EHLERS & Co—PAINAPA.

HELU 99 Alanui Papu.

MA KA HALEKUAI O PAINAPA I KEIA MANAWA. UA HOEMI HOU IHO MAKOU I NA KUMUKUAI O NA LOLE WAHINE, KANE, ME KO KAMALII, MA KE KUMUKUAI MAKEPONO LOA, NO KA MEA, HE WA PILIKIA KEIA, NOLAILA KE KUMU O KA HOEMI NAAUPO ANA:—

Na Palule $2.50 he $1.50 wale no, a o na Palule $1.50, he $1.00 wale no. Ke ike mai la oukou i ka emi loa ana.

Kupaianaha maoli keia emi naaupo ana e hele koke mai, o nele auanei oukou.

tf B. F. EHLERS & CO

 

Na PaikiNi Hou

            Na Paikini Hou

O NA ANO A PAU, E KINIKOHU AI O KE ANO AHIAHI. K LOAA NO MA KAHI—

Chas. Fishels,

KIHI O ALANUI PAPU A ME HOTELE.

            Ko makou halekuai hoopau nui, ma o MR CHAS. J. FISHELS la, he mau waiwai hou loa ko makou, i loaa mai nei mai ka hikina mai, o na ano like ole he nui wale. Eia ma ko makou halekuai nei na paa lole e linohau ai o na Keonimana a luhiehu o na Lede, na aulii o na Kamalii—

Na KINAMU Na ALAPIA

Na KALAKOA Malina Na KIHEI Silika

NANAHE o na ano he nui A pela wale aku.

E huea pau ia aku ana keia mau waiwai a pau imua ou, aole hoi o oe wale o na Lede kekahi, pau pu aku hoi me na keiki, nau e wae nou iho i na ano@i a kou puuwai, oia ka papa lohi o Apua la, ke anap@ nei ka wai liula i Mana.

            E hele mai i hookahi, e hele mai no a pau loa, mai ka nui a ka liilii.

            Chas. J. Fishels.

350-tfd. Halekuai alakai o na kumukuai haahaa loa.

 

HOOLAHA PA AUPUNI.

            E ike auanei na kanaka a pau, eia ma ka Pa Aupuni o Makiki nei kekahi lio helehewa. Lio k ulaula kikokiko keokeo ma ke kua. kiko keokeo ma ka lae, 1 wawae keokeo hope hema. 3 wawae eleele hao kuni aoao ak. o ka a-i.

            O ka mea a mau mea nona keia lio. e pono e kii koke mai, a ina e hala na la he 16, e kuai kudala aku no au ke hiki aku i ka la 19 o Maraki 1892, hora 12 o ke awakea Poaono.

            D. KAOAO.

            Luna Pa Aupuni.

            mar8 tfd.

 

OLELO HOOLAHA.

            Ke hai ia kau nei ka lohe i na mea a pau e makemake ana e loaa na upena 'aei" i hanaia a makaukau. ua kui ia a paa me ka lihilihi, a o na laau wale kau e hookomo ae a lawai aku. E loaa no ma kuu halekuai ma ke kihi o alanui Moiwahine a me Maunakea, mauka iho o ka makeke kuai ia o Ulakoheo, no na ano upena a pau. Me ka mahalo.

            LUM KOI

            Honolulu. Maraki 4, 1892. mar.4ti.

 

HOOPAKELE AKU.

            Ke hoike ia aku nei ka lohe i na mea a pau, kane wahine a me keiki. aole e komo wale i ke Kai Konohiki o T He-u ma na kai o Kakaako makai o ka Pa Mai, e like me ka holopololei ana o ke alanui mai ka Pa Mai aku a Kaluahole ma ka aoao ma Waikiki, aole e komo wale ia e na ano kanaka a pau o paa ia'u i ka Halepaahao. O ke kuli ka make o ka lohe ke ola.

            JOHN SAMUEL KEKUKAHIKO.

            Luna a T He-u.

            Kakaako Honolulu, Mar. 9 '92. 10-1w

 

OLELO HOOLAHA.

            Ma keia ke papa loa ia aku nei na kanaka a pau i ka hele ana maluna o ka aina o Waiakekua a me na aina a pau e pili ana, e waiho la mawaena o ka aina o C P Iaukea ma Kahoiwai a me ka aina o Waaloa i kuai ia ia E H Rodgers, ma ke awawa o Manoa, Oahu, me ka loaa ole o ka palapala ae mai ka mea nona ka inoa malalo iho, ina e kue ia e hoopii ia no ke komo hewa.

            J H BOYD

            Honolulu Mar. 7. 1892. mar 8 1m.

 

HOOLAHA! HOOLAHA!!

            Ke kauoha ia aku nei na mea a pau. no lakou na uwati a mea gula e waiho nei me ko'u Hale Hana Uwati. e pono e kii koke mai iloko o keia mau la a hiki i ka la 9 o Maraki. Ua hala anei ka mahina okoa i kahea ia ai o ka poe i kuleana, a ina aole e kii mai ka poe mea uwati a mea gula. alaila. e hoolilo aku ana no wau ma ia hope aku.

            FAI KEE & CO.

            Helu 37 Alanui Nuuanu. 9t-d.

 

NA SILIKA WAILIULA

Na Silika Aulii o na Lede!!

E NA KEONIMANA A ME NA LEDE, E MAKAUKAU, EIA ka nani ke alohi nei i ka Papalohi o Maukele; a ina he mau okeni kau, e kipa mai ma ka HALEKUAI o

S. N. SACHS,

Ke Alakai o na Kumukuai emi o keia Taona.

Honolulu, Alanui Papu, Helu 104.

            E HOOKO IA no kou makemake ke kipa mai oe io makou nei. Eia na SILIKA pahee o na ano like ole, he 60 keneta wale no ke kumukuai o ka I-a. Eia hou no na SILIKA i miloia me na lopi huluhulu o Inia Komohana, e loaa no ia oe ma ke kumukuai haahaa loa, he 75 keneta malalo o ke kumukuai mua.

            Eia hou mai : Na SILIKA Aulii o Inia Hikina, he aulii, a he milolii ke nana iho, a he 50 keneta ke emi malalo o ke kumukuai mau; a he helu ekahi hoi o ka nani ke ike iho. Aole hoi o ia wale, eia iho na HULUHIPA o na kahakahana like ole, a nau no e wae e like me kou makemake, he 50 keneta no ka I-a. Na KINAMU pahee, i miloia me na lopi lilina, he 50 a 75 keneta o ka I a.

O na Ano Aaahu Aulii a Pau,

O na ano like ole, eia la ua ku ke ahna. Na AI-KALA, he elua paa no 25 keneta; a e loaa no hoi ia oe he 5 paa no $1.00, o ke ano a ka iini e lia ai. Eia hou na A-IKALA Aulii o Carolina Hema, i loaa mailoko mai o na lopi aulii o Marina, a i hanaia hoi me ka mikioi, he 15 keneta a hiki i ke 35 keneta.

Na SILIKA WAILIULA, he 35 a ke 50 keneta o ka I-a, he mau mea hou wale no. Na VELEVETA nani lua ole, he Omaomao, he Hauliuli, he Kaima, he Keokeo, he Haulaula.

Eia hoi na PAPALE hulu nani he lehulehu wale, e hoohuelo ai o na Lede maka onaona; na aulii hoi o no kama a kakou, eia ke alohi mai nei na papale like ole o na ano he lehulehu wale.

Na Palemai kane o luna, o na ano a pau, he 50 cts. o ka PALEMAI a o ka oi loa aku i ko na wahi e ae.

Na PALEMAI wawae, o na ano a pau, na Palemai wawae huluhulu Canton no 50 cts.; na Palemai wawae Jean mai ke 50 ahiki i ke 75 cts. o ka mea hookahi.

Na KAKINI o na kane, o na ano a pau, i loaa ole ma na wahi e ae, ke kuai nei makou he 2 paa no 25 cts.: aka, e hele mai a ike kumaka nou iho ke kuai nei makou he 5 paa no $1.00 he makepono loa.

Na Papale mauu o na kane, na Papale manu o na kamalii, a me na Papale hulu o na ano a pau.

Na Paiki ili pahee e kohu ai ka huakai hele, a me na Eke paa lima a na Lede e hoomahie ai. A ina he makemake kou e ike i ka oiaio o ka makou, e kipa mai e ikemaka, oiai ke hoemi nei makou i ke kumukuai o keia mau waiwai, i loaa ke kowa kaawale no na waiwai hou e hoahu aku ai.

            E na hoaloha, e kipa, e ike kumaka i ka nana o Aipo, he ole ka lohe pepeiao.

N. S. SACHS

373-dtf. 104 Alanui Papu, Honolulu.

 

HOOLAHA NO KA MANAWA.

EGANA & GUNN.

ALANUI PAPU, Na Hale Hou o BURUA MA, Helu 100.

MAI A MAHOPE AKU O KA LA EKAHI O APERILA, E HOOKELE ANA MAKOU I KA MAKOU KUAI ANA MA KE DALA KUIKE WALE NO.

Ua makemake makou e hookaa ia na bila e aie nei ia makou ma ia wa

E hoomau ia aku no ko makou kuai hoopau ana a hiki i ka la mua o Aperila.

I loaa ai hoi he kowa kupono no na WAIWAI HOU o kela ano keia ano he nui loa, i kupono hoi no ke Kau e linohau ai:

Na M kilima aulii,

Na Ribine hoohuelo,

Na Lai-a'i, na Silika pahee,

Na Paa Lole Huluhulu pahee o na ano like ole,

Na Kasimea o na ano a pau,

Na Paku nanahe no na moe e hoopi lelo ai.

Na pale puka-aniani a me na pale puka komo, e kinikohu ai ke nana aku,

Na Paa lole hoopumehana o na kama a kakou, hui pu hoi me ka panio o na papale.

Na Papale Kapu.

Na Papale hulu.

Na Eke paa lima.

Na Paiki ili palua i kupono no ka holomoku.

Na A'ikala o na ano a pau.

Na Kakini hoopumehana, o na ano ho nui.

A PELA AKU, A PELA AKU.

HELE MAI HOOKAHI. HELE MAI ELUA. HELE MAI NO A PAU LOA. E WAE OE NOU IHO. A KU I KE KOIIKOI ALAILA HIU AE, LAWE NO A LILO.

E hele mai @ ike i nakuai hoohaule nui ana a makou e kukala aku nei i ke akea.

EGANA ME GUNN.

ALANUI PAPU. HELU 100. @d.