Ka Leo o ka Lahui, Volume II, Number 543, 14 September 1892 — Page 1

KA LEO O KA LAHUI.

"E Mau ke Ea o ka Aina i ka Pono."

Buke II.     HONOLULU  SEPATEMABA 14, 1892.     HELU 543

HE MOOLELO KAILI PUUWAI

---NO---

SENIA LUTERA

Ka Ui Puuwai Mabala

---:O:---

ENELANI KAHIKO.

 A I OLE

He Nanea Hooheno

no kekahi Kauna

Wahine Opio me

kana mau Aloha

Ekolu.

(Mai ka peni mai a ka mea kakau o Ava-

reda, a pela aku.)

MOKUNA VIII.

Ke Kilo a ka Luahine Kuewa.

E lilo ana oe i wahine mare na ke kanaka hookahi. a o ua kanaka la kuewa.

Me ka leo aka hoohenehene nalowale aku la ua luawahine lokoino la iloko o ka uluwehi a na laulaau, me ka haalele ana iho i na hopuna olelo awahia a kona mau lehelehe lokoino i haalele iho ai mahope nei, i ukana na na ipo elua iloko o ke kokoia ana a ke aloha, e hoohana ai i ko laua mau noonoo opiopio.

E nana mai ia'u, e kuu aloha, a e hoike mai hoi, ina aia no na hoomanao ana no ka olelo palau a kela luahine kuewa, wahi a kana ipo i pane mai me ka leo olu waipahe, me kona hapai anaae i ke poo o kana aloha a nana iho la iloko o kona nau maka, me ke ake e ike i ka mea huna pohihihi e waiho lolii ana iloko o ka puuwai kuu i ka nahe o kana Senia aloha.

He oiaio, e ka pua nani i mohala ae mawaena o na kakalaioa, ua aloha au ia oe, i ke aloha o ka ipo i kaino, ke aloha hoi a'u i haawi ole aku ai na hai lei, aka nau, nau wale no e kuu mea i make eleele ai i ke aloha.

Nolaila, mai hoolilo i na olelo a kela kuewa i mea a hoano e ai i kou aloha no'u; no ka mea, he hoopunipuni oia, e like hoi me ka haawina maa mau i loaa i kona lahui, he aea haukae, he powa a he hana no hoi i na hanaino a pau e hiki ole ai ke hoomanawanui.

O oe e mare i ke kanaka kuewa, ha, ha, ha, ua hiki i ka elelu ke i mai, aole he kohu ke awiliia ke ala me ke onaona; pela oe e kuu aloha, aole oe i hanau ia mai no ka noho ana mawaena o keia lahui haahaa.

E mare no oe i ka mea e like mekou kulana, a i like hoi na hiohiona me ka kou puuwai e aloha nei, a e lilo oe i akaku mau imua o kona maka, a e kilohi mau ana hoi i kona aka iloko o kou maka onaona, ka mea hoi i haawi aku i kona puuwai kona uhane malalo o kau mau hoounauna ana, a e noho aku hoi ma ka paepae kapu o kou mau kapuai laahia, a e mare aku hoi oe i ka mea e hiipoi ana ia oe iloko o kona mau lima, iloko o ke ola a me ka maek, a iloko hoi o ka lua kupapau hookahi.

A o ua mea la, e kuu aloha, oia ka mea e puili paa nei ia oe i kona.  Oia hookahi ke kanaka e lilo ai i kane mare nau.  E haawi mai i na muki aloha hoopaa ana mawaena o kaua, e ka nani o na pua, a e ae mai ia'u e hoopa aku i kou mau papalina nohea,--kuu wahine mare.

I na ipo elua e huai pau ana i ka nui o ko laua aloka ia laua iho, me ka manao la hoi o keia kanaka opio ke hoike pau mai nei kana aloha Senia, i na mea huna pohihihi a pau e pili ana iaia iho, me ke koe ole iho no kahi manawa okoa aku, ae he oiaio ia manao ana o kona ipo, aka he hookahi mea huna a ke kaikamahine opio i hoopaa ai aole e puka mai kana lehelehe aku, oia hoi kela po poina ole, maloko o kahi pupupu hale uuku e ku hookahi ana iwaena o ka ululaau opaona; ka po ona i hoopaa ia ia iloko o ka hipuu paa loa o ka mare, me Heneri ke kuewa kana ipo hoi o ka ipo hookahi.

Auwe, wahi ana i nalu iho, ai iloko iho ona, ua njui ko'u aloha ia oe e kuu ipo malihini o neia na wa pokole, a ua pii mai ka manao huai pau a papani i kuu manawa, kaohi ia mai hoi e ka hilahila, e hoowahawaha mai oe ia'u ina e lohe a mahui iki i ka nane huna a nei puuwai e huna kele nei.

Aole i pau.

HE MOOLELO

---:NO KE KEIKIALII:---

AWAREDA!

a me

KA UI LEILA

o Noremadi.

(Ka Kakauia no Ka Leo.)

MOKUNA XVI.

Ka ipo mahope o ka meheu e kana

mea i aloha ai.

O na hana i manao no ua wahi hora pokole i koe iho oia po, ua hookoke ia me ka emoole, a i ka ike ana o ua moi opio nei ua holopono na mea ana i makemake ai, alaila huli ae la oia a hookuu aku la ia lakou ua ka ho kaawale ana mai iaia iho, no ka noonoo ana na kekahi mau mea e ae e pili ana iaia iho.

Ua pau na poe a pau i ka hiamoe a koe hookahi oia.

E oili mai ana ka malamalama o ka la maloko mai o na lau laau. i ka wa a Leila i puoho ae ai mai kona hiamoe mai.  a kani kapalili ae la kona leo me ka uwe ana me he mea la ua ike oia i kekahi mea weliweli.

Hamau, hamau, e kuu kaikamahine, wahi a Diana me ke kau pu ana aku o kona lima maluna o ke kiwipoohiwi e ke kaikamahine opio eia no oe me a'u, wahi hou ana.

Ua nana ae la o Leila mao a meanei, me kona manao kuhihewa e ilo lihi aku ana la oia i ka helehelena o ka mea ana o lia mau nei i ka po a me ke ao, oia kona nui ki no e naka haalulu i ka ua mea o ka piha maka'u.

O, heaha ke ano o ka'u moeuhane e kuu makuahine?

Pehea ke ano o kau moeuhane, e kuu lei?

Ua ike au maloko o ka'u moeuhane, e kuu makuahine, i na helehelena waianuhea o kuu mea i aloha ai, e noho ana ma ko'u aoao. a mamuli o kuu piha i ka pihoihoi a me ka hauoli, ua puoho ae la au oia ka he moeuhane, ua kuhihewa, au eia la ao; ua manao au eia la o Awareda ia nei!

Auwe, aole kena he moeuhane, e kuu kaikamahine, eia io no o Awareda ia nei, a aole oia i mamao aku mai ko kaua wahi e noho nei.

Me ka palekana?--A ua pakele anei oia?

Ae, wahi a Diana.

Auwe no hoi ka weliweli e, ua manao au ua hiki mai oia ia nei--a ua hanaino ia oia e na deomna--a ua komo ae la oia i o kakou nei i loaa ka maha, a ua kii hou ia mai la oia e kekahi puuwai eleele a kaili ia mai la mai o kakou aku!

A i keia manawa ana e hoike 2e i ke ano o kana moeuhane me kanaka ana o kona kino i ka maka'u me ka weliweli no kana maju mea i ike ae e pili ana i kana aloha, a he oiaio anei, e hiki io mai ana keia mau ulia maluna ona.

Ua hoopuiwa ia ae la oia me ka ano hikilele, i ka hoopa ana mai o kekahi mea ma kona lima, a kulou mai la e honi i kona mau papalina; a he manawa pokole ua hoi hjou ae kona noonoo maikai, i kona ike pono ana mai i na helehelena o Avareda aloha.

Ua lawe mai la ke kauwa hooloha o ka moi opio, i na mea ai a kona haku, mailuna mai o ka moku no ka paina kakahiaka a na paina pu iho la oia me Leila a me Diana, ua kuka pu ilio la lakou no na mea e pili ana i a mua aku; a aole oia i ike a ia@oho no na mea e pili ana i kona aupuni mai kona wa mai i haalele ai a hiki ia manawa a lakou e kamailio pu nei.

Ua hele mai nei au, wahi ana, e imi i kuu aloha, no ka mea, aole e hiki ia'u ke noho maluna o ka nohoalii, ina aole ka mea a kuu puuwai i aloha ia ma kuu aoao.

Ua oi aku ka pono o kuu haalele ana i kuu lahui no ka hanu ana mahope o kou mau kapuai e kuu mea i aloha, a ua oi aku ka ehaeha o kuu manao mamua o ka make--ke manao ae i ka milimili a kuu puuwai, iloko o na lima o kekahi kanaka puuwai eleele e like me Ko@a.

Aole i pau.

 

NA MAI O KE POO

KA MAKA, NA PEPEIAO,

KA WAHA, KA PUU-AI,

A ME KA UMAUMA,

---KA---

PUUWAI,

AKEMAMA,

OPU,

KE AKEPAA

---A ME---

PUUPAA;

I huipuia me na ma'i o ke keko a me ka ili, ua hiki loa ia

Dr. McLennan,

ke hoola ia mau pilikia a pau me ka hikiwawe ike mua ole ia.

O kana wahi i hoonaauuo ia ai ma ka ike lapaau, maloko no ia o na kula ao Kauka kaulana o Amerika Huipuia, a iloko o na makahiki he 14 i hala hope ae nei, ua ike ia ka holopono o kana mau lawelawe apaau ana ma na mahele mai i hoikeia ae nei maluna ma Kepalakiko, ma ke ola ana o kekahi poe mai i hooiloiloia e kekahi poe Kauka aole e ola.  E nana i kekahi mau hoike e pili ana no kona makaukau, iloko o kona mau la pokole o ka hiki ana mai i Honolulu nei, o kekahi mau mai i hanaia e na Kauka no kekahi mau mahina a no na makahiki kekahi, aole nae he loaa o ka oluolu, elike me---Mr. Geo. Sherwood e noho nei ma Waikiki, i ike ia e na mea a pau nona ka Hale Auau o Waikiki, na

DR. McLENNAN,

i hoopakele ae iaia no kekahi mau pule pokole, mailoko ae o kona mai loihi.  O Mr. J. T. Walakahauki, kekahi o na kalepa i kamaaina nui i ko ke kulanakauhale nei, na keia

DR. McLENNAN,

i hoola iaia mai ka Rumakika mai, oiai oia ma Kanalakiko he mau makahiki i hala ae nei, ka ma'i hoi nana i hoopilikia nui iaia ma Honolulu nei a holo ai no Europa, aole hae i ola a e olelo

DR. McLENNAN,

ola ai no na mea aku i koe, e hele a huipu me Mr. Walakahauki.  O Mr. Thos. hewwestie e hana nei ma ka Hui Hana Hao Lokahi, e mau makahiki loihi ae nei kona loaa ana i ka mai eha o ka opu, ua imi i ke ola aole nae he loaa, aka, he mea makehewa ko makou kamailio ana aku no ia mae, e pono no e ninau iaia, a nana o hoike mai .  Na

DR. McLENNAN,

i hoola ia Thomas P. Spencer o ka Elele, W. Heilbron o ka Halekuai Bipi Metapolitana, Mrs. Mary Robinson, he wahine Hawaii mai Paia, Maui mai, mai kona ma'i Akepau mai, o Geo. Townsend @ginia o ke Kaawai Helu Elua, mai kona mai mai me ka ili a me ke koko ino hanaia e kekahi poe kauka e ae a loaa ole ke ola, a na

DR. McLENNAN,

i lapaau a ola.  He lehulehu wale ka poe Hawaii i hoolaia, e pau ole ai @ keia kolamu.

O ka poe mai e makemake ana ia DR. McLENNAN, e hele ae ma kona keena Hana ma kona nahi noho, o ka poe o na a@ a pau me ka ma'i hookaawale ohana, ma ke Alanui Alakea, ma ka aoao ma Waikiki o k aHale Ahahui Opiopio o n ahaole, kahi hoi i noho hope loa ia iho nei e Dr. Luka.

Na Telepona

Bele Helu 197     Matela Helu 692.