Ka Leo o ka Lahui, Volume II, Number 580, 10 November 1892 — Page 3
| This text was transcribed by: | Judy Tagami |
| This work is dedicated to: | Awaiaulu |
KA LEO O KA LAHUI.
"E Mau ke Ea o ka Aina i ka Pono."
Noi o Kapahu e waiho ma ka papa a lawe mai ka hapa uuku i ka lakou hoike, aponoia.
Na ia Komite no, e pili ana i ka noho ana o na poe ilihune o na aina e, e lapaau ia me ka uku ole, ua manao kou komite na ka Papa Ola e noonoo, aponoia.
Ia Komite no, e pili ana i ka hoemi ana i na mai i loaa ma ka hookamakama, ua kanalua makou @ ka hoopau ana i keia kanawai, a ua aponoia.
Na ia Komite no, i ke kanawai e pili ana i ka oihana hana lima, ua manao kou komite he hana naauao ka noonoo ana i keia, kanawai, e pili ana i ka oihana hana niho, a ua aponoia.
Na ia Komite no, e pili ana i ka noho ana o na Le@er@ ma Kalalau, Kauai e waiho ma ka papa a noonoo pa me na bila kanawai e ae, a me na palapala hoopii, aponoia.
Oia Komite no, e pili ana i ka pepehi ia ana o ka bipi a me ke kuai ana, a kopi ana, e kauoha ana i na poe pepehi bipi, e malama 1 mau buke, e waiho ma ka papa, a noonoo pu me ka bila, aponoia.
Na ia komite no, e pili ana i ke kaohi ana i na mai Lepera e noho nei ma Kalihi.
Noi o Kapahu e waiho i keia hoike a lawe mai ka hapa uuku i ka lakou hoike, aponoia.
Na ia Komite no, e pili ana i ke kono ana i kekahi mau luna aupuni, waihoia ka hoike ma ka papa a hiki mai ka hoike a ka hapa nuku, aponoia.
Na ia Komite no, hoike e pili ana i ka ae ana e koho balota na mai lepera ma Kalawao, ua kanalua kou komite, ke noi nei kou komite e waiho ma ka papa.
Bush noi oia e hoopanee, aponoia.
Hoopanee ka hale.
_______
NU HOU KULOKO.
_______
Ahaolelo ko keia kakahiaka, hora 10
_______
Ke puka aku nei makou i keia kakahiaka me na kahiko like ole elua, i kulike ai me ka makemake o ko makou mau makamaka.
_______
I keia po e malama ia ai maloko o ka Hale Bele @ra ka halawai mahina maa mau a ka Papa o na Luna Nui o ka Oihana Kinai Ahi o Honolulu nei.
_______
Ma kela la aku nei, ua oluola i ka Papa Ola ka haawi ana i laikini e ae ana ia Dr. C. Harisona e lawelawe i ka oihana lapaau ma keia kulanakauhale.
_______
E malamaia a@a he heihei e hookahi mile maluna o ke kaa holohau mawaena o Mr. J. W. Alapai me C. Lambert, no ka pili o $20 maloko o ka Hale Holo @au ma Manamana. O ka po Poaoao ae nei ka po @ wae ia no ia hana, ke ole he mau kumu ke’ake’a.
_______
He 9,000 a oi ka nui o na ahui maia maloeloe i lawe ia aku mai keia awa aku e ka Auseteralla ma keia huakai aku nei ana. O keia paha ke kalepa nui hookahi o ka maia i hoopukaia mai Honolulu nei aku no Kapalakiko. Ku kaena a na hookele Aupuni hou.
Apopo ke Kinau no kona mau awa o Hawaii me Maui.
_______
Ma ke alanui Anina ke kaa hoopepe alanui kahi i anee ai ma ka la inehinei, hele o hoi a po pau kekahi aoao i ka mama, a koe hookahi aoao i koe, a e pau ana no nae i keia la.
_______
Ua kalewa hele ae o Peter Tahiti o Pauoa, i kana puaa hanaiahuhu o kona kihapai (iole mongoose) i ke awakea Poakolu nei, ma na ala, nui o ke kulanakauhale nei, a ua molia ia ae keia poo puaa imua o na Kuhina ekolu ma ko lakou mau Keena pakahi a ua lohe mai makou, ua @k@ia mai no oia. He Aha Khina laki maoli keia, ua molia, i ka ihu o ka puaa.
_______
I kekahi manawa i hala a e nei, ma ka aina hanai holoholona o Mr. Halstead ma Maui, ua hanau mai kekahi lio keiki he hookahi wale no maka, a aia hoi ia mawaena konu o ka lae, no na la pokole wale no nae elua, ua make aku la ua lio la. Pela iho la nae 1 ike ia ai ka nani o ke Akua, no ka mea e kalai ana oia i kela a me keia ipu lepo e like me kona makemake.
_______
Ua hauhoa ia ae a paa ka pu-ana-i o Mr. H. H. Wilikoki me Miss. May Green i kela ahiahi aku anei, e Rev. H. H. Pareka, ma kona wahi noho ma alanui Kauka. O ka mua no ka mokupuni Kihapai, a o ka hope no keia kulanakauhale nei. Mahope o ka pau ana o ka oihana laahia o ka mare, ua haalele like mai la laua i keia awa no ka home o ke kane maluna o ka Iwalani o ka Poalua nei, no ka hoohala ana i ko laua mau la mua o ka noho a kane a wahine ana.
_______
_______
OLELO HOOLAHA!
_______
E ike auanei na meo a pau, owau o ka mea nona ka inoa malalo nei, ke papa a ke kau leo aku nei au i na mea a pau, aole e hoaie wale mai i kuu wahine male, oia o Mrs. Julia Kaaiwaiwai. Ua haalele mai oia ia’u, mailoko o ka’u mau puili hemahema ole ana ia ia, a ua hele aku ia e like me kona makemake, a ina e hoaie ia mai ana oia e kekahi poe, maluna o lakou ko lakou poho.
O ke kuli ka make, o ka lohe ke ola.
Owau iho no
Kou Oiaio
Mr. P. Kaaiwaiwai.
Hale Koa, Honolulu, Nov. 5, 1892.
11-7-1w.
_______
HUI ALA HAO A ME AINA O OAHU.
Papa Manawa
Mai a Mahope o Okatoba 1, 1892
NA KAA
A. M. A. @. @. @. M.
Haalele ia Honolulu 6:15, 8:45 1:45 4:@@
Hoea i Honouliuli 7:20* 9:@@ 2:57 @:35
Haalele ia 7:30* 10:13 3:45 5:@2
Hoea i Honolulu 8:35* 11:55 4:5@ @:@0
NO KULANAKAUHALE MOMI @.
Haalele ia Honolulu 5:10 a.m.
Hiki i Kul@akauhale Momi 5:@8
Haalele ia “ “ 6:55 a.m.
@ Poaoao wale no
* Koe ka Lapule
* Koe ka Poaono.
Sept. 28 @dly.
Aole keia he Mau Hana Hoohoka!
--:AKA HE MAU:--
WAIWAI HOU WALE NO, AOLEI POPOPO!
--:E LOAA NO:--
MA KE KUMUKUAI EMI LOA!!
MA KAHI O
N. S. SACHS,
Helu 104 Alanui Papu, Honolulu Helu 104.
_______
O na Waiwai Hou Wale no ko ko Makou Halekuai
Aole o na Apa Lole Popopo a Kahiko!
Aole a makou mau hana hoopuunipuni; aole a makou mannu ekaeka, oia hoi, aole o makou pakali aku i na apa lole kahiko i kumu e loaa ai he puka ma ko makou aoao. aka, haawi aku makou i na waiwai hou loa no ko makou mau makamaka a me na hoaloha, no ke
Kumukuai Emi Haalele Loa, e loaa ole ai Kona Lua ke Ukali ae!
Ua wehe ae nei makou i keia wa he laina hou o na Lihilihi a me na Lihilihi Kuuwelu i hoouma pololei ia mai Europa mai, ma o ko makou mau kauoha ponoi ana aku, a ke hooia aku nei makou e kuai ia aku ana no me ka emi loa i oi ae ka emi mamua o kekahi mau halekuai e ae. Ua loaa pu mai no hoi ma ko makou halekuai nei, he mau lako hou o na
Apa Keokeo, na Lako Kalakoa a me na Kinihama,
A ke kuai aku nei makou ma ke kumu lilo, no ka mea ua makemake makou e loaa ona wahi e hoahu ia ai ko makou mau waiwai lako huluhulu. Ua wehe pu ae nei makou he luhiehu o na APA HULUHULU Farani,, na Silika PANI’O a me na APA SILIKA LAU. He mea pono e ike ko makou makamaka a me na hoaloha i keia mau waiwai hou a nani. Emi ke Kumukuai. O na APA SILIKA ELEELE, PAPAMU, a pela aku, e loaa no ma ko kumukuai haahaa loa.
Na Papale o na Wahine i humu a kinohinohiia, na Papale o na Keiki o ke ano hou loa, e kuai ia aku no ma ke kumukuai haahaa loa. Na Pua Papale, na Hulu Papale hou, e pela aku, e loaa no ma ko makou halekuai me ke kumukuai emi loa. O ka loaa koke aua mai nei no ia o ka mea humu papale hou o ko makou halekuai mai Nu Ioka mai. He loea kana mau hana hookinohinohi ana i na papale. Ua hiki ia makou ke kaena ae ua oi ae kona loea mamua o na mea hana a kinohino papale o kekahi mau halekuai papale e ae.
E hoomanao hou iho e na makamaka a me na hoaloha, o ka pono, pololei, kaulike, ko makou moto, a aole o na hana poholalo, a mamua o ko oukou hele ana aku i kekahi halekuai e aku, e kipa mua mai ma ko makou halekuai. E ki@ hi @ana. E nana. E lolelole. E hooia no oukou iho.
-------:N. S. SACHS:-------
575-t@d. 104 Alanui Pa@:, Honolulu.
_______
He Kuai Hoopau Nui
_______
MA KA
HEIAU O NA PAIKINI!
_______
No Keia wahi Pule Hookahi Wale iho no!
_______
A HE OIAIO
@ @aipa@ aku ana @ Makou mau LOLE KEOKEO a @ae oia hoi
Na Lilina, na Kalakoa a me na Lole Kilikia me na Huluhulu
Na Kinamu a me na Lole Nani o na ano a Pau.
_______
E @a ana i keia Pule no ke Ku@ukuai hiki ole ke manaoia no ke emi loa. E hoomanao @ na L@ i keia kuu ai ka@al@@ o p@ ia @ku nei @ua o oukou.
575 t@d S. EHR@ICH. Ka Heiau o na Paiki@i