Ka Leo o ka Lahui, Volume II, Number 595, 2 December 1892 — Page 1

KA LEO O KA LAHUI.

"E Mau ke Ea o ka Aina i ka Pono."

 

Buke II.           HONOLULU DEKEMABA, 2´92                Helu 595

 

HE MOOLELO KAILI PUUWAI

NO

SENIA LUTERA

 

Ka Ui Puuwai Mabala

o

ENELANI KAHIKO.

A I OIE

 

He Nanea Hooheno no kekahi Kauna Wahine Opio me kana mau Aloha Ekolu.                  (Kakauia no Ka Leo.)

 

MOKUNA XXII.

 

Ina e kaili ia aku ko‘u aloha mai a‘u aku e Laionela: alaila e lawe no au i ko‘u ola!

 

Aole a‘u keiki, a hoao ae la oia e minoaka, aole nae he hiki: Aia wale no a ae mai oe e lilo i kaikamahine na‘u, e Iulia.            He leo uwe kai puka mai, mai na lehelehe mai o Iulia a aia hoi oia e kukuli ana imua o ua Haku Lutera makuakane la o laua, a nana pono ae la kona mau onohi maka uliuli, i ko Lutera, a nonoi aku la oia:          E kuu makua, aole anei oe e huikala aku iaia? E hoomanao iho oe he opioopio eia, a ua hui oia me kela kanaka i kona wa e like me ke keiki aiwaiu ka uuku. Aole au e olelo aku ana, ua hana pololei oia ma na mea a pau, no ka mea ua ike no au, ua halahu kekahi mau mea ana i hana ai mawaho o ka palena kupono. Eia no @ae, ua hiki no ia‘u ke huikala aku iaia, a paa aku i kona mau lima a kapa aku he hoaloha a hoahanau oia no‘u no ka mea ua nui ko‘u aloha iaia! A malia paha e hiki mai ana ka la o‘u e makemake ae ai i hoaloha, a ihea la auanei au e ui ae ai a loaa ka hoaloha a hoapili oiaio e like me kuu aikane aloha Senia! O, e ka Haku Lutera, e ae mai ia‘u e hele aku i ona la, a puili mai iaia iloko o ko‘u poli, a hai aku na huikala aku ia oia! E ae mai ia‘u e hawanawana aku iloko o kona pepeiao, a haki aku, ua huikala aku kona makuakane, kana ipo a me kona hoaloha iaia, a na makaukau lakou e hoopakele ae iaia mai na hoino a pau. E hoolohe mai ia‘u, a mai huli aku kou poo i kahi e, e kuu haku! E hoolohe mai ia‘u a me ka‘u leo pule!                  Aole keia mau leo kaukau a ke kaikamahine opio i hooluolu aku i ka puuwai haakei o ua Haku la o ke Kakela Keokeo. Ua pupuku ae la kona mou maka i ka inaina, e noonoo ana i ka mea nana i hapala aku i keia kiko eleele maluna o kona inoa kaulana, i ka maemae a komo mai la na manao hoowahawaha ino iloko oua no na kaikamahine la a Lede Iulia e uwalo aku nei e ka@a, a.         Na kekahi mau minute, ua pane mai la ua haku la me ka leo malie. Aole e hiki ia‘u ke ae aku i kau nonoi e Lede Iulia. Aole loa e hiki ia‘u ke huikala aku iaia. Ua hookau mai oia i keia poino maluna o kona ola ponoi a me ko‘u nei, a pehea la e hiki ai ia‘u ke kala aku iaia. Ina au e ike aku ana, e waiho mai ana imua o‘u kona kino make, alaila komo mai paha ka manao oluolu iloko o‘u nona a huikala aku iaia, aka, nae aole ma mua oia.                       Ina paha i moehane mua ua haku la, iaia i hoopuka ae ai i kela mau huaolelo, ua uhi mai ka ili puanuanu o ka wai maluna o ke poo o kaua kaikamahine kamakahi ina paha aole oia e hoopaakiki loa i kona manao no ka haawi ana aku i na huikala ana. Ina oia i ike mua, ina ua hoopalupalu ia kona puuwai haakei a piha hookano, a lawe mai i kana kaikamahine a hiipoi hou aku iaia, a kapa aku ma kona inoa ponoi, oia hoi o Lede Senia Lutera, a haawi aku la i na huikala ana iaia.                   I ko Lede Iulia lohe ana i na olelo a ua haku la, ua hoomaopopo iho la oia he makehewa wale no ka nonoi hou ana aku, oiai ua hoopaa oia i kona manao, aole e lilo hou o Senia i kaikamahine nana, a aole hoi e ike hou aku i kona mau helehelena, a hiki i kona make ana.             Ma keia wahi, ua hapakue iho la ka maka peni a ka mea kakau o Senia, nolaila e hoomanawanui ka ono a uwila hou aku i ka la apopo me na kohi kelekele a ku puuko@u, e ono ai ko pau moni ai, au hoi e poina ole ai.

 

HE NANEA KAMAHAO

NO

MAIKA

 

KE KEIKI

Hapa Ilikini Hawaii hoi.

 

KE KANAKA MUA LOA NANA I PANA KE AKUA BEA A NA ILIKINI I MAKA‘U LOA AI - A O KA WELI HOI O NA ILI KEOKEO - A ME KA LUKU IA ANA O KELA HUI KEAKA A LI.

 

He Akua! He Akua o Maika, aole oia he kanaka. Auwe! Auwe, ua make ka Bea a kakou e maka‘u nui nei.

 

I ka lohe ana o Akamai i na olelo a kona makuahonawai, na pane aku la oia i na poe i hele pu mai ai me Maika, auhea oukou e na poe i hele pu mai ai me kuu keikei a haalele iho nei oukou iaia e hele auwana hookahi, ua kauoha mai nei o Walaka ia‘u e kii oukou i ke kino o kela mea e waiho mai la ilalo ma kae o kela punawai, i ka lohe ana o ua poe nei ina olelo a Akamai, ua like loa ia mau olelo me kekahi kui humuhumu me ka lopi, i humuhumu ia aku ko lakou mau wahi, ka hiki ole ia lakou ke pane mai i kekahi huaolelo a me he la, @a loaa ia ko lakou mau wawae i ka mai Rumakiki, ka hiki ole ke neeu aku i hookahi ka@ uai imua.              I ka ike ana o Akamai i keia mau haawina maluna o keia poe, no ko lakou kue i ka leo o ko lakou moi, no ia mea iho okoa aku la no ia ilalo, i ka ike ana mai nae o Walaka i kana hunona e iho hookahi ana ilalo, ua hole pololei mai la oia no kahi a ka poe kukule e kuku aku ana me he kii la o Pakaka, a pane aku la oia.   He keu no oukou a ka poe ano e wale, na oukou no hoi i hoi ae nei a olelo ae ua make kela kupuino, a heaha hoi ko oukou mea o ke k@i ole ana aku nei. Ua palua a pa kolu ka ia nei ninaa ana aku i ua poe la aohe nae he pane i loaa mai no keia pane ole mai o na poe la, ua olelo hou aku la o@a. Ina o kela iho o kuu hunona a pau i ka ai ia e kela bea, pau oukou ia‘u i ka ho-ai a iloko o ka imu a hiki i ko oukou make ana, i ka lohe ana o ua poo nei ina olelo makona a Walaka, ua kau mai la ko lakou makau me ka weliweli no keia mau huaolelo a ko lakou alii.         Oiai nae lakou nei e kakali me ka nana hoomau ana ia Akamai, ua ike aku la lakou nei i ka iho ana o Akamai a kokoke loa i ua bea la, ia wa i ike hou aku ai lakou ia Akamai e kaualako mai ana i ua ino la, akahi no a manao ae la ke ola o @a poe kukule ala, ia wa ua holo aku la lakou ilalo no ke kokua ana ia Akamai ma ka hapai ana i ua bea Ia a kau iluna.  I ko lakou nei hui ana aku me Akamai, ua pake mai la o Akamai kai no aohe oukou e iho mai ana, heaha mai nei ka oukou? Aohe o lakou nei pa@ aku, aka miki aku la no lakou nei a hapai nui ae la i ka mea a lakou iimakau nui ai ma ko lakou hokua, a hoomaka nui aku la e pii iluna.    Oiai nae lakou nei e pii ana, a o kahi kanaka e kau ana o ka a-i o ua bea la maluna o kona poohiwi a no ka pili loa o kahi i oki ia ma kona a-i, ua kahe iho la ke koko a hoholo iho la mahope o kona kua, ua puiwa loa ia oia me kona manau ua ola hou ka bea, a o na maiuu keia e kokoe nei mahope o kona kua, a no ka hiki ole iaia ke hoomanawanui hou aku i mau kapuai hou aku a no ka piha makau loa no hoi kekahi i hui pu ia me ke o kana mea e auamo ana, ua hooho ae la oia me ka leo nui.        Auwe! Auwe!! Ua ola hou ka bea, eia ia na wawae ke kokoe nei i kuu kua, eia ke koko la ke kahe nei la, - i ka lohe ana o kekahi poe e iho o lakou i ko ia nei hoopuoho ua nana koke mai la lakou i ko ia nei kua, ua ike mai lakou i ke kahe o ke koko mahope o kua.                       U ko lakou manawa koke iho la no ia i hookuu ino ai i ka lakou mea o auamo ana, a kuupau nui hou aku la i ka holo e like no me ka wa mua ma ia hana ana a lakou ua pau kekahi poe o lakou i ka make, a haihai hoi na au o kekahi poe, ma o ko lakou holo naaupo i kau a m@a o ka piha makau.   Ua hoopuiwa loa ia o Akamai i ka ike ana aku e kakaa mai ana ka bea me kekahi poe kanaka he eono ka nui, i ka ike ana o Akamai i keia mau hana kupanaha a keia poe i ka mama hoi i ka holo, ua noke aku la keia i ka akaaka, ua kakaa mai la ke kino make o ka bea, a h@pu aku la kela a kaikai hookahi aku la keia.    Aole i pau.

Ahaolelo ko keia kakahiaka, hora 9.              

Ua loaa mai ia makou kekahi leta mai ka Halekoa mai, ma ka Poakolu nei i hoopau ia ai he 15 koa kumau, no lakou na inoa malalo iho: Sergeant Sam´l Kaahu, J. W. Kaanaana, Keonaona, Kapela, Kahue, Kanaloa, Nalau, Keaka, Kawaihoa, D. Kalauli, Kaili G. Maina, Jno. Kaulahiwa a me Kaaiwaiwai.

           

HOOLAHA PA AUPUNI.

 

E ike auanai na kanaka a pau eia ma ka I‘a Aupuni o Makiki nei kekahi mau lio hele hewa, 1 lio k, eleele, 1 wawae keokeo hope akau, hao kuni ano e mahope akau, ua hapala keia mau hua.                2. Lio w, ulaula, 2 wawae keokeo hepe, 2 wawae eleele mua keokeo ka lae (2) kuni hope hema                        3. Lio keiki k, ulaula 2 wawae keokeo akau hema keokeo loihi ma ka lae, aole hao kuni.                  4. Lio keiki w, hulupala, 4 wawae keokeo, keokeo lokihi ma ka lae, aole hao kuni.                     5. Lio k, ulaula 2 wawae keokeo hope, 2 wawae eleele mua aole ike ia ke kuni.                        6. Lio w, ulaula, 1 wawae keokeo hope hema keokeo ka lae me ka ihu hao kuni ano e kuni hope akau.                         7. Lio w, ulaula kiko keokeo ma ka lea paa na wawae i ka hao, aole hao kuni.         8. Lio eleele 2 wawae keokeo hope kiko keokeo ka lae hao kuni ano e hope hema.             9. Lio k, eleele 2 wawae keokeo hope kiko keokeo ma ka lae hao kuni ano e hope hema.                 10. Lio k, lokia ulaula 3 wawae keokeo, keokeo ka lae hao, (A) kuni hope akau.                     11. Lio k, eleele keokeo ka lae, hao kuni ano e hope akau hao kuni ano e keia.                        12. Lio k, hulupala kiko keokeo ma ka lae paa na wawae i ka hao kuni ano e hope hema.    N i a mea a mau mea paha no na keia mau lio e pono e kii koke mai o hala na la 17 e kuai kukala akea aku no au ke hiki aku i ka la 19 o Nov. 1892.                  D. KAOAO                Luna Pa Aupuni.         Honolulu, Nov. 3, 1892.

 

OLELO HOOLAHA!

 

E ike auanei na meo a pau, owau o ka mea nona ka inoa malalo nei, ke papa a ke kau leo aku nei au i na mea a pau, aole e hoaie wale mai i kuu wahine male oia o Mrs. Julia Kaaiwaiwai. Ua haalele mai oia ia‘u, mailoko o ka‘u mau puili hemahema ole ana ia ia, a ua hele aku ia e like me kona makemake, a ina e hoare ia mai ana oia e kekahi poe, maluna o lakou ko iakou poho.           O ke kuli ka make, o a lohe ke ola.     Owau iho no Kon Oiaio.         MR. P. KAAIWAIWAI.                    Hale Koa. Honolulu, Nov. 5, 1892.                11-7-1-w.