Ka Leo o ka Lahui, Volume II, Number 595, 2 December 1892 — Page 3
| This text was transcribed by: | Kehau Chrisman |
| This work is dedicated to: | Kehau Chrisman |
KA LEO O KA LAHUI.
"E Mau ke Ea o ka Aina i ka Pono."
h@@ he 19 ke nui i hiki mai. a he 30 i haule hope, au nele ia poe i wa hoihoi la-i i kauhale.
-----------------------
Ua Olelo ae ka mea hanohano o ka Apana Elima o Honolulu, ua loaa iaia kekahi hooia kupono, e hiki ai ke hoopii ia kekahi Kauka Hukiniho o keia Aupuni, no ka mea, ua ike au o keia bila kanawai hukiuiho, he kanawai hoopilikia, ana ke no hoi au, ua make kekahi wahine mamuli o ka hiki ia ana o kona niho, e kekahi kaua hukiniho haole, ana hiki ia’u ke hoopii iaia, i na wau e makemake ana e hana pela, nolailo ke noi nei au e hoopanee loa ia keia bila.
---------------------
Ua olelo ae ke alii Jno. Ena, o keia bila kanawai Hukiniho, he bila kanawai hoopoino keia i ka Lahui Hawaii oiaio, oiai, he poe ilihune la kou, a o ka hana ana o keia mea he niho e keia ano kauka, he keu ka pii, he $10. dala no ka niho maoli, a i na he niho gula, alaila he $35, dala, a pii aku i luna. nolaila, eia wa’u ma ka aoao e kue ana i keia bila, o poino ana nei ka Lahui Hawaii ilihune, a me kahi lahui e ae paha.
-------------------------
Ua olelo ae ka mea hanohano o Hamakua, ua hiki i ka naonao ke komo iloko o ka niho o ke Kamelo, a pela ke ia bila kanawai huki niho, he kanawai hoopilikia keia, nolaila he pono @@@@ panee loaa ia.
-----------------------
Ua olelo ae ka mea hanohano o Waimea, i na ia’u ka mana e pepehi i keia bila, i na ua olelo aku au i keia wa e make keia bila Huki niho e pono ai, a ka, aole ia’u ia mana, nola@@e noi ana au, e hooponopono hou ia keia bila.
------------------------
Nui ka hoopaapaa ana ona noa o ka Hale, no ka bila kanawai huki niho, ua hele a pii ka ena o ka poe e ka koo ana i ka bila Huki niho. a kani hoi akaaka poe kue.
-----------------
He hoolei popo ka hana a kekahi mau a@@ o ka Hale Ahaolelo, a hene ihola ka aka i ka nui o ka lealea.
----------------------------
KAU AHAOLELO O 1892.
-------------
LA HANA. 132.
Nov. 26.
Halawai ka hale e like me ka mau. Heluhelu ia ka moolelo o ka la i hala a aponoia.
Na Nahinu, noi oia e hapai hou ia ka noonoo ana o ka itamu e pili ana i ka Moiwahine kane Make Kapiolani ma ka ninau ana, ua aponoia.
Noi ia e kapae i na rula, hoole ia.
Komite mau.
Wiliama, komite pai hoike oia ua pau i ke pai ia kekahi mau bila.
Komite Wae.
Heluhelu mai oia he hoike e pili ana i ka bila Kanawai helu 76, e pili ana i na Kukui Uila, a ke noi noi ke komite he mea pono ke hoole ia ka bila, noi ia i pai ia aponoia.
Na hana o ka la.
Bila kanawai helu 202, e hoakaka ai no ka uku ana i ka Lawe Leta ana, a me na uku kokua mawaena o Hawaii a me Amerika Waiho ia ma ka Poaha noonoo ia Dec. 1, Bila kanawai Helu 103, e pili ana i ka hoopuka ana ina Palapala Sila Nui.
Haawi ia ke komite aina Aupuni Bila kanawai Helu 204, e k@@ ai i kekahi Auhau i hoomaopopoia maluna o na Waiwai i hooili ia mai.
Bila kanawai helu 205, No ka Laikini ana, i kela a me keia ano oihana a hana paha, Haawi ia i ke komite Hookolokolo. Bila kanawai helu 206, e pili ana i ke kua ana i na lole a Waiwai kalepa e ae paha, maloko o ke aupuni, Haawi ia i ke komite Hookolokolo.
Heluhelu elua.
I kanawai helu 92, e hoohoihoi ai i ka oihana kanu kope, a me kalamia. Haawi ia e kakau poepoe Heluhelu ekolu ia i ka Poalua Nov. 29.
Heluhelu elua ana o ka bila 192A e hoohoihoi ai i ka hana i na Kele. a wai hau, ai momona paha, e hookuu ana mai na auhau ae no 10 makahiki.
Noonoo pakahi ia na pauku, nui na hoopaapaa ana ona hoa no ka pauku 1, a ma ka ninau ia ana ua hooholo ia ka pauku, e like me ko ka bila.
Pauku 2, hooholoia me na hoololi
Pauku 3, hooholoia me na hoololi.
Heluhelu ekolu ia a hiki i ka Poalua Nou. 29.
Hoopanee ka hale.
---------------------------------
He hana hilahila ole na kekahi Makukane, ka lawe ana ae i kana kaikamahine i wahine nana. akaka no hoi ka hanai Puaa, maloko kauku, aloha ole, i na maka i ka nana ai. e na makua pehea keia.
------------------------
Aneane kekahi wahine e pilikia, no ka kimo ana o kana Kane. i ka poo o kona wahine, ma Moanalua, a he nui hoi ka haunaele malaila, no ka hoomanao ana hoi i ka Luakini i ka Sabati la 27 i hala.
-----------------------------------
HOOLAHA PA AUPUNI.
---------
E ike auanei na kanaka a pau eia ma ka Pa Aupuni o Makiki @i kekahi lio hele hewa, lio k. keokeo ulaula kekahi hulu o keia lio, hao HP, kuni hope hema, ina aole like keia kuni ua like paha me keia hao HR kuni. oluna o keia mau kuni ua hui ka H me ka P. O ka mea a mau mea nona keia lio e pono e kii koke mai o @ala na la he 14, e kuai kukala akea ia aku ke hiki aku i ka la 3 o Dec. 1892, hora 12 Awakea Poaono.
D. KAOAO.
Luna Pa Aupuni
Honolulu, Nov. 23, 1892.
nov24. lm-dlv.
Aole keia he Mau Hana Hoohoka!
---:AKA HE MAU:---
WAIWAI HOU WALE NO, AOLE I POPOPO!
---:E LOAA NO:---
MA KE KUMUKUAI EMI LOA!!
MA KAHI O
N. S. SACHS,
Helu 104 Alanui Papu, Honolulu Helu 104.
-----------
O na Waiwai Hou Wale no ko ko Makou Halekua
Aole o na Apa Lole Popopo a Kahiko!
Aole a makou mau hana hoopuunipuni; aole a makou maunu ekaeka, oia hoi, aole o makou paali aku i na apalole kahiko i kumu e loaa ai he puka ma ko makou aoao, aka, haawi aku makou i na waiwai hou lo ano ko makou mau makamaka a me na hoaloha, no ke
Kumukuai Emi Haalele Loa, e loaa ole ai Kona Lua ke Ukali ae!
Ua wehe ae nei makou i keia wa he laina hou o na Lihilihi a me na Lihilihi Kuuwelu i hoouma pololei ia mai Europa mai, ma o ko makou mau kauoha ponoi ana aku, a ke hooia aku nei makou e kuai ia aku ana no me ka emi loa i oi ae ka emi mamua o kekahi mau halekuai e ae. Ua loaa pu mai no hoi ma ko makou halekuai nei, he mau lako hou o na
Apa Keokeo, na Lako Kalakoa a me na Kinihama,
A ke kuai aku nei makou ma ke kumu lilo, no ka mea na makemake makou e loaa ona wahi e hoahu ia ai ko makou mau waiwai lako huluhulu. Ua wehe pu ae nei makou he lu@le@u o na APA HULUHULU farani, na Silika PANI’O a me na APA SILIKA LAU. He mea pono e ike ko makou makamaka a me na hoaloha i keia mau waiwai hou a nani. Emi ke Kumukuai. O na APA SILIKA ELEELE, PAPAMU, a pela aku, e loaa no ma ko kumukuai haahaa loa.
Na Papale o na Wahine i humu a kinohinohiia, na Papale o na Keiki o ke ano hou loa, e kuai ia aku no ma ke kumukuai haahaa loa. Na Pua Papale, na Hulu Papale hou, e pela aku, e loaa no ma ko makou halekuai me ke kumukuai emi loa. O ka loaa koke ana mai nei no ia o ka mea humu papale hou o ko makou halekuai mai Nu Ioka mai. He loea kana mau hana hookinohinohi ana i na papale. Ua hiki ia makou ke ka@@ ae na oi ae kona loea mamua o na mea hana a kinohino papale o kekahi mau halekuai papale e ae.
E hoomanao hou iho e na makamaka a me na hoaio o ka pono, pololei, kaulike, ko mkkou moto, a aole o na hana poholalo, a n@@@ ua o ko oukou hele ana aku i k@@ahi halekuai e aku, e kipa mua mai ma ko makou halekuai. E kilohi mua. E nana. E lolelole. E hooia no oukou iho.
---------N. S. SACHS: ----------
575-tfd. 104 Alanui Papu, Honolulu.
--------------------------------------------------------------------------------------------------------------
He Kuai Hoopau Nui
MA KA
HEIAU O NA @AIKINI!
---------------------
No Keia wahi Pule Hookahi Wale iho no
----------------------
A HE OIAIO
E Kuai pau aku ana ka Makou mau LOLE KEOKEO a pau, oia hoi
Na Lilina, na Kalakoa a me na Lole Kilikia me na Huluhulu
Na Kinamu a me na Lole Nani onaano a Pau.
---------------------------
(image of pointing hand) E pau ana i keia Pule no ke Kumu kuai hiki ole ke manaoia no ka emi loa. E hoomanao @ na L@@ i keia kuai kamahao e panee ia aku nei imua o oukou.
575-tfd. S. EHRLICH, Ka Heiau na Paikini.