Ka Leo o ka Lahui, Volume II, Number 628, 24 January 1893 — Lokahi ka Noho ana. [ARTICLE]

Lokahi ka Noho ana.

Ua ku i ka mahalo ia ka lokahi o ka lahui Hawaii e noho nei. Nui na mea e kii aku nei e hookahulihuli ia lakou, e hoomakuekue aku, aole nae he loli o ko lakou noho hoomalu ana. Me he la he hoailona keia o ko ke Akua makemake iho la no ia: E lokahi na puuwai Hawaii a pau, e malama i ke kapu, e hoolohe i kona leo, a me kana mau ao ana, a nana no e kokua mai i ke kanaka e hana ino ia ana.