Ka Leo o ka Lahui, Volume II, Number 636, 7 February 1893 — Page 1

KA LEO O KA LAHUI.

"E Mau ke Ea o ka Aina i ka Pono."

Buke II.           HONOLULU FEBERUARI 7, 1893.                       Helu 636

 

HE MOOLELO KAILI PUUWAI

--NO--

SENIA LUTERA

 

Ka Ui Puuwai Mabala

--:o:--

ENELANI KAHIKO.

 

A I OI E

He Nanea Hooheno no kekahi Kauna Wahine Opio me kana mau Aloha Ekolu.

 

(Kakauia no Ka Leo.)

 

MOKUNA XXVI.

Ua like no hoi me ia a o ke ano puanuanu hoi!  Ua hoopunipuni anei ka ike a ko'u mau maka ia'u?  E na lani, he oiaio anei na kahoaka o ka manawa?  Aa e kuu aloha, o oe io anei ia?  Ua kuhihewa no paha au; no ka mea. ua piha ae nei na makahiki elua o ka waiho ana o ka'u mea i aloha ai iloko o ka opu a-na ole o ka honua!

 

            Ua huna aku la ka la i kona malamalama, a ke halii maila hoi na eheu anoano o ka po maluna o na mea a pau.  Ua kulou iho la na pua aala, a huna aku la i ko lakou mau lihilihi nani, e hookaumaha ia ana hoi e na kulu kehau o ka po, a e hoonioni malie ana hoi ke ahe makani i ka lau o na kumu laau lemi.  Ia manawa, ua hoomaka kohe ae la ka manu mele Natinagela e ka po e hookuu i ke kani kapalili @na a kona leo a ua aki iho la na niho o Senia e hoomanawanui ana m@i ka uwe ana, no ka mea, ua lo@e aku la oia ma ka leo o ke mele a ua manu nei i kekahi mele nana e heihoi hou mai i na hoomanao @a i na mea kaumaha i hala.

            Aole o'u hoihoi iki, i ke mele a @ela manu e mele maila, wahi a Sir @aienela i pane malie ae ai. me ko@ nana ana aku i ka helehelena @aik@ o ke @iiwahine Codona.  Me he la, ke ike aku nei au i ka helehelena aloha, o ka mea i hala e aku me kela aoao o ka muliwai eleele o ka make--he helehelena nani i ane like me ko kekahi anela o ka lani ka maemae, i @lowale mai ia'u aku no ka manawa pau ole!  A aole no o'u kuleana e hoomanao ai nona aka hoi----"

            Aole i pau ae kana hopunaolelo, hoomaha e iho la ko@a leo, me kona hanu kaumaha ana ih@.  A oia ka mea e noho hoke mai ana ma kona aoao ua kaoini ikaika iho la oia i kona lima malona o kona umauma, me kona ike ole ia mai e kekahi mea, a oia hookahi kai ike i ka nui o ka ehaeha e hoonak@ ana ia loko ona.

            He mea kupanaha no paha ka mawehe hou ia ana ae o na eha kahiko, wahi a ke '@i Codona me ka hoomaopopo ole a he manao no hoi ko'u, aole he puuwai iloko o keia ao i loaa ole iaia kekahi ehaeha i like ka hohonu me ko ka luakupapau.

            Aole i pane hou mai o Laionela, aka, ua nana hou aku la oia i ka wahine nani a kona hoaloha, me ka ike powehiwehi ia ana o kona helehelena, oiai ke ano poeleele loa iho la a e ake aku ana oia e ike ina he mau mea huna pohihihi kekahi iloko o kona puuwai.

            E hiki no anei ia oe ke himeni mai no'u. e ke 'lii?  wahi a Laionela i pane koke aku ai, me kona huli koke ana aku a nana i kona hoaloha.  Ke hoomanao nei no anei oe i ka nui o ka poe enemi i ka maikai o ko leo i ka wa a kaua e noho pu ana i Parisa, i kou wa e hoolealea ai ia kaua me kekahi o kau mau mele punahele loa.  E mele mai i kekahi o kau mau mele maikai, e hiki ai hoi ke hoala ia mai na hoomanao ana o na la i hala.

            Ua ku koke aela ke 'lii Codona a hoi aku la iloko, a ua piha koke ae la ua kakela nei me ka leo kani, o ka Piano a ua Codona la, oiai oia hoi kana hana i lauahi, ka hookani ana i na mea kani, a ia manawa ua mele koke maiia oia i kekahi mele i kamaaina i kekahi anaina inu rama. na la hoi a laua e hana ana ia mau hana o na la opio i Parisa, a ua nana pono loa aku la hoi o Senia ia Laionela, a ike aku la i kona minoaka ana iho. a me ka hehi ana o kona mau kapuai, e like me ke kani ana o ka Piano a kona hoaloha.

            E hoomanawanui kaua e kuu makamaka heluhelu, a uwila aku i ka la apopo me na kohi kelekele a ka puukolu.

Aole i pau.

 

HE NANEA KAMAHAO

--NO--

MAIKA

 

KE KEIKI

Hapa Ilikini a Hawaiihoi.

 

KE KANAKA MUA LOA NANA I PANA KE AKUA BEA A NA ILIKINI I MAKA'U LOA AI--A O'KA WELI HOI O NA ILI KEOKEO--A ME KA LUKU IA ANA O KELA HUI KEAKA A LI.

 

Hiu a wela, lawe a lilo, ke keiki Hapa Ilikini, elua i ka manawa hookahi.  na hana powa, a me ka makeana o na neahanau Conegokena, ka mare ana o Maika a me na hana hoomainoino.

 

            Ua palua a pakolu ka ia nei kahea ana aku mawaho, akahi no oia nei a lohe aku i ka le@ o kana kaikamahine, i ka pane ana mai:

            Heaha keia au e hoala nei i ko'u hiamoe e paoa o keia kakahiaka nui?

            Aole paha keia he kakahiaka au e kuhihewa nei e kuu kaikamahine no ka mea, ua awakea.  kokoke e hiki i ka manawa ai.  haohao mai nei au i kou hiamoe loa, oia ko'u mea i pii okoa mai nei e hoala ia oe, a o kekahi kumu, i pii mai nei au e ninau aku ia oe no kekahi mea kupanaha a'u i ike mai nei.  a he ma@emake au e ninau aku ia oe i kekahi mea, ke wehe mai i ka puka.

            Alia hoi ha oe e wikiwiki mai e papa, e komo mua e ae au i ko'u aahu.  E wikiwiki hoi ha oe, a hele ae kaua e ai i ko kaua aina kakahiaka.

            Ae.

            Ua hoala koke aku la keia ia Maika, me ka pane malie ana aku ma na pepeiao kolohe o ua Hapa Ilikini nei.

            O ka moe no ka kau, aohe nana ae he pilikia.

            I manawa i lohe aku ai o Kapena Sula, i ke u ana mai o kekani leo kane maloko o ka rumi, na awa koke aku la o Kapena Sula, me ke kahea ana aku:

            "Owai kou hoa e kuu kaikamahine hana lapuwale oloko o kou rumi?

            Aole paha o'u hoa oloko nei o ko'u rumi au e kuhihewa mai nei e papa. i kunu ae nei au e papa.

            A he, ua kuhihewa io aku nei ka au i ko kunu ana mai nei, wikiwiki hoi ha oe i ke komo ana i kou lole

            Ae.

            I ke ala ana ae o ua o Maika, ua hawanawana aku la kana ulua ulala-la-e-ho.

            Auhea oe e kuu aloha, ua loaa pono kaua ia papa, eia la mawaho o ko'u rumi e kali mai nei ia'u, he makemake e ninau mai ia'u i kekahi mea a'u i maopepo ole ai, a pehea ana la ko kaua pono?

            Heaha auanei ka hana e hana aku ai ua loaa pono ae la no hoi paha kaua.  a e aha aku auanei hoi, aohe wahi o kapa e pakele ai.  ina au e lele ana ma ka pukaaniani i haule ai au i ka po nei, ehia mea aloha, o ka loaa o ka uku hoopai.  he make, a ina no hoi au e pee ana iloko o keia rumi.  e loaa ana no au ia Kapena Sula ke huli mai, aohe wahi o ka pakele e manao ae ai e pakele ana, o ka hoike a maka wale aku no imua o kona alo, a me ka mihi pu aku, ua hewa, oia wale iho no kahi o ka pakele a i huhu mui no kela ia kaua a kipaku mai no hoi, oia iho la no, a he laki loa hoi ke oluolu mai oia ia kaua ma ka huikala ana ae ia kaua mai keia hana kolohe ana a kaua.

            He laki loa hoi ha ia ke oluolu mai oia manao au aole oia e oluolu ana ke ike mai ia kaua a i elua iloko nei o ka rumi, manao au i kona wa auanei e ike mai ai ia kaua iloko nei, o kona wa no ia e huhu koke ai, no kuu hoopunipuni ana aku nei iaia.  owau wale no ko loko nei, ia oe i @ mai nei i kuu hoala ana aku nei ia oe, wahi a kana aloha i pane aku ai me ka pii ana ae o ka haikea malu@ o kona mau papalina i ka pane ana aku.

            Ua noonoo iho la o Maika i kana mea pono e hana ai i pakele mai ai laua mai keia mau hana kolohe ae a laua, a ua hooholo iho la oia e hoike a maka aku i@na o Kapeha Sula.

Aole i pau.

 

KA KAKOU MILIMILI.

 

            Ma keia kakahiaka a makou @ puka aku nei, ua pono ia makou ke hoike aku i ko makou m@ makamaka heluhelu.  no ka manawa pu ka o ka kakou wahaol@o. aole ia i kulike loa elike me kona wa ma@ mau mamua.  mamuli o ke noi a ko makou mau limahana.  no ke ano okaikai o ke kulana o ka aina e hiki ole ai ia lakou ke hana m@ hope iho o ka hora 5 o ke ahiahi o na la a pau.  Nolaila, ua @ooko aku makou i ke noi a ko makou mau limahana i aloha nui ia, a e hoopuka ia aku ana KA LEO O KA LAHUI.  i na hora makamua o kela a me keia la, e hoouluhua ole ai i ko makou poe heluhelu.  Nolaila, e hoomanawanui a mai kunukunu.

 

HUIALAHAO A ME AINA O OAHU.

Papa Manawa

Mai a Mahope o Okatoba 1, 1892

NA KAA

                                    A. M.  A. P. M. P. M.

Haalele ia Honolulu    6:15*  8:45  1:45  4:35+

Hoea i Honouliuli       7:20*  9:57  2:57  5:35+

Haaleleia   "               7:30*  10:13  3:45  5:42+

Hoea i Honolulu          8:35*  11:55  4:55  8:50+

NO KULANAKAUHALE MOMI IHO.

Haalele ia Honolulu                5:10$  P.M.

Hiki i Kulanakauhale Momi      5:48$

Haalele ia      "       "                      6:55* A.M

+  Poanono wale no

*  Koe ka Lapule

$  Koe ka Poaono.

Sept. 28 tf-dly.

 

NO KE KUAI.

 

1--He Pa-Hale ma Alanui Sheridan, 11 80-100 eka.  Uku Hoolimalima $315 no ka makahiki.

2--He Pa--Hale ma ke Alanui Aupuni ma ke Awawa o Pa@oa 1 37-100.  Uku hoolimalima $100 o ka makahiki.

3--He Pa-Hale ma Alanui Liliha, kokoke i ke Alanui Kula.

4--Hookahi Mahele Kuleana i ka Hui o Paleluahine.  Awawa o Manoa.  He 513 ka nui o na eka aina ma o ka Hui ma keia Awawa, a ua mahelehele ia hoi iloko o @ Kuleana.  He 15 1/2 eka aina ka nui o ka mahele kuleana hookahi.

5--He ekelu apana aina taro @ Hauula:  Koolauloa, Oahu, 1 15-100 eka.

            E ninau ia

                        J. M. MONSARRAT.

                                    (Maunakea)

            jan18 tf