Ka Leo o ka Lahui, Volume II, Number 644, 17 February 1893 — Page 1

KA LEO O KA LAHUI.

"E Mau ke Ea o ka Aina i ka Pono."

 

HE MOOLELO KAILI PUUWAI

-NO-

SENIA LUTERA

 

Ka Ui Puuwai Mabala

-o-

ENELANI KAHIKO.

A I OI E

He Nanea Hooheno no kekahi Kauna Wahine Opio me kana mau Aloha Ekolu.

(Kakauia no Ka Leo.)

 

            Ina manawa a pau a Laionela e hoopuka ai i keia mau olelo, ua like ia me ke kui e houhou ana iloko o ka puuwai o ka ui Seaia.

            Ua nui na manawa ana i ake ai e hele e ike i kona home o na la opio, eia uae he mea hiki ole ia ke hooko ia, no kona makau o ike ia mai oia e na poe a pau o ua home la o kona luaui makuakane.

            Ua makemake no oia e waiho malie ia lakou iloko o ke koloka o ke kuhihewa aia no au iloko o ka ilina me ko'u m@@ kupuna.

            A ua manao no hoi oia, ina paha e ike mai ana kona luaui makuakane iaia, he mea ia e hoohikiwawe ia ai o kona ola.

            Ua ano uiha ia oia i ka noho ana iluna o ka hanohano a me ka waiwai, a he ake oia e loaa iaia kahi maluhia, mai no poe a pau e hele mai ana e ike iaia a me kana kane.

            Mahope iho o ka hui mua ana o Laionela a me kena aikane ke'lii Codona iloko o ka hauoli, mai ko laua kaawale ana no na makahiki loihi, ua hoi ae la no ko ke 'lii Codona mau helehelena a kona waihooluu kahiko.

            Me he la aole he hauoli iloko ona ko na mea a pau a kona mau maka e ike aku ai.

            A no Senia hoi a me Laionela, ua lilo ae la laua he mau hoaloha maikai loa, e kipa mau aku ana oia i kahi o kana mau aikane i na wa a pau ana e makemake ai, me ka mea ole nana e keakea aku.

            I kekahi po kalae maikai, oiai na mea a pau ua hamau koe wale iho no ka luli ana o na lau lemi, hooluliluli malie ia ana e ke aheahe makani, ua ulu koke ae la kekahi manao nana i hoano e ae i kona noonoo maikai, oia hoi ua ike oia, aia oia ke komo kulipolipo aku la oia iloko o ke aloha no ka nani nohenohea e maalo mau nei imua o kona mau maka, e pili pono ai keia waki hooheno:

            "Akahi ka ono o kuu puu I ka uhu nui maalo i kuu maka;

            Manao hoi au e lawe a lilo Kaohi ia mai hoi e ka hilahila."

            Nana hoi e hoala mau mai ana na noonoo ana iloko ona, no kana lei aloha i kaili ia mai kona puuwai aku.

            Ua noonoo nui iho la oia no keia mea, ua ike maoli no oia aole e hiki laia ke alo ae, ua kukuni paa ia aku la ke aloha iloko lilo o kon puuwai, no ka ui Senia.

            Ua noonoo hou ae la oia, o keia wahine ana e makemake a e hoano e ia nei kona noonoo, he wahine oia na kona hoaloha maikai-- kona wahi hoaloha hookahi, i aloha a i haawi aku i na hilinai ana e like me ka hoahanau ponoi! A o kana uku panai ka ia e haawi aku ai!

            A oia, o Sir Laionela Mavila e powa a e kaili mai i ke aloha o ka wahine a kona hoaloha mai iaia mai. Pela iho la no keia mau hana hoolauwili e hoonaku ana iloko o ua opio nei, ia manawa o ke aumoe.

No kahi wa aku.

HE NANEA KAMAHAO

-NO-

MAIKA

 

KE KEIKI

Hana Ilikini a Hawaiihoi.

            KE KANAKA MUA LOA NANA I PANA KE AKUA BEA A NA ILIKINI I MAKA'U LOA AI-A O KA WELI HOI O NA ILI KEOKEO- A ME KA LUKU IA ANA O KELA HUI KEAKA A LI.

            Hiu a wela, lawe a lilo, ke keiki Hapa Ilikini, elua i ka manawa hookahi, na hana powa, a @oe ka makeana o na hoahanau Conegokena, ka mare ana o Maika a me na hana hoomainoino.

            I ka ike o Kapena Sola ma ua pau ua poe la i ka eha, ua kauoha koke aku la oia ina makai e hopu i ua poe la a hoopaa me ke kaulk, ua hauhoa koke ia iho la ua poe la me ke kaula a pau loa.

            I ka paa ana o na pio i ka hauhoa ia, i wa lakou i ike aku ai a hoomaopopo aku la me kapena Sula pu a oia nae ka oi ma ke lele mua ana aku e puliki i kahi makai makau ole a lakou i manao kuhihewa ai he mea okoa eia ka auanei o ka hapa Ilikini no a lakou.

            E komo iho ana paha ka mana-ka iloko ou e kuu hoa uhaiaholo o keia manea, no kou pohihihi no keia wahi makai wiwo ole i loli ae la he hapa Ilikini; nolaila ke nonoi aku nei au i kau mau huikala ana, a e ae mai ia'u e wehewehe aku:

            I ka wa a ka Ilamuku i haa wi aku ai i ka mana maluna o ka wiliki o ka halepaahao no ka lawe ana e hoopaa ia Maika iloko o ka halep@ahao.

            Ua hooko aku la no ua wiliki la e like me ke kauoha a kona Kapena, aka iaia mae e lawe ana e hoopaa i kana pio no ka rumi paahao, ua pane aku la kana pio, me ka unuhi pu ana ae he hookahi tausani dala a kapena Sula i haawi mai ai iaia i ka la ona i pii ai i ka luahuna.

            Aole anei oe e oluolu mai ana i ka'u wahi noi ke ui aku ia oe e kuu wahi aikane hulu manu?

            He oluolu no hoi paha, ke ku i kahi o ka oluolu; a he nele no hoi paha ke ku i kahi lapuwale o ka ninau.

            E oluolu anei oe e hookuu mai ia'u e hele me na makai no ka hale o Conegokena?

            Ua pane mai la no hoi ua wahi wiliki la a ka hookolohe nui wale: O ka hele anei a hele loa aku kau i manao ai?

            Aole, aka o ka hele no a hoi pu mai me na makai, ke oluola mai nae hoie oe?

            He oluolu au i kau noi e kuu hoaloha; no ka mea, o oe kuu kumu waiwai, oia hoi ia oe au a kau i ka hanahaweo.

            Pehea iho la hoi ia? a pehea hoi au i lilo ai he kumu waiwai nou?

            Ua loaa ia'u ka waiwai a oi aku mamua o ka'u mea i manao ai e loaa ana ia'u ma ka la hookuku kiki pu o olua me na keiki a Konegokena, ka la hoi a na makaainana i lawe ae ai i kou inoa a kau i ko lakou lehelehe.

            Akahi no a makili mai la na noonoo ana iloko o'u no na mea i hanaia ma ua la maka kanaka la o ke kulanakaule nei. Aole anei o oe ke kanaka e uwauwa ana ma ka aoao hikina o ke kahua lealea, me ke pihi o ka lole wawe mahoope o ke kua. a o na maka hoi mahope o na poohiwi?

            Aia anei oe iloko o kou noonoo maikai e kuu hoaloha opio?

            Ae e Mr. Wiliki maikai! eia no ia me a'u i keia manawa, wahi a ka opio.

 

E ka Lahui e!

E Ka Lahui Hoi!

E KA LAHUI ALOHA O HAWAII!

Eia ko oukou Leo la! Ka Leo o Ka Lahui!

            He nupepa keia e kokua ana i ko oukou mau pono pili paa mai na kupuna mai, a mai ka po mai; ka pono hoi o ko kakou aina, a me ko kakou Noho Moi.

            He nupepa keia e hoike ana i na mea ano hou loa, o ko kakou mau Paemoku, a me na nuhou ano nui o na Aina E mai; Ma keia nupepa no, e ike ponoia ai @@ mea ano nui loa e pili ana i na hana a na Komi@ina elua i holo aku nei no Wasinetona.

            Oiai, @@@ aku nei ko kakou makamaka kakau nupepa noeau i Wasinet@na, me ke Komisina Alli; oia o Hon. J. E. Bush, ke kolopa uneune o ka Moana Pakipika; @@@@@@, o na @ono oiaio loa a pau, no na mea e hanaia ana ma Wasinetona, e hoonna pololei ia mai ana ia i ko kakou nupepa, ma keia mua iho.

            Oiai, no ka pono o ko kakou aina wale no, ko kakou lahui a me ko kakou MOi, ko Mr. Bush hele ana aku nei; a aole no ke kumakeia ana aku; alaila, e hooikaika pu ana oia me ke Keikialii Kawananakoa a me Mr. Numana: e loaa, a e hoihoi hou ia mai kou mau pono oikelakela e Hawaii.

            Ke haawi aku nei KA LEO O KA LAHUI i na hoomaikai ana he nui loa: ku ka paila hana ka haawe: no na makamaka a pau loa e hoouna mai ana i na mea hou ia makou.

            A pela pu no hoi me na poe a pau loa i @@nola mai i @o lakou mau lima kokua no ke ola makamae o ka kaou nupepa, ka ahailono o ka lamaku iloko o na home aloha o Hawaii.

HUIALAHAOAMEAINA O OAHU.

Papa Manawa

Mai a Mahope o Okatoba 1, 1892

NA KAA

Haalole ia Honolulu 6:@@ 8:@@ 1:45 4:@@

Hoaa i Honouliuli 7:30 @:@@ 2:57 5:@@

Haalele ia " 7:30 10:@@ 3:45 5:@@

Hoea i Honolulu 8:35 11:@@ @:@@
NO KULANAKAUHALE MOMI IHO.

Haalele ia Honolulu 5:@0 P.M

Hiki i Ku@@@@@@@@@@@ Momi 5:@@

Haalole ia " " 6:55 A.M.

Poaono wale @@

Koo @@ Lapule

koo ka @@@@@@

@@@ @@ @@ @@@