Ka Leo o ka Lahui, Volume II, Number 648, 23 February 1893 — Page 1
This text was transcribed by: | Kristine Wong |
This work is dedicated to: | Awaiaulu |
KA LEO O KA LAHUI.
"E Mau ke Ea o ka Aina i ka Pono."
Buke II. HONOLULU FEBRUAI 23, 1893. Helu 648
HE MOOLELO KAILI PUUWAI
-NO-
SENIA LUTERA
Ka Ui Puuwai Mabala
-:0:-
ENELANI KAHIKO.
A I OI E
He Nanea Hooheno
no kekahi Kauna
Wahine Opio me
kana mau Aloha
Ekolu.
(Kakauia ne Ka Leo.)
E hoomanao e kuu aloha, ma ka po o ka la apopo e hoo @aka ai ko kaua ola hou ana; oiai ka manawa a ka mahina a me ka la e hele ai ma ke alahele hookahi, ua hoomao-popo aku la no anei oe i ke ano o ka'u mau olelo?
I ka po o ka la apopo? wa-hi a ka ui i panai koke mai ai me ke ano makau.
Heaha ke ano o kau mau olelo, wahi hou no ana, au manao anei oe i ka pop o ka la apopo au e haalele iho ai i ke-@@ wahi, a hele aku mahope ou no kahi i maopopo ole, oia anei ke kaona o kau mau ole-lo e kuu aloha. e hai mai i ka oiaio?
Ae, ae, oia maoli ka puana pololei o ka'u mau olelo, a pe-hea la kou manao no ia? wahi a Laionela, me ka honi aku iaia i ka honi kakia kuinoa, i ka la apopo e lilo no auanei oe na'u.
Aole i pane mai ka ui Se-@ia, aku ua hoopili aku la oia i kona poo ma ka papalina o kana aloha, a haawi aku la i kekahi honi o ke aloha oiaio, oiai na maka o kana aloha e hoonuu hala ole ana i kona helehelena nani, a pela paha keia mau wahi lalani inele i kohu pono ai@
Aloha no au i ko maka
Ko ihu waliwali na'u i honi
Koe aku ko piko wai olu
Ua laahia na ka mea waiwai.
No kekahi manawa loihi o ka laua noho hamau ana, koe wale no ka leo hoene-lua o na manu e pa-ko-li ana maluna o na lala lemi e huna ana i na opua elua, na pane aku la kana aloha:
Ua lohe aku la anei oe e kuu aloha i ke mele a kela mau manu, me he la ua lohe mai nei i ka kaua mau mea a pau i kamailio iho nei a oia ka lakou e hoopili mai la, ke lohe ala no anei oe?
Ae, e kuu aloha Laionela, wahi ana i pane aku ai, me kona manao e hoopuka hou aku i kekahi mau olelo aloha, lohe e aku la nae oia i ke pa-hupanu mai o na kapuai wa-wae o kana kane, ke 'lii Co-dona.
Ia wa lele ino ae la laua a kaawale mai ka laua puili aloha ana kekahi me kekahi, a ku ana no hei ua Codona nei, me kona ike ole no nae i na mea i hanaia mawaena o ua mau kolohe nei, a pane mai la o Codona me ka leo oluolu:
He po nani maoli keia, iea nae he ano mehameha, me he la i ko'u hoomaopopo iho, owau wale no ko keia wahi, aole he poe e ae mawahe ae o'u, a he keu no hoi keia a po anoano nui wale.
Oia ko'u kumu i hoopau mai la i ka himeni, a imi mai la i wahi e hoopau ia ae keia ano e.
he haohao aku nei no la hoi ko maua i ka pau pu ana mai nei o ko himeni ana e kuu aloha, wahi a Senia, me ka leie ana aku maluna o ka-na aloha. ma ke ano hoonalo-nalo no ka laua mau mea hana ai.
HE NANEA KAMAAO
-NO-
MAIKA
KE KEIKI
Hapa Ilikini a Hawaii hoi.
KE KANAKA MUA LOA NANA I PANA KE AKUA BEA A NA ILIKINI I MAKA'U LOA AI--A O KA WALI HOI O NA ILI KEOKEO--A ME KA LUKU IA ANA O KELA HUI KEAKA A LI.
Hiu a wela, lawe a lilo. ke keiki
Hapa Ilikini, elua i ka manawa
hookahi. na bana powa, a
me ka makeana o na hoa-
hanau conegokena, ka
mare ana o Maika
a me na hana
hoomaino-
ino.
Eia nei e moe nei, e ala ohi paha? hookohu no paha ka moe a ke kolohe ao ke ao, wa-hi a ka hapa Ilikini me ka hooluliluli malie ana ae i au wahine nei; aka aohe wahi mea a ala iki ae.
No ke ala ole ae, ua lalau iho la ua eneu nei a umiki ae la i ka aoao o ua wahine nei, ia wa i uwe kapalili ae ai oia me ka leo nui, me ka aa pono ole o na maka.
Ua koi koke iho la ka opio no ka hele ana i ka hale hoo-kolokolo me ia, aka ua luli-luli ae la ke poo o ua wahine nei me ka pane ana ae i keia mau huaolelo:
E waiho malie iho ia'u, a make maluna o ko'u wahi moe nei!
Aole, aka, e iho koke kaua i keia manawa, in a ua pilikia loa oe, alaila e haawa aku no hoi paha au ia oe; hewa ia la?
Aole, aole, e waiho malie iho ia'u, no ke koena o ko'u mau hora i koe. E aloha mai ia'u e ka hoaloha.
Mamuli o keia hoole hou ana o au wahine nei, ua pii ae la ka ula a hanani i na ku=mu pepeiao o ua hapa Ilikini nei, ia wa oia i lalau aku ai me ka lima kakauha o ke aloha ole a hoala ino ae la i ua wahine iluna, me ka pane ana aku me ka leo kakana:
E ala, a e iho no ka hale paahao!
O e na lani! o ko'u hopena anei keia? wahi a au wahine nei, me ka ehaeha; a hina-hou aku la oia i hope ma ke ano maule.
Ia wa ua ku iho la ua Maika nei ma ka aoao o ka moe, me na minoaka o ka hooma-keaka e hekau ana maluna o kona mau papalina piha eu; oiai kona mau lima e puliki ana ma na manamana wawae o ka wahine.
Ia manawa i ninau koke mai ai o kapena Sula; ua ma-ke anei o Conegokena wahine?
Aole e ke kapena; aka e ho-lo koke mai oe e kokua ia'u, kokoke e puka ka uhane, e wiki.
Ia wa i haalele aku ai o kapena Sula i kahi poneko e kaa iluna o ka papahele, ne ke aloha i ka haku wahine me ka uwe ku-o ana, a holo mai la no kahi a Maika e pupue mai ana.
Ia wa i kauoha mai ai o Maika ia kapena Sula e pulik@ aku ma kana wahi e paa, a e akahele hei o hemo, ua hoo-ko aku la no hoi o kapena Sula.
I ka hemo ana o ka lima o ua kolohe nei, o kona hooma-ka aku la no ia e holo me ka hooho pu ana: Hemo ka uha-ne o Conegokena wahine e! hemo ka uhane!
HUIALAHAO O MEA AINA
O OAHU.
Pap Manawa
Mai a Mahope o Okatoba 1, 1892
NA KAA
A.M.A.P.M.P.M.
Haalele ia Honolulu 6:15* 8:45 1:45 4:35+
Hoea i Honouliuli 7:20* 9:57 2:57 5:35+
Haalele ia 7:30* 10:13 3:45 5:42+
Hoea i Honolulu 8:35* 11:55 4:55 6:50+
NO KULANAKAUHALE MOMI IHO.
Haalele ia Honolulu 5:10 P.M.
Hiki i Kulanalauhale Momi 5:48
Haalele ia " " 6:55* A.M.
+ Poaono wale no
* Koe ka Lapule
@ Koe ka Poaono.
Sept. 28 tf-dly.
HOOLAHA AINA.
E ike auanei na kanaka a pau ma keia Hoolaha, owau o S.K. Ki-la Opio, e noho ana ma Honolulu. Mokupuni o Oahu, ke hoike aku nei au ma ke akea owau wale no ka pilikoko pili loa ia na aina o Ki-la (k) Kepola (w) a me Ke (k) i make e waiho la ma Kahuku Kau, Moku-puni o Hawaii. O ka mea a mau mea i kuai a hoolimalima paha i keia mau aina, aole i mana ia hana ana, ina he mea a mau mea paha e paa nei i ua mau apana aina nei, e hoike koke mai ia'u, a i ole e kipa-ku no au ia lakou.
S.K. KILA OPIO.
Honolulu, Feb 17 1893.
4ts-wkly.
OLELO HOOLAHA
E ike auanei na kanaka a pau ma keia, ke papa loa ia aku nei na mea a pau, aole e hele maluna o na aina o Kahikinui a me Auwahi i li-lo mai ia maua malalo o ke kuai a me ka hoolimalima a lawe aihue i na manu Pelehu. Pikake a me na ano manu e ae apau loa e hele ala maluna o ua mau aina nei. A ma keia hoolaha ke ae aku nei maua e haawi aku i uku makana he $25 i ka mea a mau mea paha nana e hoike mai ia maua, a hookolokolo, @ hoopai ia a ke kanawai no ka la-we aihue i kekahi o ua mau ano manu nei, e hoike mai ma ko - aua Hale Kuai ma Wailuku. Ua ka-pu pu ia no hoi na kanaka a pau, aole e hele maluna o ko maua m@u aina kula no ka lawe ana i na Bi-pi. Lio a mau Holoholona e ae, me ke noi mua ole mai ia maua a i ko maua Luna paha, oia e Frank Freitas @ noho aia maluna o ka aina.
A. KNOS & CO.
Wailuku, Maui, Feb. 9th 1893
feb@ 3 m@@.