Ka Leo o ka Lahui, Volume II, Number 650, 27 February 1893 — KA MOOLELO O HIIAKAIKAPOLIOPELE. [ARTICLE]

KA MOOLELO O HIIAKAIKAPOLIOPELE.

I HOOPONOPONOIA MAI KA POE KAHIKO MAI A MĒ KA POE I HOOPAA I NA MOOLELO A ME NA KAAO KAHIKO O HAWAII NEI.

I liki mai ana na hoaiku, hookahi no ka muka ana ae ia moolau make o moolau, e hee aku ana ke akua o mahiki no ka i ke ana mai i ka make ana o moolau, wawa aku la ke akua o mahiki aole i kaua ia aku o mahiki lalau aku ana no keia ia mahiki make, ke hee nei no ke akua o mahiki ke uwa hele nei ke akua o kela wahi keia wahi no ka make ana o moolau ma, a me ka nui uwa o na aku o mahiki, oli aku ana o Hiiakaikapoliopele iloko o mahiki penei. Kaikoo Puuomoeawa, Wawa ka laa--u, Nei o Puuoai ma--e Naha Kawelowelo Hee nae hoi--e E Puuoai ma--e Ke holo la E mikialoalo--e Nawai ka make Ke io nei--e. A pau ia mele aia nei, hele aku la no lakou nei a no ko ia nei manao e hoi hou i hope, e luku aku i na kupua o Hawaii huli hou lakou nei hoi hou i hope, manao keia o hele pololei loa, koe no keia poe kupua, o luhi hou no keia ke hoi mai nolaila, luku mua keia i keia poe a pau, hookahi no oia nei luhi o ke kane ke hoi mai, nolaila kau aku ai keia i ke mele penei. Lilo i Puna-e Lilo i Pu-na Lilo i ke au A ka hewahewa Popoi aku la i na hale Ua piha aku la na hale i ke'kua O kini akua o Waimea O ka lehua akua o Mana Kini wale Waimea

I ka pihe a ke'kua o Uli-e Po wale mahiki Aia mahiki Ke ua la no--e A pau ia mele a Hiiakaikapoliopele o ko lakou nei hele aku la no ia, e hoi hope ana e luku i na kupua o Hilo, a malaila aku. Hele aku la lakou nei a kahi e kokoke aku ana i na hale o Wahineomao ma, i aku o Wahineomao ia laua la, e! kai no i alanui o koa ko kakou e hele ai, o kahi aku no keia o makou la, paa mai auanei hoi au i ou mau makua, aole hoi au e hiki i ka huakai hele a ka kakou. Aia no auanei ou mau makua ke kali mai la ia'u i ka hoi aku. Ia hele ana o lakou nei a kokoke i ka hale o na makua o Wahineomao i nana aku ka hana o lakou e noho mai ana no na makua o Wahineomao, i aku o Wahineomao aia ou mau makua ke noho mai la, e paa ana au la i ou mau makua aole hoi au e hele i ka huakai hele a kakou, i Kauai. No ka mea ua makemake loa o Wahineomao e hele pu me Hiiakaikapoliopele ma, nolaila kona olelo pinepine i ala nui e ko lakou e hele ai, i nalowale i na makua ona. A kokoke lakou nei i kahi o na makua o Wahineomao, o Punahoa ka inoa o ka makuahine o Wahineomao o Kaipalaoa ka inoa o ka ma-

kuakane, e nana mau ana no ia Wahineomao, a ike mai no laua la i ka laua Kaikamahine, nolaila, nana mai ai laua, e ninau mai ana o Hiiakaikapoliopele i ke alanui ia Kaipalaoa ma ke mele penei. E Punahoa, I Kaipalaoa, I na maka o Lanakila ma E nonoho mai la—e Mahea ke ala– e. Pane mai la laua la, o Punahoa me Kaipalaoa, malaila iho no ke ala, i nana aku nei maua i ka like o kela wahine me ka maua kaikamahine, o ke kulou ana iho la hoi ilalo aohe i ke ia o ke ano. Aole i pau.