Ka Leo o ka Lahui, Volume II, Number 651, 28 February 1893 — Page 4

KA LEO O KA LAHUI.

"E Mau ke Ea o ka Aina i ka Pono."

 

KA KEO.

 

JOSEPH NAWAHI,

 

HONOLULU FEBERUARI 28, '93

 

KA MOOLELO

--O--

HIIAKAIKAPOLIOPELE.

 

I HOOPONOPONOIA

MAI KA POE KAHIKO MAI A

ME KA POE I HOOPAA I NA

MOOLELO A ME NA

KAAO KAHIKO O

HAWAII NEI.

 

  I aku o Hiiakaikapolionele ia Wahineomao kulou mai no auanei oe ma kuu kua, kupopou no auanei au, auhea ke alanui, i mai no auanei oe aia no, pela no auanei kaua e hana ai la, alaila nalowale oe, ae ae mai la o Wahineomao, ko lakou hele aku la no ia, e like me ke la olelo a Hiiakaikapoliopele ia Wahineomao pela no ko lakou nei hana kupou kupou auhea ke alanui? eia no, kupou kupou auhea ke alanui eia no, a pela aku no ko lakou hana ana a hala loa lakou nei mai ka maka aku o na makua o Wahineomao. Pau ae la ko Wahineomao manao ina makua, ia manawa a hele aku la lakou nei malaila aku.

  A hiki lakou nei i Wailuku i ka papa kahulihuli, e noho ana na kupuna kane o Hiiakaikapoliopele o Piliamoo ka inoa o kekahi o Noho amoo ka inoa o kekahi o na Liii ia nona ka papa ka hulihuli o Wailuku e hele ana na kanaka a pau, na wahine na kamalii mai kela aoao a keia aoao, mai keia aoao a kela aoao me ke kumu kuai, alaila, a e maluna o ka papa kahulihuli o Wailuku.

  Oia hele aku ia no lakou nei a kokoke i ke mai la o Pilimoo ia Hiiakaikapoliopele kahea aku la o Piliamoo ia Nohoamoo, e. o ka moopuna a kaua la, pane mai o Nohamoo ia Piliamoo me ka manao inoino penei, a; heaha no la hoi kana e hele mai no paha ia me ka uku mai no;  aia a loaa mai ka uku alaila hele ae maluna o ke alanui. Ia manawa i aku ai o Piliamoo ia Nohoamoo, ke ae paha. 

  Nana aku la na maka o na kanaka, na kane, na wahine me na kamalii ia Hiiakaikapoliopele, he mea e ku a ka wahike maikai, aohe wahine maikai e ae ma Hawaii nei e like me ia nei, hele aku la no lakou nei a kokoke i kahe e akoakoa ana, e uku ana i ke alanui ka poe e hele ana mao a maanei.

  He ai, he ia he kapa he malo, he ko he paakai, me ia mea aku me ia mea aku, oia ke kumu kuai alaila he maluna o ke alanui, (oia hoi ka papa kahulihulio o Wailuku.]

  Kahea aku la o Hiiakaikapoliopele i ua mau alii nei nona ke alanui, oia no hoi na mea nona na inoa i hai ia maluna, ma ke mele penei:

  Kahulihuli -e!

  Ka papa o Wailuku

  Kahuli o Apna

  Haa mai o Maukele

  He ole ke Kaha

  Kuai ai --e.

  Ho mai ka ai

  Ho mai hoi ka ai --e

  I aina aku hol --e.

                 Aole i pau.

 

  Keia la auanei e kapalulu mai ai ka mahimahi o Kona. e ili pu mai ana paha, me ka pahu alani pulu ke hau a makou. Pe ia no oukou la; i ka ai wale ia o na hua alani pulu ke hau, ole wale.

 

  Mamuli o kekahi hoike ana mai a ko makou makamaka mai Molokai mai; ke upuia la e hoopau ae i ka Hope Makai Lililehua o ia moku puni. a e hoonohoia aku ke keiki a Aikue Hikikoki ma ia wahi ma ka hoomaka ana o keia mahiha.

 

  Nui ka imoimo o na lihilihi uila o na Komisina i Wasinetona i ka po Sabati nei: He nui paha no ka lakou hana.

 

  Ma ka NupepaAwalakaika ua hoike ae kekahi mea kakau i kona manao e koi ana e pono e hoopau ia ko Molokai Lunamakaainana kanaka. a e hoonohoia aku i haole am ia wahi. Oia paha ka nani o na hana a lakou nei, ae nei e pai mai nei, e pomaikai ana na Hawaii la? Ua hiki hoi!--

 

HE MAU NANEHAI NO KA

NAAUAO.

 

  Imua o na opio o ke au o Liliuokalani.

  Nanehai 3. I na paha e kapaeia na Kanawai mau o ka Poai Lani o ke ao holookoa; alaila ihea la e waiho ai ka honua nei?

  Nanehai 5. Heaha la ka mea e moe ai (upoi ai) na maka i ka wa e pule ai?

  Nanehai 6. O ka hiona i ike ia ma ka moeuhane, he mau hoakaka anei ia o ke ola uhane o ke ao maluna ma ka Lani?

  [Ma ka loaa pono o ka haina, e kapaeia ai kekahi Napehai, mai ka hoolaha mau ana].

 

E Nana e na' Keonimana i Keia.

 

    KE KONO AKU NEI MAKOU IA OUKOU E KIPA MAI; A KE WAIHO PU AKU NEI I KEKAHI MAU KUMKUAI HAAHAA LOA.

 

             N. S. SACHS,

 

104    Alanui    Papu,    Honolulu.

  He heluna nui o na waiwai o na kane i loaa mai nei ia makou ma ka mokuani hope loa mai nei.

Ua Hiki ia MAKOU ke Hoolawa aku i ko OUKOU Makemake

ma na ANO a pau, a he HAAHAA loa ka MAKOU mau

KUMUKUAI.

KOE NA AAHU O WAHO.

Na Pale Ili o luna o na kane    25c

  "    "       Huluhulu    "               50c

  "    "             "  o lalo  "               50c

  "    Palule Hana o na Kane mai

         ka 75c a pii aku

  "    "   Aiana ole ia o na Kane o

          ke ano maikai loa            60c

 

Na Palule Kane Ano Hou loa   $1.26

  "      Kakini Kane 2  paa i ka    25c

  "     "            "        maikai loa

  "     "                    3 paa i ke   $1.00

  "    Hainaka Keokeo o na Kane,

             he $1.00 no ke Kakini

  "    Lei Ai Silika Ano Hou loa o

          na Kane 3 i ke $1.00.

 

  Na Paikini Hou loa, o na Aikala, Pulima, Kaawe, na Hamaka Silika

      A me na Lei Ai o na ano like ole he lehulehu loa; ma na Kumukuai

      Haahaa loa.

Na Pahu lole a me na Paiki e kuaiia no i ke Kumulilo.

           Na Lolewawae Ahinahina Pelekane Uliuli me ka Ulaula.

             Na Paalole o ka poe Pena, a me na Palule hana o na ano a pau.

Na Paalole Auau o na Kane me na Kamalii, me na Lolewawae ekekei.

   E hoomanao o ka makou na Kumukuai haahaa loa. E kipa mai, i

      pau ai ko oukou kuhihewa.

------: N. S. SACHS :------

575-tfd.                                 104 Alanui Popu, Honolulu.

 

$5,000 Makana!   Haawi Wale ia!

 

E Hoomaka ana keia kuai me na makana Dala mai keia

POAKAHI AKU, NOV.7, 1892

 

A e hoomau ia aku ane e like me ka hiki.

       Iloko o keia manawa kuai, o kela a me keia mea e kuai ana a hiki i ka $2.59, e loaa ana iaia he makana nani o na

Lako Dala  a me Aniani Peachblow,

       Ma ke aniani maoli, a i ole, ma ka Lako Satina.

E HOOMANAO

       Aole o kela a me keia mea kuai 5, 6, a 10 ana paha a ka mea kuai e loaa ai ka makana, aka, e haawi ana makou he makana i na mea e pau e kuai ana a piha ka huina maluna ae ma na waiwai kuai. Oiai, e waiho ana makou i ka hana, a e kuai ia aku ana na mea pau mamua ae o ka la 1 o Ianuari, 1893.

   => E hele mai i hookahi, e hele ma no a pau loa, mai ke nui a ka liilii.

                                           Chas. J. Fishels.

575-tfd.                     Halekuai alakai o na kumukuai haahaa loa.

 

HE KUAI HOOKELAKELA NUI!

 

Hele mai Hookahi, a i ole Hele mai no a Pau Loa

MA KA HALE KUAI ALAKAI O

B. F. Ehlers & Co--PAINAPA.

HELU 99  Alanui Papu.

 

Oili Pulelo PAINAPA e kela i Kaupoku o

hanalei; aka i hewa no nae i ka lele

mua i ka hooulu i ka la ino.

 

       Oiai he manawa ilihuno keia no ka aina nei, no ka mea ke wawalo mai na leo pilikia o ka lehulehu mai e a o, a ke kuai hoopoho mai nei hoi kekahi mau ha e kuai o hoao ana e kulai kekahi i kekahi, nolaila ke komo pu aku nei au ma ia hana maikai, no ka mea

He Kawa ia Na'u i Lele a Opu.

       He mau makahiki loihi i hala ae nei, akahi okoa kuu uluhua i ke ahi e o Kamaile a me ke Kawalu o Lanihuli, a i mea no hoi e hookeia ai kela olelo kaalama a kahiko

Ohi Hapuku ka I'a o Kapaau.

       Eia ma Ko'u Halekuai nei na Papale Kamalii e na ano a pau, na Lako Lole na Hapuu a oukon o na paikini a pau. mai ke nui a ka ukulele, na Lako Lele  a Lede a me na Keomimana o ke ano hou loa i ike mua ole ia ma Hawaii nei, na @ malu o na waihoolulu a pau, a pela aku

E Kuai ia aku ana no ke Kumupaa.

Nolaila mai hoohala i ka ike ana ia kaua.

       E hoomaka ana keia kuai hookolakola mai a ma keia mua aka. Na @a e@i mua no ka loaa, oloolo aku ao ihope, mele.

575.    tf-dly.                          B. F. EHLERS & CO