Ka Leo o ka Lahui, Volume II, Number 659, 10 March 1893 — HE OHU NO AILUENE BUKI. [ARTICLE]

HE OHU NO AILUENE BUKI.

Kaulana mai nei o Ailuene Pohakuhauoli a o Hawaii Aia i ka ohu o Kapalakiko Kahi i kaana ai no ka Lahui Paia ana hoi me ka hopo ole Imua o ke alo o Amerika Kokua pu hoi na Senate Kue i ka hoohui aina Hea mai ka leo o Ailuene Ua ola kakou a e Hawaii Kalokalo mai ana i ka Lahui E a'o kakou i ka hoopono Ua lohea e ka leo na haipule Ua kokua mai na Mana Lani Kuhi aku e ka pono o ke kuikahi Ia oukou hoi e ka Lahui Mai hoolilo oe e ka Hawaii I ka ea aloha o kou aina Paila ke aloha i ka puuwai He aloha aina ua sila ia Ua hoopaa ia hoi i ka umauma Ke aloha oi kela no na 'Lii A oe poina ko'u puuwai No Liliuololookulaniikekapu Ke Alii Aimoku a o Hawaii Ka makuahine hoi o ka Lahui E hui lokahi na puuwai Hookahi pana ana i ka umauma Mauna kuu kino no ka Lahui I ola Hawaii a mau loa Haina ka puana ai lono ia O Ailuene Buki kou inoa Hakuia e Mrs. Kala. Mar. 3, 1893.