Ka Leo o ka Lahui, Volume II, Number 668, 23 March 1893 — Page 1

KA LEO O KA LAHUI.

"E Mau ke Ea o ka Aina i ka Pono."

Buke II.     HONOLULU  MARAKI 23, 1893.     HELU 668

O LE'AKAHELEUA HIKI MAI.

A he ula leo ua lohe ia

Ma na kaiaulu o Hawaii

E wa mai ana la i ka lono

O LE'AKAHELE ua hiki mai.

HUI:  He la hauoli keia

Nou e ka Lahui Hawaii

No ka weli o ka makakila

[[: NO KA LEO O KA LAHUI ]]

Ua lai kani wai o Hiilaniwai

O ka uka lai o ka Palai

E mili'a ia mai la e Maunaala

Me ka wai o Mamalahoa.

HUI:  He la hauoli keia, &c., &c.

O ka oi no oe i ka'u ike

Kiekie i ka nani me ka hanohano

Hookahi no ka la o ka hana

Papahi i KA LEO OIAIO.

HUI:  He la hauoli keia, &c., &c.

Hakuaia ---

NA LIMAHANA O KA LEO.

Alanui Pa'lipalapala, Kawaiahao,

Honolulu, Mar. 22nd, 1893.

HE MOOLELO KAILI PUUWAI

---NO---

SENIA LUTERA

Ka Ui Puuwai Mabala

---:O:---

ENELANI KAHIKO.

 A I OLE

He Nanea Hooheno

no kekahi Kauna

Wahine Opio me

kana mau Aloha

Ekolu.

(Kakauia no Ka Leo.)

MOKUNA XXXII.

A o Senia no hoi, noho paa mai nei ka hoi oia iloko o kona rumi i nei la a po, aole au i ike hou iaia mai ko'u ike hope ana iaia i ka po nei.

O ko'u manao aia no oia iloko o kona rumi moe, ua loaa no i kona ma'i mau he nalulu, a ua hahai mua mai nei no hoi oia ia'u, ina oia e loaa ia haawina, aole au e h@le aku e walaau a hoala aku iaia.

Aka nae hoi, e pono paha au e hele ae a e ike iaia, malia paha he mea kekahi ana i makemake ai na'u e hooko.

Mehameha ole maoli ia e noho hookahi mai nei iloko o kona rumi, a hoohuli ae la i kona mau kapuai no ka hoea ana aku i ka rumi o kana wahine.

Me kona noonoo mua ole, ua puehu ka hulu o ka manu, aia kana wahine he mau @ilo loihi ka man@ @ k@ @ h@e aku @ h@ na ipo, ka hoaloha ana i hilinai ai aloha ai hoi e like me he kaikuaana ponoi la nona.

Ua hiki aku la oia malalo o ke alanui pii poniuniu, a nana aka ia ia luna, a huli hou niai la, me ka hano nui ana iho a pane iho la.

O, aole he mea maikai ia'u ka hele ana aku a hooni i kona moe malie ana, aho no k awaiho malie ana aku iaia, a nana no e iho mai e ike ia'u.

No ia kumu ua komo aku la oia iloko o kona rumi kakau, a lalau aku la i kekahi buke moolelo, a hoao iho la e heluhelu, a no ka hiki ole, ku ae la oia iluna a komo loa aku la no ka rumi hookipa, a noonoo ae la oia i ka @ea kupono iaia e hoohala manawa ai, oia hoi kona hele ana aku e paani maluna o kana piano panahele, a niele hoi i na mele i kamaaina i kona leo nani a oi loa aku nae hookahi wahi mele, ana no e himeni mau ai a hoomaka aku la oia e himeni:

Aole i pau.

Na Leta e Waino nei Maloko o

ka Haleleta a hiki i Febe-

ruari 28, 1893.

PAUOA.

Mrs. Kanokuahiwi,

  "        Kaniaka,

Jane Kaheleiki,

W. P. Hoa Kepookela.

LELEO.

Kinoa-opio,

Kuahua Kamiki,

Mele Kamaka,

KAPALAMA.

Kainaina,

J. Mahiai,

Annie Davis,

Maiaea Keoki,

Joseph Maliekai,

Kane Waiopua,

John Spencer,

Kuhao,

Uilialoha.

AUWAIOLIMU.

Mataio,

Kumakalehua,

Kaluakini,

Kawahapaa.

KULAOKAHUA.

Mrs. Emily John.

NA ALANUI,

Eleneka,   S. K. Kawaiwai,  Mrs. Kaumano.

PAWAA.

Emale, Noa Kuoau, Kolohai, S. Kamahalo, Paulo Kaaua, M. Siuid, Dan'l K. Kaeo, Malaea.

APUA.

Henry Keoni, Waialeale, Moke Kekaalua, Kalehua,

KAPAUHI.

Kiekie Kekahili, Mrs. Kamaka.

KAAKOPUA.

Namaha, Peke Abe, D. Napoohiwi.

KUNAWAI.

Melekule Kapukui 2, Waiola, S. W. Keoni Poniu.

MAKIKI

Keliimoeahi, L. Rokalio, Keawe,

PELEULA

Paliuli, Sarah Kalai.

WAIKAHALULU.

O@i, Ka@a Mu@

HA@PO@P@

@ @

HE NANEA KAMAHAO

---NO---

MAIKA

KE KEIKI

Hapa Ilikini a

Hawaii hoi.

KE KANAKA MUA LOA NANA

I PANA KE AKUA BEA A

NA ILIKINI I MAKA'U LOA

AI---A O KA WELI HOI O

NA ILI KEOKEO---A ME KA

LUKU IA ANA O KELA HUI

KEAKA A LI.

E noho mai kaua e kuu aloha, ke halialia e wale mai nei no ia'u na hiohiona u kau ia maluna o kuu makuakane, auwe ka manaonao e--ua kohu io bipi hoi keia mea.  elua poo kanaka manaonao iluna o kahi moe, o keia poo uuku o kuu keiki no ia, a no kuu aloha keia poo, ka hele ana o ke kino maoli o Maika ma ka moeuhane no ka Ilina o ka wahine, wi ka niho o ka poe hana hoomainoino, pau i ke koli ola ia ka hui pepehi kauaka o Copenagokena ma.

A e aua ana no hoi ka wahine ia Maika, aole make hale, no ka mea, he manawa wale no no ka hanau mai o ke keiki ua lilo ia mau aua ana i mea ole i ke poo paakiki o ka hapa Ilikini, a o ka hana mau no iaia na hapa Ilikini nei a hiki wale no i ke kokoke loa ana e nahunahu ua wahine nei aua; a no ka lohe ole o Maika, ua ano hupouli mai la ka noonoo o ua kaikamahine nei i ke aloha i ua hapa Ilikini poo paa kiki nei, a e hoomanao mau ana hoi ua kaikamahine nei i na mea i hana ia maluna o kona makuakane a ua ano kau mai la iaia ka manao hopohopo, a ano hoomakaukau mai la oia i ua mau mea la.

A no ka hiki ole iaia ke numi iho i kona manao makau i kekahi po a Maika i haalele hou ai iaia e moe hookahi i ka hale, no ia kumu, ua hoopuka aku l aoia i keia mau huaolelo ku i k aawalohia, i ka i ana aku i ke kane.

Ina no hoi paha oo he kaneno ke aloha wahine, hoolohe mai no hoi oe i ka'u mau aua aku ia oe, no ka mea, ke halaialia e wale mai ne no i ko'u mau kii onohi maka na hoomanao ana, no na mea i hana ia aku maluna o kuu makuakane, a malia paha o ili mai ia mau haawina o ka manaonao maluna o ko'u kino nei, no ka mea he noho k@ @ @i @ po o p@ i @ @ nei, me kou ike iho no hoi e ke kane a ke aloha ole, ua hemo ko kaua mau enemi [Conegokena ma] mai ka hale paahao mai, aole paha e nele ka lakou inaina ia kakou, a hele mai e hoomakakiu ia kakou e pepehi.

Ehia ka hoi mea aloha owau nei me keia mea a'u auamo nei, i ko maua pepehi ia iho me kou ike ole mai i na mea e hana ia iho ana maluna o maua a oia ka wa a ua hapa Ilikini i hai mai ai i ka moeuhane palaualelo.

E hoomanao oe e ka mea i kukuni paa ia iloko o kuu puuwai i ke aloha oioio nou, e nana mei oe i kuu lima akau o ka aoao no ia o kuu makuakane, a ke loaa kekahi mea mai keia lima aku, o kona luaki papau no ia, a o kuu lima hema nei, ke halawai kekahi mea me ia o kona wa koke no ia e ai ai i ka laau a an kauka akamai loa, iloko o na, mahina ohiku a hiki i kona make ana, a e hoomanao oe e kuu lei, kuu milimili hoi o na po mua a kaua e hooipoipo ana, a na po kehau hoi a kaua e alo ana i ka na me ka makai, a oia hoi ka kou mea kakau i hoohono ae ai i keia wahi song.

E aloha e ka pua lalana la

Kuu hoa alo o ka po kehau

O ka ua ko luna me ka uwila

O Maika ke lalo me ka ulua

He oiaio no paha ia au e pane mai ia e kuu aloha, ina io o oe kekahi ma kuu aoao i ka wa o ka pilikia alila, hiki i'o i ua oiau lima punahele nei ou au e kaena nei ke hoopakele a ina oe i kahi e, a hana ia na mea a'u i hai mua aku nei ia oe alaila, he moeuhane palaualelo ia mau kuko ana au i kaena mai nei i ou mau lima punahele.

O, aole oe o pilikia e kuu aloha, no ka mea o ka'u hana mau no hoi ia e ele nei, aohe no hoi ou pilikia ana.

He ao hoi oe a ke kane a ke aloha ole, aohe a'u wahi olelo e hoolohe ia e oe e kuu kane, i na paha oe he aloha wahine noho mai oe, aohe no hoi e hiki ia oe ko hoalo i kekahi po, e hele wale no oe i na po a pau a kaua e noho nei, aohe wahi po hao, aloha ole no hoi oe i ka'u mau uwalo ana aku ia oe.

Noho malie, aole e pilikia, e hele ana no au a hoi koke mai no i ka hora 12.

Ua hoikeia mai ia makou, i na nae he oiaio, ua olelo ae o W. C. Waila, 'e hele kakou imua, me ka hoi hope ole, a hiki i ka loaa ana ia kakou e ke aupuni hoe (Teritori), kahi a kakou e alaele @ @ ka @ @ @.

HUIALAHAO A ME AINA

O OAHU.

Papa Manawa

Mai a Mahope o Okatoba 1, 1892

NA KAA

                                                A. M. A.M.   P. M.   P. M.

Haalele ia Honolulu               6:15*   8:45     1:45     4:35

@     i Honouliuli                  7:20*   9:57     2:57     5:35

Haalele ia          "                7:30*   10:13   3:45     5:42

Hoea i Honolulu                      8:35*   11:55   4:55     8:50+

NO KULANAKAUHALE MOMI IHO.

Haalele ia Honolulu               5:10I   P.M.

Hiki i Kulanakauhale Momi    5:48I

Haalele ia          "                6:55*   A.M.

+ Poaono wale no

* Koe ka lapule

I Koe ka Poaono

Sept. 28

HOOLAHA AINA.

E ike auanei na kanaka a pau ma keia Hoolaha, owau o S. K. Kila Opio, e noho ana ma Honolulu, Mokupuni o Oahu, ke hoike aku nei au ma ke akea owau wale no ka pilikia pili loa i na aina o Kila (k) Kepola (w) a me Ku (k) i make e waiho la ma Kahuku Kau, Mokupuni o Hawaii.  O ka mea a pau mea i kuai a hoolimalima paha i keia mau aina, aole i mana ia kana ana, ina he mea a mau mea paka e paa nei i ua mau apana aina nei, e hoike koke mai ia'u, a i ole e kipaku no ua ia lakou.

S. K. KILA OPIO.

Honolulu, Feb. 17 1893.

Elia Kaululaau.

Kauka Hana Niho.

Ua hiki ke huki ma Niho me ka eha ole iloko o ka manawa pokole loa.  He loea me ka noeau ma ka Hoopi'ia ana i ka niho me ke Gula Kala a mea e ae paha.  He akamai lua ole i ka Hana ana i na Niho Kui o na ano a pau.

He Mikioi ka Holoi ana ma Niho.

He pa'a nehe kona mau lima ma Kana mau mea Hana Niho o na ano Hou loa i loaa mai nei.  He oluolu no ke kukai olelo ana no kona ukuhana.

O ke kanaka Hawaii hookahi wale no keia mailoko ae o ka huina o 40,000 kanaka i loaa ka Laikini Hana Niho; mai ka Papa Kauka Hana Niho mai o ke Aupuni Hawaii, mamuli o ka ike ana o na Hoa o na Papa Ola i kona akamai maoli ma keia Oihana ano nui.

E ikeia kakou Hoa Kanaka o kipa hewa ke aloha ia lakou nei ae.

Keena Hana maluna ae o ka Hale Hana Pu i ke kihi o Alanui Moi a me Betala Puka komo e pii ai iluna o ke Keena ma Al. Moi.