Ka Leo o ka Lahui, Volume II, Number 680, 10 April 1893 — Page 4
| This text was transcribed by: | Erica Deguzman |
| This work is dedicated to: | Marcelina B. Aquino |
KA LEO O KA LAHUI.
"E Mau ke Ea o ka Aina i ka Pono."
KA LEO.
-------
JOHN E. BUSH,
-------
HONOLULU APERILA 10 1893
--------
KA MOOLELO
-O-
HIIAKAIKAPOLI
OPELE
---
I HOOPONOPONOIA
------- MAI KA POE KAHIKO MAI A
MA KE POE I HOOEAAINA
MOOLELO A ME NA
KAAO KAHIKO O
HAWAII NEI.
-------
O ka pau ana ia o ka ai ana a Wahineomao, hoonuu o Wahineonao i kana wahi mea ai, a pau, o ka hoonoa ana no hoi ia o ka pule a Malaehaakoa ma, oia hoi kela mele maluna, koloi ka @@@ o Wahineomao a pau, noho iho lakou nei a poeleele, moe lakou nei a ao ia po. ninau aku o Malaehaakoa ia Hiiakaikapoliopele, heaha ka huakai o ka hele ana mai nei e kuu haku o ka loihi , hai mai o Hiiakaikapoliopele i ke kumu o kona hiki ana i Kauai, 1 kii mai nei au i ke kane a Pele ia Lohiau. I mai o Malaehaakoa, ua make o Lahiau, ua kaawe i ke aloha o na wahine o Honopu me, o ke kumu nae oia olelo ana mai a Malahaakoa pela. no ka ike ole o Pele ka wahine a Lohiau i kaawe ai, nolaila kana olelo ana mai pela. Heaha la hoi kana, wahi a Hiiakaikapoliopele, e hele aku no hoi maua a ike aku o Hiiakaikapoliopele ia Malaehaakoa. hana oe i kou hale a maikai no wai? No o'u mau akua, wahi a Malaehaakoa. Ia manawa, haalele laua nei ia Malaehaakoa ma, a hele aku ia. Ia hele ana aku o laua nei, ike aku no o Hiiakaikapoloiele ia Kapahi laua me Lalea, mai poina olua ia'u e Kapahi ma, no@aaila, haai ae la keia he wahi mele ponei:
Aloha wale e kapahi.
E ka uka o Lalea ma e
Aloha Puna
Kuu aina kalukalu
Ke hele mauka o Kapoai-e
A pau ke oli ana aianei hele aku la no laua hookahi no wahi a laua nei e hele ai, o ke mele nae aia ne'e komo ana i kela wahi keia wahi aia nei e makemoke ai, hapai hou no keia i keia mele, penai:
Ke aloha mai nei Puna e
Ke kalukalu moe moe ipo
O kapaa e, aloha Puna e
A pau keia oli ana aia nei, ko laua nei hele aku la no ia a kokoke i ka hale o Kahuanui me, e ku ana ke hale kupapau o lohiau, aole nae ke kino kupapau o Lohiau iloko o ua hale nei, ua laweia aia iluna o ka pali, i kukulu wale ia iho no kela hale i mea e hoohunahuna ia ai. Aka, aole ia maloko oia hale, aka ua ike mua keia ia Lohiau e ku mai ana ka uhane o Lohiau ika ipuka o ke ana. alaila uwe o Hiiakaikapoliiopele ma ke mele penei:
-------
Ke hoike pu ia aku nei ka lohe i na poe lawe pepa a pau, o KA LEO, a me ka OIAIO, i ka wa e nele ai ka loaa ana aku o ka pepa ia oukou, e hoike koke mai i ka lohe i keia Keena, me ka hakalia ole, i hiki ke hoolawa hou ia aku kou nni. MA KE KAUOHA.
E Nana e na Keonimana i Keia.
E WEHE IA ANA!
E WEHE IA ANA!!
Ke Ala hou Ana o na Kahiko Nani Like Ole
-MA KAHI-
-O-
N.S. SACHS.
104 Alanui Papu, Honolulu.
Eia ma ko'u Halekuai, e ike ai na mea a pau,
e Punawai Pipii Ano Hou
I kaluk@ia me na Pua Nani Like ole o kela a me keia ano.
na Lipine Ano Hou Loa
Na Lihilihi Panio.
Like ole o na Ano he nui.
Na kahiko nani i kinikohu ia, i ka wehi o na Opio. Eia la ke ahu
Alala kunui nei, hele mai heo kahi, hele mai elua, hele mai a pau
Ela ka Nani la, ke alohi nei i ka papa o Maukele
Na ka anoi e wae, elike me ke koi-i koi a ka puuwai.
- :N. S. SACHS: -
MAR31 674-tid 104 Alanui Papt, Honolulu.
-------
HE MAU NANEHAI NO KA
NAAUAO.
--------
Imua o na opio o e au o liliuokalani.
Nanchai 3. I na paha e kapaeia na Eana ai mau o ka Poai Lani o ke ao holookoa: alaila ihea la e wai ho ai ka honua nei? Nanehai 5. Heaha la ka mea e moe ai (unoi ai) na maka i ka wa e pule ai? Nanehai 6. O ka hiona i ike ia ma ka moeuhane, he mau hoakaka anei ia o ke ola uhane o ke ao maluna ma ka Lani? Ma ka loaa pono o ka haina, e kapaeia ai kekahi Nanehai, mai ka hoolaha mau ana@.
-------
HOOLAHA A KA LUNA HOOKO
KAUOHA I KA POE AIE.
-------
Imua o ka Aha Kaapuni o ka Apana Kaapuni Akahi, ma ka Hooponopono Palepala Hooilina. Ma ka Palapala Hooilina a Maria O'Sullivan i make. O ka mea nona ka moa malalo nei, ke hoolaha aku nei, ua hookohuia oia i Luna Hooko Kauoha no ka Palapala Hooilina a kauoha hope loa a Maria O'Sullivan i make ma Honolulu A ma ke a ke hoike aku nei oia i ka poe he mau aie ko Maria O'Sullivan ia lakou. e waiho koke mai iaia i ka lakou mau koi i hooiaioia ma na bilp ale pololei ma ka Halekuai o E. O. Hall & Son (Mikaholo) iloko o eono malema mai keia la aku, a e hoole loa ia hoi na koi ke hala keia manawa.
ABERAHAM FERNANDEZ,
Luna Hooko Kauoha o ka Palapala Hooilima o Maria O'Sullivan i make. Hanaia i keia la 20 o Marakai, 1893, mar27 3wksd.
-------
HEIAU O NA PAIKINI!
-------
Kihi o Alanui Papu me Hotele.
Wehe Aiwaiwa Ana o na Waiwai Hou Loa
-------
Ma ke ku ana mai nei o ka MOKUAHI AUSTRALIA a me ka
MOKUKIAPA C. D. BRYANT;
Ua loaa mai Ia'u he 117 PAHU UKANA me na Waiwai hou e na ano hou loa. He nani e ha i e ai na pua o ke Kula, 1 ka ua mea o ka nui kewahewa o na Waiwai e wae ponoia e a'u me ka maiau nui.
Ke konoia aku nei e hele mai e nana i keia mau Waiwai Hou Loa.
HE MAU WAIWAI HOU WALE NO MA NA WAHI A PAU O LOKO NEI O KO'U HALEKUAI.
He heluna nui o na Kamaa Wahine, Kane a me na Keiki. O ka'u mau Kumakuai e kulike ana ia me kou makemake.
Ke huli ae hoi ma ke kahiko Lole Aahu o na Aahu o na Waahine. He nani makalapua okoa no ia i ike mua ole ia ma keia Kulanakauhale, ma na Lole hiki ka Holoi ia o na Waihooluu.
E komo mai e nana i ka makou mau Waiwai Hou Loa, a ke hooia aku nei wa@ ia oukou. Owau ke Alakaai o na Kumukuai haahaa loa.
S. EHRLICH,
Kihi o Alanui Papu me Hotele.
-------
HE KUAI HOOKELAKELA NUI!
-------
Hele mai Hookahi, a i ole Hele mai no a Pau Loa
MA KA HALE KUAI ALAKAI O
B. F. Ehlers & Co - PAINAPA
HELU 99 Alanui Papu.
-------
Oili Pulelo PAINAPA e kela i Kaupoku @
hanalei; aka i hewa no nae i ka lele
mua i ka hooulu i ka la ino
-------
Oiai he manawa ilihune keia no ka aina nei, no ka mea ke wawalo mai nei @ leo pilikia o ke lehulehu mai o a o, a ke kuai hoopoho mai nei hoi kekahi mau h@ e kuai e hoao ana e kulai kekahi i kekahi, nolaila ke komo pu aku ne au ma i@ hana maikai, no ka mea
He Kawa ia Na'u i Lele a Opu.
He mau makahiki loihi i hala ae nei, akahi okoa kuu uluhua i ke ahi o e Kamaile a me ke Kawelu o Lanihuli, a i mea no hoi e hook@ia ai kela olelo kaalana a kahiko
Ohi Hapuku ka I'a o Kapaau.
Eia ma Ko'u Balekuai nei na Papale Kamalii o na ano a pau, na Lako L@@@ na Hapuu a oukou o na pa@kini a pau, mai ke nui a ka ukulele, na Lako Eol@ o @ malu o na waihoolulu a pau, a pela aku, a pala aku
E Kuai ia aku ana no ke Kumupaa.
Nolaila mai hoohala i ka ike ana ia kaua. E hoomaka ana keia kuai hookelakela mai a ma keia mua aka. Na@ ka @@@ mua no ka loaa, oloolo aku no ihope, nele.
575. tf-dlr. B.F. EHLERS & CO