Ka Leo o ka Lahui, Volume II, Number 682, 12 April 1893 — Page 3

KA LEO O KA LAHUI.

"E Mau ke Ea o ka Aina i ka Pono."

 

NA  LETA

 

   Aole o makou makemake e lawe i ke loikoi o na hala no na manao i hoopuka ia malalo o keia poo e ko makou poe kakau manao.

 

HE  IWAKALUA  MAKAHI  KI  I  KA  OIHANA  LOIO

 

   I kulike ai me ka KA  LEO i hoike aku ai i ola honua, he mea oiai, ua hele io aku ka Papa Loio Hawaii e ike i ke Komisina James H. Blount.  I ka hora 9 o ke kakahiaka onehinei, ua hiki aku ka Papa Loio Hawaii imua o Hon. James Blount, a ua hookipa ia aku lakou me ka maikai.

 

   A na Mr. J. L. Kaulukou i hoolauna aku i na hoa a pau o ka Papa Loio, i ke Komisina, o ka pane ana i haawi mai ai, i ka Papa Loio Hawaii oia keia:  E na keonimana o ka Papa Loio Hawaii, he mea hauoli no’u ka halawai pu ana me oukou i keia kakahiaka, a e  kuka, a e kamailio ma na kulana naauao.

 

   He wahi ninau pokole wale no ka’u i makemake ai e ninau ia oukou, oia hoi keia:  Heaha na hihia ano nui e lawelawe mau ia nei imua o ka Aha Hookolokolo e keia aupuni?

 

  Pane ka Papa Loio, o na hihia waiwai a me na hihia hewa.

 

   Ua pane hou mai oia, o ka oihana Loio, oia kekahi o na oihana kiekie loa o ke ao nei, a ua lawelawe loihi au i keia oihana iloko o 20 makahiki.

 

   Iloko o na hoohele kamailio ana ua hiki ae la iluna o kekahi poe haku kanawai, o na aupuni like ole a hiki i Hawaii nei.

 

   Oia ka wa o J. L. Kaulukou, i hoolauna aku ai ia J. M. Poepoe, imua o ke Komisina me ka hoike aku, o keia keonimana kekahi mea nana i hana kekahi buke kanawai, a i kapaia, Ke Alakai o ke Kanaka Hawaii.

 

   Ua ninau mai la ua Komisina nei, ia Poepoe, mai ka buke hea mai la kau hana ana i keia buke?  oia ka wa i pane ia aku ai ka ninau:  Mailoko mai o na Olelo Hooholo o ka Aha Kiekie, a me na alakai kanawai ana.

 

   Oia ka wa i papalua ai ka haawi ana mai o ke Komisina i kona hoomaikai ia Poepoe me ka pane pu ana mai.

 

   O ka hana au e Poepoe i hana ai, oia kekahi hana ano nui, a he hana koikoi hoi ma Amerika Huipuia, o ka poe hiki ke lawelawe i keia hana, oia no ka poe i hiki aku i ke 45 a 50 makahiki; a pela no ma Europa, a ua manao ia hoi, ua o-o ko lakou lolo, a ua kanaka makua ka ike.

 

   Aka, ma Hawaii nei aole loa pela, ke ike nei au, he keonimana opiopio oe, a i piha nae kou puniu i ka ike, a pela no oukou a pau a’u e ike aku nei.

 

   Nolaila, e na keonimana, ua hauoli au i ko’u ike ana, ua lawa ka o Hawaii nei me ka ike, ka naauao, a me ka noeau, a o ka manawa i kamailio ana, hookahi hora a oi, ua hookuu ia ke anaina me ka maikai.

 

UA  HALA  O  JAMES  HOOPII.

 

   Ma ke ahiahi o ka Poakahi nei, hor 6:35 minute, ua kipa ae la ka apela o ka make i ka hale kino o Kimo Hoopii, a lawe aku la i hanu ola mai iaia aku, a waiho iho la i ka lepo no ka lepo, he opiooia, nona na makahiki he 37 a oi, a o Maui kona aina hanau, aloha wale na makua, i ka ike ole i ka hanu o ka laua keiki, he koa kiai oia no ka puali koa o ka Moiwahine Liliuokalani, a hiki i ka wa i hoopau ia ai oia oihane he hookahi wale no pule o ka mai ana, a kuu aku la ka luhi, moe aku la i ka moe kapu o Niolopua, e hoomaikai ia ke Akua ma na lani kiekie loa, nana no hei i haawi mai, a nana no hoi i lawe aku.

 

AOLE  HE  OIAIO

 

   Ma ka nupepa puka la “Kuokoa” Aperila 10, ua ike ia malaila keia mau olelo malalo iho.

 

   “O ka makemake o ka Lahui Hawaii, wahi a David Kawananakoa i aupuni malalo o ka noho mana ana o Amerika Huipuia i na he hoohui pololei, a i na paha he hoomalu mai.”

 

   Ua hoike ae o Makapoiena i ka hua o kona hele ana aku nei i Wasinetona, a ua makemake loa oia ma ka noho hoomalu wale mai no o Amerika Huipuia me o na Aupuni Kuloko ma Hawaii.

 

   Ma keia manao oiaio ole i hoike ia ma keia pepa puka la, ke ku nei makou a pale aku.  aole loa i olelo iki ka Mea Kiekie ke Keiki Alii Kawananakoa, i kela mau olelo maluna ae, he ole loa no.

 

   Ke noho hamau nei ke Keikialii me ka hoike ole hoi i kekahi mea mawaho aku a pehea i aa ai keia pepa lauwili, e ao hewa nei i ka lahui.  No Makaploena hoi, oia a no like no a pela no o Numana, a a mai a wai mai la ka haku epa me o ka loaa ana.

 

           He Ahaaina Fea ina Kaliho i keia Poano no ka pomaikai o ka Halepule Kakolika ma Moanalua.

 

   He nui na waiwai e kuai ia mai ana me ka makepono loa.  E kuai pu ia mai ana na pono lawaia o na ano a pau e laa ka lau upena a pela aku me ke emi loa.  E hele kino ae ka poe lawaia e nana no lakou iho i keia mau waiwai, e kuai ia mai ana me ka haahaa loa,  E ku mau ana ke kaaahi malaila i ka holo ana a me ka hoi ana mai.

 

   Ua haawi ae o Lui he wahi paina manawalea ma kona wahi noho ma Manoa ua ai na kamaaina oia uka a ua lawa.

 

   O ka hakoko i hoopanee ia mawaena o W. Waila a me J. Nakui na mai ka pule mai i hala, ua malama ia ma ka ponei.  Ua kaa ole ke eo i ka inoa mua.

 

   Ma ka auina la o ka Poakahi nei ua ulu ae he wahi hoopaapaa mawaena o C. Clark a me R. Wilikoki, a i ka hele loa ana i ka nui, ua hapai ae o Wilikoki i kona koko iluna a hahau aku la maluna o kona hoa kukai olelo; a mai hoolele ia paha na ai a ka ui i na aole e hookaawale koke ia e ka makai.

 

   E malama hou ana ka Hui Keaka Hawaii i ka lakou mau hana hooniua puuwai o ke kaikamahine  LAIEIKAWAI – Ka Wahine o ka Liula – a me ka Ui o Kealohilani – KAONOHIOKALA – kana kane mare.   Ka ike ia ana o ka Moku o Kapena Kuke, kona pae ana mai a me kona pepehiia ana a make, a me kekahi mau hana hoinainau e ae.  E hiki kino ae ana na keiki o ka Bana Lahui Hawaii ma keia po Lea o Halalii.  E hele e ka poe i ike olo ia – LAIEIKAWAI – i ike kumaka i ua eueu ala iluna o ka ehu o na manu.

 

Na Leta e Waiho nei Maloko o ka Haleleta a hiki i Maraki 31, 1893

 

PAUOA

L. keoneula

J. Kauai

L. Waiolama

Kahula & Kaolelo

Maria Adams

 

LELEO

J. L. Kilauano

Pilikua

Kanakaokai

 

KAPALAMA

D. Kalolou

J. F. Kaimihau

Ikeole 2

Kuhia-opio

K, Nalopi 2

Keaelani

Kaaialii Solomona

M. Mahoe

Muolo

 

PAWAA

Mahi

K. J. Kapaoa

S. Kamahalo

Kaikaika – opio

 

 

AUWAIOLIMU

A Ohialau

A Kalaka

 

APUA

Kaumu

Kaimu

A Kaluimoku

J. K. Kaipu

 

KOULA

Kaunanaula

 

KAPAUHI

Waiola

C. Kauhi

M. Haleakala

 

KAAKOPUA

Kanoho

Nahua

Keliiwaiwaiole

Kawelo

P. Kaanaana

 

KUNAWAI

Moke Kaluna

Malia

Kapono

 

KAKAAKO

J. W. Kahaiao

 

KAPAMOO

J. Kuhao

Kauohilo

 

MAKIKI

Maka

M. Kaai

 

KAWA

J. A. Mawae

Lose

Kaiuwahine

Keohomaewaokalani

HUEHUE

Keliiaupuni

A Malia

Kapa

K. L. Pilipo

S. K. Kaohiwaena

 

WAIKIKI- KAI

Keawe

Kimokeo

J. Piko

 

AALA

H. E. Kaulahea 3

L. Lake

L. Makaina

 

KAWAIAHAO

M. A. Naiwi

Ikeole

Kalehuamanu

Kawaihoa

Keala

J. Kalama

 

L. Kuaana

S. Kauhola

Makaikaihonua

Keai

H. Kahoomana

 

MANA

Kekaua

J. Kauhane

 

KANANUWAI

M. Kahea

Haliaka

Peniamina

S. Kaili

 

KAKPUUKOLO

D. K. Napuunoa 2

Kapena

N. Noiku

 

KALIHI

D. M. Makaholo

Kapu3

S. K. Kapele

L. Manuela

J. H. Pamaiaulu

Makaau

S. W. Hoopiiaina

 

KAMAKELA

Makalika

Kamanu

K. Richard

 

KEPOHONI

K. Kaanaana

S. Palau

 

NIOLOPA

Lilia

 

KAOPUAUA

Apikaila

Pilahi

 

KAHEHUNA

Apoi

 

MANAMANA

K. Naipo

 

KAULUWELA

K. Hewahewa

S. Kemahauluae

D. P. Kinolau

Kawaihoano

M. Palenapa

Kehuokekai

 

MOANALUA

Naloha

J. Kanae 4

  Na Leta i hoihoi ia mai no Mokupuni mai.

Kahaleie – liilii

Paihilani

 

HONOLULU

Kamakele 2

K. Uilama

S. D. Nuuhiwa

 

O ka poe na lakou na Leta maluna ae e ninau mai ma na Leta i Hoolahaia

 

WALTER HILL

Luna Leta  Nui

apr4 1 wk-dly

 

 

HOOLAHA  PAPA   AINA

 

   E ike auanei na kanaka a pau ma ke ia: Owau o ka mea nona ka inoa malale iho nei, ke paua aku nei au i na mea a pau loa, aole e puni wale a ae aku paha e hoolimalima a e kuai paha i kela mau Apana Aina a pau loa o kuu kupunakane i make, oia o S. W. B. Kahaumanu.  Oia keia:

 

   Hookahi Apana Aina ma Honouliuli Ewa, Oahu; Hookahi ma Waikele, Ewa Hookahi ma Leleo, Honolulu

   Owau iho no,

                        S. W. B. Kahaumanu – Opio

Mariki 9, 1893                                     mar17 1mw

 

 

Olelo  Hoolaha !!!

 

Halawai a ka Hui Hawaii Aloha Aina a na Lede.

 

   HELE  MAI  A  PAU  NA Puuwai Aloha Aina !    E halawai ana na Wahine Puuwai Aloha Aina ma ka hora 10 o ke kakahiaka Poakolu, ma Ariona Hale.

                        Ma ke Kauoha.

            GRACE  KAHALEWAI

                        Kakauolelo

 

 

Ka Elele Lau Oliwa

 

HE  KIA  HOOMANAO  NOU  E  HAWAII.

 

Ke Kii Nani o ke Komisina Hanohano Blount (Balauna) a me Kana Lede a hoea aku.

 

O na Hawaii Aloha Aina mai Hawaii a Niihau e makemake ana e hele ae e hui pu me ke kakauolelo o ka Nupepa Hawaii Holomua Mr. Tho K. Nakanaela.

 

O ke kii keia o ka Loea nana i kauoha e huki hou i ka Hae Nani o ko kakou Aina iluna.

“ Ka Hae Nani ou e Hawaii E mau loa kou welo ana.”

 

UA  MAKAUKAU  I  KEIA  LA!

Honolulu Aperila 11 1893

apr11 1wk-dly

 

$15 MAKANA

 

   MA  KA  PO  POAONO  NEI, UA nalowale ia kekahi lio wahine hauliuli me ka noho no, he noho pulu nae.  O ka mea a mau mea paha e loaa ai keia lio e hoihoi pololeimai i ka mea nona ka inoa malalo iho nei, a e loaa no iaia ka ukku makana i hoike ia maluna.  E loaa no au ma Kahauiki.

                                    JNO. HAPA

Kahauiki, Honolulu, Apr. 16, 1893

 

 

KAUKA

Yong Kam Pung

(APANA)

Helu 81 Alanui Maunakea.

 

KAUKA  LOEA  O  KA  AINA  PUA

 

   Ua hiki ke hoola ia kela a me keia ano ma’i, mai konakane wahine a me ko na keiki liilii.  O na mai ha-no a me na ma’i e pili ana i ka maka, pau pu ia i ke ola.  O na ma’i koko inoino a me ka hooulu hou ana i na wahi poino o ka puu wai a me ke kino, e hoola ia no me ka maalahi.  Pela me na ma’i hi’u koko maleo, ua hiki ke hoola ia me ke oki ole.  Ke hoike ia aku nei eia ke ola ianei me ka oluolu pu o kahi auhau.

            E KIPA mai e ka kpoe i hooluuluuia me na haawina pilihua a ka ma’i, a na’u oukou e hooluoiu uku.

            KAUKA  YONG  KAM  PUNG

mar.29 -2monad