Ka Leo o ka Lahui, Volume II, Number 685, 17 April 1893 — Page 1

KA LEO O KA LAHUI.

"E Mau ke Ea o ka Aina i ka Pono."

Buke II.  HONOLULU APERILA 17, 1893.  Helu 685

 

HE MOOLELO KAILI PUUWAI

-NO-

SENIA LUTERA

Ka Ui Puuwai Mabala

-:o:-

ENELANI KAHIKO.

 

A I OI E

He Nanea Hooheno no kekahi Kauna Wahine Opio me kana mau Aloha Ekolu.

(Kaauia no Ka Leo.)

 

MOKUNA XXXVI.

 

            Ua oaka ae la na maka o Iulia a ike mai la i kana kane e kukuli ana ma ka aoao o ke koki ana e moe ana ua hohola mai la oia i kona lima a lalau aku la o Laionela, a hawanawana mai la oia me ka leo nawaliwali i kona hoapili aloha he kane.

            Ua pane aku la o Iulia ia Laionela me ka leo ano paupauaho i keia mau huaolelo ku i ke aloha.  Eia au ke hele nei i ka make e Laionela, aka ua hoopakele aku au i kou ola a oia wahi manao hookahi ua lilo a i mea e oluolu ai no ko'u make ana.

            E kuu wahine, kuu pohaku momi makamae!  wahi a Laionela me ka leo uwe, a e huna pu ana hoi, i kona mau maka iluna o ka uluna a ke poo o kana wahine e moe ana. 

            He oiaio anei e haalele mai ana oe ia'u, a i ka wa hoi a'u i make make loa ai e noho mai oe me a'u a me ka kaua kamalei aloha hoi.

            Hamau, mai hoopihoihoi loa aku oe iaia, wahi a ke kauka i hawanawana mai ai me ka hoopa ana mai i kona lima ma ka poohiwi o ke kanaka e uwe haalipo ana i ke aloha wahine.  No ka mea ua helu ia kona mau hora.

            E haalele ana au ia oe, wahi a Iulia i pane hou aku ai me ka leo hawnawana me kona mau lima e puili ana maluna o kona puuwai.  Aole au e noho loihi aku ana me oe, e Laionela, oiai ke ike nei i na lima puanuanu o ka make, ke hookokoke loa mai nei ia'u, aka e hui hou aku ana au me ia iloko o kela la ao.

            O, e Senia, kuu aloha kuu aikane aloha, aole oe e hele hookahi ana a haalele iho i kau aikane Iulia mahope nei, o kaua pu no ke hele ana ma ia huakai hoi ole mai.

 

HE NANEA KAMAHAO

-NO-

MAIKA

KE KEIKI

HAPA ILIKINI a HAWAII hoi.

 

KE KANAKA MUA LOA NANA I PANA KE AKUA BEA A NA ILIKINI I MAKA'U LOA AI-A O KA WELI HOI O NA ILI KEOKEO-A ME KA LUKU IA ANA O KELA HUI KEAKA A LI.

 

E noho mai kaua e kuu aloha, ke halialia e wale mai nei no ia'u na hiohiona i kau ia maluna o kuu makuakane, auwe ke manaonao e-na kohu io bipi hoi keia mea. elua poo kanaka manaonao iluna o kahi moe, o keia poo uuku o kuu keiki no ia, a no kuu aloha keia poo, ka hele ana o ke kino maoli o Maika ma ka moeuhane no ka Ilina o ka wahine, wi ka niho o ka poe hana hoomainoino pau i ke koli ola ia ka hui pepehi kanaka o Conegokena ma.

 

            Aole i ike ia kekahi karaima eleele i hana i hana ia mamua aku. a ma ia hope mai e like me keia karaima eleele i hana ia ai e Maika, no ka mea; ua oi loa aku keia o ka manaonao, mamuli o keia mau hana ano e ana a Moika, oia hoi kona kolikoli wale ana no ma ka io, me ka ili e pili pu ana me ka iwi, oia hoi na waewae na lima, na iwi aoao, ka umauma na papalina, ka iho, na wahi a pau o ke kino, koe no ka iwi me ka hanu no. aole keia i okioki ma kahi e make koke ai, ma kahi e make koke ole ai lakou. iloko o na la elua, pela ka ia nei manao ana, a he ku maoli no i ka manaonao a kaua e hoomaopopo iho ai e kuu makama@ heluhelu.

            Pela no ka ia nei luku ana i ua poe powa nei a hiki i ke kanaka hope loa, a oia ka wa a ua hapa Ilikini nei i kunana iho ai a liuliu, hoppuka aku la oia i keia mau huaolelo nenei:

            He oiaio, i kela makahiki aku nei i hala, o oe ko'u lunakanawai o ke kahua hookelakela me na hua o kou puhaka, i haalele e mai i ka la i ka mea mahana, a i keia minute hoi me keia sekona, aia oe ma ke kulana haahua loa , o na kanaka lapuwale loa.

            Nolaila, aole anei e hiki ia oe e Mr. Conegokena, ke hahai pololei mai i ka moolelo e pili ana no ka oukou mau hana manaonao, i hoomainoino ai i ke kino hala ole o kuu wahine aloha. me kuu keiki ka hua hookahi o kuu puhaka.

            Ua palua a pakolu ka ia nei ninau ana aku, aoha wahi mea a pane iki mai o ua olomana nei, no kona @ane ole mai i ka ia nei ninau. no ia mea, ua i hou aku la keia me keia mau huaolelo hoehaeha puuwai.

            Ina aole oe e Conegokena e hahai mai ana i ka haina o ka'u ninau, alaila e okioki ia aku no oe a'u, i oi aku ka manao imua o keia au e ike nei, nolaila e hoi koko mai oe i keia manawa no ka manawa hope loa?

            Ua hala he umi minute o ka laua nei noho mumule ana, akahi no a ea ae la ke poo o ua kupuino nei a hoopuka ma ia oia i keia mau huaolelo me ka helelei pu ana mai o kona mau waimaka.

            Aole no he kumu e ae nana i kono mai ia'u e haalele i ko'u kulana keonimana a piha hanohano maoli no, a lawe hoi i ke kulana o na kanaka lapuwale haahaa loa.  o ke kumu wale iho no ua ike no oe.

            Oiai no hoi ka haalele ana mai o kuu waiwai ia'u mamuli o kuu paulele makehewa ana i ke akamai o kuu mau keiki, a'u hoi i kaena hewa ai, a me kau mau hana hookalakupua maoli no hoi kekahi oia wale iho la no na kumu nana i kono mai ai i ko'u lunaikehala, e hana lapuwale.

            Alaila, na oukou i'o no i pepehi mainoino kuu hoa pili Keohookapalai, kuu lei hoi o na la i hala e aku, a he wahine hoi na'u i aloha nui ai, a oukou hoi i hoomainoino ai ae?  wahi a ka hapa Ilikini nei i pane aku ai.

            Na makou no hoi, wahi a ua olomana nei i hahai pololei mai ai.

            Ha, ha, wahi a ua hapa Ilikini i uwa ae ai me kona lelele ana i o a ianei, me ka nau ana o kona mau kui, a me he mea ia i ka hoomaopopo aku a kou mea kakau, ua loaa'ia paha oia me ke kekahi ano mai oluahewa o ke ano opulepule.

            Heaha la ka'u uku hoopai e kau aku ai maluna ou e Mr. Conegokena no kau mau hana i hana ai maluna o kuu aloha.

            E ka haku o na haku, a me na alii o na alii, aole anei he moa oluolu no kou puuwai pahe, ka haawi ana mai i kekahi wahi hoopai mama maluna o ko'u wahi kino hapauea nei, no ka mea he mau la helu wale no koe a kaa aku au ma kela aoao o ka muliwai eleele o ka make mau loa, nolaila, au i nonoi aku la i kou oluolu i na he mea hiki i kou lunaikehala ka oluolu ana mai, no ka mea; aole loa no au i paumaele loa i keia karaima au i hana ai, aka nae, he wahi leo aku no ko'u, a he okoa ka poe nana i hana keia hewa.

            Apopo uwila hou aku.

 

            Eia ka papa inoa o na Komite kakauinoa o "Ka Hui Hawaii Aloha Aina"

F. S. Keiki, Apana 1.

Chas. Keawe, Apana 2.

J. K. Prendergast Apana 3.

Kapamawaho)

A. K. Palekaluhi, Apana 4.

Wm. Mokimana, Apana 5.

 

HE UMI (10) APANA AINA HOME MAIKAI NO KE KUAI.

            Aia he Umi apana aina Home maikai loa no ke kuai aku e waiho la ma Kalia Waikiki, Oahu, mawaena o kahi o Hon. Chas. L Hopkins a me Mr. Marcfarlane a i keia mamua o ka aina o G. W. Keaweamahi.

            A oia no na apana aina pa hale Inani loa i koe iloko o ke kulana kauhale nei.

            He oluolu loa ke kumukuai.  He maikai ke kuleana.  Na ka mea kuai mai e uku no na Palapala.

            No na mea i koe e ninau ia William C. Achi Honolulu  Maraki 27. 1893.  tf

 

KAUKA

YONG KAM PUNG

[APANA.]

Helu 81 Alanui Maunakea.

 

KAUKA LOEA O KA AINA PUA

            Ua hiki ke hoola ia kela a me keia ano ma'i, mai ko na kane, wahine a me ko na keiki liilii.  O na mai ha-no a me na ma'i e pili ana i ka maka, pau pu ia i ke ola.  O na ma'i koko inoino a me ka hooulu hou ana i na wahi poino o ka puu wai a me ke kino, e hoola ia no me ka maalahi.  Pela me na ma'i hu'i koko maloo, ua hiki ke hoola ia me ke oki ole.  Ke hoike ia aku nei eia ke ola ianei me ka oluolu pu o kahi auhau.

            E KIPA mai e ka poe i hooluuluuia me na haawina pilihua a ka ma'i, a na'u oukou e hooluolu uku.

KAUKA YONG KAM PUNG.

mar.29-2moned

 

HUIALAHAO A ME AINA O OAHU

Papa Manawa

Mai a Mahope o Okatoba 1, 1892

NA KAA

A. M. A. P. M. P. M

Haalele ia Honolulu  6:15 8:45 1:45 4:35

Hoea i Honouliuli 7:20* 9:57 2:57 5:35

Haalele ia "  7:30* 10:13 3:45 5:42.

Hoea i Honolulu  8:35* 11:55 4:55 6:50+

NO KULANAKAUHALE MOMI IHO.

Haalele ia Honolulu  5:10# P. M.

Hiki i Kulanakauhale Momi  5:48#

Haalele ia "            "  5:55* A. M.

            + Poaono wale no

            * Koe ka Lapule

            # Koe ka Poaono.

Sept. 28  tf-dly.

 

HOOLAHA AINA

            E ike auanei na kanaka a pau me keia Hoolaha, owau o S. K. Kila Opio, e noha ana ma Honolulu, Mokupuni o Oahu, ke hoike aku nei au ma ke akea owau wale no ka pilikoko pili loa i na aina e Kila (k) Kepola (w) a me Ku (k) i make e waiho la ma Kahuku Kau, Mokupuni o Hawaii.  O ka mea a @ mea i kuai a hoolimalima paha i keia mau aina, aole i mana ia hana ana, ina he mea a mau mea paha e paa nei i ua mau apana aina nei, e hoike koke mai ia'u, a i ole e kipaku no au ia lakou.

S. K. Kila Opio

Honolulu, Feb 17, 1893.

4ts-wkly

 

Elia Kaululaau.

Kauka Hana Niho.

            Ua hiki ke huki ma Niho me ka eha ole iloko o ka manawa pokole loa.  He loea me ka noeau ma ka Hoopiha ana i ka niho me ke Gula Kala a mea e ae paha.  He akamai loa ole i ka Hana ana i na Niho Kui o na ano a pau.

            He Mikioi ka Holo@ena ina Niho.  He palanehe kona mau lima ma Kana mau mea Hana Niho o na ano Hou loa i loaa mai nei.  He oluolu no ke kukai olelo ana no kena ukuhana.

            O ke kanaka Hawaii hookahi wale no keia mailoko ae o ka huina o 40,000 kanaka i loea ka Laikini Kauka Hana Niho; mai ka Papa Kauka Hana Niho mai o ke Aupuni Hawaii, mamuli o ka ike ana o na Hoa o na Papa Ola i kona akamai maoli ma keia Oihana ano nui.

            E ikeia kakou Hoa Kanaka o kipa hewa kealoha ia lakou nei ae.

            Keena Hana maluna ae o ka Hale Hana Pu i ke kihi o Alanui Moi a me Betela Puka komo e pii ai iluna o ke Keena ma Al. Moi.

mar. 6-tfd