Ka Leo o ka Lahui, Volume II, Number 699, 5 May 1893 — Page 1

KA LEO O KA LAHUI.

"E Mau ke Ea o ka Aina i ka Pono."

Buke II.     HONOLULU  MEI 5, 1893.     HELU 699

HE NANEA KAMAHAO

---NO---

MAIKA

KE KEIKI

Hapa Ilikini a

Hawaii hoi.

KE KANAKA MUA LOA NANA

I PANA KE AKUA BEA A

NA ILIKINI I MAKA'U LOA

AI---A O KA WELI HOI O

NA ILI KEOKEO---A ME KA

LUKU IA ANA O KELA HUI

KEAKA A LI.

 

Hoohauoli ia ka puuwai o na poe o Kaleponi i ka loaa o ka hui pepehi kanaka o Conegokena ma.  Pepehi mainoino ia na ili keokeo.  He $25,000,000, ka uku makana ke loaa o Maika.  Kau hou ka weli i ko Kaleponi poe no ka eueu hapa Ilikini.  20 kue ia Maika 1.  Aole oia he kanaka, he akua.  Lele i ka pali kiekie me ka lio.  He noho paipai ka hokua o ka lio ahiu no Makia.  Hui o Maika me na Ilikini iloko o kekahi a-na nui.  Mare hou o Maika.  Lilo oia i moi.  Hui ka makua me ke keiki.  Ka luku ia ana o ka Huik Keaka a Li.  ka loaa ana o kekahi keiki Hawaii oiaio opio ia Maika, ka ili poo o na ili keokeo ka mea e pii ai o kou kulana a me ka hopena o keia moolelo.  Good-bye.

Oiai oia e kamailio ana imua o ke kino wailua o kana wahine me ua waimaka e hoopulu ana i kona mau lihilihi.

O ke kumu nui wale no i helelei ai o na waimaka o ua eueu nei a kaua, oia o kona makau honua ana mai i na kauoha a kona kupunakane Walaka, no ka mea, i na oia e hahaki hou ana, alaila o ka elua iho la ia o kana kue ana i kona kupunakane, a oia iho la ke kumu nui nana i hookaumaha mai i ka manao o ua hapa Ilikini nei ma ke moeuhane.

A iloko o na minute o ka piha luuluu e haakokohi ana iloko o ka puuwai o ua hapa Ilikini nei, me he kui la e houhou ana, ua poha mai la ka leo o ke aka kino wailua o kana aloha i ka i ana mai.

O hele hoi paha ma ko huaka, o ka hiki aku no hoi koe ue i kahi o ka maha, noho e iho nei oe maanei nei e hiamoe ai.

I hea aku auanei kahi o ka maha au e i mai nei, o ko'u kokoke aku auanei i kahi o ka make, oia anei kau wahi i i mai nei, kahi ia o ka maha? He keu maoli no kou aloha ole ia'u, oia nae hoi @aha, ua hala aku la no na la o ke aloha.

O ko'u aloha ole anei ia, ia oe e ke kane, o ko'u hahai aku ia oe i ka mea oiaio, a me ko'u kokua mau aku ia oe nona ponoi a pau e ili mai ana maluna ou, manao oe, he he like au me oe; ke aloha ole.

Manao au o oe no kekahi aloha ole ia'u, wahi o ko Maika uhano.

Heaha iho la hoi ko'u mea i aloha ole ai?

I ko lawe hoi paha ia'u iloko o ka hale kupapau me he paahao la.

Na'u anei oe i koi aku e alualu ae ia'u, ua ike no hoi paha oe o ko maua wahi no ia e noho nei, alualu wale mai no oe ia'u. wahi a Keohookapalai; i puana mai ai me ka hekau ana iho o na minoa@a maluna o kona mau papalina lahilahi, o ka mea, ua hooomanao iho la oia no kana mau hana fulu ia Maika a kaua i ike mua ae nei, a oia ka ua hapa Ilikini nei i pane mai ai.

Oia nae hoi paha. keke hoi paha ko niho i ko loaa pono ole iho, e nui ai ko waha i ka uwa.

Kahaha, nau no ka hoi i a'o mua mai ia'u i ke kolohe.

Heaha anei ka'u mea i kolohe ai ia oe?

Kahuhu, heaha ka hoi kau mea i hana ai ia'u me ka huelo o ka lio.

O yes; I know now, 'my dear;'

A, ike iho ia ko ihu, e nei lapuwale, i kau mau hana kolohe i a'o mai ai ia, u, e e kala kahiko no au i hai mua aku ai ia oe, e piena ana oe ina e kolohe pu ia aku ana e like me kau mea i hana @ ua mai ai e kuu aloha.

Aole i pau.

 

KAUKA

Yong Kam Pung.

(APANA.)

Helu 81, Alanui Maunakea.

Ke Kauka Loea o ka Aina Pua

Ua hiki ke hoola ia kela a me keia ane ma'i, mai ko na kane, wahine a  me na keiki liilii.  O na ma'i ha-no ua hiki loa ia ke hoola ia me ka maalahi.  A o na ma'i e pili ana i ka maka pau pu ia i ke ola.  Ke hoike ia aku nei eia ke ola ianei, me ka oluolu pu o kahi auhau. 

 

E KIPA mai e ka poe i hooluu lau ia me an haawina pilihana a ka ma'i,

a na'u oukou e hooluolu uku.

KAUKA YONG KAM PUNG.

 

HE MOOLELO KAILI PUUWAI

---NO---

MATIFIRA

Ka Hookolo Me-

heu Lua Ole

---KA---

Olali o na Alahele Hoo-

paha'oha'o

---KA---

Punawai Kupua o

Alamoni

---KA---

Huewai Ili Batenisa

A ME KA

Luahine Maka Kupua.

He Moolelo Kupua no Arabia.

(Kakauia no Ka Leo.)

I ka o pono an amai o na hiohiona kaili puuwai o ua opio nei, ua kapa aku la ke kilokilo i kona inoa o MATIFIRA, no ka mea. wahi ana e lawe hapa au i ko'u inoa a me ka inoa o kona makuakane ponoi, e pono ai.

Ua hiki mai la kaua e ka mea heluhelu i kahi o ka inoa o ka mea nona keia nanea a kaua e hooipo nie, e nee aku kaua no mua.

I ka piha ana o na makehiki he umi o ua Matifira la, aia hoi, na hiona o ke koa maluna ona, a he kulana hoi o ke kanaka hopo ole ke hekau mai ana maluna o kona mau maka, a he koa hoi hope ole hoi ma kana mau mea a pau e hana ai, oia ka kona makuakane hanai i pane iho ai iloko ona.

O oe ke keiki e ola ia ko'u inoa, a nau auanei e rula aku ko ka lewa a pau, ma ke ano he koa wiwo ole i oi aku ka ikaika hoolei i ko ka uwila e anapu ana.

Ma keia manawa i ao aku ai ua kilokilo la i kana keiki i na ike a pau e pili ana ma na oihana kaua, a me kana oihana hoi e paa ana ia wa (kilokilo).

A hala kekahi mau makahiki aia hoi, aia hoi ua hiki i ua opio la ke paio pu me kona luaui makua ma na mea kaua like ole, a ua hiki pono ole i ua makua hanai nei ona ke ku a paio pu aku me kana keiki opio, oiai ua lehia maoli ua opio la ma na mea kaua like ole.

He ike kilokilo piha hoi kona i hiki ke ike ina mea a pau malalo iho o ka lani, e like me kona ike ana i na kahoaka o ka manawa.

Me keia mau ike i loaa iaia, ua ninau mau aku la oia i kona makua hanai ina la a pau ina paha he hoa paio kekahi e loaa ana iaia.

Oia ka kona mekua i pane aku ai, aia a haule ae au i ka hopena mau o ka make, e hiki mai no anei kekahi kanaka nui o ka ikaika, a me ia auanei oe e paio ai, malia o eha paha oia ia oe, a i ole, o oe paha ke make iaia, aka, e ikaika oe e kuu keiki i ola loihi oe, aole hoi e lawe i ka makau wale iloko o kou maanu, aole hoi i ka hohe wale.

Ua hoike piha aku hoi ua elemakule la i ka moolelo piha e pili ana no kona makuahine a me kona makuakane lokoino lima koko, a me ka make ana o kona makuahine, a me kona hanai ia ana me ka waiu ole.

I ka lohe ana o ua keiki a ina mea a pau, ua hoopiha ia oia e ke aloha no kona makuahine, no kona ike ole i kona mau helehelena, a no kona makuakane hoi ua piha ia oia i ka inaina palena ole.

Oia kana i pane aku ai i kona makua hanai penei:  Ua aloha au nou, a oe io no ko'u makuakane, a no keia alii lokoino, ina au e ike iaia, e hoao no au me ko'u ikaika a pau e make oia ia'u, e like me ka nui o kana mau hana ino ana ia'u a me ko'u makuahine pu hoi.

A hala ae la kekahi mau makahiki hou, aia hoi ua nawaliwali iho la ke kilokilo, a iaia e waiho ana maluna o kona wahi moe, ua kuhea mai la oia i kana keiki e hele aku imua ona, a ua hooko aku la no hoi kana hanai.

Ia laua i hui ae ai he alo a he alo hoike mai la ua Matila 'la ina mea a pau me ka pane pu ana mai i keia mau huaolelo ku i ka walohia.

E kuu luhi, kuu lei hanohano hoi o ko'u mau la kanikoo, e haalele iho ana au ia oe e noho hookahi ma keia mokupuni kanaka ole, a hele aku au no ke alahele e hiki ole ai ia'u ke ike hou aku ia oe, a pela hoi oe, aole oe e ike hou ana ia'u ma keia hope aku.

Nolaila, eia ka'u kauoha hope ia oe, o kela wahi omole e kau mai la i hanaia mailoko mai o ka ili holoholona, oia auanei kou kokoolua, kou hoa noho, kou hea haihaiolelo, a he makuakane a makuahine hoi ia nou i kou wa o ka pilikia.

Mai palaka a hoohemahema oe iaia, me oe mau ia a hiki i na la hope o kou ola ana.

Aka, i poina oe iaia, ua like no ia me kou malama ole a hoohemahema hoi i kou ola ponoi iho.  Nolaila, e hooloho.

 

HUI ALAHAO A ME AINA.

O OAHU.

Papa Manawa

Mai a Mahope o Okatoba 1, 1892

NA KAA

                                                A. M. A.M.   P. M.   P. M.

Haalele ia Honolulu               6:15*   8:45     1:45     4:35

Hoea i Honouliuli                    7:20*   9:57     2:57     5:35

Haalele ia          "                7:30*   10:13   3:45     5:42

Hoea i Honolulu                      8:35*   11:55   4:55     6:50+

NO KULANAKAUHALE MOMI IHO.

Haalele ia Honolulu               5:10I   P.M.

Hiki i Kulanakauhale Momi    5:48I

Haalele ia        "           "           6:55*   A.M.

+ Poaono wale no

* Koe ka Lapule

I Koe ka Poaono

Sept. 28

HOOLAHA AINA.

E ike auanei na kanaka a pau ma keia Hoolaha, owau o S. K. Kila Opio, e noho ana ma Honolulu, Mokupuni o Oahu, ke hoike aku nei au ma ke akea owau wale no ka pilikia pili loa i na aina o Kila (k) Kepola (w) a me Ku (k) i make e waiho la ma Kahuku Kau, Mokupuni o Hawaii.  O ka mea a pau mea i kuai a hoolimalima paha i keia mau aina, aole i mana ia kana ana, ina he mea a mau mea paka e paa nei i ua mau apana aina nei, e hoike koke mai ia'u, a i ole e kipaku no ua ia lakou.

S. K. KILA OPIO.

Honolulu, Feb. 17 1893.

Elia Kaululaau.

Kauka Hana Niho.

Ua hiki ke huki ma Niho me ka eha ole iloko o ka manawa pokole loa.  He loea me ka noeau ma ka Hoopi'ia ana i ka niho me ke Gula Kala a mea e ae paha.  He akamai lua ole i ka Hana ana i na Niho Kui o na ano a pau.

He Mikioi ka Holoi ana ma Niho.

He pa'a nehe kona mau lima ma Kana mau mea Hana Niho o na ano Hou loa i loaa mai nei.  He oluolu no ke kukai olelo ana no kona ukuhana.

O ke kanaka Hawaii hookahi wale no keia mailoko ae o ka huina o 40,000 kanaka i loaa ka Laikini Hana Niho; mai ka Papa Kauka Hana Niho mai o ke Aupuni Hawaii, mamuli o ka ike ana o na Hoa o na Papa Ola i kona akamai maoli ma keia Oihana ano nui.

E ikeia kakou Hoa Kanaka o kipa hewa ke aloha ia lakou nei ae.

Keena Hana maluna ae o ka Hale Hana Pu i ke kihi o Alanui Moi a me Betala Puka komo e pii ai iluna o ke Keena ma Al. Moi.