Ka Leo o ka Lahui, Volume II, Number 793, 18 October 1893 — KA OULI KAMAHAO. [ARTICLE]

NA OULI KAMAHAO.

He mau ouli ka hoike ia mai ia makou e pili ana i ka Hale Alii (Hale Aupuni Hou) oia keia. I kekahi la i hala aku nei. ua ike pono ia kekahi ouli pahaohao iloko ponoi o ka Hale Alii, ma ka puka ma Waikiki o ka hale ilalo, a eia ke ano o ua ouli ala. Ua ike ia ka papa pohaku uini hapa olalo, ua oolopu, a aneane e l loaa ke kuea like, nona ka loa he 6 kapuai, a he 5 a ine 8 iniha, ka laula, I ka ike ana o ka puuku o ka Hale Alii i keia mea kupanaha ua hoike koke aku la oia me ke kali ole i ka Aha Kuhina, a ua hele koke ia mai e na a, a i ka maopopo ana i ka Aha Kuhina, ua kauoha ia ka puuku e hana koke ia. A ua hana koke ia a paa, ma ka wehewehe ia ana o ka puna i helelei, a hana hou ia ai. I kekahi la mai, ua ike ia he lua hohonu. mamua pono aku o ke alo komohana o ka Halealii, nona ka hohonu i hoomaopopoia he 10 kapuai, ua hoopiha koke ia keia lua me ka pohaku, a pani ia a paa. O keia na ouli kamahao a makou e hoike nei, a o ka hopena. na ke au o ka manawa e hoike mai.