Ka Leo o ka Lahui, Volume II, Number 852, 11 January 1894 — HO IHO I NUI. [ARTICLE]

HO IHO I NUI.

Ua manao ka Avataisa o ka hoomau ia ana o na hoailona alii a me na kia hoomanao aloha aina a aloha lahui oia kekahi kumu e paakiki nei o ka naau o na kanaka Hawaii, i ke kue i ka hoohui-aina a me na pahele e ae aku e hoolilo i ko lakou inoa lahui malalo o na aeahaukae o na aina e mai. Ua hoololi ae ua nupepa la i kekahi mau huaolelo o ke mele "Hawaii Ponoi," i kulike me ke ano o ke kulana o ke aupuni i powa ia. no keia hoi, ua hoolaha mai la ka nupepa "Holomua" haole. i keia hoololi, oia ka oi aku o ka hoololi kupono: Hawaii Ponoi Hou. Pakaha Hawaii, Kipi i ka Lahui Na welo mikanele Na Pi Gi. Ino ka ia e, Ia Kole Kaaka, Pale i ka nani Me ka uahoa. O KA MAKOU HOI PENEI: Nani Hawaii, E upu ia nei Na welo mamena, ' O ke au aihamu. Ka hana pihetero A ka mamo a Kama Aohe he mea koe ' He ai-a-puaa.