Ka Lei Momi, Volume I, Number 28, 25 July 1893 — Page 1
| This text was transcribed by: | Rob Escuadro |
| This work is dedicated to: | Ko'u keiki hanauna Ashley Kamaile Kekahuna o Maui |
KA LEO O KA LAHUI.
"E Mau ke Ea o ka Aina i ka Pono."
KA LEI MOMI
BUKE 1 HONOLULU, OAHU, IULAI 25, 1893. HELU 28
NUPEPA PUKA LA
KA LEI MOMI
W. H. KAPU,
Luna Nui a Lunahooponopono.
Ma Honolulu kona wahi noho.
UKU PEPA:
No ka Makahiki………………. $10.00
No ka Mahina…………………. 1.00
No ka Pulo……………………. .25
o ke Kope Hoohahi……………. .10
KUIKE KA RULA.
E hoopuka mau ia ana i kela a me keia la, koe ka Sabati.
O na hooponopono dala a me na kauoha nupepa ana, aia wale no me ka Luna Nui.
Aia wale no mu ka Luna Nui a Lunahooponopono na kuka ana no na mea e pili ana i ka uku o ua olelo hoolaha, na kanakau, na mele inoa, a pela aku. Ano loa e hoopukaia kekahi o keia mau mea ke hookaa mua ole ia mai ka uku.
O na poe a pau e makemake ano e @ ka Nupepa Ka Lei Momi e hookaa laua ia mai ka uku, ma @ ka Pule a ma ka Mahina paha, Aole hoaie.
E hoopukaia aku no na manao o na makamaka ma keia Nupepa i ku i ke ano hoonaauao mai a me na me, hou o kela a me keia ano, koe na hoopaapaa p@ ano ole. E hoomaa mai i na manao i ka Lunahooponopono.
KEENA HANA: ma kahi noho (no ka manawa), Alanui Kula.
HE MOOLELO KAAO
NO
MONE TIKERO
- KA -
@LIO I KA WA HOOILO
- KA -
UI MAALO I KE KUPULAU.
A O KE
KEIKIALII HARE MATINE
- KE -
KIAHA OPAKA O NINEWA.
MOKUNA II.
Ka ui Kaahele Honua - Ka Nani aohe Mea e Ilina ai o Kona
Kupaa - Ka Nohea aohe Mea e Haule ai - A o ka Pahikaua a na Mea Elua.
A no ka ike mai o Igeboseda i ka hoio ae o ua lio la ma kona alo, nolaila oia i alepane aku ai i ke kahea ana e owala aku na lio aia ona.
Aka, aole e hiki i ua lio la ke owala aku, oiai, ua oi uku ka pau o ka mea e kau ana maluna ona mamua o kona ikaika owala.
Aohe lohe aku o Igeboseda i ke kamailio iho a ke kanaka opio, o i iho ana i ua lio la:
Mai hoao oe i ka hana i lehia ia'u, o ui aku kou poino mamua o kou kahu nana oe i ao lalau, a oi loa aku hoi ma ka hiki ole ia oe ke holo hou iloko o keia mau ululaau.
A me ia mau huaolelo hope loa, i nalowale aku ai o Mone Tikero iloko o ka pouli o ka ululaau.
Ke lohe aku la o Igeboseda i ka helu a o na kapuai wawae o kona lio, a hiki i kona nalowale loa ana.
Iloko o keia manawa i wena mai ai ka malamalama o ka mahina hikim@ iluna o na palena aina o Pulegaria, a ke o mai la kona mau kukuna olinolino iluna o ka wai o ka muliwai o Volega.
A no ia mea puana ae ai o Igeboseda i ka kuaolelo aloha.
"E ka mahina hiki aumea, e hiki anei ia oe ke kamailio aku i kekahi kanaka o hele mai e wehe ae i ke kaula e paa nei ia'u? I ukali aku ai au ma ka meheu o kela kanaka e lawe a'a i kou lio?
"Kanaka ino! o Mone Tikero kona inoa, helu a Arabia, a o ke kanaka nae, he kanaka Perisia. zkamahao ka inoa o keia kanaka.
"A aole anei o ke ano o kela mau huaolelo Mone Tikero, ka "Anela o ka Wanakuu." oia no; oia no."
A hooki iho la ua Igeboseda la i kana kamailio ana, me ke kau aku o kona mau maka, e nana aku i kawena ae o ka mahina, a pela iho la i hoopaa pio ia ai ua hena la o ka waonahele o Hagara, ka mea hoi i weliweli nui e ka poe Peresia a me ko Arabia.
ma keia wahi e ka mea heluhelu, e waiho iho kaua iaia, a e hoi hou ka kaua kamailio ana no ke keikialii hare Matine, ka mea nana ka huakai pepehi kupua.
MOKUNA III.
Ka huakai hole imi Kiaha OpaOpaka o Nineva - Ke kupua Fuginidela iloko o na ululaau o Urala -
Ka pahikaua a ka mea i haule i ke kuhihewa - Ke kahuna Lapaau ma ka aoao o ka mea mai.
I ka hiki ana mai o ka la i healele iho ai ke keikialii, aohe la kanaka nui e ae i ikeia ma ke kulunakauhale o Anapa e like me ia lu.
Ke nana aku i na huina alanui ua hele a poipu i na kanaka, a e ikeia aku ana ka holoke a na kanaka i uka a i kai, a e ike ia aku ana hoi kekahi poe e pii ana iluna o na pa, e ku ana ma na huina alanui, a e lehau ana kekahi poe iluna o na aleo, a o kekahi poe iluna o ke kaupoku o na hale, a o ka huaolelo hookahi wale no a na kanaka e maalo ae ana ma na alanui, oia ka mea e pili ana i ke keikialii Hare Mantine.
O ke Kiaha Opala o Ninewa, e Hare Matine ka moho hakaka kupua, a pela wale aku ka lehulehu a nana ai.
O ke @ @ o lka heluhelu e na @ @ @ @ ke keikialii maloko mai o ka pa alii, a o haawi aku lakou i na hoomaikai ana i ua keikialii la no kona hele ana e hakaka me ke kupua @.
Oiai ka lehulehu e nana aku ana me ka makehehi no ka hoea mai, ia manawa i hemo mai ai na pani puka pa o ka pa alii, a olowalu mai la na leo uwa o na kanaka, a na ia mea i hai aku i ka lehulehu i kahi mamao loa, eia mai ke keikialii ke lede aku la.
I ka hoea ana mai o ke keiki alii Hare Matine iwaho o na alanui, la manawa i puoho mai ai ka leo ikuwa o na kanaka, a haehae ae la ka lewa i ko lakou leo hauoli.
Na keia mau leo hooho o ka lehulehu i hoouilani loa ae i ka manao o ua keikialii la, a ke ike aku i kona mau hiohiona, me he mea la e i iho ana:
Na'u no ka ai ke hakaka aku me ke kupua Fuginidera.
Ua aahu ia ua keikialii la i ke kapa unahi keleawe, a maluna o kona poo he papale mahiole keleawe e uhi ana a hala malalo o kona auwae, koe kona maka a me ka waha me ka ihu, a malalo o kona mau wawae, na kamaa buti ooa o ka poe koa Mazulumana. (na koa Tureke i hahai mahope o Mahomeka.)
A e ukali ia ana ua keikialii la e na kanaka koikoi he elua haneri a oi, a iwaena o ia heluna, na kanaka koa kaulana o kekahi mau mokupuni e aku, a me na keikialii o na aina mamao aku.
O ke ano nui o ka huli pau ana o keia, oia no ko lakou makaikai aku i ka paio ana e ke keikialii hare Matine me ke kupua, a oia iho la ke ano o keia huakai nui e ukali nei i keia hele a ke keikialii.
Oiai ke keikialii e hale ana me ka huakai mai, ia manawa i pa-e mai ai kekahi @ mai luna mai o ka @.
"E Hare Matine, e hele ana oe i hea? Ke hele nei oe i keia la me ka hanohano, a e hoi mai ana oe i kela la aku me ka hilahila. Hoi mai, # hele oe, o kanikau iho auanei ka lahui o Peresia @ @ ."
E @ @ @ iki iho o na makamaka heluhelu, a oili hou aku me ka pahiku@ a ka mea @ haule iloko o ke kuhihewa.