Ka Lei Momi, Volume I, Number 31, 28 July 1893 — Page 1
| This text was transcribed by: | Laila Poche |
| This work is dedicated to: | Awaiaulu |
KA LEO O KA LAHUI.
"E Mau ke Ea o ka Aina i ka Pono."
KA LEI MOMI.
BUKE 1. HONOLULU, OAHU, IULAI 28, 1893. HELU 31
NUPEPA PUKA LA
KA LEI MOMI
W H. KAPU.
Luna Nui Lanahooponopono.
Ma Honolulu kona wahi noho.
UKU PEPA:
No ka Makahiki $10 00
No ka Mahine 1 00
No ka Pule 25
o ke Kope Hookahi 10
KUKE KA RULA.
E hoopuka mau ia ana i kela a me keia la, koe ke Sabati.
O na hooponopono dala ana, aia wale no me ka Luna Nui.
Aia wale no me ka Luna Nui a Lunahooponopono na kuka ana no na mea e pili ana i ka aku o na olelo hoolaha, na kanikau, ne mele inoa, a pela aku. Aole loa e hoopukaia kekahi o keia mau mea ke hookaa mua ole ia mai ka uku.
O na poe a pau e makemake ana e lawe i ka Nupepa KA LEI MOMI e hookaa mua ia mai ka uku, ina ma ka Pule a ma ka Mahina paha. Aole hoaie.
E hoopukaia aku no na manao o na makamaka ma keia Nupepa i ku i ke ano hoonaanao mai a me na mea hou o kela a me keia ano, koe na hoopaapaa pikikino ano ole. E hoouna mai i na manao i ka Lunahooponopono.
KEENA HANA : Ma kahi noho (no ka manawa), Alanui Kula
HE MOOLELEO KAAO
NO
MONE TIKERO
---KA---
HOLOLIO I KA WA HOOILO
---KA---
UI MAALO I KE KUPULAU
A O KE
KEIKIALII HARE MATINE
---KE---
KIAHA OPAKA O NINEWA
MOKUNA III.
Ka huakai hale imi Kiaha OpaOpaka o Niaeva---Ke kupua Fuginedela iloko o na ululaau o Urala---Ka pahikaua a ka Mea i haule i ke kuhihewa---Ke kahuna Lapaau ma ka aoao o ka mea mai.
I ka wa i hemo ae ai ka uhi e pale ana i kona mau helehelena, ia wa i ahuwale ae ai kona mau nanaina, a ike ia aku la na helehelena nani o ke kanaka opio nona ka inoa penei.
"Ka hololio i ka wa hooilo,k a o ka Ui maalo hoi i ka wa kupulau."
Iloko o keia manawa i halawai aku ai ke keikialii Hare Matine me ke kupua, a iko aku la oia i na helehelena o ka ui maalo i ka wa kupulau, i kamaaina iaia mamua.
Alaila, pane aku la ma i ka huaolelo me ka lio ikaika a kakana:
"A, o oe ka ia o kuu enemi kahiko, nani ka pomaikai o ko kaua hui pu ana."
Ia manawa no i halawai ae ai ka laua mau pahikaua i kahi hookahi me na huila lalapa ana o ke ahi i ka maka o ka laua mau pahikaua i haki ae ai a pokopoko ilili: ka laua mau pahi, a koe na kumu i ko ia@a mau lima.
Me ia ano @a i hala aku ai ma kekahi aoao ai ma keakhi aoao, a ia wa i puoho ae ai na leo o ka lehulehu e ku mai ana ma ke kahua o ka ululaau i ka i ana mai.
"Huro! na Hare Matine ka ai, ke koa pepehi kupua."
---Iloko o keia manawa i huli like ae ai na mau moho ia me ka paa ae i ka laua mau ihe a me ke kuupau ana i ka holo o ko laua mau lio, me ka ikaika e halawai iwaena konu, i panai pu ia mai e ka leo inaina o ke keikialii e kahea ana.
"E malama ia oe e kahi ui maalo i---
A haluwai ae la ka laua mau ihe iwaena.
Me ke akamai nui i alo hikiwawe ae ai ua ui maalo lu i ke kupulau, a hula ae la ka ihe a Hare Matien maluna o kona poo hiwi, a komo palunehe aku la ka ihe a ua ui maalo la malalo o ka lima o Hare Matine, a ku aku la maluna o kona umauina maluna pono o kon awiu akau.
Me ka ikaika nui o ke kanaka i lehia i ka pepehi ana i na holoholona, i onou aku ai ua ui la kana ihe.
No ia mea @lau iho ai o Hare i ka makou o kona noho i kumu nona e pau ai, a e pakele ai hoi mai keia poino mai e kau aku ano maluna ona.
Aka nae, ua oi aku ka ikaika o ka pahuna ihe i loaa mai la i kona umauma, mamua o kona ikaika e paa mai la, a no ia mea i moku pu ae ai ke kaula opu o kona noho.
Ia manawa i lole kaokou aku ai ia mahope o kona lio me ka noho e paa ala ma kona alu, a haule pahu aku la oia iluna o ka honua.
Oiai o kona alo e huli ana iluna, a ua pau ae la kona lohe, kona ike a me kona noonoo, a me he mea la i ka nana aku ua make maoli no.
Iloko o keia manawa i hoohuli ae ai ua kupua la i kona lio eleele, a holo aku la i kahi a ka lehulehu o kuku mai la me ka owiliwili ae i ke Kiaha Opaka o Ninewa.
A kahea aku la oia me ku leo nui i ka lehulehu e kuku mai la me ka i aku.
"Owai o oukou e a@ e kii mai a ke Kiaha Opaka a Ninewa, oiai ke kupua Fugiuidala me oukou?"
No ka ike ana aku o ka lehulehu i ka holo ana mai o ka lehulehu i ka holo ana mai o na kupua la imua o lakou, nolaila, hoohuli ae la lakou i ko lakou mau lio a holo hooponopono ole aku la iloko o ka ululaau i ka ka mea o ka makau i ko kupua Fuginidela.
A me he mea la i ka kaua k@ h@ aku e ka mea haluhelu, hookui aku la paha kahi o lakou i ke kumu laau.
I ka ike ana mai o na kupua la i ka nahole o kanaka, ua houhuli ae la oia i kona lio a holo pololei aku la i ka aoao hikina o ua kula palahalaha ia a ke nana aku i na wawae o ka lio eleele o ua kupua la.
Ani ka makani i ke kula
o Kokoloea
Me he mau la i ke uha oha
Lena
Ka moe kokolo a ke ku'u o
Kanoenoe
Ka uwahi moe kololio i ke
kula o Kalua.
I ka ike ana aku o ka lehulehu i ka nalowale ana aku o ua kupua la, ia manawa i holo aku ai kekahi o lakou e kiei aku malia paha na poe no la ua kupua la i ka hu'a o na ululaau e hoopuni ana i ka ponaha.
Aka, i kona nana ana aku, ike aku la oia i ua kupua la e holo ana ua aneane paha he elua mile ka mamao mai iaia aku, a ke aneane aku la o komo iloko o ka ululaau e oni mai la ma ka hikina.
(Apopo e ike hou ia ai ke kupua Fuginidela iloko o na ululaau.)
NA LUNA LAWE PEPA
Malalo iho e ike ai ko makou poe heluhelu i na luna a makou i hookohu aku ai no ka lawe ana i ka makou pepa, a ia lakou wale no e loaa ai ka pepa i na poe e makemake mai ana, a i ole ia, ma ke Koena nei no hoi.
C. B. Menose D. Kahaleluhi
Samuel Kapua Sam Kaananua
S. K. Keawe.
Aole i pili keia i na luna muwaho aku o ke kulanakauhale nea