Ka Malamalama Hawaii, Volume I, Number 11, 15 July 1898 — Page 4

4

Ulupa ia na Mokukaua
o
ADIMARALA CERVERA

Wasinetona, Iulai 4, 1898.
                Mai a Com. Watson mai i keia ahihi, penei kana:
                Playa Del Este, i ke Kakauolelo o ka Oihana Kaua Moana.
                Ma ka hora 9.30 A.M. o keia la, oia ka manawa i puka mai ai na aumoku kaua Sepania malalo o Adimarala Cevera, he 7 ko lakou nui a me hookahi mokupu (gunboat) mai loko mai o ke awa o Satiago, ua puka mai la na moku Sepania ma ke ano kolamu a pau i ke kiki pu ia, pau i ka nahaha a ua piho ia ka hapanui o lakou iloko o ka hapalua hora wale no koe ka mokukaua Cristobol Colon, oia ka moku i alualu ia he 40 mile e na mokukaua Brooklyn, ka Oregona a me ke Texas.
                Ua haawi pio mai oia i ka Brooklyn, aka, no ka aneane e kau e i kula, pakele ai mai piho. Aohe i poino na kanaka, koe wale no ka wiliki nui me hookahi kanaka   o ka   moku kaua   Brooklyn i eha.
                O Adimarala Cervera me kona mau aliimoku a pau, koe ka moku Oquendo a me 70 alii me 1600 he poe pio lakou a pau.
                He 350 koa i make a piholo iloko o ke kai, a he 160 i eha.  Ke malama ia nei lakou iluna o na moku Solace me Ollivett.

KE ANO O NA HANA.

                Wasinetona. July 4—Me he mea la mai pakele no paha ka moku Cristobal Colon, pela no hoi paha me kekahi mau mokukaua palehao e iho, ina aole ke kaua koke ia ana aku e Komodoa Schley O ka mokuhao Brooklyn wale no ka moku i lawe i ke kulana kaua aku i na mokukaua Paniolo ia lakou i haalele iho ai i ke awa, a kia pololei aku la imua o na moku Paniolo nunui no ka hooili kaua, me ka nui o na poino i loaa aku ia lakou ma ia kaua ana.
                O ka Orizona ka mua o na moku i hui pu aku ma keia kaua ana, mahope aku na mokukaua Iowa, Indiana, Texas, me Vixen e hoopuni ana i na moku Paniolo, me na kipu hahana ana me ka eleu a me ka weliweli,

                Eia ka nui o na make o ke kulanakauhale nei he 69, he hookahi hapaono o na make he typhoid fever ke kumu; he aneane hookahi hapaha he mau keiki uuku malalo o 5 makahiki; he 27 poe Hawaii, 18 Kepani, a ua like me 27.60 o ke 1000.

                O na lilo o keia kau o ka Ahaolelo he $15,887.61, a ua mahele ia penei; no na hoa o ka ahaolelo $6,000; no na kakauolelo, ilamuku, na elele, &c., $3,580; na lilo paipalapala; malama ana i na itamu me ka pololei $1,643; kakau pokole he $1,059.10; no kela me keia $505.07; ka unuhi ana he $571 ;  na hoolilo mau he $284.64.

                Ua nui ka hoopaapaa o ka hale o na Lunamakaainana o ke Senate no ka olelo hooholo e olelo ana e mau no ka hae Hawaii i hae lahui no Hawaii nei, ina e lilo ana kakou i apana aina no Amerika ina ma ke ano State a Territore paha. Ma keia hoopaa ana, ua haule loa ka olelo hooholo.

                Ua lohe ia mai, aole e liuliu loa mai keia wa aku, e holo ana ko Honolulu nei poe maluna o na kaa uwila, a mana ka naauao.